+1 əjdaha
1. bu sifarişi verən: fövqəl insan2017-ci ildən vergi məcəlləsinin 164.1.36-cı maddəsində "qeyri-işlək (toksik) aktiv" anlayışı verilmişdir. gəlin görək "qeyri-işlək (toksik) aktiv" dedikdə nə başa düşülür. bəziləri üçün "əcaib" görünən bu anlayışın yalnız bir yerdə bir cümlə ilə açıqlaması var, o açıqlama hətta "qeyri-işlək aktiv" adı ilə deyil, qeyri-işlək kredit adı ilə verilib. bu anlayış mərkəzi bankın təsdiq etdiyi "aktivlərin təsnifləşdirilməsi və mümkün zərərlərin ödənilməsi üçün ehtiyatların yaradılması qaydalari"-na əsasən, qeyri-işlək kredit - faizinin hesablanması dayandırılmış, yaxud əsas məbləğinin və ya faizinin ödənişi müqavilədə nəzərdə tutulmuş müddətlərdən 90 gün və ya daha çox gecikdirilmiş, faizi kapitallaşdırılmış və ya yeni kredit kimi rəsmiləşdirilmiş, yaxud faizinin ödəniş müddəti uzadılmış kreditlər, habelə faizinin ödəniş müddəti 90 gün və ya daha çox gecikdirilmiş overdraftlardır.
ingilis dilində bu aktiv, "toxic assets" kimi verilir və ikinci bazarın yox olması nəticəsində likvidliyi aşağı düşən aktivləri nəzərdə tutur. gəlin bu anlayışı misalla izah edək. tutaq ki, hər hansı bir şəxs ev almaq üçün "a" bankından illik 7% olmaqla, 250000 manat məbləğində ipoteka krediti götürüb, deməli bankın bu dəqiqə əlində aktiv - yəni ipoteka kağızı var. "a" bankı bu aktivi digər "b" bankına satmaq hüququ əldə edir. bununla da "b" bankı ipoteka kreditindən illik 7% gəlir əldə etmək hüququ qazanır. müəyyən müddətdən sonra krediti götürən şəxsdə çətinlik yaranır və krediti artıq ödəmək qabiliyyətində olmur. bu halda, "b" bankı ipoteka kreditindən artıq istədiyi kimi pulu götürə bilmir. nəticədə aktivi, yəni ipoteka kağızını artıq kiməsə satmaq mümkün olmayacaq, yəni artıq bu aktivi almaq heç kimi üçün maraqlı olmayacaq. bu halda, aktiv toksik aktivə çevriləcək.
mənbə: banco.az