babaninja13

217 16 5 1

14. nəsil yazar

entry: 217

Bio üçün yazılacaq bir şeyim yoxdur

217 post son 1 ildə

Son 1 il 2026 2025

çox

6 gün

ardıcıl post

rekord: 10 gün

gecə quşu

Yeni

Səviyyə 1

52 / 100 XP

27.4K

təxmini söz yazıb

0.4 kitaba bərabər

Nailiyyətlər 5 / 13

İlk Addımlar

Yazıçı

Əjdaha Balası

Oxunan

Bestseller

Qələm Ustası

Əjdaha

Karma Yığıcı

Tanınmış

Vikipedist

Milyonçu

Həftəlik Seri

Veteran

blok başlıqlarını gizlət postları gizlət

repin ensklopediyası

chatgpt

yazarların həyatdakı devizl

hilda furacao

andrey fayt

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yazarların başına gələn maraqlı hadisələr

+10 əjdaha

deməli əsgərlikdən qabaq, pula həris və xaltura edən vaxtlarımda bir hadisə yaşanmışdı. mən videoqraf kimi, satışa çıxan amma hələ saytlarda yerləşdirilməyən evlərə gedib şəkil videosunu çəkib makler olan dostuma göndərirdim, oda saytlarda paylaşırdı. əgər ev satılsa məndə faizimi götürürdüm.
bir dəfədə yasamalda bir evə getdim. saat 6-7 aralığı. əvvəlcədən danışdığımıza görə məni gözləyirdilər. qapını üzümə yaşlı bir cütlük açdı. kişi 60-70, qadın isə 50-60 yaş aralığında olardı. məni qarşılayıb başqa otağa keçdilərki işimi rahat görüm. işimi bitirəndən sonra narahatçılıq üçün üzr istəyib evdən çıxırdım ki, kişi məni saxladı. dedi gəl liftin qabağında sənə deyiləsi sözüm var. razılaşdım. maksimum nə deyə bilərki deyə düşündüm. kişi məni liftin yanındakı pəncərəyə çəkib:
- bacıoğlu sən maklersən?
yox, mən çəkilişə gəlirəm. makler o biri yoldaşdır. yəni evinizi satışa o qoyacaq. qiymətlərlə falan özü ilə danışın. istəyirsiz nömrəsini verim?
- əşşi bir dayan görüm. mənim sözümün mustafası başqa şeydir. axrıda bu işin içində olan birisən
-bəli
-mənə saatlıq boş ev lazımdır. qonağım gələcək, başa düşürsəndə
çoxsu deyə bilərki nə var burda amma mən o vaxtlar elə düşünmürdüm. indinin özü olsa nəsə deyib yola verərdim. amma onda fərqli idi hər şey. başımı qaldırıb kişinin üzünə və ortası gedib kənarları ağarmış saçına nəzər yetirdim. cavab vermək istəyirdim ki, liftin qapısı açıldı. 30 yaşlarında bir oğlan bizi görüb yanımıza gəldi. onu görən kimi kişi qoluma astaca vurub yavaşca öskürdü və bu telepatik işarənin mənası "söhbətin altını vurma" idi.
-axşamın xeyir ata. qaqaş kimdir?
- abatun xeyir. maklerdir, gəlib şəkillərini çəkməyə evin.
- şad oldum. elxan (əlimi sıxıb özünü təqdim edir). inşallah əmələ gələr tezliklə
-xeyirlisi (mən: boğuq və soyuq səs ilə)
oğlan gedəndən sonra kişi mənə çevrilib yenə eyni sualı verdi. mən isə o anda beynimdə analizlər aparırdım: 11-ci sinifi bitirdiyim 4 ay deyil, mən hələ heç bir qızla əl-ələ tutmamışam bu yaşıma kimi, bu dayı bu yaşda, bu boyla (1.60) bunu necə bacarıb. ikinci olaraq lap deyək ki bacarıb, puluna minnət. bu öz aparatını işə salıb hərəkətə keçəndə ya insultdan ya da infarktdan ürəyi tutulacaq və elə orda keçinəcək. deyəsən adam mənim xəyalımda olan ölüm şəklini real həyata yansıtmaq istəyir. mən bu fikirləri düşünənə qədər bizim al paçino:
-hə noldu, təşkil edə bilərsən? hörmətini edəcəm. amma ancaq sən və mən biləcəm bu məsələni. aramızda.
-çalışaram
-nömrən varda səndə?
- var
-muğayət ol
-olaram.
liftə minib aşağı düşürdüm. o anlarda "əsas yaş deyil, yaşayışdı" frazasının nə qədər doğru olduğunun fərqinə vardım. əlbəttə o iş baş tutmadı. özüm istəsəm həll edərdim təbii ki, amma istəmədim. ağsaqqalın öz evi satıldı. sonralar bu cem yılmaz mənə dəfələrlə zəng edib, saatlıq evlər barədə yenə soruşmağa başladı. əsgəriyə gedəndən sonra onun sifətini bir dəfə yuxumda görmüşdüm və yəqin edirdim ki çox güman saatlıq ev üçün yenə məni axtarır, yoxsa yuxumda nə işi var.

7 əjdaha! 26.04.2026 13:36, babaninja13

#399212 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

ata ocağı

+10 əjdaha

Günlərdən dayımgildə qaldığım gün idi. Nənəmdə oturub bu seriala baxırdı, səhv eləmirəmsə 600 neçəncisə seriyasına. Dayımda qayıtdı ki, "bu ocağada kimsə işəsəydi, canımız qurtarardı".

9 əjdaha! 11.05.2026 02:44, babaninja13

#399424 şikayət

sözaltı meme

+8 əjdaha

8 əjdaha! 09.04.2026 00:55, babaninja13

#398795 şikayət

cadillac

+8 əjdaha

1902-ci ildə Henry Lead tərəfindən yaradılan, 1909-cu ildə General Motors-un satın aldığı, amerikan istehsalı lüks maşın modeli. cadillac adı, fransız səyyahı Antoni de la mothe cadillac-dan gəlir. bu markanı digər maşın markalarından fərqləndirən tərəfi onun lüks və komfortlu olmasıdır. ilk dəfə elektrik starter sistemi texnologiyası bu maşında istifadə olunub. ən məşhur modelləri:
Cadillac Escalade
Cadillac DeVille
Cadillac CTS
Cadillac Eldorado
və s.
Amerika prezidentlərinin limuzinləri çox vaxt cadillac platforması üzərindən hazırlanır.
XX-ci əsrin sonlarından başlayaraq bu maşın nüfuzlu biznesmenlərin, siyasətçilərin hətta new york mafiasının belə istifadə etdiyi markaya çevrildi. hətta çoxlarının bildiyi sopranos serialında belə, tony sopranonunda maşını bu marka idi, serialın yaradıcısı David Chase-nin sözlərinə görə Tony-nin bu model maşını seçməsi, güc və lüksun simvolu kimi təqdim olunur. serialda tony, richienin maşınını aparıb əzdirməyi Furioya tapşıranda o "Cadillac, Mannagia la Marie" (cadillac, çox təssüf..) demişdi.
sifarişi verən: jackmerius tacktheritrix

7 əjdaha! 08.03.2026 02:01, babaninja13

#397742 şikayət

big trio

+6 əjdaha

4 əjdaha! 31.03.2026 13:46, babaninja13

#398432 şikayət

insanın böyüdüyünü anladığı anlar

+6 əjdaha

Qazlı suyun daha yaxşı dad verdiyini başa düşmək

Pis vərdişlərdən çəkinib eləməmək yerinə (siqaret, vodka nəzərdə tutulur, hansısa preparatlar yox) "onsuzda elədiyimiz nə xeyirdi ki" deyib eləmək

Valideyinlərinin sənin xeyrinə danladıqlarını başa düşmək(Hər kəsə şamil deyil).

"inistuta gir, əlində kağız olsun" sözünün mahiyyətini dərk elədiyin an.

