adekvat insan

214 0 0 0

9. nəsil yazar

Entry: 214

blok başlıqlarını gizlət

meningit

matruşka

rafael santi

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

bioloji cins nisbətinin pozulmasına görə azərbaycanın ikinci olması

+56 əjdaha

Vəziyyət biyabırçıdır. Qıza hamilədir deyə zorla qaynana, baldız, qaynata tərəfindən ( diqqət etdinizsə, ərin adını çəkmədim. Çünki haradadır , onda rus demiş o "dux" ki, qadın mənimdir, icazə vermirəm desin) aborta gətirilən qadınlardanmı danışaq, qız uşağıdır deyə bütün imkanlardan məhrum edilən, hamı tərəfindən 2-ci sort məhsul kimi davranılıb, at minnəti qoyulan qızlardanmı, sırf qızdır deyə ata qayğısı, sığalından maksimum məhrum edilən qızlardanmı, ya bütün bədbəxtliyinin səbəbinin qız doğmaq olduğunu düşünən anadanmı?
Halhazırda diri doğuşlarda 100 qıza 114 oğlan düşür. indi oğlanlar Nataşa, Anna, Saşa ilə evlənəndə də məlum yerlərini cıracaqlar ki, bəs sən azərbaycan elinin qəşəng günelləri ola-ola Nataşa ilə evlənirsən. Günel tapsa, evlənəcək. Bir aza qadınlar ölkədə hərəm qura biləcək kişilərdən.
Aparılan araşdırmaya görə hələ də kişilərin 49,5%-i, qadınların 22,5%-i ailədə qız uşağını maddi yük kimi görür. A siz səysiniz? Pul qazanan, hətta müdür olan qızlar yoxdur? Potensialı olmayan sümsük oğlunuzun bir yerini qaldırmaq yerinə ona qoyduğunuz mayanı qıza qoysanız, pul doğar sizə. Kişini saxlayacaq qədər pul qazanar. ironiya bir yana, normal təhsil verilmiş insanlar qadın, kişi olmasından asılı olmadan qazanc qazanır. Qız maddi yük deyil, əksinə normal diqqət ayrılanda ailəyə dəstəkdir. Müşahidələrimə də əsasən evdə təhsili və ya işi olmayan qadın varsa, yalnız kişi işləyirsə, o ailənin kriz anlarında durumu bərbad olur.
Məsələ o möhtəşəm namus məsələsidirsə, vəziyyət ,demək, daha pisdir. Əgər siz kişiliyi ətrafınızı qorumaqda görən kişi olmağınıza baxmayaraq bir qız uşağını təhlükədən qoruya bilməyəcəyinizi düşünüb, qızı abort etdirirsinizsə, demək, kişi deyilsiniz. Qorxaqsınız.
Uşaq gözünü açandan uşağa ancaq mətbəxin yerini öyrədən, uşağın belə hər hərəkətinə vedrə qoşan zehniyyətdir o selektiv abort edilənlərin səbəbkarı.
Ps. Qorumaq deyəndə evə bağlayıb, yediyi, içdiyini burnundan gətirməyi nəzərdə tutmuram.

41 əjdaha! 29.12.2020 17:11, adekvat insan

#315049 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

bakıda maraqlı kafelər və restoranlar

+32 əjdaha

Burada sizin də reklamınız ola bilərdi dadında başlıq. Getdik. Mən bildiyim kafeləri bu şəkildə qruplaşdırdım:
A) Boho tea and wine room, saqi wine bar, kefli wine house- bunlar adından məlum olduğu kimi içkili yerlərdir. Amma səviyyəlidir. Həlləhüş yeri deyil. Həm də fərqli çayları da olur. Sizin içməyinizə okey baxan, amma özü içməyən yoldaşınızla da gedə bilərsiniz.
B) friends baku, art ground baku, old school cafe and shop, içərişəhər bookhouse&cafe, 90lar kafe, music nest cafe, coffeemofie, il futuro- bunlara konsept kafe deyə bilərəm, maraqlıdırlar. Adam əlindən qaçmaq üçün pis yer deyillər. Friends kafe Friends serialından ilhamlanılaraq hazırlanıb. Music nestə tez-tez gedirəm. Çox vaxt sakitlik olur, baha deyil və balkonunda uzanmaqlıq yerləri belə var.
C) comeinclubbaku, museum inn-mənzərə üçün. Comeincluba getsəniz, əmin olun, tanışla qarşılaşma ehtimalınız 1 faiz olar, ya olmaz. Çox sakit yerdədir. Museum inn-in adminstrasiyası dəyişib. Bir də soulkitchen var. Ona maraqlıdan çox yayda oturmağa deyəcək yer deyərdim. Xüsusən axşamtərəfi.
D) Socialbee, coffeelea, cupcupcoffebaku, coffee_rabb, united coffee beans-kofe içməklik. Kofe şoplar çox rahatdır. Ortalama 5 manatını ver, kafedə səhərdən axşama kimi otur. Ps. Cupcup bahaçılıqdır.

Əlavələri olan deyər.

