blok  başlıqlarını gizlət  postları gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

polşa +31 əjdaha

Yazacaqlarım Krakow şəhərinə əsaslanaraq yazılmış olsa da, Polşanın digər şəhərlərində də bəzi məqamlar (nəqliyyat, market və s) eyni olduğu üçün bu başlığı seçdim. Ümidvaram faydalı olar. Qeyd etmədiyim hər hansı əlavə sual yaranarsa, soruşa bilərsiniz.
Nəqliyyat
Ölkəyə çatanda aeroportdan şəhərin mərkəzinə gəlmək üçün ən münasib vasitə qatardır. Buradan Krakow Glowny stansiyasına gəlib mərkəzdəki istənilən yerə getmək olar (buranı bizim 28 maydakı vağzal kimi təsəvvür edin). Bolt, uber qiymətləri fikrimcə, çox da münasib deyil. Qatar/tramvaylara bilet almağın 3 yolu var: stansiyaların çölündəki aparatlar, qatar/tramvayın içindəki aparatlar və ya proqram vasitəsilə. Aparatla bilet almısınızsa, sonra qatarın içində o bileti oxudun (bunun üçün ayrıca yer olur, bileti ora salın). Proqram olaraq JakDojade (tramvay), PKP intercity (qatar) istifadə edə bilərsiniz. istənilən ünvana hansı nömrəli tramvayla gedə biləcəyinizi, stansiyaları, müddəti göstərir. Sağlamlıq imkanları məhdud olanlar, 70 yaşdan yuxarılar gediş haqqı ödəmirlər. 26 yaşına qədər olan tələbələr və ya tələbə olmayan istənilən gənc gediş haqqının yarısını ödəyir (2 zlot). Digər Avropa ölkələri kimi burada da bilet almaq sizin necə deyərlər, vicdanınıza qalıb. Çalışın biletsiz minməyin, çünki ara-sıra yoxlamalar olur. Biletsiz tutulsanız, cərimələnirsiniz (mən son anda qurtulmuşdum -*). Gecə tramvaylar işləmir, əvəzinə kiçik avtobuslar olur.
Market/alış-veriş
Bu hissəyə xüsusilə diqqət yetirin. Mən yandım, siz yanmayın. Qiymət baxımından marketləri ucuzdan bahalıya doğru sıralasaq: auchan, lidl, biedronka, jabka. Auchan əsasən məişət əşyaları və ya çox alış-veriş edəcəklər üçün uyğundur (tez-tez rast gəlinmir, yalnız bəzi yerlərdə var). Şəhərin əksər yerində biedronka və jabkalar var. Jabkalara bizdəki bravolar kimi hər 100 addımdan bir rast gələ bilərsiniz. Amma qənaət etmək istəyirsinizsə, onlardan yan qaçın. Gündəlik ərzaq üçün biedronkaya gedə bilərsiniz. Marketlər əsasən 23:00-a qədər işləyirlər. Amma gecə də işləyən carrefour mağazaları var. Galeria Krakowsa deyilən malldan paltar və ya istənilən digər növ alış-veriş edə bilərsiniz. Paltar, marka qiymətləri gözlədiyimin əksinə olaraq, Azərbaycanla aşağı-yuxarı eyni idi. Şəxsən getmiş olmasam da, müəyyən tarixlərdə ucuz qiymətə bir şeylərə rastalaya biləcəyiniz “bit bazarları” təşkil olunur
Valyuta
Ölkəyə çatan kimi pulunuzu aeroportda çevirməyə çalışmayın. Ziyana düşəcəksiniz. Öncəliklə özünüzlə euro və ya dollar aparmağa çalışın (dövrün məzənnəsinə baxaraq təbii ki). Pulu mərkəzdə çevirin. Qarşınıza çıxan ilk yerə girməyin, hər yerin alış/satış əmsallarını müqayisə edin öncə. Zlotu manata çevirmək üçün qəribə üsuldan istifadə edirdik. Məsələn, 2 zlotun manat qarşılığını tapmaq üçün onu 4-ə vurub nəticəni 10-a bölmək (0.80 manat)
Kiraye ev/ hostellər