Dünyanı dəyişdirə bilməyəcəyini başa düşmək

Yaşıdlarınla yox, ataları ilə yarışdığını dərk eləmək

4 əjdaha! 28.09.2025 23:10, babaninja13

#392692 şikayət

oscara layiq olub alamayan aktyorlar

+5 əjdaha

bu haqda geniş-geniş danışmaq olar. Amma əvvəlcə siyahı çıxarmaq lazımdır:
(baxma: Conni Depp)
(baxma: Tom Kruz)
(bax: Jake Gyllenhaal)
(bax: Edward Norton)
(bax: Hugh Jackman)
(bax: Bradley Cooper)
(bax: Ralph Fiennes)
sifarişi verən: suda üzməyə qorxan balıq

3 əjdaha! 29.03.2026 13:12, babaninja13

#398354 şikayət

empatiya yorğunluğu

+6 əjdaha

ən oğraş hissdir empatiya qurmaq. "özünü mənim yerimə qoy". qoysam nə deyişəcək, qoymasam nə dəyişəcək adama deyərlər. mən indiyə kimi bundan əziyyət çəkirəm. ona görədə hətta ailəm tərəfindən belə loxlanıram. empatiya bacarığı olan insanlar üçün zindandır bu həyat. çalışın çox empatiya qurmayın

6 əjdaha! 17.10.2025 23:21, babaninja13

#393199 şikayət

güldürən mesajlar

+5 əjdaha

5 əjdaha! 13.01.2026 13:17, babaninja13

#395934 şikayət

futbolda ikonik anlar

+4 əjdaha

mənim fikrimcə:
1. Tanrının əli. 86-cı il dünya çempionatı maradonanın şousu idi. oyunda hələ hesab açılmamışdı. maradonanın verdiyi pas ingiltərə müdafiəçilərindən geri qayıdaraq havada qaldı. maradona isə özündən 20 sm hündür olan Piter Şiltonla eyni anda topa sarı tullandı. o başı ilə topa çatmayacağını gördü və sol yumruğu ilə topu qapıçıdan irəli vurub qapıya saldı. ingilis futbolçularının şiddətli təyziqlərinə baxmayaraq hakim əl hərəkətini görmədiyini bildirdi və qolu qeydə aldı. amma hər şey bununla yekunlaşmadı. 4 dəqiqə sonra maradona futbol tarixində ən möhtəşəm performanslardan birini sərgilədi. topu öz yarımmüdafiəsində aldı və 10 saniyə ərzində 60 metr məsafə keçərək 4 ingilis oyunçusunu ( beardsley,reid, butcher, fenwick) geridə qoydu və son olaraq qapıçı şiltonu keçib topu boş qapıya göndərdi. bu qol 2002-ci ildə fifa tərəfindən keçirilən səsvermədə rəsmi olaraq "əsrin qolu" seçildi. şərhçi viktor hüqo moralesin qol zamanı ağlayaraq "sən hansı planetdənsən axı" deməsi belə bu qolun özü qədər ikonikləşdi.

2.alovlar içindəki milano. 12 aprel 2005-ci il. san siro stadionunda gərginlik artıq pik həddə idi. ilk oyunda milan 2:0 qalib olmuşdu. cavab oynunda isə yenə milan 1:0 öndə olanda hakim interin vurduğu təmiz qolu ləğv etdi. bu inter azarkeşlərinin səbr kasalarının dağılmasına səbəb oldu. azarkeşlər meydana yüzlərlə məşəl, fişəng, butulka və müxtəlif şeylər atmağa başladılar. atılan fişənglərdən biri Milanın qapıçısı Didanın çiyninə dəydi və o zədələnib yıxıldı. hakim oyunu dayandırmalı oldu. oyun dayandırılarkən və meydan tüstü alovun içində ikən həmin dəqiqələrdə hamı oranı tərk edirdi. yanız iki rəqib oyunçu: marko materatstsi və rui koşta yan-yana dayandılar. marko koştanın çiyninə söykənib yaranan xaosu izləyirdilər. bu an tarixdə "düşmənçilik içində sülh" kimi tarixə yazıldı.

3. Ayaq üstə ölən adam
(bax: roberto baggio)

4. Andres Eskobarın qətli. 90-cı illərdə kolumbiya narkotikin, xaosun içində itib batırdı. futboluda bu çirkin işlərə alət etmişdilər. pablo eskobar və digər narkobaronlar futbol klublarına və oyunlara böyük yatırımlar edirdilər. futbol onlar üçün çirkli pullarını yumaq üçün vasitə həmçinin xalq arasında nüfuz qazanmaq üçün gərəkli idi. andres eskobarın oynadığı "atletico Nacional" klubu birbaşa pablo eskobarın himayəsində idi. pablo 1993-cü ildə öldürüləndən sonra ölkədəki intizam tamamilə itdi və narkotik kartelləri arasında bir müharibə başladı. andresdə bu xaoun qurbanı oldu. 22 iyun 1994-cü ildə kolumbiya ilk oyunda rumıniyaya uduzmuşdu buna görə tək şansları abş komandasına qalib gəlmək idi. oyundan əvvəl oyunçulara "uduzsanız, ailələriniz öldürüləcək" mesajı verilmişdi. oyunun 34-cü dəqiqəsində amerikalı oyunçu con harkes topu rəqib yarımmüdafisəindən içəri göndərdi. andres topun qarşısını almaq üçün yerə yıxıldı. amma ona dəyən top qapıçı oskarı yanıltdı və avtoqol oldu. andres həmin an yerdə tərpənmədən qalmışdı. sonralar bacısı mariya bununla bağlı "andres öz ölümünü görürdü" kimi intervyular vermişdi. 1994-cü ilin 2 iyul gecəsi andres medelyin şəhərində "el indio" gecə klubunun qarşısında pedro kasyano adlı şəxs tərəfindən 12 dəfə atəşlə güllələndi. qatil hər atəş açanda "qol" deyə bağırırmış.
onun ölümü kolumbiya futbolunda böyük bir qorxu və xaosun başlanğıcı olmuşdu. bir çox oyunçular milli komanda da oynamaqadn imtina etmişdilər. andres eskobar həmin yay italyan nəhəngi milan klubuna transfer olmağa hazırlaşırdı. ölməzdən qabaq yazdığı son məqaləsində "həyat burada bitmir, biz davam etməliyik, nə qədər çətin olsada ayağa qalxmalıyıq" demişdi. onun dəfnina 120 mindən çox insan qatılmışdı. hamı ona "futbolun cəngavəri deyirdi. bu gündə dünya çempionatlarında onun xatirəsi ehtiramla xatırlanır. 2014-cü il dç-da andresin vəfatının 20-ci ildönümü idi və minlərlə azarkeş "andres sən bizimləsən!" yazılı plakatlarla stadiona gəlmişdilər.

5. Figonun xəyanəti. Luis Figo barcelonanın kapitanı və "bütü" idi. Transfer olunandan sonra katalon mediasına "bundan sonra heç yerə transfer olacağımı düşünmürəm" kimi intervyu vermişdi. lakin qoca canavar florentino peres figonun meneceri ilə gizli müqavilə bağlamışdı. figo real madridə transfer olmasaydı çox böyük məbləğdə təzminat verəcəkdi. peresin təyziqlərinə dayana bilməyən figo komandasını dəyişməyə məcbur oldu. 23 noyabr 2002-ci il. el classico oyunu. real madridin oyunçularını aparan avtobusa ətrafdə gördükləri şeylərlə zərər verən əsəbi barcelona azarkeşləri, meydan kimi toplaşıb üzərində "figo 7" yazan formanı məşəllə yandırırdılar. stadionda 98.000 azarkeş var idi. figo hər topa toxunanda ona "pesetero" (xain) deyə bağırırdılar. figo isə öz inadına salmışdı. real madriddəki ilk vaxtlarında o künc zərbələri vurmurdu. amma sırf həmin oyunda bütün künc zərbələrini özü yerinə yetirirdi. hər dəfə bayrağa yaxınlaşanda tribunadan ona alışqanlar, viski şüşələri, telefonlar və o məşhur "donuz başını atdılar". bu donuz başı xəyanəti təmis edirdi. onlar figonu Judas (yahuda) adlandırırdılar. donuz başı rəmzi mənada artıq "artıq bizdən biri ola bilmərsən" mesajını və "murdarlandığını" bildirirdi. bu tarixdə ən iknonik anlardan biri kimi xatırlanır