22 əjdaha! 22.12.2020 03:27, adekvat insan

#314127 şikayət

azərbaycan tibb universiteti tələbəsi olmaq

+32 əjdaha

Eeeh. Çox dərdli başlıqdır. Qızlarına əxlaqsız deyən də var, peşələrinə qaniçən deyən də. Bala , indi neyləyək ki, ilk gördüyümüz çük meyidin üstündə qurumuş çükdü? Hə, qaqaş. Uroloji əməliyyatlarda da çox çük görmüşük. Vur, öldür. indi neyləyək ki, bizi cinsi yolla keçən xəstəliklərinizə başqa bəhanələr verib, loxlaya bilmirsiniz? "Podvalda qızları nə hoqqa verirlər" deyirlər. Amma mən şəxsən hansı podvaldan danışıldığını bilmirəm. Orada 1 podval var. O da meyidxana. Nekrofil deyilik, ataşş. Nə də xüsusi fetişimiz yoxdur. Anatomiya atlasa gələndə, vallah, bu uzun qollu həzrəti abbas haqqı, o qərib seyid haqqı, ətağanın yaşıl qapısı haqqı deyirəm, bizə onu zorla daşıdırlar. Gətirməyənin təhtid edildiyini gözümlə görmüşəm. Xalata gələndə də beynimiz elə quruyur ki, xalatla artıq simbioz həyat yaşayırıq. Çıxarmaq ağlına belə gəlmir. gəlsə də, soyunmağa həvəs olmur. Hətta bəzən universitet o qədər soyuq olur ki, xalatın üstünə palto geyib, gəzirik. indi siz olsanız, çıxarardınız?
Tibb tələbəsinə 2 münasibət var. Ya cındır kimi baxırlar, ya da uninin qapısından ayağını atan kimi müqəddəsləşdirib, "doktor, mənə dəəəərmaan" deyirlər. Tibdə oxuyan qıza da münasibət belədir. Ya "azzz, onlar çoxbilmiş olur e" deyib qəhi yerinə qoyurlar. Hə, xala, sən allah bağışla, prezervativin nə olduğunu oğlundan yaxşı bilirəm. Ya da ki, xalalar gəlin gətirmək üçün bizi yağlı tikə kimi görürlər. Bu sonuncu oğlanlara da aiddir. Qapazlanası kürəkən prototipi kimi görülən oğlan tibb tələbəsi az deyil.

26 əjdaha! 12.11.2020 22:05, adekvat insan

#310298 şikayət

bir azərbaycan qadınının təcavüz gündəliyi

+17 əjdaha

Ətrafınızda soruşsanız, hər bir qızın taciz hekayəsi vardır. Düzü bizim evlənmək adətlərinə daxil olan mərhələlərdə də təcavüzçü təfəkkürü gizlənib. Səni səndən xəbərsiz gəlib güdürlər, yox deyirsən, naz anlayırlar. Adı da olur elçi düşmək istəyir də. Üzdən ən mədənisi belə "yox"un yox demək olduğunu anlamır. Buna görə vpda(nömrəm də məndən xəbərsiz verilmişdi) adamın üstünə çığıra-çığıra səs atdığımı xatırlayıram. Bunu təcavüz, tacizlərə təməl yaradan ünsürləri göstərmək üçün dedim. Neyse. Mövzumuza keçək. Başlayım 8-ci sinifdən. Bəzi qızlar kimi uzun, gözəgəlimli filan deyildim. Bəzənməyim də yox idi. Klassik şagird. Yollar bağlandığından evimizdən bulvara düşüb, məktəbdəki hazırlığa gedirdim. Yeni bulvarı bilən bilər. Zolaqlar var. Mənsə velosiped yolu tərəfə yaxın yerdən gedirdim. 2 dənə yekə parazit digər zolaqdan, hansı ki aramızda 5 metr məsafə olardı, söz atmağa başladı. Ala, yelə kişisən e, qabağındakı uşaqdır.

Sonra başqa biri. Xalamgildən qayıdırdıq. Anam avtobuadan işi olduğu üçün bizdən tez endi. Mənsə balaca qardaşımla ən yuxarı hissədə oturmuşdum. Bir özünübilməz yekəbaş orada oturmağıma görə söz atmağa. Narahat olduğum üçün aşağıya keçəndə hələ üzsüz-üzsüz "həəəə, bax belə. Qızların nə işi var yuxarı oturacaqda" demişdi. Uşaq ağlı. indi olsa "süttür burdan" komandasını almışdı.

Həmişə deyirəm, mənim başıma nə gəlsə, uzun geyəndə gəlir. Həyətimizdən çıxıb, yerüstü keçidi keçdim. Yay idi, dədəmdən yaxşı dayı(dədəm 55-i haqlamış adamdı) yolun o üzündən hündürdən söz atmağa başladı. Belə pajardı? Allah kəssin, ilin bir günü çaşıb salona gedəsən bayrama görə ya evdən bir az bəzənmiş çıxasan. Tanıyanlar bilir. Çox bəzənən biri də deyiləm. Yekə-yekə kişilər yanıq-yanıq baxıb, üstünə "nə bomba şeysən" məğzində şeylər pıçıldayıb yanından ötür adamın. Sarıyanızam deyə rus sanıb, rusca deyənlər də olub. "Soxsunlar sənin qəzəlinə" bu yerdə deyirlər.

Bir dəfə də qız dostumla görüşmək üçün gün seçib, içərişəhərdə görüşdük. Bir dənə restorana girdik. Bir müddət sonra qız arxadakılar bizə gözünü zilləyib dedi. Boğazımıza yeməyimizi yeməyə qoymadılar. Sən demə, bu insanlar qızı Nərimanov metrosundan bəri güdürmüş. Restorandan çıxdıq, yenə güddülər dalımızca. Nə qədər fırlandıq, əl çəkmədilər. Üstlərinə çığırdıqsa da, utanmaz-utanmaz gəldilər. Qızın sevgilisi olduğuna inanmayıbmışmış. Rəsmən 2 kruq içərişəhər turunun üstünə azneftə qədər gəldilər. Axır məcbur taksiyə mindik. Ay qa, siz kimsiniz? Nə zənn edirsiniz özünüzü?

