Elli

6 əjdaha! 06.10.2020 00:40, Elli

Müharibənin ən dəhşətli üzünü --partladılmış ,yanmış cəsədlər , hansı tərəfə mənsub olduqları hələ bilinməyən meyidlər üzərində vəhşilik (ki,bunu hərbi cinayət kimi qələmə verib böyük kompensasiya tələb etsinlər ) .məlumdur ki, hər iki tərəf öldürülənlərlə qəddarca davranmağa hazırdır (azərbaycan hərbçilərinin öldürdüyü hay /erməni əsgərlərin meyidləri üzərinə tüpürməsi belə ehtimal oluna bilər ) . Amma öldürmək və ölmək . Bütün bunlar heç bir yaxşı nəticəyə gətirib çıxarmayacaq. Çünki bugün ölən erməni əsgərlərinin qohumları sabah yenə də azərbaycanlıları öldürəcək , bugün ölən azərbaycanlı əsgərlərin qohumları da sabah harda olsa , hay/ermənilərlə qan ədavəti aparacaq. Beləcə,qan düşmənliyi əsrlərlə davam edə bilər. insanlar ayılıb sülhə gəlməsələr, gələcək nəsilləri gözləyən dəhşətli aqibət qaçılmazdır.

#305714 şikayət

ilham əliyev

6 əjdaha! 06.10.2020 01:03, Elli

Əslində, əgər məscid sənədi və sübutu varsa , imam Əlinin soyundan və əlavə olaraq , yəhudi əcdadları olduğuna şübhələndiyim şəxsdir. Çünki Əliyevlər ailəsinin bütün üzvləri islam dinində xüsusi məna kəsb edən adların daşıyıcılarıdırlar. Növbəti fakt Heydər Əliyev və oğlu ilham əliyevin Kəbə evinə buraxılmasıdır ki,bu da hər insana nəsib olmur .

#305721 şikayət

azərbaycan manatı

8 əjdaha! 09.03.2020 19:58, Elli

Azərbaycanın milli pul vahidi. Adını Qədim Roma ilahəsi ,ilah Yupiterin arvadı Yunonanın latınca "Moneta" adlanan titulundan götürür, mənası "Müşavir","Xəbərdarlıq edən" deməkdir, çünki mənbələrə görə,Yunona Qədim Romalıları dəfələrcə güclü təbii fəlakətlər (zəlzələ,vulkan) və düşmən hücumları olacağını əvvəlcədən xəbər vermişdi. Kapitoliyada, Yunonanın məbədi yanında metal sikkələrin döyüldüyü emalatxanalar yerləşirdi,buna görə də "moneta" sözü digər Avropa və Slavyan dillərinə (məsələn, rusca "монета") nüfuz etmişdir. Azərbaycan Cümhuriyyəti (ADR ,1918-1920) qurulduqda əlifba latın qrafikində qəbul olunduğu üçün pul vahidinin də adı latınca qəbul olunmuşdur.

#292782 şikayət

cadu

9 əjdaha! 06.09.2020 06:59, Elli

ilkin yazılı mənbə kimi "Avesta"dan yātu- formasında gəlib çatmış söz. Orta (əsrlər) Fars dilində jādūg (caduğ) , Yeni (dövr) Fars dilində جادو [jādū] (cadu) sözündəndir ,həmin sözün Qədim Sanskrit dilində यातु" /ja:tu/ ilə kökdaş olduğu iddiaları var. Hər iki dildə sözün mənası eyni çıxır ,"sehr","əfsun oxuma" ,"tilsimə salma" , nadir hallarda "qarışdırmaq"(shuffle),(juggling) , "pərən-pərən salmaq" deməkdir . Əsasən ,qara sehrbazlığı təmsil edən ayin hesab olunur. Qara cadu ,qara sehr şər qüvvələrin iştirakı ilə qara sehrbaz və cadu sifarişçisinin birgə oxuduğu əfsuna əsaslanır.