6. "mineiraço". 2014-cü il braziliyada keçirilən yarımfinal oyunu. hamı bu oyunuda keçib finalda kuboku braziliyanın alacağına çox inanırdı. çünki braziliya bu yerə kimi çox yaxşı gəlmişdi. amma sən saydığını say gör Jogi nə sayır... neymarsız və tiaqo silvasız alman milli komandasının qarşısına çıxan braziliya komandasına vurulan 7 qol. 6 dəqiqəlik kabus. almaniya 23 və 29-cu dəqiqələr arasında ev sahibinə 4 qol vurmuşdu. miroslav kloze məhz bu oyunda ronaldo nazarionun "dünya çempionatlarında ən çox qol vuran oyunçu" rekordunu braziliyanın özündə, braziliyaya qarşı qırdı (16 qol çempionat boyunca). bu hadisə futbol tarixində daha çox "motivasiyanın disiplinə məğlubiyyəti" kimi xatırlanır. illər sonra oyunçular müsahibələrində bildiriblərki, rəqibi meydanda öz meydanlarında alçatmasınlar və ciddi oyuna davam etsinlər. çünki bu futbol ölkəsinə qarşı böyük hörmətsizlik olardı.

7. (bax: 1992-ci il avropa çempionatı)

8. manita. 2010-cu il, barcelona vs. real madrid. əlbəttə bundan qabaqda 1974-cü ildə yohan kroyffun başçılığı altında barcelona, real madridi elə öz meydanında, santyaqo berbabeu-da 5:0 məğlub etmişdi. amma 2010-cu ildə keçirilən el classico haqqında sonralar real madrid oyunçuları "topu görmürdük, görə bilmirdik. normal hal idi. tarixin ən yaxşı barcelonasına qarşı oynayırdıq" kimi intervyular vermişdilər. 2010-cu ildə, həmin mövsüm jose mourinyo real madridə yeni gəlmişdi və "ən güclü müdafiə quran məşqçi" imicini özündə saxlayırdı. amma o oyunda pep qvardiolanın inqilabı hücum strategiyası onun imicini darmadağın etmişdi. mənə görə isə bu oyunun ikonikası, oyundan sonra jerar pikenin stadionun mərkəzində beş barmağını açıq halda əlini havaya qaldırıb( la manita - kiçik əl) "5:0" mesajını verməsi və iki parlayan ulduzun qarşı qarşıya gələn anı idi. o aralar öz "prime" dövrünü keçirən messi xəsarət alıb oyundan çıxarkən o biri parlaq ulduz, ronaldonun yanından keçib hesab tablonuna baxır. bu şəkli mən uzun illər facebook arxa fon şəklim kimi istifadə etmişəm.

2 əjdaha! 11.04.2026 23:59, babaninja13

#398873 şikayət

atası ilə arası yaxşı olan oğlan

+3 əjdaha

Zarafat zarafat ən çox qibtə elədiyim oğlan. Ətrafımda atası ilə arası yaxşı olan bir nəfər tanımıram. Hələ ən yaxın dostum atası ilə yumruq davasına çıxıb evi tərk etmişdi. Adam gördüklərindən sonra deyir mən daha yaxşı ata olacam, mən atamın yaşatdıqlarını uşağıma yaşatmayacam. Amma hələ bilinmir.

2 əjdaha! 28.09.2025 23:18, babaninja13

#392693 şikayət

invincible

+3 əjdaha

2003-cü ildə Robert Krikman tərəfindən yaradılan daha fərqli baxış bucağı və əsasəndə daha "qanlı" olan superqəhraman komiksi
2021-ci ildə isə animasiya serialı formatında, amazon prime video platformasında stiven yon, gillian jacobs(eşqim), j.k. simmons və başqa digər ulduzlar tərəfindən səsləndirilərək yayımlanmışdır. şəxsən mən sevə sevə izləyirəm və ölkədə izləyən insanları görəndə sevinib saatlarla bu barədə danışıram
think mark!

3 əjdaha! 06.04.2026 01:17, babaninja13

#398674 şikayət

let it happen

+3 əjdaha

Tame Impalanın 2015-ci ildə yayımladığı musiqi. musiqinin sözləri çox dərin olsada, sözlərini türk sözləri ilə uyğunlaşdıranda bütün aktuallığı itir və artıq istəsəndə əvvəlki kimi dinləyə bilmirsən (baxma: çay ilen bisküvit )

3 əjdaha! 17.10.2025 14:23, babaninja13

#393195 şikayət

tək qalmaq

+3 əjdaha

Bağımlılıq yarada bilər. Tək qalmağın komfortunu görəndən sonra insanlardan uzaqlaşmaq mərhələsi başlayır.

3 əjdaha! 05.03.2026 00:41, babaninja13

#397618 şikayət

dmx

+3 əjdaha

əsl adı earl simmons olan, amerikalı reper. Karyerasına 1990-cı illərdə başlayıb. ilk beş albomu amerkiada böyük uğur qazanıb. bu rep tarixində nadir rast gəlinən hadisələrdən biridir. onu dünyaya tanıdan işi isə "It's Dark and Hell Is Hot" albomu idi. albom dünya hip-hopunda sensassiya yaratdı və onu qısa vaxt ərzində ən çox tanınan repçilərdən biri etdi. şəxsən mənim ən çox sevdiyim və playlistimdən əksik olmayan mahnısı "X gon' give it to ya" mahnısıdır.
Dmx həyatı boyunca narkotikdən əziyyət çəkib, şəxsi və hüquqi problemlərlə üzləşib. Hər şeyə rəğmən fanatları onu səmimi bir sənətçi kimi xatırlayır.
dmx 2021-ci ildə vəfat edib. ruhu şad olsun.

3 əjdaha! 07.03.2026 19:53, babaninja13

#397733 şikayət

küçə itləri

+5 əjdaha

uşaq vaxtı başıma gələn hadisəni danışım:
həmin gün dərsdən evə gəlirdim, kefim yox idi. idman dərsində, normativdən kəsilmişdim qaçmaq üzrə.(5-ci sinif) nəysə gəlib evə çatdım birazdan çox yaxında qalan qohumlarımız bizə gəldi. Qohumunda mənim yaşımda bir uşağı var idi. Oturub biraz cips-kola yeyəndən sonra təklif elədim ki, gedək stadiona. Futbol var bu gün, məhəllə yarışı. oturub baxarıq. uşaqda razılaşdı, düzəldik yola. dedi ki gəl kəstirmədən gedək. kəstirməyə stadiona gedən yolda sıx, ara küçələrdən gedir. Nəysə ara küçələrə girəndə irəlidən döngədə oturmuş nəhəng bir it ilə qarşılaşdıq. mən təntidim. uşaq dedi ki, qancıqdı (dişi), qorxma gəl dalımca. məndə küyə gedənəm deyə düşdüm dalına. itin oturduğu döngəyə az qalmış qəfil bizim heybətli Kerber (baxma: heraklın 12 qoçaqlığı) ayağa qalxdı və hürərək üstümüzə cumdu.
özümü dərk edəndə gördüm qaçıram, qohum uşağı məndən yox yox 14-15 addım irəlidə qaçır. ürəyimin döyüntüsünün səsi ağzımdan çıxırdı, amma qışqırmırdım. başımı döndərib baxmaq istədim ki bu dalbayovun balası bəlkə uzaqlaşdı. döndərib baxmağa macal tapmadım. itin nəfəsini dabanımda hiss etdim..məhz onda canın necə şirin bir şey olduğunu, bir addımı balaca atsam, balaca vaxtımda itə yem olacağımı düşündüm. ya da it məni dişləyib gedəcək mənə də quduzluq keçirəcəkdi.
bunlar ağlımdan keçə-keçə qaçmağa davam elədim. və məhz onda ayıldım ki, məndən 15 addım qabaqda qaçan qohum uşağını, 30 addım arxada qoymuşam. ayağımdakı ayaqqabının bir tayı yox idi, çox güman necə hırsla qaçmışdımsa ayağımdan çıxmışdı. amma ayaqyalın qaçdığımı hiss eləmirdim.
it çoxdan uzaqlaşmışdı biz isə qaçırdıq. mən həyətimizə birinci girdim. qaçıb evə çıxanda həyət qapısı açıldı qohum uşağı dalımca qaçıb evə girdi. ikimizdə götə dönmüşdük. qıpqırmızı olmuşduq, ürəyimiz ağzımızdan çıxırdı.

ondan sonra düz əsgərliyə kimi küçə itlərindən qorxmuşam. əsgərlikdə artıq patrulda falan hansısa it gəlib hürəndə, mən ondan bərk hürürdüm. it qorxub qaçırdı.

