1. Bir aktiv (səhm, valyuta, kriptovalyuta və s.) haqqında müəyyən bir məlumat, hadisə və ya gözləntilərin artıq o aktivin cari qiymətinə daxil edilmiş olduğunu bildirir. "Hər şey qiymətə daxildir" bazar iqtisadiyyatında məhsul və ya xidmətin qiymətinə təsir edə biləcək bütün elementlərin əvvəlcədən müəyyən edilərək onun cari qiymətinə düzəliş olunduğunu göstərir. Tutaq ki, bir şirkətin yaxşı rüblük nəticələr açıqlayacağı gözlənilir. investorlar bu gözləntiylə əvvəlcədən həmin şirkətin səhmlərini alır → beləliklə qiymət artır. Nəticələr açıqlandıqda isə qiymət dəyişmir, çünki bu xəbər artıq "priced in" yəni qiymətə çoxdan əks olunmuşdur. Nümunə:
"Faiz artımı artıq bazara "priced in" olmuşdur" — yəni Mərkəzi Bankın faizi artıracağını hamı bilir, bazar bunu artıq qiymətlərin daxilinə salıb, ona görə elan günü böyük iqtisadi hərəkətlər olmaya bilər.

Həmçinin (bax: efficient market hypothesis)