1. 2016-cı il abş istehsalı western-aksiyon filmi. baş rollarda *denzel washington*, *chris pratt*, *ethan hawke* kimi aktyorlar var. klassik western filmlərindən çox da fərqlənməsə də peşəkar aktyorlara görə və həm də bu janrda olan filmlərin azlığını nəzərə alsaq izləməyə dəyər. filmin mövzusu biraz şablondur: zülmkar cinayətkar şəxs, kəndə basqın edir və əhaliyə divan tutur. əhalinin xahişini nəzərə alan kovboylar ən yaxşı 7 nəfəri bir yerə toplayaraq, zülmkarlara hücuma keçmək üçün hazırlaşır.

--spoiler--

ssenari zəifdir, sanki müəyyən boşluqlar var və insan tam olaraq filmə bağlana bilmir. kaş, ssenariyə əlavə süjet xətti əlavə edərdilər, sadəcə bir xətt üzrə inkişaf edən ssenari heç də cəlbedici olmur hələ ki, bu, artıq şablon halına gəlmiş klassik western filmidisə. demək istədiyim, şablon western filmi çəkmək əvəzinə, daha maraqlı ssenarini western tərzi çəkərək daha çox izləyici kütləsi toplamaq olar.
(bax: the hateful eight) - kimi məsələn.
(bax: hell or high water) - neo-western janrında olan filmdir və bu film oscara nominasiya göstərilib.

--spoiler--