5 əjdaha! 15.01.2026 18:18, babaninja13

#396003 şikayət

valideynlərin övladlarına etdiyi pisliklər

+3 əjdaha

müəyyən yaşdan sonra böyük kimi davranmamaq, ciddiyə almamaq. qonaq-qara içində lağa qoymaq.

3 əjdaha! 01.04.2026 21:26, babaninja13

#398478 şikayət

gay

+2 əjdaha

dostum məne gey deyəndə - Bobby McFerrin - Don't Worry Be Happy
gey mənə dostum deyəndə - The Whistle of Death - Puss in Boots 2

2 əjdaha! 17.10.2025 13:49, babaninja13

#393193 şikayət

7 may 2026 bayern munich psg oyunu

+2 əjdaha

bütün gözləntilərimizi yerə vuran, başda anası olmaqla bütün var yoxunun təsnifatı aparılacaq hakimi olan həmçinində canlı əfsanə noyerin top saxlamaqdan aşsüzən olduğu oyun. ilk oyun futbol dünyasında çox danışıldı və çox danışılmalı oyun idi. bu oyun isə çox şey vəd edirdi. amma heç gözləntiləri qarşılamadı. bavariya azarkeşlərini başa düşürəm, artıq gözümüzdə kuboku qaldıracaq olan psg azarkeşlərinidə təbrik edirəm.

2 əjdaha! 07.05.2026 01:38, babaninja13

#399363 şikayət

11 may 2026 barselona real madrid oyunu

+2 əjdaha

Barcelonanın 29-cu dəfə çempionluq əldə etdiyi, 2:0-lıq oyun.
Hans Flick atasını oyundan qabaq itirmişdi
Oyunda Rasford və Fernan torres fərqləndi. Qapıçı Curtuois top saxlamaqdan aşsüzənə döndü. Vinisius qaraçılar kimi ancaq şüvənlik saldı. Messi instagramdan bu qələbəni paylaşıb qeyd elədi. Puyol twitter platformasından "yaxanızdakı simvola baxın və qürur duyun" kimi statuslar paylaşdı. Ümumilikdə əla oyun keçdi.
Florentio Peres isə infarkt keçirsə təəccüblənmərəm. Mən olsam çoxdan keçirmişdim

2 əjdaha! 11.05.2026 02:59, babaninja13

#399425 şikayət

evlilik

+2 əjdaha

Yaşıdlarımın yarısı evlənir artıq (22 yaş). O biri yarısıda "ağılları yoxdu" deyib keçirlər. Adam bilmir kimə inansın

2 əjdaha! 02.10.2025 01:11, babaninja13

#392779 şikayət

deniz göktaş

+3 əjdaha

Bu hadisə Azərbaycanda baş versəydi, yəni hansısa standup-çı Deniz Göktaşın etdiyi siyasi atmacaların çox yox, 1%-in etsəydi, çox güman tədbirdən evə qayıdarkən qapısının ağzında güllələnərdi

2 əjdaha! 04.07.2026 01:56, babaninja13

#400263 şikayət

roberto baggio

+3 əjdaha

"ilahi at quyruğu" ləqəbli italyan futbolçu. 1994-cü ildə, 4-cü dünya kubokunda, italya milli komandasını demək olarki təkbaşına çiyinlərində daşıdı. yarımfinallarda 5 qol ataraq millini finala apardı. finalında qarşı qarşıya gələn italya və braziliya milli komandaları 120 dəqiqə ərzində 0:0 bərabərliklə qaldılar. oyun penaltılara getdi. həll edici vuruşu roberto baggio yerinə yetirəcəkdi. hesab 2:2 olarkən, hər kəs baggionun bacaracağına inandığı halda o topu qapıdan yuxarı vurdu. braziliya penaltılarda 3:2 qalib gəldi və dünya kubokunu qaldırdı.
finaldan sonra italyanlar baggio'nun evinin divarına "tanrı baggio xaric hər kəsi bağışladı" yazısını yazmışdılar. Baggio uzun illər bu yazını sildirmədi. illər sonra bir intervyuda
- Hər gün o penaltını təkrar vururam və hər dəfə qol olur. amma o gün olmadı. həyatım boyunca özümü bağışlamayacam.
sözlərini deyəndən sonra, italyanlar evin divarındakı yazını "tanrı baggionu bağışladı amma baggio özünü bağışlamadı" kimi dəyişdilər.
italyanların baggio üçün bir sözləri də var. "Sokrat zəhərlənib öldü, Nitsşe hallüsinasiyalar görüb öldü, baggio isə ayaq üstə öldü"

3 əjdaha! 23.03.2026 15:37, babaninja13

#398168 şikayət

big trio

+2 əjdaha

2 əjdaha! 11.04.2026 16:21, babaninja13

#398862 şikayət

xəncər

+2 əjdaha

azərbaycan dramaturqu, ssri xalq yazıçısı və azərbaycan yazıçılar birliyinin üzvü olan ilyas əfəndiyevin cənubi azərbaycanlıların azadlıq uğrunda apardığı mübarizəsini əks etdirən əsəri:

