1. Honne və Tatemae - yapon mədəniyyətində insanların daxili hissləri ilə cəmiyyət qarşısında göstərdikləri davranış arasındakı fərqi ifadə edən iki anlayışdır. Honne --> ürəyindən keçən, Tatemae --> deməli olduğun.
Yapon cəmiyyətində harmoniya (konfliktsiz münasibət) çox önəmlidir. Ona görə də insanlar bəzən açıq şəkildə “yox” deməkdənsə, dolayısı ilə cavab verirlər. Bu da tatemae davranışıdır. Məqsəd yalan danışmaq deyil, münasibəti qorumaqdır. Məsələn çoxumuzun elədiyi kimi: Tutaq ki, bir dəvətə getmək istəmirik (honne). Amma qarşı tərəfi incitməmək üçün “çox istərdim, amma işim var” deyirsik (tatemae).