Ev qiymətləri çox bahadır. Kirayə aylığı əsasən, adambaşına ödənilir. Yəni evdə 4 nəfər yaşayacaqsa, Azərbaycanda aylıq həmin 4 nəfərin arasında bölündüyü halda, burada ev sahibləri qiyməti adambaşı alır. Müqavilə bağlananda ilk ayın aylığı ilə yanaşı, depozit də ödəyirsiniz. Depozit evdən çıxanda sizə qaytarılır. Əgər evə hər hansı zərər vurmusunuzsa, onun qiyməti depozitdən çıxılır. Azərbaycanlılarla bağlı bir məqama aşağıda toxunacam, amma öncədən deyim, azərbaycanlı maklerlərdən, ümumən maklerlərdən uzaq olun. Şişirtmə məbləğdə haqq alırlar (hansı ki, o evi özünüz də tuta bilərsiniz). Ev tapmaq üçün istifadə edə biləcəyiniz əsas saytlar: otodom.pl, olx.pl, rentola. pl. Facebookda marketplace hissəsinə və ya ev qruplarına da baxın. Ev sahiblərinə mesaj yazmayın (cavablamırlar çox vaxt), polyak nömrənizlə yığıb danışın. Hosteldə qalacam deyirsinizsə yenə standart saytlar (booking, hostelworlddən) istifadə edin. Bir çox hosteldə qalmışdım, amma hər baxımdan (location, ortamı və s) Das hosteli məsləhət görə bilərəm.
Nömrə
Orange Flex, Play, T-mobile kimi bir çox şəbəkə var. Nömrəni ya özlərinin filiallarından, ya da marketlərdən (zabkadan) ala bilərsiniz. Sürət və internet paketlərinin münasibliyi baxımından Play əladır. Nömrə özü 5 zlot idi, başlanğıcda 200 gb hədiyyə verilir. Mərkəzdə qoşula biləcəyiniz ictimai wi-fi şəbəkələri də var
Gəzinti/əyləncə
Bu kateqoriya ilə bağlı nəsə yazmağa ehtiyac yoxdur. internetdə axtarıb tapacaqsınız, böyük ehtimalla. Həftənin hər günü müəyyən muzey, qalereyalara giriş pulsuz və ya yarı qiymətinə olur (saytlardan baxın). Ucuz içki axtarırsınızsa BaniaLuka adlı yerə baş çəkin. Onsuz ölkədə içki su qiymətinədir. Şəhərin Kazimerz adlanan hissəsində klublar, içki məkanları həddən çoxdur. Gecələr gənc, havalı nəsil burada olur. 1-2 məkan da mən önərim: Eszeweria, Teatro Cubano, La Bodega Del Ron.
Yemək
Fikrimcə, milli yeməkləri yoxdur deyilə biləcək qədər azdır. Pierogi, zurek, zapiekankanı yoxlayın. Şəhərin az qala hər yerində livan, türklərin məkanlarına rastlamaq olar. Yəni ac qalmazsınız -* Kebab dedikləri şey isə bildiyimiz kabab əvəzinə dönər olur.
Əhali
Əhalisi nə çox səmimi, nə də kobuddur. irqi ayrı seçkilik kimi şeylə rastlaşmamışam. Qıraqdan soyuq, kobud görünsələr də, danışanda elə olmadıqlarını anlayırsınız. Gənclər irəli səviyyədə ingiliscə bilirlər və bir şeyə ehtiyacınız olduqda yardıma can atırlar. Yaşlı və bir qisim orta nəsil ingiliscə bilmir. Ölkənin mənə görə mənfi cəhətlərindən biri dövlət qurumları, xəstəxanalar, polis məntəqələri kimi yerlərdə ingiliscə bilənlərin yox dərəcəsində olması idi. Üstəlik ingiliscə danışanda da səbəbini bilmədiyim şəkildə əsəbiləşirdilər
Və demədən keçə bilməyəcəyim hissə isə azərbaycanlılarla bağlıdır (linçlənmə ehtimalım olsa da). Başqa ölkələrdə vəziyyət necədir bilmirəm, amma burada azərbaycanlılar bir-birlərindən hər cür şəkildə faydalanmağa çalışırdılar (maklerlər, işə düzəltmə şirkətində çalışan azərbaycanlıların 2 qat haqq alması, dələduzluq kimi hallar). Mümkün qədər uzaq olmağa çalışın və ya ən yaxşı halda gözüaçıq olun. Sonda Krakow gəzib görməyə dəyər şəhərlərdən olsa da, metropol həyatını, şəhərləri sevən biri olaraq, mənim üçün o dərəcə möhtəşəm olmamışdı. Əgər təbiətlə iç-içə, nisbətən sakit, şəhər səs-küyündən uzaq yer axtarıram deyirsinizsə, o zaman sizə uyğun ola bilər. Hər bir halda məndəki yeri ayrı olaraq qalacaq -*