#303999 şikayət

yazılışı yanlış bilinən sözlər

+7 əjdaha

Azərbaycan dilindəki "şillə" sözü "sillə" kimi yazılıb-oxunsa belə, hər iki variant düzdür. Çünki bu sözün kökü Avropa xalqlarının dilindən gəlir. ilk yazılı qeydə alınmış variantı Aşağı German dilində slappe , sonralar German dilində Schlappe sözündən götürür kökünü. ingilis dilində "Slap" sözü 17-ci əsrdən yazılıb-oxunurdu. Azərbaycan dilindəki şillə sözü ilə eyni variantda söz Avropada bircə island dilində qalıb ,o da smella və sla variantında. Slap /Slappe/Schlappe [şlapp] sözündəki p və pp Azərbaycan dilində ixtisara düşüb və şillə variantını əldə edib. Çox güman ki,ilkin variantı şilləp ,şləp olub . Slavyan dillərindən ən yaxını olan Rus dilində "шлёпок" , "шлёпать" "шлёпанцы" sözləri də bu kökdəndir. Şillə sözü german dilindəki schlappe , sillə sözü isə ingilis dilindəki slap sözünə dəng gəlir. Bunun da səbəbi, çox güman ki, Sami dilləri olan ibrani dilindəki şin hərfinin ərəb dilində sin oxunması ilə əlaqədardır (məsələn Şalom-Salam) . Avropa xalqlarının da əlifbalarında Sami dillərinin əlifbalarının rolu olub və ş və s samitlərinin ayrı-ayrı xalqlarda bir-birini əvəzləməsi sami dillərindən qaynaqlanır.

5 əjdaha! 01.08.2020 19:52, Elli

#302095 şikayət

yalnızlığın ən çox anlaşıldığı anlar

+6 əjdaha

Gecə təkbaşına təmiz havada dolu Aya baxarkən.
...
Hamamda yuxudan öncə gigiyenik prosedurları yerinə yetirdikdən sonra əlüzyuyan üzərindəki aynaya baxarkən.
...
Gecə saat 4 ,ya 5 -də eyvandan həyətə baxarkən.

3 əjdaha! 06.05.2020 07:35, Elli

#295128 şikayət

kasıb yeməyi

+7 əjdaha

ingiliscə "Poorman's meal " kimi tanınan yemək . 1929-1936-cı illərdə ABŞ-da tüğyan edən Böyük Depressiya dövründə aşpaz olmuş italyan mənşəli amerikalı qadın Klara Kannuçiarinin bişirdiyi yeməyin adı . Nəvəsi ,rejissor Kris Kannuçiari 98 yaşlı nənəsinin bişirdiyi bu yeməyi 2007-ci ildə lentə almışdır.

(youtube:

)

5 əjdaha! 29.01.2021 09:28, Elli

#318661 şikayət

bakı sakinləri

+6 əjdaha

Özlərini ayrıca bir xalq kimi görüb düşünən sakinlər . Yəqin güzgüyə ya da şəxsiyyət vəsiqəsində Bakı qeydiyyatına baxanda böyüklük maniyasına girirlər. Azərbaycanın digər şəhərlərindən və rayonlarından,kəndlərindən Bakıya gələnlərə mütləq və mütləq özündən savad və mədəniyyət cəhətdən aşağı səviyyədə olduqlarını düşünüb baxan toplum. Çar dövründən ,Xruşov dövründən qalan binalarda pilləkənləri belə süpürməyən stoliçnilər.

5 əjdaha! 19.01.2021 09:10, Elli

#317757 şikayət

ikinci qarabağ müharibəsi

3 əjdaha! 28.09.2020 10:05, Elli

Hakimiyyəi uzatmaq , Nobel Sülh mükafatı almaq , ölkədaxili gərgin ictimai-siyasi abhava mühitində dalana dirəndikdə əl atılan hiyləgər plan, "son nəfəs". Fikir versəniz, komendant saatı o şəhərlərdə elan olunub ki,o məntəqələrdə etirazlar alovlanmağa hazır idi.

