+8 əjdaha
1. nürnberq şəhərində nasist generallarını cəzalandırmaq üçün baş tutan hərbi tribunalın gedişində qəbul olunan qanunlardır.1-ci maddə: beynəlxalq hüquqda cinayət olaraq qəbul edilən hərəkətlərə görə şəxs birbaşa məsuliyyət daşıyır.
2-ci maddə: beynəlxalq hüquqda cinayət olaraq qəbul edilən hərəkətə görə birbaşa cəza verilməsə belə bu, şəxsi, gələcəkdə cəzalandırılmasından azad etmir.
3-cü maddə: beynəlxalq hüquqda cinayət olaraq qəbul edilən hərəkətlərə görə şəxs dövlət başcısı və ya məmuru olmasından asılı olmayaraq məsuliyyət daşıyır.
4-cü maddə: bir şəxsin hökümətin və ya üst vəzifəlinin əmrinə uyğun olaraq beynəlxalq hüquqda cinayət olaraq qəbul edilən hərəkətə yol verməsi, insanın azad iradəyə sahib olduğunu nəzərə alaraq, şəxsi məsuliyyətdən azad etmir.
5-ci maddə: beynəlxalq hüquqda cinayət olaraq qəbul edilən hərəkətə yol verən şəxsin ədalət mühakiməsi əsasında cəzalandırılmaq haqqı var.
6-cı maddə: aşağıdakı müddəalar beynəlxalq hüquqda cinayət olaraq qəbul edilən hərəkətlərdir.
a) sülhə qarşı edilən cinayətlər:
1. müharibə planı hazırlamaq, digər dövlətləri işğal etmək məqsədi güdən müqavilələr bağlamaq.
2. birinci müddəada yer alan planları həyata keçirmək üçün şəriklik etmək.
b) müharibə cinayətləri:
beynəlxalq hüquqa zidd olaraq müharibə elan etmədən hücum etmək, mülki şəxsləri öldürmək, soyqırım törətmək, hərbi əhəmiyyəti olmayan obyektləri dağıtmaq, əsirlərə zorakılıq etmək və ya öldürmək.
c) insanlığa qarşı edilən cinayətlər:
mülki şəxslərə qarşı edilən zorakılıq və ya kütləvi sürgün, qırğın; siyasi, etnik və ya dini səbəblərə görə insanlara zorakılıq etmək və ya edam etmək.
7-ci maddə: müharibə cinayəti, insanlığa qarşı və ya sülhə qarşı cinayət törətməkdə şəriklik etmək, 6-cı maddədə göstərildiyi kimi beynəlxalq hüquqda cinayət olaraq qəbul edilən hərəkətdir.