ABŞ Prezidenti Donald Tramp Pentaqon rəhbəri Pit Heqsetə Cənubi Koreya ilə birgə hərbi təlimlərin miqyasını əhəmiyyətli dərəcədə azaltmağı tapşırıb. "Report"un məlumatına görə, Tramp bu barədə "Truth Social" sosial şəbəkəsində yazıb. ABŞ Prezidenti təlimlərin Şimali Koreyaya tamamilə yersiz və düşmən siqnalı göndərdiyini bildirib.
O, həmçinin Şimali Koreya lideri Kim Çen Inla çox yaxşı münasibətlərinin olduğunu xatırladıb. Trampın sözlərinə görə, birgə təlimlər baha başa gəlir və xərclərin əsas hissəsini ABŞ öz üzərinə götürür. O, hazırkı təlimləri ləğv etməyin çox gec olduğunu qeyd edərək, Heqsetə onların miqyasını əhəmiyyətli dərəcədə azaltmağı tapşırıb.
Tramp həmçinin bildirib ki, bu yaxınlarda Cənubi Koreya Prezidentindən ölkənin İranın nüvəsizləşdirilməsində ABŞ-yə qoşulmağa hazırlığı barədə soruşub. Onun sözlərinə görə, Seul belə cavab verib: "Xeyr, təşəkkür edirəm".
Extract — continue reading at the source.