Bu əhvalat iran Azərbaycanının kiçik bir şəhərində oldu. Şəhərin arxa tərəfi meşə,qabaq tərəfi isə göz işlətdikcə uzanıb gedən geniş düzənlik idi.Palçıqdan hörülmüş hündür barılar içində yerləşən və demək olar ki,hamısı bir mərtəbədən ibarət kərpic evlərin yalnız damları görünürdü.
Bir ilə yaxın idi ki,şəhər xoşbəxt günlər keçirirdi...Bir ilə yaxın idi ki,iran Azərbaycanında milli hökumət qurulmuşdu.Dukanların üzərindən farca lövhələr götürülmüş,yerinə AZƏRBAYCAN dilində yazılmış lövhələr vurulmuşdu.Küçələrin adları dəyişdirilib Azərbaycanca olmuşdu.Adamlar "ana dili",milli hökumət, "AZƏRBAYCAN" sözlərini indi tez-tez təkrar edirdilər.Elə bil ki,onlar bu sözlərin tələffüzündən sonsuz bir zövq duyurdular...Elə bil ki,onlar bu sözlərlə öyünür,fəxr edirdilər...Səhər tezdən tacir və peşəkarlar Azərbaycan qəzetinin təzə nömrəsini alıb oxumağa tələsirdilər.Onlar Azərbaycan dilində çap olunmuş xəbərləri,şeir və hekayələri böyük ləzzətlə oxuyurdular.
Bir ilə yaxın idi ki, qəsəbədə açılmış təzə məktəbdə gənc qız Südabə xanım,atası sərraf Məşədi Tağının iradəsi xilafına çıxaraq müəllimlik edir,uşaqlara Azərbaycan dilində dərs deyirdi.
Məşədi Tağı qəsəbənin ən varlı taciri olub,yeganə övladı Südabəni fars və firəng dillərində oxutduraraq yüksək təhsilə çatdırmışdı.
Qızı Südabə xanım milli hökumət qurulandan sonra müəllimliyə getmək istədiyini bildirdikdə o,əvvəlcə o qədər əsəbiləşdi ki,az qaldı vurub ev-eşiyi dağıtsın...Sonra qızının öz fikrində möhkəm durduğunu görüb,işi mülayimliklə yoluna qoymaq istədi...
-Bu qədər var-dövlətlə mənim qızımın gedib itin-qurdun uşaqlarına dərs deyib pul alması mənim üçün biabırçılıqdır,-dedi.
Lakin qız itə-qurda deyil,öz həmvətənlərinə xidmət etmək istədiyini bildirdikdə,ağıllı və hiyləgər Məşədi Tağı işin nə yerdə olduğunu anlayıb susdu.19 yaşlı tacir qızında bu üsyan ruhu haradan yaranmışdı? Məşədi Tağı bunu anlaya bilmirdi.Ömrünün 50 ildən artıq bir dövrünü pul kisələri arxasında keçirən,qızılların cingiltisindən başqa bir şey görüb duymayan bu qoca sərraf,az müddətdə bütün gəncliyin qəlbinə,ruhuna hakim kəsilən vətənpərvərlik duyğusunun hökmündəki sirri anlaya bilmirdi...
Onun qəlbi də qarşısındakı qızıllar kimi soyuq və ölü idi...
Südabə xanım ucaboylu,nazikbədənli,ağ və zərif üzü iri,ala gözlərinin mehriban ifadəsi ilə işıqlanmış sakit və mülayim bir qız idi.
Südabədə milli hissin oyanması tarixi çox kiçik və adi təsadüfdən başlanmışdı.Bir dəfə rəfiqələrindən birinin evində ziyafətdə o,gözəlliyi,dövlət və rütbəsi ilə qızlar arasında şöhrət qazanmış gənc bir fars zabiti görmüşdü.Zabir ona baxıb yanındakı qıza demişdi ki:"Gözəl qızdır,amma heyif ki,azərbaycanlıdır".Fars zabitindən təsadüfən eşitdiyi bu sözlər gənc qızın izzət-nəfsini yaralamışdı.
Buna görə də Südabə iran Azərbaycanında qalxan azadlıq hərəkatına ürək yanğısı ilə qoşuldu və bu hərəkatın gözəgörünməz coşğun dalğaları onu öz ağuşuna alaraq çox uzaqlara apardı.Həyatında ilk dəfə olaraq bu gənc qızda milli qürur hissi baş qaldırıb,bütün varlığına hakim kəsildi. O,ürək çırpıntıları ilə səhərlər yerindən qalxır,bir stəkan çay içib məktəbə tələsir,öz şagirdlərini elə təşviş,həyəcan və ehtirasla qarşılayırdı ki,elə bil onları itirəcəyindən,onlara bir şey olacağından qorxurdu.
Çoxları cın-cındır içində olan bu yarımac körpələrin şikayətsiz,tələbsiz baxışları gənc müəllimənin qəlbini odlayırdı.O,bu solğun və müəzzəb üzlərə həyəcanla baxır,göz yaşları içində düşünürdü:"Bax,bunlar mənim həmvətənlərimdir."
Bir dəfə tənəffüs zamanı bayırda bərk səs-küy eşidib,qapını açaraq arakəsməyə çıxdı.Şagirdlər,yaxşı geyinmiş və qorxusundan ağappaq ağarmış bir uşağın üstünə dartınan və əlində xəncər olan 14 yaşlı arıq,qarabuğdayı bir oğlanı güclə saxlayırdılar. Oğlan dartınır:-.Buraxın.Mən ona kimi bişərəf olduğunu gostərərəm-deyə qəzəblə qışqırırdı.
Bu hal müəlliməni çox əsəbiləşdirdi.O,uşaqları aralayıb,əlində xəncər olan oğlanın yanına gəldi.Oğlan onu görərək sakit oldu.Yoldaşları onun qolunu buraxdılar və o,xəncərini arxasında gizlədərək başını aşağı saldı.
--Bunlar niyə dalaşır?-deyə müəllimə şagirdlərdən soruşdu.
Bax,təqsir bundadır,-yaşca o birilərindən böyük və diribaş oğlan,yaxşı geyinmiş uşağı göstərib izah etdi.--ildırım əlində xəncər olan uşaq deyirdi ki,ajanlar bişərəf adamlardır.Bu da deyir bişərəf sənsən.Çünki özünün atası farsların vaxtında ajan olub...
Müəllimə əlində xəncər olan oğlanın qolundan yapışıb müəllimlər otağına apardı.Onun təmiz,lakin onlarca yamağı olan köhnə libasına,qara qıvrım saçlarına,müqəssir halda yerə dikilən gözlərinə baxıb-Xəncəri ver bura-deyə acıqla səsləndi.Oğlan xəncəri arxasında tutb,cavab vermədi.
--Ver xəncəri-deyə müəllimə təkrar etdi. Bu zaman oğlan onun üzünə baxmadan,istər-istəməz xəncəri ona uzatdı.Müəllimə ağ sümük qəbzəli və almaz kimi iti tiyəli xəncəri nəzərdən keçirdi.
--Şagird də özü ilə xəncər gəzdirərmi?-deyə acıqla oğlana baxdı.
Oğlan nəzərlərini yerdən çəkməyərək susdu.
--Demək,xalqın uşağını öldürmək istəyirdin?-müəllimə onu diqqətlə nəzərdən keçirdi.
Birdə oğlan başını qaldırıb şəvə kimi parlaq gözlərini müəllimənin ala gözlərinə dikərək:
--O,xalqın uşağı deyil,ajanın oğludur-dedi.
Onun səsindəki kin və qətiyyətdən müəllimənin qəzəbi dərhal soyudu və o,daha da maraqla uşağa baxaraq:
--Necə məgər,ajan xalqdan deyil?-deyə gizli bir təbəssümlə soruşdu.Oğlan ona xəncər kimi kəskin nəzər salıb,təkrar yerə baxdı.Müəllimə bu ani baxışın mənasını anladı.
--Yaxşı get.Bu dəfə sənin təqsirindən keçirəm.Ancaq bir də belə iş etmə.Eşitdinmi?
Lakin oğlan yerindən tərpənmirdi.
-Niyə getmirsən?
Oğlan başını qaldırıb yavaş, lakin möhkəm səslə:
-Xəncəri verin!-dedi.
-Lazım deyil,get.Məktəb uşağı xəncər gəzdirməz.
