elmi akademik məqalə



əjdaha lazımdı   izlə   lələ   mən   googllalink

    1. akademik kariyera düşünənlər üçün yazılması vacib olan məqalə növü. yazılan məqalələr məşhur elmi jurnallarda nəşr edilməlidir ki, akademik ünvanına sahib olunsun. indi keçək texnikasına.
    akademik məqalə necə yazılmalıdır sualına cavab hər elm sahəsində fərqlidir. mən ədəbiyyat üzrə dəyərləndirəcəyəm bu entridə.

    məqalənin mövzusu elə seçilməlidir ki, yazan şəxsdən əvvəl heç kim həmin mövzuya toxunmamış olsun. daha dəqiq desək, təkrardan qaçmaq və başqalarının yazdığı mövzu üzərinə yenidən yazmamaq lazımdır. bir kitab seçə bilərsiniz, məsələn, tolstoyun "hərb və sülh" əsərini ələ alaq. bu kitabdan bir çox mövzu çıxar yazmağa, böyük ehtimal, çoxu yazılıb da. bu cür əsərlərlə bağlı elmi işlərə girişərkən diqqətli olmaq lazımdır, çünki tolstoy məşhur bir yazıçıdır və əsərləri ilə bağlı kitablar yazılıb, nəinki məqalələr. fərqli və yeni bir tema tapa bilirsinizsə, o zaman həmin kitabla bağlı məqalə yazın. məsləhət görərdim ki, çox tanınmayan və haqqında rahatlıqla məqalə yaza biləcəyiniz bir əsər seçəsiniz. azərbaycanda kifayət qədər yazıçı var məqalələrə mövzu olmamış, elə özümüzkülərdən başlaya bilərsiniz.

    akademik bir məqalənin uzunluğu 7-8 a4 səhifəsini keçməməlidir, əgər hansısa simpozium və ya konqresdə oxuyacaqsınızsa. uzun olmağı həm sizin üçün, həm də sizi dinləyənlər üçün pisdir, çünki siz uzatdıqca dediklərinizə qulaq asmayacaqlar və mürgüləməyə başlayacaqlar, bu da diqqətinizin yayınmasına səbəb olacaq, nəticədə tələsik oxuyub qurtarmağa çalışacaqsınız. onda da elmi işinizdən heç kim heç nə anlamayacaq.

    məzmun: məqalənin başlığından sonra 250 kəlməlik bir məzmun yazılmalıdır (bəzi elm sahələrində bu 200-300, hətta 400 kəlmə də ola bilir). məzmunda məqalənin mövzusu barədə, ələ alınan problem və bu problemi həll edərkən tətbiq edilən sistem haqqında oxucuya məlumat verilməlidir. nəticələrdən bəhs etməmək lazımdır, onları ən sonda açıqlayacağam. qısa bir məzmunda məqaləniz haqqında geniş bir məlumat verməlisiniz, çünki oxucu ilk məzmuna baxaraq məqaləni oxuyub-oxumayacağına qərar verir. məzmundan sonra açar sözlər verilməlidir, bunların sayı 5-dir.

    giriş: məzmunun daha geniş halıdır. istifadə edəcəyiniz sistem haqqında bir-iki paraqraf açıqlama verə bilərsiniz, daha sonra problemin nə olduğunu vurğulayıb, məqalənin əsas bölümündə hansı nəticələrə gəlmək istədiyinizi qeyd edə bilərsiniz. məqaləniz genişdirsə (3-4 əsas başlıq, 5-6 alt başlıq kimi), bu başlıqlarda nələrdən bəhs edəcəyinizi bir-iki cümlə ilə açıqlaya bilərsiniz.

    əsas hissə: məqalənin əsas qismində artıq probleminizi ələ ala bilərsiniz. əvvəlcə yazınıza ilham qaynağı olan yazıçı və ya əsər haqqında iki-üç paraqraflıq məlumat verərək mövzuya girmək daha uyğundur, daha sonra problemi ələ alaraq, fərqli mənbələrdən də istifadə etmək şərti ilə öz fikrinizi bəyan edərək məqalənin "öz"ünü yaza bilərsiniz.

    nəticə: girişdə verilən məlumatların başqa bir formasıdır. girişdə hansı mövzulara toxunacağınıza dair yazdığınız cümlələr, nəticə qismində "hansı mövzulara toxunulmuşdur" şəklində yer alır. girişdəki cümlələrdə gələcək zaman, nəticədəki cümlələrdə isə keçmiş zaman istifadə edilir.

