1. iqtisadi böhranın növlərindən biri. qiymətli kağızlar bazarında yüksək qiymət dalğalanmaları və bankçılıq sektorunda geri qayıtmayan kreditlərin artması nəticəsində meydana çıxır. maliyyə böhranı bir ölkədən digərinə iki yolla keçir. bir ölkədə baş verən böhran digərindəki makroiqtisadi sabitliyi pozarsa maliyyə böhranı yayılma(spillover) yolu ilə keçmişdir. ticarət edən ölkələrdən birində devalvasiya baş verməsi digərində rəqabət qabiliyyətinin itməsinə, daha sonra xarici ticarət balansının mənfi olmasına və nəticədə rezervlərini itirməsinə səbəb olur. ikinci halda isə bir ölkədə baş verən böhran ikinci ölkənin makroiqtisadi göstəricilərinə təsir göstərməsə də investorların risk etmək anlayışlarının dəyişməsi nəticəsində böhran pure contagion yolu ilə yayılmış olur.