61 nömrəli avtobusu bilən bilir. Əksərən, əsas da universitet açıq olan vaxtları dolu olur. Mən də belimdə bel çantası, it yorğunu olduğumdan ilk gördüyüm boş yerə özümü atıram, yer verən olanda da etiraz etmirəm. Bir dəfə bir yaşlı (bax:musculus gluteus) yer verdi tezcə. Mən də o sıxlıqda yer tapdığım üçün yox da demədim. Bir gördüm, əli aşağısındadı. Gülməyin, amma birinci elə bildim qaşınır deyə edir. Sonra gördüm, bu dayınınkı ondan deyil. Verdiyin yer o musculus gluteuslarının arasındakı deşiyə girsin.

Bir dəfə də yenə evə qayıdırdım və gündüz vaxtı idi. Gəl sən 30 yaş ətrafında biri popoma vur, üzümə də hırtılda, get. Bunu isə 50 yaşlar ətrafında kişi gördü. Sizcə, reaksiyası nə oldu? Nçnç edib getdi. Lənət olsun, şoka düşəndə insanların üzünü unuduram mən 1 dəqiqə keçməmiş. Adamın dalıyca qaçanda üzünü artıq unutduğumun fərqinə vardım. O 50 yaşlarda olan insanlar amma sevgili üzündən öpən görəndə dünyanın qarğışını tökən baxışlarla baxır. Bu qədər bədbəxtsiniz?

Ən böyük hadisəni axıra saxlamışam. Siz düşünün ki, günün günorta vaxtıdır. Sizi dərsdən gələndə biri məhlənizə qədər güdür, binanıza girir və sizi liftdə zorlamaq istəyir. Ondan bəri mən kimləsə liftə minməyə çəkinirəm. Etiraf edirəm, bir an adam mənə qəribə gəldi, amma fikir vermədim. 3cü mərtəbəyə getdiyini dedi, mən də basdım. Basan kimi adam sakit dur, tərpənmə deməsinmi. Deyən hə, nətər məsləhətdi deməyimi gözləyirmiş xiyar. Şokdan affekt vəziyyətə düşməyimmi mən də. Mənim də 2 modum var. Ya donuram, ya da beynim çönür, adam öldürə biləcək moda girirəm. Mənim beynimin çöküb, bunu vurmağımdan əl-ayağı da bir-birinə dolanmasınmı bu dümsüyün. Lifti aşağı basıb giriş mərtəbəyə atdım adamı. Məhləyə tullamaq istədim. Amma sonra qorxdum, çox heyif ki, qorxdum. Evdə nə deyəcəyimdən, niyə gec gəldiyimi izah etməkdən( dərs 2də bitirdi, mən 4də gəlmişdim), məndən soruşulacaq detallardan, bir qara köpüyə yaramasalar da, aşağıda gələn, gedəni güdən işsiz daydayların bizə atacaqları baxışdan qorxdum və peşimanam 4 il sonra belə. Gərək ayağımdakı dabanla ağzına-ağzına döyərdim onun. O tərəddüddən sonra geri qayıtmaq istəyəndə də yenə də üzünü unutdumun fərqinə vardım. Bu olanı 3 il sonra evdə deyə bilmişəm. Yuxarıda yazdıqlarım və hələ yazmadığım digər şeyləri deməmişəm. Polisə şikayət? Azərbaycanda ən başda gedən qaqalar və zorakılar polis orqanlarında işləyir.

14 əjdaha! 01.01.2022 16:29, adekvat insan

#342599 şikayət

bir qızda dözülə bilməyən şeylər

+17 əjdaha

Daha çox aşağıdakı kimi sadalamaq olar:

a) Ər, ər, ər, ər, mənim ərim.ancaq məndə var. Kimin belə əri var? Yanın e davranışı
b) sevgiliylə 1 ay danışan kimi elçini göndər, premium abonəliyə keç davranışı
c) ancaq pullu kişi axtarıb, kişiləri soyub, sonra da kişilər hamısı eynidir, pulunu ye . Üf, əcəb edirəm demələri
d) kemalim yapmaz havasına girib, sevgilisinin/ərinin salam verdiyi bütün qızları sürtük çıxarıb, ər/sevgilisini qanadsız mələk etmək

Edit: Vaginayla vulva fərqini bilməyənlər dastan yazıbmış. Pis də çıxmasın, vagina saldığınız yerdi, vulva da çöldən görünən yerdir və heç bir qadın sizin paşa kefinizə görə qasığını, vulvasını ağartmalı ya labioplastika etdirməli deyil.

