1. ispanca: todo sobre mi madre, azərbaycanca : anam haqqında hər şey. ssenaristi və rejissoru ispan dahilərdən pedro almodóvardır. alberto iglesiasın hekayəsi əsasında yazılan ssenari çox qarışıq mövzulara toxunur. film qiçs, homoseksuallıq, transseksuallıq, inanc və ekzistensializm mövzularına müraciət edib. filmin qəhrəmanı manuelanın oğlu esteban yazar olmaq istəyindədir və doğum günündə avtoqəzada həlak olur. manuela oğlunun atasını transseksual lolanı(estebanı) axtarmaq üçün madriddən barselonaya gəlir və lolanın köhnə dostu, transseksual agrado ilə görüşür. agrado lolanın onu soymağından şikayətlənir və manuelanı rahibə rosayla tanış edir. məlum olur ki, rosa da transseksual loladan hamilədir və hiv virusuna yoluxub. filmin maraqlı personajlarından huma rojo və nino cruz lezbiyen aktrisalardır. eyni zamanda manuelanın oğlunun ölməsində günahkardırlar.
film maraqla izlənilir. 1999-cu ildə ispanca, katalonca və ingiliscə çəkilmiş film 104 dəqiqəlikdir. büdcəsi 5 milyon dollar olan film 68 milyon dollara yaxın gəlir gətirib.