Bir neçə saniyəlik sükutdan sonra oğlan güclə yerindən qopub,ağır addımlarla qapıya tərəf getdi və qapıya çatanda dayanıb geri çevrilərək:
-Xəncəri verin,müəllimə-dedi.
Müəllimə onun alışıb-yanan qara gözlərinə baxıb:
-Dedim ki,şagird xəncər gəzdirməz-dedi.
-Yox, verin-deyə oğlan bu dəfə titrək səslə təkid etdi.
-Çıx bayıra-deyə müəllimə qışqırdı.Oğlan başını aşağı salıb yerindən tərpənmədi və acıqla ona baxan müəllim,oğlanın qarabuğdayı yanağından yavaş-yavaş yuvarlanan bir damla göz yaşı gördü.
-Sabah mən bunun əvəzində sənə başqa bir şey bağışlayaram.Axı,xəncər sənin nəyinə lazımdır?
Müəllimənin səsindəki mərhəmət oğlanın qəlbini kövrəltdi .O,yalvardı.
--Məni bağışlayın,müəllimə-dedi,-Vallah bir də heç kəslə savaşmaram.
Ancaq xəncəri verin.
--Dedim ki, sənə bundan da qiymətlisini bağışlayacağam...
-istəmirəm.Xəncəri verin.O,atamınkıdır.
--Eybi yoxdur.Mən atanla danışaram.
-Atam yoxdur.
-Vəfat edib?
--Bilmirəm.Ajanlar dörd il bundan qabaq tutub apardılar.
Müəllimənin iri-iri açılmış gözləri oğlanın quru atəşlə yanan gözlərinə zilləndi.Bayaqkı bir damla göz yaşı oğlanın yanağında qurumuşdu.
-Necə.Bəs o vaxtdan heç bir xəbər yoxdur?
-Yoxdur.
Bu sözü oğlan elə mükəddər,ümidsiz və yanıqlı ifadə ilə dedi və onun yanan gözləri elə bir ehtirasla müəllimənin əlindəki xəncərə dikildi ki,gənc qız bütün vücudu ilə titrədi və qeyri-ixtiyari hərəkətlə əlini yavaş-yavaş qaldırıb,xəncəri oğlana verdi.
Qız bu hərəkəti müqəddəs bir ayin icra edirmiş kimi elədi.
Oğlanın gözləri sevinclə parladı və o,xəncəri alıb otaqdan çıxdı.
Müəllim bir neçə saniyə onun ardınca baxıb ah çəkdi.
O günü dərsdən çıxıb evə gələndə müəllimə qəsəbə adamları arasında nə isə bir həyəcan hiss elədi.Elə bil ki, onlar hara isə tələsir,nədən isə ehtiyat edib susurdular.Qarşısına çıxan adamlar indi müəlliməni görərkən dünənki şən və mehriban ifadə ilə gülümsəmir,soyuq bir ehtiramla baş əyib,cəld ötürdülər.
Bu nə demək idi?
Axşam ögey anası Zərintac xanım gəlib onu atasının hüzuruna çağırdı.
Başında araqçın,çiynində əba olan Məşədi Tağı tirmə döşəkçənin üstündə oturub sulu qəlyan çəkirdi.
Onun üzündə adəti xilafına olaraq narahat ifadə var idi.
Südabə ayaq üstə onun qarşısında dayanıb :
-Nə buyurursan, ata? -deyə ehtiramla soruşdu.Bir neçə dəqiqə sükutdan sonra Məşədi Tağı başını qalıdırıb qızının üzünə baxmadan:
-Yəqin ki,təzə xəbəri eşitmisən.-dedi.
-Hansı xəbəri, ata?-deyə qız maraqla soruşdu.
-Necə hansı xəbəri ?-Məşədi Tağı zəhərli bir təbəssümlə gülümsəyib əlavə elədi-Görünür,əclaflar (o, demokrat partiya üzvlərini belə adlandırırdı).
başlarını götürüb qaçanda sənə xəbər verməyə macal tapmayıblar.
O,"qaçanda" sözünü xüsusi bir vurğu ilə tələffüz etdi.
-Heç kəs qaçmayıb,ata-deyə qız acığını boğaraq cavab verdi.
--Bu barədə mübahisə etməyin indi mənası yoxdur,qız.-Məşədi Tağı bu dəfə tamamilə sakit və mülayim bir ahənglə sözünə davam etdi.-Əgər qaçıblarsa,çox ağıllı iş görüblər.Şahın qoşunları dünən Zəncana varid olub,demokratların hamısını -uşaqdan-böyüyə qılıncdan keçiriblər.
Sabah,biri gün burada olacaqlar.
Məşədi Tağı susub qəlyandan iki qulab alandan sonra yenə də onun üzünə baxmadan tam sakit və mülayim səslə:
-Dayanmaq lazım deyil.Tezdən maşın gəlib səni Tehrana aparacaq.Aralıq sakitləşənə kimi gedib orada əmingildə qalasan,görək sonra nə olar...
-Mən heç bir yerə getməyəcəyəm.
Bayaqdan bəri birinci dəfə olaraq Məşədi Tağı başını qaldırıb qızının gözlərinə içinə baxaraq:
-Necə.?Sən bu dəfə də mənim üzümə ağ olursan?-deyə qorxunc bir görünüşlə soruşdu.
-Mən xalq müəlliməsiyəm.
--Demək,boğazdan asılmaq istəyirsən.
Məşədi Tağı ayağa qalxdı.
-Xalq nə cür,mən də elə...Pis gündə mən onu qoyub düşmən qərargahına qaça bilmərəm.
Məşədi Tağı yenə də sakit bir ifadə ilə:
-Ağlını başına yığ,qız.Onlar sənin ucundan məni də bihörmət edərlər.-dedi.
-Mən heç bir yeə getməyəcəyəm,ata-Müəllimə çevrilib çıxmaq istədi.
--Dayan-deyə atası arxadan qışqırdı və onun üzü müdhiş şəkil aldı.
Alnının damarları qızarıb şişdi.Gözləri təhlükə qarşısında olan canavar gözləri kimi vəhşi və küt ifadə parladı.-Bu gecədən sonra mənim sən adlı övladım yoxdur.Allah sənə lənət eləsin!Çıx mənim evimdən!.Bu saat çıx!-O kobud hərəkətlə müəlliməni itələyib bayıra saldı.
Kişinin səsinə qızın ögey anası gəldi:
-A kişi,bu gecə vaxtı,soyuqda-qiyamətdə yazığı hara qovursan?
Keç belə!,-deyə kişi qışqırdı.
Müəllim yerindən qopub ağır addımlarla qapıya tərəf getdi.
Ögey ana qızın paltosunu gətirib darvazanın ağzında ona verdi.
Müəllimə paltosunu geyib ata qapısından çıxdı...
-Get.Aqibətini görərik!
Qaranlıqdan gələn bu səs qızın tüklərini ürpətdi.
Göz-gözü görməyən zülmət gecə idi.Qar qarışıq külək uğuldayırdı.Müəllimə büdrəyə-büdrəyə gedirdi.Lakin haraya bilmirdi.Qəsəbədə yaxın bir kəsi yox idi.Mehmanxanayamı getsin? Mümkün deyil,pulu yoxdur.
Soyuq dekabr küləyi qarı sovurur,gecə quduz canavar kimi uğuldayır,müəllimə isə gedirdi...
-Salam,müəllimə xanım.
Qız diksinərək başını qaldırıb,belində odun şələsi,qarşısında dayanaraq qaranlıqda işıldayan gözlərini ona zilləmiş ildırımı gördü və oğlanın cingiltili səsinin şən ahəngi onun qəlbini birdən-birə yüngülləşdirdi
-Belə gec vaxtda meşədənmi gəlirsən?-deyə müəllimə öz dərdini bir an unutmuş kimi təəccüblə soruşdu...
-Bəli,meşədən gəlirəm.Bəs siz bu vaxt hara gedirsiniz?
Müəllimə bu dəhşətli gecədə tək-tənha meşədən odun yığıb gətirən və əynində isti bir paltarı belə olmayan bu 14 yaşlı oğlanın səsindəki həyat qığılcımına,şənlik və cəsarətinə heyrət edərək cavab vermədi. Onlar bir neçə dəqiqə sükut içərisində getdilər.Birdən müəllimə ayaq saxlayıb,qəti ifadə ilə:
-Evdə kiminiz var?-deyə soruşdu.
-Heç kəs müəllimə,bir mənəm,bir də anam.
-Məni bu gecə qonaq saxlayarsınızmı?