    istifadə olunan mənbələr: mənbələrin çoxluğu bir məqalənin dəyərini artırır. nəticə qismindən sonra mənbələr qeyd edilərkən yazıçıların soyadları əlifba sırasıyla yazılmalı, istifadə olunan kitabın adı, nəşr ili, nəşr olunduğu kitabevi və şəhəri qeyd edilməlidir.

    yazılan məqalələrdə akademik bir dil istifadə edilməlidir. öz fikrinizi dəstəkləyəcək mənbələr tapmadan fikir irəli sürməkdən çəkinin. fərqli mənbələrdən sitat gətirmədən yazılan məqalələr ciddiyə alınmaz və həmin məqalə akademik bir məqalə sayıla bilməz. verilən bir sitat 40 kəlməni keçmirsə, normal paraqraf içində verilməlidir, 40 kəlmədən çoxdursa, ayrı bir paraqraf olaraq yazılmalıdır. sitatların sonunda mötərizə içində yazıçının soyadı, kitabın yayımlandığı il və sitatın keçdiyi səhifə nömrələri verilməlidir.
    2. istər professional karyera, istərsə də akademik karyera üçün həyati xarakter daşıyan bir şeydir. yuxarıdakı entrydə də qeyd edildiyi kimi önəmli olan məqalənin olması yox, onun hansı səviyyədə bir jurnalda çap olunmasıdır. əvvələn onu deyim ki, ingiliscə bilmirsənsə bu işə heç girişmə, çünki azərbaycan dilində akademiya yoxdur, xüsusilə də son dövrlərdəki istənilən elmi atmosferdən çox kənarda qalmışıq. məqalələrinizin məşhur jurnallarda çap olunması da akademik ingiliscəyə hakim olmağınızdan asılıdır.
    mən hüquq oxuduğum üçün akademik hüquqi yazı haqqında məlumat verəcəm, məlumatları daha ardıcıl olaraq baku state university law review, student academic society of baku state university law school facebook və tvitter səhifələrindən izləyə bilərsiniz.
    burada akademik hüquqi yazı necə yazılmalıdır yazsam, çox uzun çəkər. ona görə də hər şeyi geniş şəkildə izah etmiş azərbaycanın ən savadlı hüquqşünası lund, berkeley məzunu, harvardda assistant professor olmuş, 6 il phd etmiş hüquq alimi, hətta bir baxımda hüquq filosofu olan rəşad ibadovun seminarlarına qulaq asmanızı tövsiyyə edirəm. bundan başqa qeyd etdiyim səhifələrin sayt və bloqlarında da kifayət qədər akademik hüquqi yazı mövzusunda kiçik, yönləndirici məqalələr var.
    (youtube: )

    (youtube: )
    3. linç edilmədən əvvəl yazdığım entri: http://soz6.com/nedir/42478/elm-oxuyacaq-olanlara-meslehetler

    mütləq sci-hub istifadə edin, mütləq stack project dən istifadə edin əgər cəbri həndəsə - riyaziyyat sahəsində məqalə yazacaqsızsa, google-a stack project yazıb yükləyə bilərsiz. belədə n-category cafe (n-lab) istifadə edin, graduate studies in mathematics seriyası əlinizin altında olsun həmişə, hamsını libgendən endirə bilərsiz, çox belə bu məqaləni yazıb dünyanı dəyişdirəcəm zad ayaqlarına yatmayın. doktorantura vaxtı məqalə yazırsızsa seminarlara gedin, kitab qurdu olmaqdansa prof.larla, tələbələrlə söhbət edin (inanın daha çox belə öyrənmək mümkündür), böyük problemlərə obsessiya yaratmayın, tamam böyük problemlər üzərində düşünün (çünki bu vaxt xeyli təzə metod öyrənəcəksiz) ancaq ilişib qalmayın, məqalənizə, əsas ideyaya həmişə skeptik baxın, tex, latex zad kimi şeyləri öyrənməyə başlayın (kitabları belə var öyrənmək üçün - çox bir şey bilmirəm bu haqda deyə əsas bir şey deyə bilmirəm), birdə mütləq fransız riyaziyyat terminologiya lüğəti zad alın, gec-tez hər riyaziyyatçının azda olsa fransız dili bilməli olduğuna şahid olacaqsız, cəbri həndəsəni öz ana dilindən oxumaq üçün, bir çox fransız riyaziyyatçıları öz dillərində oxumaq üçün və s..

    unutmadan: (bax: stack project)


sən də yaz!