1. evə verilən içməli suların tərkibinin içməyə çox da uyğun olmaması səbəbi ilə evlərə quraşdırılan və suyu təmizləməyə yarayan avadanlıq.
su filterləri son zamanlarda satışı ilə məşğul olanların yanaşmalarına görə çox da rəğbət görmür və açığı mənim üçün də yəqin ki, bu səbəbdən gərəksiz bir şey kimi görünürdü. ancaq, haqqında bir az məlumat topladıqdan sonra bakıda yaşayan hər bir mənzil üçün gərəkli olduğunu düşündüm. çünki, hər həftə 2-3 bidon su almalı olurdum şirkətlərdən. bunun aylıq xərci həddən artıq çox gəldiyindən 2 aya yaxındır su filteri quraşdırmağı planlayırdım. nəhayət, dünən quraşdıra bildim. bu şirkət qapının ağzını kəsdirib, zorla evə girən şirkətlərdən deyil, adam kimi internetdə reklam edirlər. sifariş verirsən, kreditlə də quraşdırırlar. filterlərin dəyişdirilməsi vaxtını belə qeyd edib məlumatlandırırlar.
ümid edirəm, yaxşı şəkildə istifadə edə biləcəyəm və avadanlıq gözləntilərimi qarşılayacaq.
bilməyənlər üçün qeyd edim ki, avadanlığın daxilində bir neçə filter var, 6 aydan bir köməkçi filterlər dəyişdirilməlidir. 18-24 aydan bir əsas filter dəyişdirilir. su demək olar ki, 5-6 mərhələdən keçir, təmizlənir və avadanlığın ~10 litrlik anbar yerində saxlanılır. su istifadə olunduqdan sonra, avadanlığın motoru yenidən anbarı doldurur.