14 əjdaha! 21.12.2020 17:19, adekvat insan

#314074 şikayət

introvertlik

+17 əjdaha

introvertlik anlayana nemətdir, anlamayana cəhənnəm. Daha doğrusu bir introvert cəmiyyətdə anlaşılmadığından ona cəhənnnəmi yaşadırlar. introvert özü özüylə vaxt keçirə bilən, özünü əyləndirə bilən xoşbəxt adamdır. Ba "aaa, tək kafedə necə oturursan?", "oy, nə qəribə? Mən sıxılardım" dediyiniz adamlar var e , bax, onlardır introvert. Bir bilsəniz bir küncdə sakitliyi dinləməyin, insanları müşahidə edib, izləməyin verdiyi zövqü.
introvertin mütləq şəxsi sahəsi olmalıdır. Baxın, vurğulayaraq deyirəm. MÜTLƏQ! Suyunu, yeməyini kəsin, amma şəxsi sahəsini onun əlindən almayın. Onun üçün heç kimin toxunmadığı, özü ilə vaxt keçirib enerjisini yenidən qazandığı şəxsi sahəyə sahib olmaq o qədər önəmlidir ki... introvert çox danışmaz, müşahidəçidir. Daha doğrusu yaxınlarının yanında özünü buraxan varlıqdır. Xəbərdarlıq: onu ilk dəfə yaxın kruqunun içində görsəniz, böyük ehtimal Çindən Amerikaya gəlmiş çinlinin yaşadığı kultura şoku effektində şok yaşayacaqsınız. Çünki o, orada artıq siz tanıdığınız adam halından çıxmış halda olacaq. Yəni ki, hər adamla da söhbəti tutmayan adam da deyə bilərik bu canlı növünə. Zatən bu xarabada hər adamla söhbət etmək məcburiyyəti nədir ki? Bəzən çoxlu adam olan yerlərdə həmin adamları belində daşıdığı yük kimi hiss edər, an etibarı ilə evə qaçmaq istəyər.
Bəziləri də sosial fobiyalı, təşviş pozuntulu, utancaq ola bilirlər. Bu da əksərən cəmiyyətdə sıxışdırılmaqdan yaranan bir şeydir. Başa düşün, yola verin. Uğurlar!

13 əjdaha! 28.10.2020 23:54, adekvat insan

#308223 şikayət

social anxiety

+16 əjdaha

bu sifarişi verən: benedictus

Çox bitch durumdur. Anxiety disorder, yəni təşviş pozuntularının bir növüdür. Bu şəxslər başqaları tərəfindən mənfi yöndə mühakimə edilmə, alçaldılmalarından qorxurlar. Yeni insanlarla tanış olduqda, tənqid edildikdə, diqqət mərkəzində olduqları anlarda, romantik və dostluq münasibətləri içində, önəmli insanlarla görüşdükdə, əksər sosial aktivitelərdə, xüsusən də yad insanların olduğu mühitlərdə, hətta adi bir söz soruşanda belə həddən artıq emosional gərginlik hiss edirlər. Social anxiety generalizə və ya spesifik ola bilər. Əlamətlərə qızarma, əzələlərdə gərginlik, səyrimə və uyuşuqluq, boğazda düyümləndə, kəskin tərləmə, ürək döyüntülərinin artması, əsmə, kəskin qorxu hissi aiddir. Narahat olmayın, sizi anlayıram. Özümün 1 sözü soruşmamaq üçün bir şeyi 1 saat özümün axtarmışlığım, xahiş etməkdən çəkindiyimdən etməyi planladığım işi heç etməmişliyim var. Əminəm ki, bir çoxunuzda "lənət olsun, bunu niyə elə yox, belə dedim? Axmağam mən. Mənə gicbəsər deyəcək. Bir də danışmayacam" düşünüb gününüzü qaraltmısınız da. Ya da danışacağınız, edəcəyiniz şeyin planını 50 dəfə düşünmüsünüz. Sənə bir şey deyim, dostum? Qorxunla üzləşməsən, heç düzələn deyil. Məsələni həll edə bilmirsənsə, psixoloji yardım al. Nəzərə alsaq ki, sosial fobiyalarına görə çölə çıxmağa da çəkinən adamlar var, yardım almaq yaxşı seçim olar. Çalış məsələnin ciddiliyini anla və məsələni həll et. Yoxsa ömrünün bütün hissəsində qaçmağa yer axtaracaqsan.

13 əjdaha! 12.11.2020 05:03, adekvat insan

#310246 şikayət

biz olmasaq qarabağı ala bilməzdiniz deyən türklər

+18 əjdaha

Döyüşən kimlərin əsgərləri idi? Azərbaycanın. Texnikanı pay vermişdilər? Yox. Milyonlar verib almışdıq. Şuşanı kim aldı? Öz XTQ-miz. Belə də Türkiyə özü qafqazda güc artırmaq istəyirdi. Vasitə biz olduq. Qısası, sakit dursunlar.

16 əjdaha! 03.12.2020 17:59, adekvat insan

#312393 şikayət

üç dənə uşağım var üzr istəyirəm

+17 əjdaha

Həm də "üzr istəyirəm, yoldaşım" deyən insandır. Tutub "bu həzrət abbasın uzun qolları haqqı, o qərib seyid haqqı, sizə baxanda, uşaqlara baxanda sizin yataqda nə etdiyiniz ağlıma gəlmir" demək istəyirəm. Daha da üzr istəmək bu prosesə adamı təhrik edir. Adam var, neçə illərdir uşağı olmayıb, indi "üzr istəyirəm uşağım" deyir. A qadan alım, bu ölkədə gəlindən 1-2 ay sonra "bi şey mi şey vaaaar?" deyib bütün qohum-əqrəba yatağını soruşur e. ilk gecədə də yengələr qapıda mühafizə kimi durur. Bizim utanılacaq nəyimiz qalıb ki, uşağa görə də üzr istəyirsiniz?

14 əjdaha! 04.11.2020 20:36, adekvat insan

#309274 şikayət

Qəfil gedən dostlar

+12 əjdaha

Yaşım lap çox olmasa da, bir şey öyrənmişəm. Heç kimi, xüsusən də dostları mənimsəmək lazım deyil. insanlarla bir gün gedə biləcəkləri ehtimalını nəzərdə tutub, münasibət saxlamaq lazımdır. Gedib, gedəcəkmiş, gedəsisi varmış. Özümün də kiminsə həyatından getdiyim olub. Bəzilərinin hələ də xətirləri olsa da, araya məsafə girib. Bəzisindən özüm uzaqlaşmışam. Çünki ruhunun məhrəm hissəsini paylaşanda dinlənilmədiyini hiss etdiyin yerdə durmayacaqsan. Mən də durmadım. Amma etiraf edirəm, ilk uzaqlaşmağımızı hiss etdiyim dostum travma qoymuşdu məndə. Uzun illər də hiss etmişdim o travmanı. Nəticədə 8-də oxuyan və intovert bir uşaq idim. Məncə, əsas iz qoyma səbəbi də dost deyə biləcəyi biri olmayan, özgüvənsiz uşaq olmağım idi. Düzü, geri baxanda dost olduğumuza şübhə edirəm. indi heç ad günlərini belə təbrik etməz olmuşuq. Hərçənd ki, anası hələ də edir. Yenə də həyatımda bir parça olduğuna görə minnətdaram.