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

iş həyatı +19 əjdaha

Neçə illik iş təcrübəsi olanların, baş mütəxəssislərin icazəsi ilə yeni iş həyatına başlayanlara və ya başlayacaq olanlara kiçik bir neçə tövsiyə vermək istəyirəm. Təbii ki, hər biri doğrudur deyə iddiam yoxdur, amma gözləmlədiyim qədərilə bunları anlamışam indiyə qədər.
1) işdə mümkün qədər yersiz səmiyyət qurmayın. Heç kəslə səmimi olmayın demirəm, amma bəzi şəxslərlə arada pərdə saxlamağı bacarın. Nəzərə alın ki, məktəb/ tələbəlik illəriniz artıq bitib və buradakı şəxslərlə aranızda gözəgörünmız də olsa rəqabət var. Yanınızda başqa şəxs barəsində ən xırda mənfi şey də danışılsa, siz reaksiya verməyin və ordan uzaqlaşın. Çənənizi qapalı saxlamağı bacarın -*
2) Səlahiyyətiniz olmayan işləri görməyin. Tutaq ki , X adlı rəhbəriniz sizdən çay istəyir. Ona çayı aparın, amma vurğulayın ki, bu sizin səlahiyyətiniz deyil (açıq şəkildə olmasa da) və növbəti dəfə o hərəkəti etməməyə çalışın. Və ya hər hansı iş yoldaşınız sizin vəzifəniz olmayan işi üzərinizə atırsa, ona açıqca etirazınızı bildirin. Çünki davamlı olaraq hər şeyə razı olsanız, bir yerdən sonra "çapılacaqsınız".
3)Hər hansı qruplaşmaya qatılmayın, aranız hamı ilə yaxşı olsun (formal olaraq), amma şəxsi, ailə həyatınızı və digər özəl məlumatlarınızı anlatmayın.
4) Çox çalışqan olmaq bacarıq deyil, bacarıq özünüzü gözə soxmaqdır. Gördüyünüz işi təqdim edə bilmirsinizsə, gözə girmək qabiliyyətiniz yoxdursa, bunun üzərində işləyin (əvvəl mən də belə idim, gördüm işlər başqa cür işləyir, dəyişdim).
5) Boş olsanız belə məşğulsunuz kimi görünün, sanki dünyanın yükünü sizə yükləyiblər.
6) Sonda isə hər nə qədər tam əməl etmək mümkün olmasa da, haqqınızın tapdalanmasına yol verməyin. Yeri gəldikdə sözünüzü deməyi, sərhədlərinizi qoymağı bacarın. Bu təəssüf ki, çox insanın əməl etmədiyi (və ya məcbur qalıb əməl edə bilmədiyi) bənddir. Amma mən bu mövzuda həssas olduğum, "söz yemək" qabiliyyətim olmadığı üçün bir gün başımı yakacağımı bilirəm -*

