istinad mafiyası



əjdaha lazımdı   izlə   lələ   mən   googllalink

    1. var belə bir şey. bu gün təsadüfən scholar google da dolaşdığım vaxt azərbaycanda da olduğunu görüb bu başlığı açmağa qərar verdim. bir neçə trick var istinad sayını artırmaq üçün. təbii ki bu bir elm adamı üçün rəzillikdir amma utanmasan fırıldaqlığa nə var ki?

    ən pisi dövlət tərəfindən hər il bu "elmi tədqiqatların" aparılması üçün külli miqdarda pul ayrılır. həmin pulun nəticəsində bizim alimlərimiz nə hoqqalardan çıxırlar onu göstərəcəm.

    türkiyədə buna atıf çetesi, qərbdə isə citation cartels deyirlər. həqiqətən də bir mafiyadan fərqləri yoxdur; bir qrup tədqiqatçı öz istinad saylarını artırmaq üçün durmadan bir-birlərinin məqalələrini istinad göstərir. daha çox istinad isə akademik karyerada yüksəlmə deməkdir.

    əsasən üçüncü dünya ölkələrində bu fırıldaqlığı görürük. keçək məsələyə. təsadüfi bir riyaziyyatçı:

    http://mechmath.bsu.edu.az/az/content/miqdad_smaylov_374

    spektral operatorlar nəzəriyyəsi üzərində tədqiqat aparır. scholar google səhifəsinə baxaq:

    https://scholar.google.com/citations?user=e1JTRV0AAAAJ&hl=en

    ilk başda hər şey qaydasında görünür. taa ki məqalələrindən birinə verilən istinadlara baxana qədər. məqalə budur:

    http://proc.imm.az/volumes/40-2/40-02-09.pdf

    azərbaycan mexanika-riyaziyyat institutunun jurnalında yayımlanıb. bu məqaləyə cəmi 3 dəfə istinad edilib. üç istinaddan ikisi yenə miqsad ismayılovun özü və yusif nəsibov tərəfindən yazılmış və elə eyni jurnalda (azərbaycan mexanika-riyaziyyat institutunun jurnalı) yayımlanmış məqalələrdə verilib. digər üçüncüsü isə budur:

    https://www.hindawi.com/journals/jfs/2016/9516839/abs/

    bu üstdəki məqalə miqdad ismayılov, fatimə quliyeva və yusif nəsibov tərəfindən yazılıb. yenə eyni iki yazar və əlavə olaraq da fatimə quliyeva. yenə eyni məqaləyə istinad veriblər.

    self-citation tam normaldır və qeyri-adi nəsə görünmür amma burda şübhələnməyimizə səbəb olan şey ayrıdır. üstdəki məqalənin yayımlandığı jurnalın nəşriyyatının adını görməyimlə bərabər şübhələndim.

    nəşriyyat: hindawi. upppps!!

    http://scienceblogs.com/aardvarchaeology/2013/01/09/hindawi-another-dodgy-oa-publisher/
    https://en.wikipedia.org/wiki/Hindawi_Publishing_Corporation
    və hazır olun: https://retractionwatch.com/2015/12/18/in-more-faked-peer-review-news-10-papers-pulled-by-hindawi/

    və buna da hazır olun; türkiyədə eyni istinad mafiyalığı ilə məşğul olan sözüm ona tədqiqatçıların ən çox müraciət etdiyi fraudulent nəşriyyat evi üstdəki nəşriyyat evidir. bir neçə il qabaq türkiyədə böyük bir skandal olmuşdu bunla bağlı. buyurun:

    https://eksisozluk.com/entry/47541822
    https://eksisozluk.com/entry/26820198

    bəli cənablar. istinad mafiyalarının ən çox müraciət etdiyi jurnallar adətən bu cür şikəst peer-review sisteminə sahib jurnallar olur. istədiyiniz hoqqanı edə bilərsiz bunlarla.

    mafiya üç-dörd tədqiqatçı ilə də bitmir. adətən başqa üçüncü dünya ölkələrindən də tədqiqatçılar bu mafiyanın üzvü olur (türkiyə, çin, iran, hindistan və s.)

    götürək elə bakı dövlət universitetinin mexanika-riyaziyyat fakultəsinin dekanı nazim isgəndərovla birlikdə məqalələr yayınlayan mənsur ismayılovun dəstəsini. türkiyəli araşdırmaçı ibrahim tekin adlı bursa teknik üniversitesi matematik bölümündə çalışan tədqiqatçıya baxaq.

    https://scholar.google.com/citations?user=hIakx8cAAAAJ&hl=en

    məqalələrində mənsur müəllimə istinad edir. həmin məqalələrdən birinin yayımlandığı jurnal:

    journal of shipping and ocean engineering

    nəşriyyat evi: david publishing

    http://ethandoylewhite.blogspot.com/2013/11/theres-new-scam-targeting-academics-and.html

    üst linkdən nə zibil olduğunu oxuya bilərsiz.

    5-10 dəqiqə göz ucu baxmaq kifayətdir ki, şübhə yaransın.

    hamısını qoyun bir tərəfə. bu adamlar o qədər az, keyfiyyətsiz məqalələr yayımlayırlar ki, bu məqalə keyfiyyəti ilə qərbdə hər hansı universitetdə heç qapıdan içəri addım ata bilməzlər qaldı ki dekan, dosent olmaq. amma bunlara bir universitet əmanət olunur, tələbələr əmanət olunur.
    2. istinad sayının, h-indekslərinin və başqa axmaq təsir ölçülərinə əsaslanan akademiya biznesinin əvvəldən təxmin oluna biləcək fəsadıdır. sən illərlə adamları istinad sayına görə, impact factor, nə bilim hansısa əsassız rəqəmlərlə həvəsləndir, işə qəbul elə, mövqelər ver, sonra gəl denən ki, bəs istinad mafiyaları pisdir. bu bilirsiz nəyə oxşayır, mediyanı ucuz şou-biznes maşınına çevirib ardından trumpın seçilməsinə şikayətlənməyə. siz zamanında mediyada işlək filterlər yerləşdirsəydiniz, mənfəəti yox keyfiyyəti ön plana çəksəydiz, belə olmazdı. akademiyada da eyni proses baş verir: uzun illər reallığı isbat olunmamış performans metriklərindən istifadə edərək, düşüncənin iştirak etmədiyi metodlarla mövqe paylamasaydız, heç kəs istinad sayını artırmağa çalışmazdı, çünki bu say heç bir əhəmiyyət daşımazdı. ona görə də, burada ediləcək şey a və ya b şəxslərini sistemi "qırmağa" çalışmaqda ittiham etmək yox, sistemi inkişaf etdirməkdir.

    belə də ki, bəli, belə mənfəətçilərə tələbələrin taleylərini etibar etmək həqiqətən də ürək ağrıdıcı bir məqamdır. bu mənfəətçilərin idarə etdiyi sistem ancaq özləri kimi mənfəətçiləri seçəcəkdir, elmin səviyyəsinin get-gedə aşağı düşməsinin səbəbini axtarırsa bu bir ipucu ola bilər.


sən də yaz!