7 əjdaha! 14.11.2020 03:23, adekvat insan

#310459 şikayət

sözaltı sözlük

+16 əjdaha

ilham Əliyevin "bunu mən qərara aldım. Mən düşündüm" danışıq tonu ilə moderatorlarının açıqlamalarının tonu oxşar olan platforma. Guya azərbaycanın idarəedilmə tipinə nifrət edirsiniz, amma eyni yanaşmanı platformada göstərirsiniz. Atan rəhmət, ay ilham. Biz də səni qınayırıq. inciməyin, özünü fərqli aparıb, içindən manıs çıxan kimi görünürsünüz. Bu arada ,timidus, birinin gec-gec cavab verməsini görürsənsə, dirəşmə. Arrivederci.

13 əjdaha! 07.01.2021 17:14, adekvat insan

#316263 şikayət

rusların azərbaycanlılara nisbətən daha intellektual olması

+12 əjdaha

bu sifarişi verən: daxili heyecan

Mən, Məşədi ibad Kərbalayı Xocaverdi xan oğlu, yazıb bildirirəm ki, tarixi-nadir kitabını yarıya qədər oxusam da, bu fikrin nəyə əsaslandığını anlamıram.
Nəysə. Çox şitləşmədən mövzuya keçim. Bizim millətin əzikliyi bax buradan gəlir. Özünü sevməmək və aşağı görmək. Bir qisminin az daha avropasayağı olması onların bizdən daha intellektual olduğu demək deyil. Nəticədə onlar da 19-cu əsrə qədər feodal quruluşunda olublar. Belə zəka küpü toplum idilərsə, feodal quruluşunda niyə qalırdılar? Bundan əlavə zatən bizə zərər verən, milli kimliyimizi zədələyən də rus və sovet tərbiyəsi, onlardan qalan despot quruluşdur. Əzik aziklər də "lenin bizim babamız, rusiya mənəvi atamız" devizi aldığından indi rus sektoru azərbaycanlılarla dolub daşır, hətta özündə rusca bilməyənə çuşka demək cəsarəti tapanlar da çıxır. Xahiş edirəm, özünüzü sevin. Siz rusiyanın suburban ərazisində yaşamamısınız və bütün rusları tanımırsınız. Buna görə də özgə vaxt alkaş dediyiniz rusları bizdən intellektual hesab etməyin. Rus bizdən artıq deyil. Əzik azik yerinə bir az azərbaycançı olun. Hər şey yağ kimi olacaq.

10 əjdaha! 13.11.2020 02:21, adekvat insan

#310330 şikayət

xaricdə təhsil üçün təqaüd proqramları

+12 əjdaha

Fullbright təqaüd proqramı-U.S.A universitetrində təhsil almağa şərait yaradan təqaüd proqramı
DAAD-Almaniya universitetlərində təhsil almaq istəyənlərə 861 euro aylıq ödəniş, sığorta, səyahət və viza xərclərini ödəyir.
Erasmus Mundus təqaüdü-master və Phd təhsili ala bilərsiniz. Universitetin ödənişini, yaşam xərclərinizi, səyahət, sağlamlıq sığortanızı ödəyir. Digərlərindən fərqli olaraq konkret bir proqrama müraciət edirsən. Üstdə yazdıqlarımda isə universitet seçimi sərbəstdir. "Erasmus Mumdus Joint Masters Program"ına özüm də müraciət etməyi düşünürəm. Təhsil müddətinizdə partnyor ölkələrdən asılı olaraq 2 fərqli ölkədə təhsil ala bilirsiniz.
Chevening təqaüdü- ingiltərə universitetlərində təhsilə imkan verən, full-funded təqaüddür.
Bundan başqa bir çox ölkənin müxtəlif şərtlərlə verdiyi təqaüdlər var. Latviya, italiya, Macarıstan kimi ölkələr bura daxildir. Hətta italiya ailəsinin gəlir səviyyəsi aşağı olan uşaqlara təqaüd verir. Dip not: manatı euroya keçirəndə bir çoxumuz kasıb dururuq.
Bunda başqa universitetlər universiterdaxili təqaüd imkanı yaradır. Təhsil göstəriciləriniz, dil səviyyəniz, sosial aktivliyiniz, iş təcrübəniz kimi faktorlar burada rol oynayır.
Uğurlar.

10 əjdaha! 01.11.2020 19:52, adekvat insan

#308846 şikayət

gecə küçədən gələn səslər

+11 əjdaha

Bu dediklərim karantin, komendant saatı olduğundan hələ ki, baş vermir. Sakitləşib buralar. Əvvəllərdən danışım. Demək, gecə saat 1dir, 2-yə işləyib. Mən də yarıyuxuluyam. Çöldən gələn səsə dik atıldım. Çöldən dava səsi gəlir. 2 oğlan dalaşır. Qız da "ibrahim, eləmə. Eləməəəə" bağırır. Başımı çıxardım, bir-birlərini sürüyürdülər.
Bundan əvvəl də döyülən, boğulan adam səslərinə yuxudan qalxdığım olub. Qorxumdan başımı da çıxarmamışdım. Məndən sizə məsləhət. 28 may ərazindən qətiyyən ev almayıb, ev tutmayın. Dəlixanadır.