#305232 şikayət

bakı metropoliteni

4 əjdaha! 13.09.2020 07:07, Elli

Təzə stansiyalarının tikilib başa çatdırılmasındən bir xəbər-ətər olmayan , köhnə vaqonların ventilyasiya qabırğaları toz qatından təmizlənməyən , perronların kənarında insan yıxılmasın deyə, avtomatik qapılı şəffaf müdafiə divarı olmayan , naşı adamlar üçün divarlar və ya ayaqaltına ox işarələri olan stikerlər yapışdırılmamış, stansiya adları ingiliscəyə bərbad tərcümə olunmuş , relslərin arasından hərdən siçovul görünən metropoliten . Sevimli metropolitenimizdir ,amma çox əmması var.

#304415 şikayət

9 fevral 2020 azərbaycanda parlament seçkiləri

2 əjdaha! 04.02.2020 18:48, Elli

Xaricdə yaşayan və Azərbaycan vətəndaşlığı üzərində daşıyan azərbaycanlılar üçün seçki məntəqələri təşkili səviyyəsi çox aşağıdır. Konsulluqlar və səfirliklər uzaqda olduğu üçün əksər azərbaycanlılar ya təyyarə,ya da qatarla gəlib səs verməlidirlər.Kağız-kuğuz səsverməsi elektron səsverməyə keçmədiyi üçün həmin vətəndaşların səsvermə haqqı da bu cür əlindən alınır .

#292117 şikayət

fransa

3 əjdaha! 04.02.2020 21:57, Elli

Orta əsrlərdən öz ədəbiyyatımızda Firəngizstan ,xalqını isə firənglər (franklar--"ox" mənasını verən qərbi-german tayfaları) kimi tanıdığımız ölkə. Qədim Qalliyanın böyük qisminin coğrafi varisi . Qall xoruzu (Le coq gaulois) rəmzi olduğu ölkə (Qalina adı da "toyuq" deməkdir) . Azərbaycan manatının çap olunduğu ,Azərbaycan peykinin fəzaya buraxıldığı ölkə.

#292118 şikayət

cinlər

1 əjdaha! 03.08.2020 18:39, Elli

Gözəgörünməz varlıqlar ierarxiyasında aşağı təbəqə ,qul və nökər statusunda yer alırlar. Ulu atalarının adı Candır. Ağ (yəni xeyirxah) və qara (bədxah) cinlər olur, erkək və dişi cinlər olur. Cinlər öz aralarında ailə qurub uşaq törədirlər. Bəzilərinə vəzifə tapşırılır, bəşəriyyətə ötürülməli olan məlumatı ötürmək üçün insan cildində doğulub yaşamağı bacarırlar insanlar arasında və eyni zamanda pis məqsədlər uğruna sehr,cadu vasitəsilə başqa insanın cisminə daxil edilirlər şər qüvvələrə uyaraq. Suyu çox sevirlər, bir çox erkən orta əsrlər mənbələrində tüstüsüz oddan yaradıldıqları bildirilir , insanın qaladığı oddan isə qorxurlar. Ərəbcə cin sözünün latınca genii sözü ilə kökdaş olması haqda nəzəriyyələr var.

#302227 şikayət

nərmin şahmarzadə

4 əjdaha! 28.09.2020 06:42, Elli

Vaxtilə facebook profilində işlədiyi yer kimi içərişəhər qoruq idarəsini göstərmiş ,sonradan gizlətmiş muzdlu-sifarişli təxribatçı,hakimiyyətin marionetlərindən biri. Özü qırmızı xalılı bahalı qonaqlıqlarda,festivallarda vaxtını xoş keçirən , camaata "şişlik" verən , hələ qadın bədəninin məxsusi üzvlərinin alverindən danışmaqla üstüörtülü şəkildə nudizm təbliğ edən , azərbaycanın bəzi bambılı kişilərinin ağız suyu axıtmasına səbəb olan manipulyator . Çox güman ki ,müdiri ilə sevgilidir , yaxşıca da pul alır,əlbəttə , facebookdakı "fəaliyyəti" qarşılığında. 10-15 manata sensasiya bəyanatları raskrutka edən zurnalistlərin "yağlı müştərisi",yəni newsmaker -idir.

