Çin Media Korporasiyası (CMG) Azərbaycanla audiovizual və mədəni mübadilənin inkişafı çərçivəsində azərbaycanlı jurnalistlərə ondan çox sənədli film təqdim edib. "Report" xəbər verir ki, bu barədə CMG-nin Audiovizual tərcümə və istehsalat mərkəzinin direktoru Van Lu "İrs keşikçisi" sənədli filminin təqdimatına həsr olunmuş tədbirdə bildirib. "Ümid edirik ki, korporasiyamız tərəfindən yaradılan bu audiovizual proqramlar sivilizasiyaların qarşılıqlı zənginləşməsi və ölkələrimiz arasında mədəni mübadilə üçün əlaqələndirici halqa olacaq", - o bildirib.
Van Lu qeyd edib ki, "Si Cinpinin mədəni bağlılığı" filmi CMG-nin Azərbaycan dilinə tərcümə olunan ilk audiovizual işi olub. Onun sözlərinə görə, film Çinin mədəni irsinin qorunması və inkişafı tarixindən bəhs edir. Film Si Cinpinin mədəni irsin qorunmasına və tarixi varisliyin davam etdirilməsinə yanaşmasını nümayiş etdirir.
O, həmçinin bildirib ki, təqdim olunan proqramlar arasında Çin şəhərlərinin inkişafı, süni intellekt, ənənəvi sənətkarlıq, robot istehsalı, Çin tarixi, ənənəvi Çin təbabəti, çay mədəniyyəti və mətbəxi haqqında filmlər var. Van Lu Çin və Azərbaycan arasında dərin tarixi və mədəni əlaqənin olduğunu vurğulayıb. "Azərbaycanda qədim bir atalar sözü var: "Kökünü unudan budaq solur".
Çində də belə bir hikmətli söz var: "Köksüz ağac quruyar, mənbəsiz su tükənər". Bu, hər iki böyük sivilizasiyada köklərin qorunmasına ortaq və dərin bağlılığımızın təsdiqidir", - o bildirib. Səfir əlavə edib ki, filmin premyerası tərəflərin birgə səylərinin nəticəsidir.
O, iki ölkə mediası arasında əlaqələrin və əməkdaşlığın gələcəkdə daha da dərinləşəcəyinə ümid etdiyini bildirib.
Extract — continue reading at the source.
