polkovnikə məktub yoxdur

| 6 | 25

əjdahalar googlla
sözaltı günlük - sözaltı etiraf - sözaltı sözlük - erkin qədirlinin sözləri - yazarların linçə səbəb olacaq fikirləri - türklərin sevilməyən cəhətləri - düşün ki o bunu oxuyur - yazarların hazırda düşündükləri - mükəmməl sözlər - ilham əliyev

💛

Yalnız deyilsən!

Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.

Sözlük yazarları olaraq səni hər zaman dinləyə bilərik.

Əgər yalnız hiss edirsənsə, qaynar xəttə zəng et:

☎ 860

1. gabriel garcia marquez in 1956-57'ci illərdə yazdığı, 1961'ci ildə ilk dəfə nəşr olunan povestidir. bu kitabı oxuma tarixçəmdən başlamaq istəyirəm. ilk dəfə 16 yaşımda azərbaycanlı yazar bir qadın tərəfindən hədiyyə edilmişdi (çox sağolsun) və mən ədəbiyyatla təzə tanış olurdum deyə mənə elə gəlirdi ki, ən yaxşı əsərlər səhifəcə çox, görünüşcə qalın olanlardı. elə hədiyyəni aldığım gün oxudum və bitirdim. nəsə çox dəxlisiz gəlmişdi, 16 yaşlı yeniyetmə üçün bu qoca kişinin dəxlisiz dəxlisiz gedib sahildə gözləməyi, aclıq çəkməsi və s. mövzular idi ki, bəyənmədiyimi, boş bir şey olduğunu düşünürdüm. o zamanlar tək fokuslandığım mövzu sevgi idi, belə bir şeyi anlamağım gözlənilə bilməzdi. günlər keçdikcə, illər ötdükcə bu əsərin təsiri özüne məndə göstərməyə başladı. cəmi bir dəfə oxumuşam, sonra heç oxumadım (bəlkə bu yay oxudum), amma insanın gözləmək deyilən hissini bu qədər gözəl ifadə edən nadir əsərlərdəndi. bu əsəri anlamaq üçün gözləmək lazımdı, gözünün yolda qalmağı, intizarda olmaq, elə bu saat gələr, elə bu dəqiqə gələr demək və ayıləb həyatının ümidsiz gözlənti içində keçdiyini görmək. ilahi, bu necə də kədərlidir. oxuyun, oxutdurun.

gözləməyə dair başqa əsərlər:
(baxma: qodonu gözlərkən)
(bax: tatar çölü)

4 əjdaha!

30.05.2015 17:57, kurçulava

#167708

2. bi-2 qrupunun eyni adlı kitabdan təsirlənərək mahnısına qoyduğu ad.

(baxma: полковнику никто не пишет)

daha doğrusu " polkovnikə heçkim yazmır" tərcüməsi ad kimi seçilmiş mahnı.

3 əjdaha!

30.05.2015 19:08, sumqayıt avtovağzalında qutab gəmirən həmin oğlan

#167726

3. içərisində bu cümlələrin də keçdiyi ürək sıxan, boğucu, lakin yenə də hədsiz gözəl olan, 1961-ci ildə yayınlanmış bir gabriel garcia marquez uzun hekayəsidir :

"Aylardan oktyabr idi. Özü kimi buna bənzər bir çox səhəri keçirə bilmiş biri üçün belə keçirməyin çətin olduğu bir səhər idi. Polkovnik haradasa, altmış ildir gözləməkdən başqa heç bir şey etməmişdi. Gələn bir neçə şeydən biri də oktyabr idi."

- spoiler -

Hekayədə məni ən çox narahat edən şey o qədər utancaq biri olduğu halda kimlərdənsə nələrsə istəmək məcburiyyətində qalacaq qədər kasıb olmağıydı, necə çəkindiyini, sıxıldığını elə hiss etdim ki, kefim pozuldu. Bu az qala mükəmməkə yaxın yazıldığı mənasına gələrmi bilmirəm, ancaq çox yaxşı yazıldığını göstərən xüsusiyyətlərindən biri yüz faiz sayılar.

- spoiler -

1 əjdaha!

28.12.2018 18:06, la soledad se adueña de toda emoción

#280777

4. Obrazın yaşadığı sıxıntını, boşluq hissini oxucuya hiss etdirən povest. Sıxırdı məni. Normalda bir neçə saata oxuyub bitirilməli, həcmi böyük olmayan kitabı az qala 2 günə bitirmişdim. Əsərdə qəribə bir sükut var. Bunu da məncə yazıçı açıq-aydın göstərib. Hadisələrin çox hissəsinin oktybarda baş verməsi. Payızın, oktyabrın melanxoliyası ilə əlaqələndirirəm bu sükutu.

9 əjdaha!

18.01.2019 14:02, Çoxbilmiş

#281968

xəbər lentindən

Nevronlarda çox uzun genlərin oxunması üçün yeni mexanizm

Argentina Folklend adaları yaxınlığında neft hasilatına görə Britaniya və İsrail səfirlərini çağırıb hamısı →

5. əsgərlikdə oxuduğum əsər. obraz ilə eyni dərdimiz var idi, ikimiz də gözlüyürdük

2 əjdaha!

14.09.2020 09:48, chayev

#304515

üzv ol

Modalı bağla