Azərbaycanın "AzeriLight" markalı neftin İtaliyanın Augusta limanında qiyməti 0,42 dollar və ya 0,46% azalaraq 91,51 dollar/barelə düşüb. Bu barədə Trend-ə neft bazarındakı mənbə bildirib. Türkiyənin Ceyhan limanında "AzeriLight" markalı neftin FOB qiyməti 0,39 dollar və ya 0,44% ucuzlaşaraq 88,11 dollar/barelə bərabər olub. Urals markalı neftin bir barelinin qiyməti isə əvvəlki səviyyədən 0,57 dollar və ya 0,88% azalaraq 64,32 dollara düşüb.
Bu arada, Şimal dənizi “Dated Brent” markalı neftin 1 barelinin qiyməti 0,47 dollar və ya 0,53% ucuzlaşaraq 88,53 dollar olub. Azərbaycanın 2026-cı il dövlət büdcəsi neftin orta qiymətinin 65 dollar/barel olması ehtimalına əsaslanır. Trading Economics-in məlumatına görə, Cümə axşamı günü xam neftin qiyməti 82 dollar/bareldən aşağı düşüb və bu, Yaxın Şərqdə diplomatik irəliləyiş əlamətləri fonunda ardıcıl dördüncü eniş seansı olub.
Məlumata görə, İran və Oman Hörmüz boğazının suları və əlaqədar gəlirlərdə hər bir ölkənin payı ilə bağlı razılığa gəlib. Prezident Donald Tramp çərşənbə axşamı Hörmüz boğazından 10 milyon barel neftin keçdiyini bəyan edib və su yolunda minaların təmizləndiyi barədə əvvəlki açıqlamalarını təkrarlayıb. Bu həftə neft qiymətləri də ABŞ-ın İrana qarşı yeni iqtisadi sanksiyaları ilə təzyiqə məruz qaldı və bu sanksiyalar bazarların gözlədiyindən daha yumşaq oldu.
Ağ Ev hələlik İranın ticarət tərəfdaşlarına qarşı daha sərt tədbirlər görməkdən çəkinir. Digər tərəfdən, Rusiya prezidenti Vladimir Putinin Ukraynada münaqişəni daha da gərginləşdirməyi planlaşdırdığı barədə məlumatlar yayılıb. Bu, qlobal enerji təchizatı ilə bağlı riskləri diqqət mərkəzində saxlayır”, - deyə məlumatda bildirilir.
Mənbə: https://www.trend.az/business/energy/4218255.html © 2026 Trend İnformasiya Agentliyi.
Xülasə — davamını mənbədə oxuyun.
