1. BestComp Group, Azərbaycanda qeydiyyatdan keçmiş, informasiya-kommunikasiya texnologiyaları (iKT) sahəsində fəaliyyət göstərən şirkətlər qrupudur. Şirkət 1995-ci ildə Bakıda yaradılmış, zaman keçdikcə sistem inteqrasiyası, kibertəhlükəsizlik, data mərkəzi həlləri, proqram təminatının hazırlanması və bir sıra digər iT sahələrini əhatə edən geniş fəaliyyət dairəsinə malik olmuşdur. Baş ofisi Azərbaycanda yerləşən qrupun Gürcüstan, Özbəkistan və bir neçə digər Mərkəzi Asiya ölkəsində regional nümayəndəlikləri vardır.

Tarix
Şirkət 1995-ci ildə 5 nəfərlik heyətlə fəaliyyətə başlamışdır. ilk illər kompüter texnikasının satışı əsas istiqamət olmuşdur. Sonrakı mərhələdə ardıcıl genişlənmə prosesi yaşanmışdır.
2000-ci ildə HP ilə, 2005-ci ildə Acer ilə, 2014-cü ildə Lenovo ilə ilk rəsmi tərəfdaşlıq müqavilələri imzalanmışdır. Həmin illərdə ISO 9001 sertifikatı da alınmışdır. 2003-cü ildə Gürcüstanda ilk xarici ofis açılmış, 2006-cı ildə isə Fujitsu-Siemens ilə əməkdaşlığa başlanılmışdır.
2009-cu ildə işçi sayı 100 nəfəri keçmişdir. 2015-ci ildə Azərbaycanda Acer kompüterlərinin yığılması üçün zavod açılmışdır. 2016-cı ildə şirkət MDB regionunda HPE və Aruba Networks-ün ilk Platinum Tərəfdaşı statusuna yüksəlmişdir.
2017-ci ildə Çikaqoda keçirilən tədbirda HP tərəfindən 24 Şərqi Avropa ölkəsi arasında "ilin Tərəfdaşı" mükafatı alınmışdır. Həmin il Edinburqda Avropa Komissiyanın Ədalət Mühakiməsinin Səmərəliliyi Komissiyası tərəfindən "Kristal Ədalət Tərəzisi 2017" mükafatı da verilmişdir.
2018-ci ildə Mərkəzi Asiya bazarına çıxılmış, Daşkənddə ofis açılmışdır. 2019-cu ildə korporativ brendin yenilənməsi həyata keçirilmiş, Las-Veqasda Cisco-nun "ilin Tərəfdaşı" adı qazanılmışdır.
2020-ci ildə Dünya Bankının tenderi üzrə Tacikistanın Maliyyə Nazirliyi üçün konteyner tipli data mərkəzinin qurulması layihəsi uğurla icra edilmişdir. Bu, şirkətin ilk beynəlxalq tender qalibiyyəti sayılır.
2023-cü ildə Dell ilə tərəfdaşlığa başlanılmış, 2024-cü ildə şirkət Dell-in Platinum tərəfdaşı olmuşdur. Həmin il işçi sayı 400 nəfəri aşmış, Cisco tərəfindən "2024-cü ilin Kibertəhlükəsizlik Tərəfdaşı" adı alınmışdır. 2025-ci ildə bir sıra yeni ISO sertifikatları əlavə edilmiş, Crescent Offices-də yeni ofis istifadəyə verilmişdir.

Fəaliyyət istiqamətləri
BestComp Group-un xidmətləri iki əsas qrupa bölünür: texnoloji həllər və xidmətlər.
Texnoloji həllər sırasına tam kompleks data mərkəzi həlləri, kibertəhlükəsizlik, şəbəkə həlləri, hesablama və saxlama həlləri, telekommunikasiya şəbəkə həlləri, güc və soyutma sistemləri, fiziki təhlükəsizlik, audio-vizual sistemlər, strukturlaşdırılmış kabel sistemləri, proqram həlləri, əməkdaşlıq həlləri və data analitikası daxildir.
Xidmətlər qrupuna sistem inteqrasiyası, proqram təminatının hazırlanması, idarə olunan xidmətlər (24 saat/7 gün texniki dəstək), biznes proseslərinin avtomatlaşdırılması, iT konsaltinq və qiymətləndirmə, bulud xidmətləri və miqrasiya aiddir.

Sertifikatlar
Şirkətin inteqrasiya Edilmiş idarəetmə Sistemi (IMS) keyfiyyəti, əməyin təhlükəsizliyini, informasiya təhlükəsizliyini və korrupsiyaya qarşı mübarizəni vahid sistem çərçivəsində birləşdirir. Bu sistem üzrə aşağıdakı beynəlxalq sertifikatlar alınmışdır: ISO 9001 (keyfiyyət idarəetməsi), ISO 45001 (əməyin təhlükəsizliyi), ISO 27001 (informasiya təhlükəsizliyi), ISO 37001 (korrupsiyaya qarşı mübarizə), ISO 14001 (ətraf mühit idarəetməsi), ISO 10006 (layihələrdə keyfiyyət idarəetməsi), ISO 21500 (layihə idarəetməsi), ISO 12207 (proqram həyat dövrünün prosesləri).

Əsas göstəricilər
2026-cı il üzrə mövcud məlumatlara görə şirkətin tamamladığı layihələrin sayı 3 750-ni, müştəri sayı isə 10000-i ötmüşdür. Beynəlxalq sertifikat sayı 500-dən çoxdur. Şirkət ümumilikdə 7 ölkədə fəaliyyət göstərir.

Texnoloji tərəfdaşlar
BestComp Group aşağıdakı beynəlxalq texnologiya şirkətləri ilə rəsmi tərəfdaşlıq müqavilələri çərçivəsində fəaliyyət göstərir: Cisco, HP (HPE), Dell, Lenovo, Acer, Palo Alto Networks, Schneider Electric (APC), Aruba Networks, Fujitsu, Fortinet. Həmin şirkətlərin bir qismi üzrə ən yüksək tərəfdaşlıq statusu əldə edilmişdir.

Əlaqə
Şirkətin rəsmi saytı: bestcomp.net
Telefon: +994125414747