#305228 şikayət

sözlük yazarlarının arzuları

2 əjdaha! 15.09.2020 08:29, Elli

"Arzu" sözünün bir çox mənbələr Fars dilindən gəldiyini ,istək ,dilək bildirdiyini deyir. Lakin Uyğur dilində Arzu Merkuri planetinin adıdır. Deməli , "arzuya çatmaq" dedikdə "merkuriyə çatmaq" kimi əlçatmaz niyyət başa düşülür. Əlçatmazdırsa ,daha neynirik arzunu ? Arzudansa,əhd daha yaxşıdır.

#304582 şikayət

suriya

3 əjdaha! 28.09.2020 19:14, Elli

Bir vaxtlar bəşəriyyətin yaranış sirlərini özündə qoruyan antik daş kitabələr, tarixi abidələrlə zəngin torpaq. Çoxunu məhv etməklə dünya insanlarının şüurunun yenidən evolyusiyaya yüksəlməsinin qarşısı alındı. Keçən əsrlərdə o abidələrin üzünü köçürən , deşifrə edən,şəklini çəkib tədqiq edən alimlərin irsindən savayı gələcək nəsillərə heç nə qalmadı.

#305247 şikayət

ilham əliyev

+7 əjdaha

Prezident sarayını və Prezident aparatını saxlamağa pul qalmadığı üçün əvvəlcə 20 müşavirini , sonra bir neçə cangüdəni və indi də aşpazları ixtisara salıb işdən azad edən bankrot dövlət rəhbəri. mümkün suiqəsd cəhdlərindən qorxmağa başlayıb,çünki ətrafında kənara məlumat sızdıran casus doludur . ictimaiyyəti inandırmaq istədiyi hər gözəl həqiqət və ya haqqında uydurulan əfsanələrin hamısı blefdir.

6 əjdaha! 02.02.2021 03:11, Elli

#319099 şikayət

acı uşaqlıq xatirələri

3 əjdaha! 16.09.2020 10:37, Elli

Marketdə hər gördüyümdə import ,yəni idxal meyvəli yoqurt olan Früchtegut almağa pulun həmişə olmaması , ana-atanın isə evdəki adi qatığa meyvə və ya giləmeyvə üyüdüb Früchtegut düzəltməməsi.

#304640 şikayət

ilham əliyev

5 əjdaha! 21.10.2020 05:51, Elli

Qarabağın işğaldan azad edilməsi əməliyyatlarında həlak olan və yaralanan Azərbaycan əsgərlərinin sayını açıqlamayan,yalnız rəhmət və şəfa diləməklə günahını kompensasiya etməyə çalışan nadürüst.