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

tbilisi +20 əjdaha

Ayağımın ağrısı hələ çəkilməmiş, elə təzə qayıtmışkən yazım dedim. Buranı travel blog’a çevirdim -* Təki yazacaq səyahətlərimiz olsun. Mən sadəcə Tbilisiyə getdim. Batum açıqcası marağımı çəkmədi (əgər daha çox tarixilik görmək istəyirsinizsə birincini, əyləncə üçün isə ikincini seçə bilərsiniz). Öncəliklə, şəhərə aşiq oldum. Hətta bir az da mübaliğə edərək deyə bilərəm ki, yaşaya biləcəyim şəhərlər sırasına birini də əlavə etdim. Tam olaraq necə ifadə edim bilmirəm, amma getdiyim yerdə diqqətimi çəkən ilk şey “şəhərin ruhunun” olması, şəhərin qaynamasıdır. O yoxdursa, hər nə qədər tarixi, görkəmi möhtəşəm və s. olsun diqqətimi çəkmir. Xaricə çıxmaq şansınız olsa, ilk buradan başlaya bilərsiniz deyərdim. indi keçək işinizə yaracaq bəzi məqamlara. Nəqliyyat sistemi bizimki ilə müqayisədə daha yaxşıdır deyərdim. Avtobuslarda sıxlıq, gecikmə və s. olmur. Aeroportdan şəhərin mərkəzinə 337 nömrəli avtobus gedir (çıxan kimi görəcəksiniz onsuz, departures hissəsinin qarşısında dayanır). Metro kartı ala və ya sadəcə avtobusun içindəki aparatdan bank kartınız ilə ödəniş edib minə bilərsiniz. Metro kartı ilə gediş haqqı 1 lari, bank kartı ilə 1.5 laridir. Əgər uzun müddət qalacaqsınızsa, metro kartı almaq sərfəlidir (balansı artırıb limitsiz gedişlərdən istifadə etmək üçün). Metrodan istifadə etmədim heç, görüləcək yerlər yaxın olduğu üçün piyada gəzmək olar şəhəri (uzaq yerlərə də ayaqla getmək içimdən gəldi -*). Taksi qiymətləri (bolt, yango və s) su qiymətinədir. Amma önəmli məqam budur ki, yerli sim kartınız olmadan bu proqramlardan taksi çağıra bilmirsiniz. Valyuta, sim kart. Bank kartları demək olar ki, hər yerdə keçir. Amma hər ehtimala özünüzlə az miqdarda nağd pul gətirin. Çünki bəzi restoran, marketlərdə (kiçik) nağd pul qəbul edirdilər ancaq. Aeroportla şəhər mərkəzi arasında elə də böyük fərq olmadığı üçün pulunuzu aeroportda çevirin. Sim kartı da yenə buradan alın.Cellfie adlı mobil operator var, sərfəli paketləri olur (14 günə limitsiz internet, danışıq dəqiqləri kimi). Sadəcə 20 lariyə. Hostel işini standart proqramlar (booking, hostelworld, airbnb) həll edə bilərsiniz. Mərkəzdəki bəzi hostellərin qiyməti məni təəccübləndirəcək dərəcədə aşağı idi. Gəzinti/ yemək. Açıqcası, Gürcüstan deyəndə ağlıla gələn şeylər (xəngəl, xaçapuri, şərab və s) xaricində fərqli nəsə yoxlamadım. Gəzinti üçün qısa yol planımı paylaşım, bəlkə faydalı olar. 337 nömrəli avtobus ilə Academy of Science dayanacağında düşüb sıra ilə qeyd etdiyim yerlərə gedə bilərsiniz.

Kartlis Deda, Narikalaya funkliyorla qalxmaq olur (mən ayaqla qalxmışdım). Düşərkən mütləq piyada düşün, çünki mənzərəni görməyiniz lazımdır. Restoran, kafe olaraq yemək üçün- Sabatono, Cafe Daphna, çay, kofe- Linville, gecə ortam, əyləncə üçün isə Fabrika Hostel, ya da Shardeni küçəsində publara gedə bilərsiniz. Əhali. Nədənsə gürcü xalqı haqqında çox vaxt xoş olmayan şeylər deyirdilər. Amma mən hər hansı mənfi hərəkətlə rastlaşmadım. Əksinə, uşaqdan böyüyə yardım etməyə çalışırdılar. Özümlə ancaq qısa yay paltarları gətirmişdim. Anidən yağış falan başladı. Çölə çıxacaqdım, hostel sahibi qadın qalın jaket falan verdi -* Hətta hosteldə qeydiyyat zamanı azərbaycanlı olduğumu bilən kimi türkcə danışmağa başladı (türk müştəriləri çox imiş, onlardan öyrənib). Şəhərin demək olar, hər yanında polislər var (gecə saatlarında belə). Turistlərə qarşı diqqətli idilər, yol falan soruşanda ötürməyi belə təklif etdilər. Xidmət sektoru bərbaddır. işçilər heç gülərüz deyillər, ingiliscə danışanda başa düşsələr də, bəziləri inadla rusca danışırlar sizinlə. Gəncləri çox aktivdirlər. Ümumiyyətlə, gecə həyatları belə Avropada gördüyümün çox üstündə idi. Şəhər “qaynayırdı”. Şansınız varsa, gəzin, görün buranı da

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı fotoqrafiya +14 əjdaha

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

whatsappdan gələn son mesaj +17 əjdaha

Hərçənd whatsappdan deyil, amma bu başlığı tapdım. Yorğun-arğın yatasan, günorta durub telefona baxasan ki, bəlkə işi düşmək xatirinə də olsa, itirib-axtaran olar. Və telefonuna gələn tək mesaj bu olar. Günə gözəl başlanğıc desəniz, var

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yazarların çəkdikləri pişik şəkilləri +12 əjdaha

Ah bu içərişəhərin pişikləri, çox sevirəm çox

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözlük yazarlarının səyahət xatirələri +9 əjdaha

Danışım Polşada olarkən etdiyim bəzi umbaylıqlardan. Deməli, mərkəzə yaxın olan hostellərdən birində qalırdım. Əvvəl qaldığım hostellərdə sosiallıq deyilən şeydən əsər-əlamət yox idi. Bura elə deyildi. Amma qəribə tiplər də az deyildi. Zaman keçirmək üçün ortaq zal kimi yer var idi. Zala girəndə bir qızın Azərbaycanca telefonla danışdığını görüb sonra söhbətə başlamışdıq. Yeni gəlmiş fransız bir oğlanın (əvvəl fransız olduğunu bilmirdim) qəribə, türklər demiş yargılayıcı baxışları var idi (hər dəfə yanından keçəndə elə baxırdı). Başladıq qaqaş haqqında danışmağa. Başlamaz olaydıq. Qaqaşdan tutmuş hostelin rəhbərliyinə qədər azərbaycansayağı qeybət etdik ayaqüstü. Söhbət-söhbəti açdı, bir çox şey haqqında danışdıq. Orta yaşlı, braziliyalı bir kişi var idi hosteldə. Biz söhbəti yekunlaşdırırdıq ki, çönüb yarım-yamalaq tələffüzlə "siz azərbaycanlısınız?" deyə soruşdu. Qızla bir-birimizə təəccüblə baxıb "hə" dedik. Sən demə kişi türkcə bilirmiş (tərcüməçi idi). "Biz bayaqdan danışırıq, bizi başa düşdün mü?" deyə soruşanda çoxunu başa düşdüyünü dedi. Yaxşı ki, onun haqqında danışmamışdıq -*
Digər bir kiçik xatirə isə ilk getdiyim vaxtlarda mallda olarkən başıma gəlmişdi. Carrefour adlı supermarketə girib 1-2 şey aldım. Verilən çeki küncdə zibil qutusu kimi şey var idi, ora atdım. Çıxmaq istəyəndə gördüm turniket açılmır. Sən demə çekin üstündəki barkodu turniketə oxudub çıxmaq lazım imiş (yandakı müştəri dedi). indi kor-peşman qayıtmışam zibil qutusunun yanına. Bir tərəfdən eşələyib axtarmağa da utanıram, amma gecikirəm də. Bəxtimdən çek üstdə idi deyə götürə bilmişdim

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

kiçik xoşbəxtliklər +10 əjdaha

Özümü bildim biləli dəyişməyən adətim var ki, həftənin ən pis halda 1 gününü özümə sərf etməli, özümlə çöldə zaman keçirməliyəm. Həftə nə qədər qarışıq olsa da, “başımı qaşımağa” vaxt tapmasam da, bu mütləq olmalıdır. Amma son zamanlarda üstümə süstlük çöküb. Xarakterimə tərs olaraq, evdən çölə 1 addım atmağım belə gəlmirdi. Dünən şeytanın ayağını qırıb çıxdım ki, gəzim. Yolda rastlaşdığım insanlar günümü özləri də bilmədən gözəl edəcəkdilər sən demə. Öncə book center-ə getdim ki, 1-2 işim var, onu həll edim, sonra rahat vaxt keçirim. Qarışıq, əksəri cansıxıcı düşüncələr fonunda önündə durduğum kitab rəfindəki ilk kitabı götürüb vərəqləyirdim və üzümü güldürən belə bir notla qarşılaşdım:

Notun sahibi oxuyursa, “sən də dəyərlisən -*”. Burdakı işlərimi həll edib rəsm kursundakı dərsimə yollandım. Son dərsimiz idi. Təvazökarlıqdan uzaq olsa da deyim ki, həmişəkindən fərqli, möhtəşəm bir şey alınmışdı bu dəfə. Kətan çox böyük olduğu üçün əlimdə daşımalı idim. Evə qayıdanda dayanacaqdakı köşkdən içməyə bir şeylər alırdım, kətanı qırağa qoymuşdum. Arxada 2 oğlan dayanmışdı. Gördüm kimsə soruşur ki, “nə qəşəngdir, bunu siz çəkmisiniz?”. Təşəkkür etdim, “mənim bacım da rəssamdır sizin kimi” dedi. “Yox, mən rəssam deyiləm, arada özüm üçün belə cızma-qara edirəm”. Lazım olan şeyləri alıb üzümü çevirib gedirdim ki, o biri oğlan yanındakına asta səslə “nə suyuşirin qızdır belə” dedi (məqsədi eşitdirmək və s. deyildi, aralarında söhbət edirdilər). Məhləmizə girəndə balaca qızlar oturub özləri üçün oyun oynayırdılar. Bir də gördüm 8-9 yaşlarında, toppuş, ağbəniz bir qız yaxınlaşıb salamlaşdı. Sonra “olar sizə bir şey deyim?” dedi. Buyur de, “sizdən şəkil istəsəm çəkərsiniz mi mənə, mənim də olsun istəyirəm” dedi. indi ürəyim böyüyüb dağ olmaz mı bu sualdan sonra. Normalda uşaq sevən, uşaqlarla əlaqəsi yaxşı olan biri deyiləm. Amma bu qız nədənsə mənə fərqli gəldi. indi çətin nəsə istəsə, yandım, amatör halımla çəkə bilməyəcəm deyə düşünə-düşünə “ürəyin necə bir şey istəyir?” deyə soruşdum. Bir neçə saniyə düşünüb “stəkanda çay çəkərsiniz, tələsməyin, nə vaxt olsa olar” dedi. Başımıza yığılan qızlar “bu kimdir, hardan tanıyırsan” falan soruşanda “bu xala rəssamdır, şəkil çəkir” dedi. Çönüb gülümsədim, deyiləm falan demədim nədənsə. Bu aralar bir az qarışıqlıqdır, vaxt tapan kimi balacaya verdiyim sözü tutacam. Bu gün səhər balkondan baxanda gördüm ki, səhərin sübh çağında skamyada tək oturub ətrafa baxır, süpürgəçi xala ilə söhbətləşirlər arada. Bu qız mənə bir az uşaqlığımı xatırlatdı, mənim kimi necə deyim, ətrafında olub bitənlərə, həyata maraqlı uşağa bənzəyir. Hər bir halda, təzə köçdüyümüz bu məhlədə artıq yeni balaca bir dost qazandım

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

xoşladığın oğlandan bir anda soyudan şeylər +9 əjdaha

(bax: skinny jeans)

Dar şalvar geyinən oğlan görəndə özümü yerdən yerə vurmaq istəyirəm. Skinny jeans onsuz elə şeydir ki, məncə, qız ya oğlan demədən çox adama yaraşmır. Qızlar yenə dərd yarı necəsə kombin edəndə gözümə normala yaxın gəlir, amma oğlanlarda qəribə durur

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

işə yarayan internet saytları +11 əjdaha

1) Workaway.info
2) Helpx.net
Hər iki saytın funksiyası xaricdə könüllülük proqmlarında iştirakdır. Bu saytlarda dünyanın təxminən 170 ölkəsində könüllük proqramlarında iştirak edə və ya hər hansı proqrama qoşulmadan fərdi ev sahiblərinin evində onlara müxtəlif işlərdə (ferma, bağbanlıq, ev heyvanı saxlamaqda yardım, uşağa baxmaq və s) kömək edərək evdə pulsuz qala bilərsiniz. Bir çox proqramda ev sahibləri gündəlik yemək xərclərini də özü qarşılayır, hətta ödənişli proqramlar da tapa bilərsiniz (nadir də olsa). Bunun qarşılığında siz sadəcə həftəiçi 4-5 saat onlara yardım üçün zaman ayrırsınız. Təbii ki, hər proqramın şərtləri fərqlidir. Səyahət və viza xərclərinizi isə özünüz qarşılayırsınız. Workaway üçün üzvlük haqqı ildə 59 dollar, helpx üçün 2 illik haqq 21 dollardır

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

insanın qocaldığını anladığı anlar +6 əjdaha

Az öncə metroda gedərkən yaşadığım anlardır. Qatar Elmlər stansiyasına çatanda bir qrup gənc tələbə daxil oldu. Yanımda dayandılar. imtahandan çıxmışdılar, necə yazdıqları haqqında danışır, bir-birləri ilə zarafatlaşırdılar. Arada yandakı bəzi orta yaşlılar tərs-tərs baxır, amma gənclər veclərinə almadan davam edirdilər. O an artıq onlardan biri olmadığımı, bir zamanlar əsas dərdim hər hansı imtahandan keçmək, yüksək ortalama və s. olduğu halda artıq "böyüklərin problemləri" ilə boğuşmalı olduğumu anlayanda içimə türklər demiş burukluk hissi çökdü. ipə-sapa yatmaz bir gəncdən ruhsuz, sıradan insana dönüşmək yolunda addımladığımı təkrar anladım. Mənim üçün o gənci qoruyub saxlamaq hər şeydən önəmli olmuşdu hər zaman (indi də elədir). Şərtlər və yaş almaq buna mane olmağa çalışsa da, bacardığım qədər özlüyümü saxlayacam. Sonda "Gün keçdi" filmində də deyildiyi kimi:
"illər keçir, yaşa dolduqca hər şeyə ayıq baxırsan. Başa düşürsən ki, bəşəriyyətin dahisi deyilsən. Başa düşürsən ki, həyatda sənin kimilər çoxdur".

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sumqayıt +5 əjdaha

Sumqayıt əhalisinin istiqanlılığı ilə bağlı çox şey eşitmişdim, bu gün şəxsən şahidi oldum. Öncədən 2-3 dəfə getsəm də, tək getdiyim olmamışdı. Ona görə yollara, ətrafa çox bələd deyildim. Yol boyu kimdən nə soruşdumsa, hər biri böyük həvəslə cavabladı, böyükdən kiçiyə hamı yardım etməyə çalışdı. Sumqayıtdakı abu-hava mənə uşaqlığı, insanların bir-birləri ilə həqiqətən səmimi olduğu zamanları xatırlatdı. Maşınının baqajında meyvə-tərəvəz satan bir dayı ilə ayaqüstü həmsöhbət oldum, vidalaşanda içi meyvə dolu kiçik paketi mənə uzadıb "qızım, götür çəkinmə, yolda yeyərsən zehnin açılar" deyib yola saldı -* Orada həyat sanki həzin-həzin axan çay təsiri bağışlayırdı, Bakıda olduğu kimi burada insanları gündəlik təlaşlar ağuşuna almamış, onları dəyişdirə bilməmişdi. Uğruna Sumqayıta getdiyim məsələ alınmasa da, gördüyüm hər şey, gülən simalar xoş təsir bağışladı

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yazarların etdiyi umbaylıqlar +5 əjdaha

Son vaxtlarda əlinə pul keçəndə "quduran" insana çevirilmişəm, əvvəllər azdan-çoxdan yığa bilirdim. Amma indi cibimdə artıq pulla çölə çıxanda gözümə hər şey ehtiyacım olan şey kimi görünür (lazım olmasa belə). Son qəpiyinə qədər xərcləyib sonra dönürəm. Gördüm belə olmayacaq, özümü də cilovlaya bilmirəm, necə deyərlər "qılınc müsəlmanıyam". Nə edim deyə düşünüb guya bir yol tapdım. Tapmaz olaydım. Səhər evdən çıxanda gün ərzində xərcləməli olduğum (yol, yemək) nağd pulu götürüb evdən çıxdım. Kartları falan da evdə qoymuşdum. Evə qayıdana yaxın girdim marketə ki, 1-2 şey alam yolda yeməyə, kassirə 5 m uzatdım, 4.80 çıxmalı idi (cibimdə 20 qəpik qalmışdı, marketdən qalan 20 qəpiyi də üstünə qoyub evə gedərəm deyə düşünmüşdüm). Sən demə kassir 20 qəpiyi qaytarmayıb, mən də çeki götürüb çıxmışam eləcə. Mən fərqinə varanda iş işdən keçmişdi, dayanacaqda idim. Özümü söyə-söyə oturub 1 saat gözləmişəm ki, dostum işdən çıxsın, onla gedim

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

təkcə mənmi edirəm deyə düşünülən şeylər +6 əjdaha

(baxma: çek istəməyə utanmaq)
Kassir aldıqlarımı paketə yığandan, ya özüm yığıb qurtarandan sonra nədənsə çek üçün durub gözləməyə utanıram. O an elə gəlir ki, kassir, ya sıradakılar ürəklərində deyirlər ki, bu da 3-5 şeydən gələn qəpikdən ötrü durub gözləyir burda. Buna görə də, bəzən çeki gözləməyib çıxıram

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sevilən mahnının ən vurucu cümləsi +6 əjdaha

"Valideyn davaları dəriyə hopmuş yaralar kimidir
Ağrıları qalsa da keçmişdə, nəticə göz önündədir"

(youtube: )

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

günü gözəlləşdirən anlar +5 əjdaha

Tanımadığım insanlarla qurulan xırda, anlıq dialoqları çox sevirəm. Bu gün metroda qatarda olanda yanımdakı 2 oğlan bir xalanın onları koroğlu stansiyasında itələməsi ilə bağlı danışırdılar. Oğlanlardan biri "xala lap mənə təcavüz elədie" deyəndə istər-istəməz səsli gülməyim gəldi. Böyük ehtimal ki, qatardan düşənə qədər sadəcə günlük qayğılar haqqında düşünəcəyim halda, bu 2 gənc ilə ayaqüstü söhbətləşmək necə deyərlər başımı qatdı. Ofisə təmizlik üçün gələn xadimə xala dünən şəkidən olduğunu deyəndə "uzun müddətdir şəki paxlavası yemirəm, lap ürəyimə düşdü" demişdim. Bu səhər əlində paxlava ilə gəlib -* belə anlıq dialoqlar və ya jestlər günü daha yaşanılmağa dəyər edir mənim üçün

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı günlük +4 əjdaha

Son günlərdə olduğum ruh halını aydınlaşdıra bilmirəm. Depressiyada desən, deyiləm. Amma deyəsən doğru getməyən şeylər var. Son bir neçə gündə dərk etdim ki, artıq insanlara "tahammülüm" qalmayıb. Uzun söhbətlərdən, görüşlərdən xoşlandığım halda, indi kimləsə 5-10 dəqiqədən çox danışmaq istəmirəm. Hətta dünən xətrini çox istədiyim insanlardan biri ilə görüşdə masadan durub getməmək üçün özümü güclə saxladım. Mənə qəribə gələn yanı budur ki, indiyə qədər belə şey olmayıb. Əhvalım aşağı olan günlərdə belə "harda aş, orada baş" olduğum halda, indi kimləsə görüşmək, görüşməyi keçdim danışmaq belə istəmirəm. Deyəsən qocalıram, sözlük -*

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

təkcə mənmi edirəm deyə düşünülən şeylər +6 əjdaha

Az qala hər şeydən 2 ədəd almağa ehtiyac duymaq. Hər şeyə makiyaj şeyləri, ev əşyalarından tutmuş təmizlik məhsullarına qədər ağlınıza gələcək bir çox şey daxildir. Normalda görmüşük bitmiş nəyinsə yenisini alarlar, amma məndə vəziyyət fərqli olduğu üçün evdə içində hər şeydən əlavə olan "zapaz" qutum var. Keçən dəfə bir nəfər bunun səbəbinin qıtlıq bilinci olduğunu, sabah birdən pul tapa bilmərəm, qoy indi varkən alım deyə düşündüyümü deyəndə fikri çox məntiqli gəlmişdi. Bunu da elə aylıq alınacaqlar siyahımı hazırlaya-hazırlaya yazıram

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

unudulmaz film replikaları +3 əjdaha

"Bilirsən illər keçir, yaşa dolduqca hər şeyə ayıq baxırsan. Başa düşürsən ki, bəşəriyyətin dahisi deyilsən. Başa düşürsən ki, həyatda sənin kimilər çoxdur. Elə ki, bunları başa düşdün, onda yaşamaq asan olur. Sakitcə oturub öz işini görürsən"
(bax: gün keçdi)

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yazarların paylaşmaq istədikləri musiqilər +1 əjdaha

(baxma: like a tattoo)
Sadenin mənə görə ən möhtəşəm mahnılarından biridir. New Yorkda barda tanış olduğu bir adamın (keçmiş əsgərin) həyatı, yaşadığı çətinliklər barədə bəstələyib. Amma mahnı yalnız bundan bəhs etmir. Yaşadığımız bütün mənfi hadisələr, travmalar bir döymə kimi bizimlə qalırlar. içimizdəki ziddiyyətlər, özümüzlə çaxnaşmamız bütün ömrümüz boyunca davam edir. Amma bunlara baxmayaraq, davam etmək, keçmişə ilişib qalmamaq lazımdır

Like the scar of age
Written all over my face
The war is still raging inside of me
I still feel the chill

(youtube: )

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

özünəməxsus saytlar +2 əjdaha

Gələcəkdəki özünüzə mail göndərə biləcəyiniz sayt
link

Notice: Undefined variable: user_id in /var/www/soz6/sds-themes/vengeful-light/profile.php on line 3409


blok -   başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 3416