1. Yəhudilikdə israiloğullarının seçilmiş xalq olduğuna dair inancdır. Yəhudilikdə əsas inanclardan biri olmamaqla yanaşı, israiloğullarının bir xalq kimi Tanrı tərəfindən seçildiklərinə və xüsusi bölgənin onlara vəd olunduğuna dair inancın əsasıdır. Qədim Əhddə “Siz Tanrınız Rəbb üçün müqəddəs bir qövmsünüz. Tanrınız Rəbb öz xüsusi qövmü olasınız deyə, Yer üzündəki digər millətlər arasından sizi seçdi” (Qanunun təkrarı, 7/6) ifadələri ilə qeyd edilən bu anlayışın əsasında israiloğullarının Tanrı ilə əhdi, digər xalqların isə bunun əksi olan bütpərəstliyi təmsil etməsi dayanır. Tövratda Tanrının ibrahim peyğəmbərlə (Yaradılış, 17/6-8) və Musa peyğəmbərlə (Qanunun təkrarı, 7/12-13; 26/18-19; 28/1-14) bağlanmış əhdindən bəhs edilir.