10 əjdaha! 18.11.2020 04:12, adekvat insan

#310846 şikayət

koronavirus peyvəndi

+11 əjdaha

Hazırda 5 növ vaksin, elimizin diliylə desək, 5 növ çip var:

1. BBIBP-CorV
(Sinopharma, China)

2. CoronaVac (SinoVac, China)

3. mRNA-1273 (Moderna, USA)

4. Tozinameran (Pfizer-USA, BioNTech-Germany, Fosun-China)

5. Gam-Covid-Vac (Gamalei, Russia)

1 və 2 inaktivləşdirilmiş virus. Yanı real virus vurulur, amma inaktiv. Bu, həm də dədə-baba üsulu vaksinlərdir.
Müsbət: ucuz və asan istehsal olar

Mənfi: immun cavab zəifdi, bir neçə doz almaq lazım
3 və 4 mRNA vaksini. Xüsusi lipid örtüklü sferanın içində virusun səthi zülalın kodlaşdıran mRNA.

Müsbət: güclü və sürətli immun cavab.
Mənfi: Baha başa gəlir. mRNA bir zəncirli olduğuna görə qeyri-stabildi və mütləq - 80 - 60 temperatur diapazonunda saxlanmalıdı və vaksinasiyadan 1 saat öncə çıxarılır konteynerdən. Transport çox bahalı və qəliz olur. 3cü dünya ölkələri üçün millionlarla doz (sadə sözlə TIRlarla) vaksini bu temperaturda saxlamaq mümkün olmayacaq. Bu artıq soyuducu yox, başqa modern cihaz tələb edir.

5. Adenovirusa yeridilən Covid genomu

Mənfi: effektivliyini sübut edən çalışmaları ilə paylaşmırlar.

10 əjdaha! 21.12.2020 13:59, adekvat insan

#314050 şikayət

sevgilisinin üzünü storydə emoji ilə gizlədən oğlan

+9 əjdaha

Bunun qız versiyası da var. (baxma: sevgilisinin üzünü emoji ilə örtən qız)
Bu andırı ya adam kimi paylaşın ya da ki, heç paylaşmayın. Ha, "sevgilim var" demək istəyirsinizsə, o ayrı məsələ.

8 əjdaha! 26.11.2020 01:30, adekvat insan

#311534 şikayət

dostla sevgili olmaq

+10 əjdaha

Etdiyim bir şeydir. Peşiman deyiləm. Çünki məni ona bağlayan əsas faktorlardan biri də dostluğumuz, o doğmalıq hissidir. Oxşar uşaqlıq, oxşar həyatlar bizi bir-birimizə əzizləşdirir. Bilmirəm, mən sevgililikdə könül bağına önəm verirəm. Mənə görə dostla sevgili olmasan da, sevgili ilə mütləq dost olmalısan. Dostluq sizi komanda halına gətirəcək. Ehtiras romantik münasibətlərdə önəmli olsa da, bir yerə qədər bağlaya bilər sizi. Amma o da düzdür ki, ayrılsanız, eyni vaxtda dostunuzu və sevgilinizi itirmək ehtimalı var. Qruz üstünə qruz yəni.

8 əjdaha! 21.12.2020 18:53, adekvat insan

#314088 şikayət

kişi olmaq

+12 əjdaha

Normalda qadın olmaq çətindir desələr də, kişi olmaq da çətindir. Həqiqətən çətindir. Xüsusən də ataxaqanlıq prinsipləri ilə yaşanan, maskulinliyin önəmli olduğu toplumlarda. Düşünsənizə sizi hər an matışka çıxara bilərlər. Kövrək ürəklisənsə, üzündən zəhrimar yağmırsa, matışkasan. Zarafatcıl, söhbətcilsənsə, matışkasan. Cılızsansa da ,kişi kateqoriyasına uymursan. Qızları ələkdən keçirmək kimi adətin yoxdursa, sənin kişiliyindən şübhə edəcəklər. Hələ 20dən yuxarı yaşda bakirsənsə, yandın. Adın impotent, geyə çıxa bilər. Hətta səni fahişəxanaya da getməyə məcbur edə bilərlər. Getməsən, damğan hazırdır. Mental düşüncələri paylaşmırsansa, hazır ol. Adın peysər ə çıxa bilər. Hələ ailə, ailə yükü. Necə sınır kişilərimiz o yük altında. Yaxşı kişinin bacısı/yoldaşı işləməz prinsipinə görə gecə də, gündüz də işləyən kişilər var. Ha, bu arada ağlamaq da olmaz. Qətiyyən. Sən kişisən axı. Sonra da vay anam, kişilərdə intihar halı niyə çoxdur. Bu yazıq özünü sındırmaq qorxusundan heç elə olur ki, ömür gün yoldaşına ürəyini açmır. Nə etsin bəs?