--Niyə saxlamırıq,müəllimə,lap istəyirsiniz bir il qalın.
-gedək.
-Həmişə odunumuzu erkən gedib gətirirdim...Bu gün başım dərsimə qarışıb,gecikmişəm.
-deyə oğlan həvəslə danışırdı.
-Bəs belə qaranlıqda qorxmursan, meşəyə tək gedirsən?
-Nədən qorxacam.Oğlan qaranlıqda dişlərini ağardıb gülümsədi.Sonra birdən qaşqabağını tökərək:-Atamın xəncəri yanımda olanda heç nədən qorxmuram-dedi.Onlar qəsəbənin uzaq və dar küçələrindən birində,balaca darvazanın qabağında dayandılar.Oğlan toxmağı vurdu.
Az keçmiş qapı açıldı...
-hardasan,ay bala? Demirsən qurd-quş səni basar yeyər?
Qapını açan arvad əvvəlcə oğluna,sonra müəlliməyə baxıb təəccüb etdi:
-Yeri evə paltar sal.Müəllimə bizə qonaq gəlib,-deyə oğlan sevinclə dilləndi.
Ana hörmətlə geri çəkilərək:
-Buyurun,müəllimə xanım.-dedi
Onlar kiçik bir otağa daxil oldular.Otaq çox yoxsul,lakin təmiz idi. Ortada dəmir soba var idi.Sobanın yanına köhnə bir palaz salınmışdı.Ana evin arxa tərəfinə yığılmış yükdən köhmə,lakin təmiz döşəkçə çıxarıb xəcalət çəkə-çəkə palazın üstünə saldı:
-Əyləşin,müəllimə xanım.
Müəllimə oturdu.ildırım sobanı qaladı.Ananın üzündə pərişan və həyəcanlı bir ifadə var idi.O,ümidsiz və məyus səslə:
-Bu nə işdir,başımıza gəlir,müəllimə xanım-dedi-Qonşımızın oğlu fədai Hüseyn bir az bundan qabaq Zəncandan gəlib.
Deyir,şahn qoşunları camaata bir divan tutub ki,qan su yerinə axıb...
Müəllimə dinmədi.Aralığa sükut çökdü.
-Tezliklə yəqin burda olarlar,-deyə ana vahimə içində oğluna baxıb,sonra Südabəyə dönərək-Şəhərdə qalmayın,müəllimə.Çıxın bir tərəfə gedin.
-Yox,mən heç yerə getməyəcəyəm-deyə Südabə ananın üzünə baxmadan cavab verdi və bunu elə bir ifadə ilə dedi ki,elə bil qadına deyil,öz atasına cavab verirdi.
-Heyifsiniz,müəllimə xanım.Deyirlər onlar arvadlara,uşaqlara da rəhm eləmirlər.
Kimdən bir az şübhələnirlər,boğazdan asırlar...
-Nə edək bacı.Bu şəhərdə mən tək deyiləm.
Elə bu zaman qapı döyüldü.Ana qorxmuş halda müəlliməyə baxdı.Müəllimə soyuqqanlı və sakit səslə:
-Gör kimdir?-deyə oğlana müraciət elədi.
ildırım yüyürüb qapını açdı.Çadraya bürünmüş bir qadın içəri daxil oldu,o,üzünü açdıqda müəllimə analığı Zərintac xanımı gördü.
Qadın göz yaşları içində qızlığına dedi
-Bayaqdan bəri səni axtarmamış yer qoymamışam.Bu həyətə girdiyini bir uşaqdan bildim.inad eləmə,qızım.Səhər tezdən gərək buradan çıxasan.Özünə yazığın gəlsin.Deyir,onlar sənin kimilərini sorğusuz-sualsız asırlar.
-Sən necə bilirsən ana,7 aydır mən camaatın uşalarına tərbiyə verirəm.Onlara düşmənə nifrət etmək öyrədirəm.indi təhlükə onların başının üstünü alanda qaçıb həmin düşmənə pənah gətirsəm,mənə nə deyərlər?
Ögey ana mat-məbhut qalıb,cavab vermirdi.
ildırım iri-iri açılmış gözləri ilə müəlliminə baxırdı.
Birdən müəllimə bir şeydən qorxmuş kimi diksinərək:
-Yox,-dedi.-Bu mümkün deyil.Mən heç bir yerə getməyəcəyəm .Qoy mənim 7 ay dərs dediyim şagirdlər məni gələcəkdə lənətlə yad etməsinlər.
Bu sözlər qeybdən gələn fövqəladə bir səs kimi anaların qəlbini əzəmət və ilhamla doldurdu.
Ögey ana ayağa qalxıb
--ALLAH sənə yar olsun,qızım-deyə vüqarla otaqdan çıxdı.
Müəllimənin üzü dəhşətli əzab və çətinliklərdən xilas olub,nəhayət ağ günə çıxan adamların üzü kimi aydın və xoşbəxt bir hisslə işıqlandı və o,həyatın ürəkaçan,adi,xoş hadisələri barədə danışmağa həvəsləndi.Şagirdinin bayaqdan bəri ona zillənib qalmış və çıraq işığında şəvə kimi qapqara bir maye kimi qaynayan parlaq gözlərinə baxaraq,şən təbəssümlə
-ildırım sizı incitmir ki,xala?-deyə anadan soruşdu...
Onun bu qəribə nəşəsi bir anda ana ilə oğula da sirayət elədi.Ana gülümsədi və bu təbəssüm onun vaxtından əvvəl qocalıq şaxtası vurmuş üzünə ani bir gənclik gətirdi.
-Yaman nadincdir,müəllimə,-ana oğluna baxdı.Lakin onun baxışı məzəmmət deyil,məhəbbət və fərəh ifadə edirdi.-Ancaq sizi çox istəyir.Evdə eyzən sizdən danışır.Neçə dəfə istəmişəm gəlib rizaməndlik eləyəm.
Onlar gecə yarısınadək oturub söhbət elədilər.Ev sahibəsi öz dərdini danışdı .Əri xalça karxanasında işləyərmiş.Açıqfikirli demokrat imiş.4 il bundan qabaq həbsə alınmış və xəbərsiz-ətərsiz yox olmuşdu...
--Təbrizə gedib Pişəvərinin özünə dedim,-deyə qadın dərd ilə yanan quru gözlərini yerə dikib nağıl edirdi.--Hər tərəfi axtardı,haç yerdə gördüm deyən olmadı.
-Belə soyuq bir gecədə gəlib apardılar...-deyə ana ah çəkib gözlərini yerə dikdi.
-Ajan böyüyü çox bişərəf adam idi.Qapıda anamı itələyib yerə yıxdı.Görsəm bu saat tanıyaram.Üzü arvad üzü kimi qırmızı bir kişi idi.,-deyə ildırım nəzərləri hələ də yerdə olan anaya baxdı və onun qara gözləri kinli,amansız bir atəşlə parladı.
O gecə müəllimə uzun zaman yata bilmədi.Qısa və müztərib bir ömrün kədərli xatirələri,son 7 aylıq həyatının əziz xəyalları onun yuxusunu ərşə çəkirid.O,bu 7aylıq həyatının indi artıq çox uzaq və irişilməz olan səadəti ilə vidalaşırdı,GÖZƏL VƏ MƏYUS VƏTƏNi AZƏRBAYCAN HAQQINDAKI NƏĞMƏNi SOZ DƏFƏ ŞAGiRDLƏRiNƏ OXUTMAQ ÜÇÜN SƏHƏRiN AÇILMASINA TƏLƏSiRDi...
Səhər açıldı...
Müəllimə geyinib ildırımla məktəbə gedərkən əhali arasında bir qarğaşalıq gördü.Tacirlər yazılmış lövhələri götürüb,yenə farsca yazılanları asmışdılar.
Mürtəce tacirlər
-Sabah-şərəfiniz xeyir,ağa.Gözünüz aydın,deyir,gəlirlər.-deyə bir-birini təbrik edir və gülümsəyirdilər.
Əsnafın,yoxsulların,xırda laverçilərin üzləri isə tutqun və kədərli idi.Onlar salamlaşmadan bu nə işdir,dadaş.-deyə həyəcanlı pıçıltı ilə bir-birindən xəbər alırdılar.
Müəllimə məktəbə çatıb, zəngi vurdurdu və paltosunu çıxarıb sinfə girdi.Lakinuşaqların yarıdan çoxu gəlməmişdi.
Axırıncı dərsdə o,şagirdlərinə AZƏRBAYCAN NƏĞMƏSiNi oxutdurdu.Dünən qəlbi fərəhli,xoş duyğularla qanadlandıran bu nəğmə indi onda həsrət və hicran doğururdu. Elə bil ki, onun Vətəni haqqında olan bu mahnı indi uzaqlardan, çox uzaqlardan gəlirdi.
