Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
1. sinfi şüuru, inqilab üçün motivasiyası olmayan, ideologiyasız, öz marağını tapa bilməyən fərdlərin əmələ gətirdiyi kəsim üçün karl marks və engels tərəfindən ortaya atılan terminologiya. hər bir xalq üçün fərqli xüsusiyyətlərlə müəyyən olunsa da ortaq məqamlar çoxdur; bu kəsmin sinfi şüuru olmur və böyük bir qismi işci sinfinə mənsub olsa da daim orta təbəqə və ya üst təbəqəyə oxşamağa, özlərini onlar kimi göstərməyə çalışırlar. marks bunları "hər sinif üçün istənməyən kəsim" və əks-inqilabi qüvvə adlandırırdı.
bunların arasında təhsilli işsizlər də var ki, bunlar özlərini intellektual olmadıqları halda intellektual göstərməyə çalışırlar. hər hansı bir fiziki və ya zehni əməklə məşğul olmadıqlarına baxmayaraq bilgiləri ilə özlərini hansısa sinifə sıramağa çalışırlar.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
2. azərbaycan üçün bu kəsimə aşağıdakılar daxil ola bilər:
kənddən işləmək üçün şəhərə və ya xarici ölkəyə gedən insanlar. bu insanlar özlərinin kəndçi sinfinə mənsub olduqlarını qəbul etmirlər və şəhərdə yaşamaq, şəhərli olmaq onların təfəkküründə bir üst pillə sosial statusa malik olmaqdır və kənddən şəhərə gəlmiş insan artıq kənd həyatına yuxarıdan aşağı baxır, hətta hansısa bir kəndçi etirazında ilk qarşı qoyan insana çevrilir. kənddə yaşayan və öz işi ilə məşğul olan, kəndçi olduğunu bilən insan lümpen deyil.
kasıb olduğu halda, bahalı geyinib, bahalı əşyalar gəzdirən oğlanlar və qızlar. bu kəsim də kobudca desək, kasıb işçilərə nifrət edən, və özlərini öz sinifindən yadlaşdıran kəslərdir.
işi gücü ancaq intellektual danışıb, analiz vermək olan avaralar, çayxana intellektualları.
və gəldik böyük bir qismə. bu insanlar sistem tərəfindən lumpenləşdirilib. məsələn, məmməd süleymanovun gözəl ifadəsi ilə desək, qabağına bir-iki uşaq oyuncağı qoyub satan adam özünü sahibkar zənn edir. çünki sistem onu elə inandırıb və o artıq işçi sinifinə mənsub deyil, heç əsil sahibkar da deyil, bu gün nəsə satır, sabah maşın yuyacaq, birisigün kassir olacaq. bahalı geyinib, bahalı telefonlar işlədəcək. bu insanlar azərbaycanda çox böyük bir hissəni təşkil edir və işçi təbəqəsinin məhv olması ilə bunlar norma halına gəlib.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
3. məni daim narahat edən və xatırladığımda onlar üçün acı çəkməyimə səbəb olan bir kavramdır lümpenlik. aşağıdakı sitatı bilgi olsun deyə bura atıram. razılaşmaq ya da razılaşmamaq barədə düşünməmişəm;
"siyasətdə sol qüvvələrin ifrat təzahürü olub, destruktiv və anarxist səciyyə daşıyan solçuluq gələcəyə ümid bəsləyən tələbələri, sinfi simasını itirmiş lümpen proletariatı, işsiz gəncləri, ziyalıların sosial temperamentinə görə qeyri-sabitliyə meylli qismini əhatə edir. sosial-sinfi zülmlə yanaşı, əlavə problemlərlə qarşılaşan irqi və etnik azlıqların nümayəndələri, feministlərin, “ifrat yaşılların”
müəyyən hissəsi də solçuluğa meylli olurlar." (c) ilham mazanlı
(baxma: you know what capitalism is? getting fucked!)
(baxma: lumpenproletariat)
(bax: lümpen)
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
4. Əməkdən və sinfi quruluşlardan uzaq, təşkilatlanmamış və siyasi şüursuz, Marksist nəzəriyyədə əks-inqilabi qüvvə kimi qəbul edilən marjinallaşdırılmış sosial təbəqə. “Lumpenproletariat" ilk dəfə Karl Marks və Friedrich Engels tərəfindən, xüsusən Marksın "Louis Bonapartın On Səkkizinci Brümeri" (1852) əsərində işlənib. Söz iki hissədən ibarətdir: "Lumpen" (Almanca): Orta Yüksək Almancadakı "lumpe" sözündən götürülüb, "cır-cındır" və ya "parça" mənasındadır, bəzi yerlərdə “cırıq” kimi də tərcümə vermişəm. Zamanla dəyərsiz yaxudd etibarsız şəxsləri adlandırmasına yarayıb. "Lumpen" daha çox avara(gəda) və ya sosial hörməti olmayan insanlarla bağdlıdır. 18-19-cu əsrlərdə alman mədəniyyətində utanc və marginallıqla geniş əlaqəsi olub.“Proletariat" (Latınca: proletarius): istehsal vasitələrinə sahib olmayan işçi sinfini və ya əmək haqqı ilə işləyənləri ifadə edir. Bu termin qədim Roma cəmiyyətindən gəlir. Dövlətə yalnız övladları vasitəsilə(qədim romadan gəlir, yəni qabiliyyəti ancaq nəsil artırmaq olanlar) töhfə verən ən aşağı sosial təbəqəyə verilən addır proletarii(Latınca: proles, "övlad”). Ənənəvi işçi sinfindən (proletariatdan) kənarda qalan xüsusi bir sosial qrupun adlandırılmasında Marks dayı lumpenproletariat istifadə edib. Bandamıza (dilənçilər, cinayətkarlar, fahişələr, avaralar, kiçik oğrular, qaçaqmalçılar, dələduzlar, küçə ifaçıları, qeyri-rəsmi sektor işçiləri, muzdlu döyüşçülər, siyasi fürsətçilər, hüquqları əlindən alınmış fermerlər, ev xidmətçiləri, qaçmış kölələr, məcburi əməkçilər, borclular və iflas etmişlər(keşlər), şəhər yoxsul işsizləri, alkoqoliklər və asılılıq yaşayanlar, sirk ifaçıları, yetim gənclər, keçmiş əsgərlər) daxil olub.. Marks bu qrupu istehsal baxımından faydasız, sinfi şüurdan uzaq, hətta inqilabi cəhdləri pozmaq üçün hakim siniflər tərəfindən manipulyasiya edilə bilən üst səviyyə ağıllılar kimi sayıb. Məncə, Marksın tənqidi, qrupun kollektiv maraqlarına və inqilabi poetnsialının proletariatla müqayisədə zəif olduğu düşüncəsində olmasından qaynaqlanır. **”Kommunist Manifesti"**ndə (1848), Engels ilə birlikdə bu qrupu "sosial cəmiyyətin tullantısı" kimi təsvir edir, xüsusilə də bəzi hallarda onların işçi sinfinin maraqlarına qarşı hərəkət edə biləcəyini qeyd edib. Tənqidçil dostlarımızın dediyi, Marksın lümpenproletariatı "çirkab" adlandırması onun materialist analizinə zidd olan bir burjua qərəzini üzə çıxarır. Ümumən anlayış 2 tənqidin ifadəsidir. Sinif saflığı və masnipulyasiya. Tarix boyu lumpenproletariat inqilabi hərəkatların zəiflədilməsində, hakim təbəqənin məqsədlərinin bir üst səviyyəyə daşınnmasında reaksiyaçı rejimlərin(məsələn, 1848-ci ildə Fransız inqilabında Napoleon III) maşası kimi istifadə olunub. Louis Bonapartın 18-ci Brümeri (1852) əsərində Marks dayımızın, III Napoleonun lümpenproletariatdan bir reaksion güc kimi istifadəsini rahatlıqla görmək olur. Anlayış Marksist nəzəriyyənin onurğa sütununu təşkil edən amillərdən biridir, lakin müair sosiologiya və siyasi diskursda çiçəklənmiş, yenidən şərh olunub. Bu da sosial təbəqələşmə və uzaqlaşdırılmanın (yadlaşmanın) kompleks olduğunu göstərir. Marksdan sonrakı şərhlərdə Frants Fanon bu anlayışa antikolonial mübarizə kontekstində təzədən izah verir, lümpenproletariatın inqilabi agentlərə çevrilə biləcəyini deyir. Bir digər tənqidçi Antonio Qramşi lümpenproletariatın sadə versiyasının tənqidini edir, üstünə də siyasi oynaış potensialının olduğunu yazır. Tək mənə görə yox, bəzi alim dostlarımız(tək mənim alim dostlarım deyil) da hesab edirlər ki, marks dayı hegelin hüquq fəlsəfəində təsrilənmiş ola bilər, orada da çöldə qalanlar (Pöbel) cəmiyyət strukturunu zəiflədən rol oynayıb. Marksın təsvirinə ziddi olan bir şey də var ki, 1848-ci il inqilabları zamanı lümpenproletariatın çoxlu üzvü üsyanlarda fəal(sanki, yaxşı iş görüblər) iştirak edib. Lümpenproletariat ədəbiyyat və incəsənətdə romantikləşdirilir əksərən, məsələn, Victor Hugo’nun (Səfillər) əsərində və daha sonra Bertolt Brecht’in əsərlərində anti-qəhrəmanlar və ya müqavimət simvolları kimi. Diskussiyalarda qeyri-rəsmi iqtisadiyyat, şəhər-yoxsulluğu və hüquqlarından məhrum qqlan əhali ilə bağlı mövzularda aktuallığını qoruyur. Müasir analoqlarına gig iqtisadiyyatının prekariatı, köçkünlər və ya daimi işsizlik dövrlərində olanlar daxildir. Yeni marksist alim dostlarımızn iddialarına görə, lümpenproletariat kapitalist strukturlarını pozmaqda qeyri-ənənəvi rollar oynaya bilərmiş.
