1. AIESEC (/ˈaɪsɛk/ — “aysek” kimi oxunur) gənclər tərəfindən idarə olunan və rəhbərlik edilən beynəlxalq, qeyri-hökumət və qeyri-kommersiya təşkilatıdır. AIESEC əvvəllər fransızca Association internationale des étudiants en sciences économiques et commerciales (ingiliscə: International Association of Students in Economics and Business — iqtisadiyyat və Biznes üzrə Tələbələrin Beynəlxalq Assosiasiyası) ifadəsinin qısaltması idi. Hazırda təşkilatın tam adı rəsmi şəkildə istifadə olunmur, çünki üzvlər artıq istənilən ixtisas üzrə ali təhsil alan bakalavr və magistr tələbələri ola bilərlər. Bu təşkilat gənclərə biznesin inkişafı sahəsində təcrübə (internship) imkanları təqdim edir. AIESEC Birləşmiş Millətlər Təşkilatının iqtisadi və Sosial Şurası (ECOSOC) yanında məsləhətçi statusuna malik qeyri-hökumət təşkilatıdır. O, BMT-nin ictimai informasiya Departamenti (UN DPI) və BMT Baş Katibinin Gənclər üzrə Elçisinin Ofisi ilə müstəqil əməkdaşlıq edən qurumdur, ICMYO-nun üzvüdür və UNESCO tərəfindən tanınır. AIESEC-in beynəlxalq qərargahı Kanadanın Monreal şəhərində yerləşir.

Azərbaycanda ilk dəfə 11 may 2013-cü ildə Bakı şəhərində tədbir keçirilmişdir.
link
sifarişi verən: bakirfikir