O,yaşarmış gözlərini uşaqlar görməsin deyə,üzünü pəncərəyə çevirdi.Elə bu zaman ayaq səsləri eşidildi,bir fars zabiti ilə iki sərbaz içəri girdi.Mahnı uşaqların boğazında qırılıb qaldı.Ucaboylu fars zabiti
-Deyən,Azərbaycan haqqında nəğmə ğyrədirsiniz,xanım.-deyə istehzalı bir təbəssümlə soruşdu.
-Bəli,ağa,Azərbaycan haqqında nəğmə öyrədirəm.Bəs siz niyə silahlı əsgərlə sinif otağına girirsiniz
-Ağayi sərhəngin əmrinə əsasən biz sizi narahat etməli olacağıq,xanim.Buyurun,bizimlə gedək.-zabir qapını göstərdi.
Müəllimə danışmağın mənasız olduğunu hiss etdi.
Zabir bu dəfə sərt halda
-Bizi ləngitməyiniz.-dedi.
Müəllimə çevrilərək qorxmuş gözləri ona dikilib qalan uşaqlara baxdı.ildırım ayaq üstə dayanmışdı.indi onun gözləri marıta yatıb öz ovu üzərinə atılmağa hazırlaşan pələng balasının gözlərinə oxşayırdı.
-Sağ olun,uşaqlar.Məni yadınızdan çıxarmayın,bəlkə bir daha görüşmədik...Böyük oğlanlar olanda Vətəniniz uğrunda mübarizə edin.Heç bir zaman yaddan çıxarmayın, bunlar, o,fars zabitini göstərdi bizim ən qəddar düşmənimizdir.
-Rədd kon-deyə zabit farsca sərbazlara qışqırdı.
Lakin müəllimə onların özünə toxunmalarına yol verməmək üçün cəld paltosunu geyib qabağa düşdü.Onlar küçəyə çıxanda iki-iki fars sərbazlarının qabağında qolu bağlı aparılan tanış demokratları gördü.Onların ardınca gözüyaşlı arvadlar,bənizləri ağappaq ağarmış uşaqlar gedirdilər.
Qəsəb ağır və dəhşətli bir sükut içində idi.Bu qorxunc sükut içində adamların evlərindən çıxarılırb qolubağlı aparılması müəllimə Varfolomey gecəsini xatırladırdı.O gecədə əd insanları beləcə sükut içində qırırdılar.
Qəsəbə ilə meşənin arasındakı açıqlığa çatanda müəllimə,meydanda qurulmuş dar ağaclarını gördü.Dar ağaclarının yanında isə bir dəstə qolubağlı demokrat durmuşdu.
Onlardan da on addım kənarda 20 nəfər fars sərbazı və 3 zabit dayanmışdı.
Cavan zabit,yoğun və qıpqırmızı sifəti olan eynəkli sərhəngə təzim edib,müəəliməni gətirdiyini və onun rəftarını ərz elədi.
Sərhəng gözlərini qıyaraq qıza diqqətlə baxıb cavab vermədi. Beş dəqiqədən sonra biri qoca,digəri cavan və gözəl bir oğlan olan iki nəfər də gətirdilər.
Onların ardınca köhnə kəlağayısı altından qar kimi ağ saçları dağınıq halda çıxmış,günəşdən yanıb qaralmış arıq sinəsi və üzü dırnaqları ilə cırıq-cırıq edilmiş bir qarı gəlirdi.
Qarı sərhəngin qabağında dayanıb
-Onu öldürmə -deyə təzə gətirilən cavanı göstərdi- Allah dərgahında cavab verə bilməzsən. Onun günahı yoxdur.
-ANA-deyə oğlan qışqırdı.
Ana onu eşitmədi. Sərhəngin qolundan yapışıb dedi
-Bu saçlardan,çalın- çarpaz dağ çəkilən bu sinəmdən qorx. 7 oğuldan bircə o qalıb.
-Bu köpəyi susdurun-deyə sərhəng üz-gözünü bürüşdürdü.iki cavan zabit ananın qolundan yapışıb kənara çəkdilər.Ana,üzündə müdhiş bir təbəssümlə oğluna baxdı.
-Çıxar siyahını oxu-deyə sərhəng yavərinə əmr etdi
Müəllimənin adına çatanda sərhəng gözlərini yenə də qıyaraq ona baxdı.
-Bu hansı Məşədi Tağının qızıdır.Sərraf Məşədi Tağınınmı-soruşdu.
-Bəli -deyə yavər cavab verdi.
-Onu tapın bura gətirin.
Yavər Məşədi Tağının ardınca iki sərbaz göndərərək siyahını oxuyub qurtardı.
-Daha qalan yoxdur ki,-deyə sərhəng sakitcə soruşdu.
-Xeyr,deyə zabit cavab verdi.
Bu vaxt Məşədi Tağını da gətirdilər.
-sən nı vaxtdan kommunist olmusan,məşədi-Sərhəng gözlərini qıyıb ona baxdı.
-Nə sarıdan belə hökm verirsiniz,ağayi sərhəng-Məşədi Tağı sakit və məğrur bir görünüşlə cavab verdi.
-Bu kimi qızıdır-Sərhəng müəlliməni göstərdi.
Məşədi Tağı Südabəyə baxmadan,mənfur sakitliklə cibindən bir kağız çıxarıb təqdim elədi.
Sərhəng kağızı açıb bu sətirləri gözdən keçirdi.Mən qızım Südabə Məşədi Tağı qızını üzümə ağ olub mənimiradəmin xilafına hərəkət etdiyi üçün,aşağıda imza edilən şəxslərin şəhadəti ilə bu dəqiqədən etibarən övladlıq şərəfindən məhrum edirəm..Nə ölüsünə,nə də
dirisinə sahib deyiləm,onun heç bir hərəkətində özümü cavabdeh bilmirəm.
Sərhəng məktubu axıra qədər oxumadı,sərbazlara əli ilə başlamaq işarəsi verdi.
Qabaq cərgədə duranlardan müəllimlə bərabər gətirilən qarının oğlunu və qoca kişini dar ağcınıb altına gətirdilər.
-Kimin bunlardan çikayəti var-deyə sərhəng güc ilə ora yığılan camaata müraciət elədi.Bu qəribə sual hamını təəccübə saldı.
-Mənim şikayətim var,-camaatın arasında bir gənc səsi eçidildi və bunun ardınca ildırım irəli çıxıb sərhəngin yanına gəldi.
Sərhəng onu başdan-başa süzüb
-Şikayətin hansındandır?
Oğlan Südabəni göstərərək
-Bax,o müəllimədən,-dedi.
-Sən bunun şagirdi olmusan?
-Bəli,-deyə oğlan sakit və nəzakətli səslə cavab verdi.
-Hə bu çox maraqlıdır.De görüm şikayətin nədi?.Qorxma
Sonra yavərinə müraciətlə:
-Bu uşağın dediklərini yazarsan.
-Mən ancaq onu sizin qulağınıza demək istəyirəm-deyə oğlan pıçıldadı.
-Çox maraqlıdır-deyə təkrar elədi.Sonra uşağa dönərək.
-Hə gəl,de görüm nə deyirsən.-deyə qulağını ona tərəf tutdu.
Oğlan yanaşı onun qulaına pıçıldadı ki,
-Mən səni tanııyıram.4 il bundan qabaq mənim atamı da tutub aparan sənsən.
Söz ağzından qurtarmamış qolunun içində gizlətdiyi xəncəri var gücü ilə onun xirdəyinə soxdu.
Sərhəngdən boğuq xırıltı eşidildi və o,silkələnib yıxıldı.Adamlar gözlərini sərgəngdən çəkib ona baxana qədər ildırım izdihamın arasından keçib meşəyə girdi.
4 zabitin tapancası onun ardınca gurladı.Lakin sonra məlum oldu ki,güllələrin heç biri onu tutmadı.Meşəni nə qədər arayıb-axtardılarsa,oğlandan heç bir nişanə tapmadılar.

1 əjdaha! 11.04.2026 16:47, babaninja13

#398863 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 3409

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 3416

babaninja13

son bəyənilənlər:

oxuyucuların bəyəndikləri:

babaninja13

Post Ardıcıllığı

Yazı Saatları

Səviyyə Sistemi

Yazı Statistikası

son bəyənilənlər:

oxuyucuların bəyəndikləri: