Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
×
Yazı Saatları
Tip: gecə quşu
Pik saat: 00:00
Gecə (00-06):10 post
Səhər (06-12):2 post
Gündüz (12-18):15 post
Axşam (18-00):12 post
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
×
Səviyyə Sistemi
Səviyyə 1: Yeni
XP: 0 (karma əsasında)
Növbəti səviyyəyə: 100 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
×
Yazı Statistikası
Təxmini söz sayı: 3,121
Toplam simvol: 18,724
Orta entry uzunluğu: 480 simvol
Kitab ekvivalenti: ~0 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
bir sindromdan danışarkən, məlum olan və buna görə də kliniki baxımdan müəyyən edilmiş, sağlamlıq problemləri ilə əlaqəli simptomlar və əlamətlər toplusundan danışırıq. huckleberry finn sindromu isə disfunksiyanı göstərən, lakin ciddi şəkildə pozuntu kimi təyin olunmayan simptomlar toplusundan biridir.
mark twenin yaratdığı ən məşhur hekayə personajı tom sawyerdir. həqiqətən də, bu oğlan cəsur, nadinc və zirəkdir. o saysız-hesabsız problemli situasiyalardan çıxmağı bacarıb. onun ən yaxın dostlarından biri isə huckleberry finn idi.
huckleberry finni xarakterizə edən əsas məqam onun məsuliyyətlərini dərk etməməsidir. həqiqətən də məktəbdən yayınır və öhdəliklərinə məhəl qoymur. bundan əlavə, bu personaj o qədər diqqəti cəlb edir ki, twein yalnız huckleberry finnə həsr olunmuş bir roman yazmağa qərar verir.
məhz bu zaman huckun şəxsiyyəti tam olaraq oxucuya çatdırılır. onun davranışı tom sawyerin davranışı ilə kəskin ziddiyyət təşkil edir. həqiqətən, huck, tomdan fərqli olaraq, tərk edilmiş uşaqdır. xalası ilə yaşayırdı və alkoqolik atası tərəfindən təhdid edilirdi.
atası onu qaçırıb əsir saxlayır. o, atasının əlindən qurtulmağı bacarır və ona jim adlı qaçaq qul da kömək edir. hər ikisi tom sawyer tərəfindən xilas edilənə qədər təhlükəli və maraqlı macəralar yaşayır. təqdir olunduğu kimi, bütün bunlar huckleberry finn sindromu adlanan bir psixoloji obrazı konfiqurasiya edir.
sindromun iki əsas xüsusiyyəti:
1) ekzistensial boşluq: həyata məna verən nəyinsə əskik olması hissidir. daimi bir narazılıq hissi və daimi boşluqda kimi yaşayırlar. bu isə depressiyaya çox bənzəyir.
2) sonsuz axtarış: eyniadlı personaj kimi, huckleberry finn sindromunda da sonda bu boşluq hissini dolduran bir şey üçün sonsuz axtarış var. tamamlanmış hiss etmək üçün bir reallıq tapmağa olan dərin arzu.
göründüyü kimi, özünü huckleberry finn kimi göstərənlərin laqeyd görünən davranışlarının arxasında dinclik tapa bilməyən bir narahatçılıq dayanır. onları orda-burda dinclik axtarmağa, mənalar tapmağa vadar edən məna çatışmazlığıdır.
sindromun digər xüsusiyyətləri:
• müxtəlif vəziyyətlərə uyğunlaşmağın yolunu nisbətən asan tapırlar, lakin əsasən heç kimlə özlərini rahat hiss etmirlər.
• onlar bədbəxt uşaqlığa və dağıdıcı ata obrazına sahib olub.
• təsirə məruz qalan uşaqlarda özünə hörmət çox aşağıdır. özlərini müsbət hesab etmirlər. buna görə depressiyaya meyllidirlər.
• onlar davamlı olaraq dostlarını, partnyorlarını, işlərini dəyişirlər. həyatlarında sabitlik yaratmaqda çətinlik çəkirlər.
toyuq, balıq, karides, mal əti və ya donuz ətindən və yumurtadan ibarət olan, lobya, kələm, kərəviz və nişasta ilə hazırlanmış sousda isti şəkildə servis edilən çin yeməyi.
takotsubo kardiyomiyopatiyası və ya stressə bağlı kardiyomiopatiya kimi də adlanan, adətən qəfil xəstəlik və ya cərrahiyyə, sevilən birinin itkisi, ciddi qəza və ya təbii fəlakət nəticəsində yaranan müvəqqəti ürək xəstəliyi.
adrenalin və kortizol kimi hormonların yüksək səviyyədə ifraz olunması nəticəsində ürək əzələ hüceyrələrində və ya koronar qan damarlarında*
və ya hər ikisinində də
ani dəyişikliklərə səbəb olur ki, bu da sol mədəciyin effektiv şəkildə işləməsinə mane olur.
sindromun simptomları infarkt əlamətlərinə bənzəyir. bu zaman sinə ağrısı və nəfəs darlığı ola bilər. qırıq qəlb sindromu müalicə edilə bilir və vəziyyət adətən bir neçə gündən bir neçə həftəyə qədər davam edir.
ingilis riyaziyyatçısı, filosofu və ictimai xadimi bertrand russellin 1912-ci ildə işıq üzü görmüş kitabı.
kitab çap olunduğu gündən ingilisdilli ölkələrdə fəlsəfə ilə ilkin tanışlıq üçün ən ideal kitablardan biri hesab olunur.
kitabın yazı dilinin elmi-populyar stildə olması onu sadəcə fəlsəfə üzrə ixtisaslaşmış şəxslər üçün deyil, həmçinin çox geniş oxucu kütləsi üçün də anlaşıqlı bir kitaba çevirir.
bu kitabda mən öz baxışlarıma arxalanaraq müsbət və yeni sayıla biləcək istiqamətlərdə nəsə deyə biləcəyim fəlsəfi problemlərdən danışmağa üstünlük vermişəm, beləliklə də, söz açdığım mövzularla bağlı hansısa neqativ tənqidə yer qalmamışdır. bu səbəbdən də burada qavrama nəzəriyyəsi metafizikadan daha çox yer tutur, habelə filosofların müzakirə elədikləri bir sıra mövzulardan çox qısa danışılır və ya onlara büsbütün toxunulmur.
1. hadisə (fenomen) və reallıq (gerçəklik) 2. materiyanın mövcudluğu
3. materiyanın təbiəti
4. idealizm
5. tanıdıcı bilik və təsviredici bilik
6. induksiya haqqında
7. ümumi prinsiplərin qavranılması
8. apriori biliklər necə mümkün olur
9. universallıqlar dünyası
10. universallığın qavranılması
11. intuitiv bilik haqqında
12. həqiqət və yalan
13. bilik, yanlışlıq və ehtimal olunan rəy
14. fəlsəfi biliklərin hüdudları
15. fəlsəfənin dəyəri
nirvana qrupunun 1991-ci il tarixli məşhur nevermind albomunun 8-ci mahnısı.
albomdakı sevimli mahnımdır.
həmçinin, bu mahnı kurt cobainin də sevimlisidir. müsahibələrində bu mahnının da ən az smells like teen spirit qədər əla olduğunu vurğulayır və niyə bu qədər underrated olduğunu anlamadığını söyləyirdi.
silver bullet sindromu alətlər, resurslar, prosedurlar və ya metodologiyadakı növbəti böyük dəyişikliyin, təşkilatın bütün problemlərini möcüzəvi bir şəkildə həll edəcəyinə inamdır. bu fərziyyə demək olar ki, həmişə yanlışdır.
birincisi, yeni alətlər və ya metodologiyalar demək olar ki, heç vaxt vəd edildiyi kimi təkmilləşdirmələr təqdim etmir. yeni alət və ya metodologiyanın ilk istifadəsindən sonra layihə miqyasında məhsuldarlığın 25 faizdən çox artması faktiki olaraq görülmür.
ikincisi, silver bulletlərə inam paralel olaraq edilə bilən təkmilləşdirmələrin serialaşdırılmasına gətirib çıxarır. menecerlər və ya tərtibatçılar bütün inamlarını və optimizmlərini bir silver bulletə qoyduğundan, onlar hər dəfə iki və ya daha çox yeni alətlər və üsullar vəd etməyə çalışırlar ki, bu da bulletdən başqa potensial olaraq faydalı yeni alət və metodların qəbulunu yavaşladır.
nəticə ondan ibarətdir ki, silver bullet sindromuna sahib təşkilatlar öz məhsuldarlığını heç də yaxşılaşdırmır;
əksinə çox vaxt geriyə doğru gedirlər.
mirzə fətəli axundovun 1865-ci ildə yazdığı özünün ən mühüm siyasi-fəlsəfi və tənqid tipli publisistik əsəri olan bədii-fəlsəfi traktat.
bu əsərdə yazıçı, həmin dövrdəki şərq cəmiyyətinin başlıca problemlərini dərin və hərtərəfli təhlil edərək müsəlman ölkələri həyatının bütün sahələrini əhatə etmiş böhrandan çıxış yolunu açıb göstərməyə çalışır.
sujet xəttinin əsasını hind şahzadəsi kəmalüddövlə ilə fars şahzadəsi cəlalüddövlənin yazışmaları təşkil edir.