11 əjdaha! 16.11.2020 02:43, adekvat insan

#310665 şikayət

ataya demək istənilənlər

+10 əjdaha

Orta statistik qafqaz kişisi olmayıb, evin əliyimruqlu rəisliyini eləməyə çalışmadığın üçün, "evdə rəis olmaz, öz başına qərar alınmaz, evdəkilərlə məsləhətləşilər" dediyin və bir az böyüyəndə o məsləhətləşməyə qardaşım və məni qatdığın üçün təşəkkür edirəm. Dinləməyə çalışdığın üçün, təşviş atakamın ortasında dəli kimi ağlamağıma da təmkinlə yanaşıb, qulaq asdığın üçün, "mən deyəndir, qurtardıq", "kəs səsini" demədiyin, hər addımımı güdmədiyin, məni sıxmadığın üçün çox sağ ol. Hə, bir də mənim stresdən partladığımı görüb, 6-cı günləri gəzmək günü etmişdin. Mənlə durub künc-bucaqdakı balaca kafelərə gedirdin. Çox sağ ol. Baxmayın, 50 yaşı ötmüş biri üçün 17-18 yaşlı birinin nazıyla oynamaq asan deyil. Ürəkdən istəməsən, edə bilməzsən.
Bizim ölkədə kənddən gələnə geridüşüncəli kimi baxırlar. Mən səndə o geridüşüncəliliyi görmədim. Bakıda 100 ildir qalanlardan daha "bakılı"san. Məncə, "xoşun gələn biri var?" Sualını danlamaq, incitmək üçün deməyən tək-tük atalardansan. Üzrlü say. Onda düzünü deyə bilmədim. Amma narahat olma, onun da xasiyəti sənin kimidir. Deyəsən, qızlar ataları kimi birini tapır söhbəti düz söhbətdir. Mən sənə baxıb, bir kişinin mənimlə necə davranmalı olduğunu, nələrdənsə keçməli olmadığımı öyrənmişəm. Düzü, bunda anamın da rolu olub. Nə anam özünü kişiyə əzdirəcək adamdır, nə də sən qadın üzərindən eqo savaşı aparacaq birisən.
Qısqanc biri olmağımı görüb, anayla birgə "bala,sən kimə oxşadın belə? Adam qısqanmaz, qısqanclıq münasibəti məhv edir" deyirsiniz. Bilirəm, bilirəm. Ona görə də içimdəki şeytanları boğuram. Elə dikbaşlığım, qısqanclığıma görə "bu qız kimlə dolanacaq? Kimə razılıq verəcəm mən?" düşündüyünü də bilirəm. Tanımadığım bibisiqızıyla toyda çəkilən şəklini görüb, sifət asmağımdan sonra kişinin gözü qorxub. LOL.
Arada səndən narahat qalıram düzü. Oxşar olduğumuzdan içimizdəki şeytanları da təxmin edə bilirəm. Bir görürsən, içinə qapanırsan. Susqunlaşırsan. Nə yalan deyim, qorxuram. Ona görə qapıdan girən kimi öpüb, qucaqlayıb, yanağını oynadıram. Ürəyin açılır bir az. Bir qorxduğum şey də varsa, mənə nə vaxtsa küsməyindir.
8-də oxuyanda telefon almışdınız. işlə problemin vardı. Ana "gəl,başqasını götür, sonra daha yaxşısını alarıq" deyəndə "qoy öz istədiyini seçsin" demişdin. Çətin vaxtında qanacaqsızlıq edib, onu seçdiyim üçün indi də özümü pis hiss edirəm. Bağışla.
Ps. Uşaq vaxtı oynadığımız oyunlar yadımdan çıxmayacaq, dədili.

8 əjdaha! 20.11.2020 05:15, adekvat insan

#310973 şikayət

evlənənə qədər qadınla olmayan oğlan

+13 əjdaha

Bir bitmədi də bu söhbət. Yatır, sizə nə, yatmır, sizə nə? Qız oğlanla yatanda qəhi olur, oğlan yatanda qoçu? Və ya əksinə qız oğlanla yatmayanda olur namuslu ev uşağı, oğlan olur yarım-oğlan, gey, oğlanlığında problem olan? A siz canı, yaxşı. icazə verin, hərə öz istədiyi kimi cinsi həyatını yaşasın, istədiyi partnyoru seçsin. Sonra da azərbaycan inkişaf etməyib deyirsiniz. Day burada da oğlanlıq söhbəti edilirsə, etməyəcək də.
Ps. Bu arada ilk tərcübəsini el dilində bazlıq adlandırdığınız şeydə yaşayıb, travma alan oğlanlar var. Mən bildiyim adam isə dostları tərəfindən təzyiqlərlə gedib və nifrət edib orada olan şeyə. indi özünüz baxın da. Çox qəribədir, birinin sevgilisiylə cinsi həyat yaşaması, sonra onunla evlənməsi qəribə qarşılansa da, ilkini seks işçisiylə yaşamaq normal qarşılanır. Oğlanlığın bir hissəsi sayılır. Hətta fuckbuddy tapmaq/ birinin duyğularıyla oynayıb, yatağa atmaq da oğlanlıq sayılır.

12 əjdaha! 21.12.2020 14:09, adekvat insan

#314051 şikayət

sevgilini sekslə məşğul olmayacaq qədər sevmək

+8 əjdaha

(bax: absurdizm)
(baxma: madonna-fahişə sindromu)
(baxma: evlilikdə vəzifə borcu kimi edilən missioner poza. Məqsəd uşaq olsun.)
(baxma: arvadına bacısı kimi baxan kişi)
(baxma: toy gecəsi "biz artıq yatmışıq. Məni səni bundan sonra necə sevim?" demək)

7 əjdaha! 25.11.2020 11:08, adekvat insan

#311442 şikayət

sözaltı günlük

+10 əjdaha

Sevgili günlük, günü gündən insanlara qarşı səbrimin tükəndiyini hiss edirəm. Halbuki əvvəl mənə "səndə daş səbri var" deyirdilər. Getdikcə kiçik məsələləri belə izah etməyə hövsələm çatmır, əsəbləşirəm. Evdə sırf marağa "hara gedirsən, nə üçün gedirsən, bu detal nədir" soruşulanda belə sonra deyərəm deyib yola verirəm. Çünki o detalı da izah etməyə hövsələm çatmır bəzən. Şeylər bir az tərs gedəndə əlimdəki əşyanı parçalayasım gəldiyi də olur. Yüksəkdən danışıq da bir müddətdir çilədən çıxarır məni. Özüm alçaqdan danışan biriyəm və məndən yüksəkdən danışmağım tələb ediləndə yoruluram, öz səsim başıma düşür. Az öncə sahə həkimi məni tərsləyib, səsini qaldırdı deyə içimdə yaranan qəzəbi təsvir edə bilmirəm. Qadını parçalamaq istədim rəsmən. Əsəbdən gözüm doldu. Qadının qırtlağına basasım gəldi. Mən nə ara belə əsəbi oldum bilmirəm.