#306823 şikayət

vaqarşapat rəqsi

3 əjdaha! 20.03.2020 07:50, Elli

Başlıqda yürüdülən nəzəriyyəyə əsasən , seçilmiş terminin izahında ilk növbədə, toponimlərə diqqət yetirmək gərək!
1) Vaqarşapat Üçkilsənin heç də ilk adı deyil . Həmin şəhər Qədim Yunan ilahəsi Artemisin (Ἄρτεμις ) adına tikilib . Bu , xristianlıqdanöncəki antik dövrə aiddir . Movses Xorenatsi həmin şəhərin ilk adının Artemid olduğunu qeyd edib.
2) Erkən xristianlıq dövründə orada 3 kilsə tikilib və həmin kilsələrdə indiki təsərrüfat müdiri kimi vəzifə daşıyan işçilər olub, bugünə qədər anqlikan kilsələrində onlara verger , virger deyirlər.Latın dilindəki virge kəlməsindən gəlir adı, mənası da silindrik çomaq, çubuqdur (dini ibadət zamanı xorda oxuyanlar xaric və ya səhv notlarda oxuyanda verger həmin çomaqdan “cəza” aləti kimi istifadə edirdi) . Həmin vergerlər kilsə interyerində səliqə-səhmana, dini ibadət -avazla oxunan liturgiya zamanı dini nəğmələrin hazırlanmasına , qutsal əşyaların və mehrabın ibadət üçün bəzədilməsi və hazırlanması , bir də gorqazan funksiyasına cavabdeh şəxslərdir.
3) Xristian kilsələrində vergerlər funksiyalarına görə islam məscidlərindəki müəzzinlərlə ( مُؤَذِّن‎, muʾaḏḏin ) eyniləşdirilir, ona görə də Eçmiədzin ,əslində, "3 müəzzin" -dir və erməni dilinə deformasiyaya uğramış şəkildə keçmişdir. "Vaqarşapat" adı isə "verger" və "şabat" (yəni ivritcə "istirahət" mənasını verən, 1 həftə ərzində Yaradılış ideyasına görə Allahın dincəldiyi şənbə günü שַׁבָּת ) sözlərinin birləşməsindən əmələ gəlib , çünki xristian kilsələrində liturgiya , yəni böyük ibadət bazar günləri keçirildiyi üçün şənbə günündən həmin vergerlər hazırlıq aparırdılar.
4) həmin bu rəqs 3 not üzərində qurulub ki, bu da 3 kilsə və 3 müəzzinə (vergerə) işarədir .Çox güman ki ,bu rəqsin ilk 3 notluq motivi vergerlərin dilində bir parol kimi işlənib və onlar bir-birilərini çağırıblar, ya da məhz, onların ifa etdiyi rəqs olub. Melodiyanın ritmik formulu el dilində şərti “3 badam,1 qoz” adlandırılan ritm əsasındadır, bu da erməni xalq musiqisinə , nə də ki dini musiqisinə xas olmayan formuldur.
5)Üzeyir Hacıbəylinin operettanı 1910-cu ildə bitirib səhnəyə qoyması hələ o demək deyil ki , əsərin not eskizləri də yalnız 1910-cu ilə aiddir. Adətən,bəstəkarlar bir böyük səhnə əsəri üzərində 3 il,5 il,hətta 10 il işləyə bilir , digər əsərlərlə paralel olaraq. Bu da o deməkdir ki, 1906-cı ildə həmin rəqsin hansısa nəşrdə çap edilməsi rəqsin ermənilərə məxsus olmasını sübuta yetirmir. Üzeyir Hacıbəyli həmin rəqsi daha əvvəllər də eşitmiş və nota salmış ola bilərdi.

#293092 şikayət

sən məndən daha yaxşılarına layiqsən

+3 əjdaha

Müasir Azərbaycan oğlanlarının deməyə götü çatmadığı etiraf.

3 əjdaha! 02.07.2020 07:17, Elli

#298969 şikayət

ailədəki maraqlı inanclar və adətlər

3 əjdaha! 30.12.2020 19:29, Elli

Qapının astanasında öpüşməmək , qolları sinə üstündə X halında düyməmək ("qollarını qoynuna qoyma" deyirdilər böyüklərimiz); Günəş "batanda", axşam düşəndə ,yəni el arasında deyilənə görə şər qarışanda süpürgəyə 3 dəfə yüngülcə dodaqucu "tüpürüb" "şərə lənət" deyib süpürmək ; bir pis hadisə haqda xəbər eşidəndə sağ əlin barmaq ucları ilə qulaq məməsini dartıb "iraq olsun" ,ya da " qulaqlara qurğuşun" demək.

#315228 şikayət

azərbaycan dilində ən çox edilən yanlışlar