əsərin qısa məzmunu:
ingilislər kəmalüddövlənin vətəni hindistanda at oynadır və onun atası olan övrəngzibi hakimiyyətdən devirib məmləkətə sahib olmuşlar. cəlalüddövlə isə vətəni iranda despotun özbaşınalığına və zülmünə dözə bilməmişdir. bunun nəticəsində, hər ikisi də misirə köçmək məcburiyyətində qalmışdır.
bundan sonra isə, hər iki şahzadə də ölkələrində hökm sürən vəziyyətlə barışa bilmir və düçar olduqları fəlakətdən xilas olmaq üçün çıxış yolları axtarırlar.
əsərdən din praktikasının islahatı və maarifçilik haqqında bir hissə:
...hörmətli qardaşım! bunu bilməlisən ki, hər bir din üç müxtəlif əməldən ibarətdir: etiqad, ibadət və əxlaq. hər dinin icad olunmasında əsl məqsəd üçüncü əməldir, yəni əxlaqdır. birinci iki əməl isə yalnız bu üçüncüsünün – əxlaqın əldə olunmasına xidmət edir. avropa və amerika məmləkətlərində elm və təhsil gözəl əxlaq qazanmaq üçün daha etibarlı vasitə olduğundan etiqad və ibadətə əsla ehtiyac qalmır. lakin asiyada elm və təhsil inkişaf etməmişdir və bu cəhətdən də ilk iki əməl, yəni etiqad və ibadət saysız-hesabsız qollara ayrılmışdır ki, dinin başlıca məqsədi – əxlaq bu cəhətdən büsbütün unudulmuş və elmə, təhsilə yol tamamilə qapadılmışdır...
1886-1935 illəri arası yaşamış latviya əsilli danimarka şahmatçısı, yazıçısı və hipermodernizm nəzəriyyəsinin banisi.
1920-1930 illəri arası karyerasının kulminasiya nöqtəsi hesab olunur və bu dövrdə dünyanın ən yaxşı şahmatçılarından biri hesab edilirdi, lakin bir çox cəhdinə baxmayaraq, karyerası ərzində heç vaxt dünya çempionu ola bilməyib.
onun dünya miqyasında tanınmasına ən çox
1925-ci ildə çap olunmuş my system kitabı kömək etmişdir.
o bu kitabda hipermodernizm nəzəriyyəsinin əsasını qoymuşdur və onun bu kitabı şahmat tarixinin ən mühüm kitablarından biri hesab edilir.
ümumi olaraq qəbul edilmiş sosial qaydalara zidd bir hərəkət etməyə deyilən, azərbaycan dilinə "yanlış addım" deyə tərcümə edilə biləcək fransız dilindəki bir ifadə. *
ingilis dilinə də eyni şəkildə keçmişdir.
the shining filmini yenicə izləmişdim deyə jack nicholson pərəstişkarlığım kulminasiya nöqtəsinə çatmışdı. amma nikimi tam olaraq "jack nicholson" qoymağın bayağı olacağını düşünmüşdüm deyə, "jack" adını alaraq, ən sevimli aktyorlarımdan biri olan mads mikkelsenin soyadı ilə "nicholson" soyadını birləşdirib qoydum.
bir müddət ekranda görünməyən personajlar orijinaldan bir neçə yaş böyük aktyor tərəfindən canlandırılaraq yenidən peyda olur. bu personajların soap opera rapid aging sindromundan əziyyət çəkdiyi deyilir. televiziya mediasında soras bəzən feil kimi də istifadə olunur.*
the character was sorased
soras, ümumiyyətlə, personajın texnologiya, sehr və ya qeyri-insani biologiyaya görə sürətlə qocaldığı elmi fantastika və fantaziyadakı hekayə xəttinə deyil, xarakterin sürətli qocalmasının heç bir izahat verilmədən ekrandan kənar baş verdiyi hallara aiddir.