9 əjdaha! 25.12.2020 12:45, adekvat insan

#314482 şikayət

sözaltı günlük

+8 əjdaha

Bu gün yenə əsəbləşdim, sözlük. Bu gün koronalı xəstələr üçün ayrılan xəstəxanada könüllü işləyən 3 universitet tələbəmiz qəzada həyatını itirdi. 1-i ağır yaralıdır. Ölənin biri qızdır. Bir görsəniz üzünün qəşəngliyini. Tanıyanlar xasiyətinə də elə deyirlər. Sözlük, onu rəylərdə qəhi çıxarmağa çalışdılar. Axşam smendən çıxanda 3 oğlanla maşında nə gəzirmiş. Hansı ata razı olarmış buna. Nədir bizim millətin adamları qəhbə çıxarmaq eşqi? Hamı soxmağa deşik axtarır? Sizin beyninizdir
soxmağa deşik axtaran! Maşını sürən oğlan müəllimimin oğlu idi. Adamı öz aramızda tontik deyə çağırırdıq. O qədər yumoş adam idi. O pulları haradan alıb, oğlunun altına maşın veribmiş. Özü də BMW! Malalamaq, özünü göstərmək üçün koronalı xəstələrlə işləməyə icazə veribmiş. Adam travmatoloq-ortopeddir, üstünə müəllim! Məndə olacaq pul? Onda olacaq da. Bir başınız sağ olsun deyə bilmədilər.
Bu arada 8 yaşlı uşaq da özünü atıb, intihar edib. Atası alkaşa görə... gözünüz aydın

8 əjdaha! 30.11.2020 15:23, adekvat insan

#312002 şikayət

azərbaycan tibb universiteti

+11 əjdaha

Anlatılmaz, yaşanır deyəcəm. ilk illər əsgərlikdir. Dembel, maladoy münasibətlərini öyrənirsən. (baxma: anatomiya kafedrası ) (baxma: şadlinksi ) inanın, o illər keçəndən sonra elə bil adamı qəfəsdən buraxırlar. Qəfəs yox, türmə! Adamın enerjisi elə sömürülür ki, sonra bədii kitaba belə baxmaq istəmir adam. Universitet tələbələrinin bir qismində müxtəlif dərəcələrdə depressiya, təşviş pozuntusu olduğuna adım kimi əminəm. 3-cü kursda vəziyyət nisbətən düzəlir. Orada da farmakologiya adlı kafedra var. Müdürünü hər görəndə gözünüz səyriyəcək. Bir insan nə qədər geridüşüncəli ola bilər. Rəsmən mağara adamı. Mühazirəsində qız su içə bilməz, masada su olmamalıdır. Açıq bufetdə ayaqüstü qız atışdırdığına görə deyinən adamdır. Qızın yediyi görünməzmiş. 5 qəpiklik də mühazirə demir. Təbii ki, uni ancaq bu qədər ağlamalı hadisələrdən ibarət deyil. Amma bu travmaların da üstündən gəlmək üçün özəl bir mizac formalaşdırır tələbələr. Ona görə tibb tələbəsinin zarafatını əksərən tibb tələbəsi anlayır. 4-cü kursdan etibarən müəllimlər həkimlərdən ibarət olur deyə artıq insan yerinə qoyulduğunu hiss edirsən. Amma burada da bir əmma çıxır. Dərs cədvəli! O dərs cədvəlinin 1 məqsədi var. Evə çatanda tələbədə ağzını açmağa enerji qoymamaq. Əgər siz ilin yazığı, bəxtsizi olaraq hərəsi şəhərin bir tərəfində yerləşən kafedralara dərsə gedəsi olubsunuzsa, başınız sağ olsun. Qardaş, adam qarayev metrodan da 1-2 km yuxarı yerdə olan kafedradan Topçubaşova dərsə gedər? Hələ ardı da var. Bir il belə davam etsə, taksi sürücüsünə dərs deyə biləcək hala gəlirsiniz. Son illər nələrsə edib, universiteti düzəltməyə çalışırlar. Amma universitetin ciddi şəkildə praktika problemi var. Ümid edirəm, ona da əl atarlar. Amma bunu halhazırda 3-5-ci kursda oxuyanlar böyük ehtimal görməyəcək. 6lar da zatən diplom alıb, çıxıb getmək dərdindədir.

9 əjdaha! 12.11.2020 21:16, adekvat insan

#310291 şikayət

mirzə ələkbər sabir

+8 əjdaha

Səs salma, yatanlar ayılar, qoy hələ yatsın,
Yatmışları razı deyiləm kimsə oyatsın

Mirzənin yazdığı, bu günlərə aid edə biləcəyim misralar

6 əjdaha! 10.11.2020 22:42, adekvat insan

#310099 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1365

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1372

adekvat insan

son bəyənilənlər:

oxuyucuların bəyəndikləri: