ənəlhəqq

65 0 0 0

4. nəsil yazar

Entry: 65

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

mulholland drive

+14 əjdaha

mulholland dr. (2001)

rejissor: david lynch

hələ filmə baxmayanlar üçün:

filmin orjinal dvd versiyasında "bu trilleri anlamaq üçün david lynch-in 10 ipucu" başlıqlı kartda göstərilənlər bunlardır:

1. filmin əvvəlini çox diqqətli izləyin: ən azı iki ipucu filmin əvvəlindəki yazılar bitməmişdən verilir.

2. qırmızı lampa işıqlarının göründüyü yerlərə və zamana diqqət edin.

3. adam kesher-in oyunçu seçdiyi filmin adını eşitdin? bəs bu addan bir daha nə vaxt bəhs edilir?

4. qəza qorxunc bir hadisədir, qəzanın baş verdiyi yerə diqqət edin.

5. kim, niyə bir açar verir?

6. paltara, külqabına və kofe fincanına diqqət edin.

7. club silencio-da hiss edilən, fərqlənən və müşahidə edilən şey nədir?

8. camilla-nın ancaq qabiliyyəti bəsdir?

9. winkies-in arxasında olan adamın ətrafında olanlara diqqət edin.

10. ruth xala hardadır?

burdan o tərəfə isə filmə baxanlar üçündür:

--spoiler--

hekayə nə qədər qarışıq görünsə də filmin izahı belədir:

filmin 2/3 -si diane-ın yuxusunda baş verənləri, qalan kiçik də olsa 1/3 hissəsi isə real həyatda olanları əks etdirir. real həyatda baş verən hadisələr:

diane adlı gözəl, sarışın qız (naomi watts) hollywood xəyalı ilə yaşayır. bir gun diane-ın bibisi ölür və ona bir az pul miras qalır. diane bu pulla hollywooda gedir, bir neçə çəkilişlərə qatılır, lakin heç də uğurlu çıxışlar olmur. çəkilişlərin birində camilla (laura harring) ilə tanış olur və sevgili olurlar. aralarında intim münasibətlər olur. diane da camilla çəkildiyi filmlərdə kiçik rollar oynamağa başlayır. rejissorun çəkdiyi filmdə 2-si də rol alırlar (camilla baş rolda diane isə kiçik bir rolda). ancaq camilla diane-ı tərk edir və rejissorla sevgili olmağa başlayır. amma diane hələ də camilla-ya görə onun dostu olaraq qalır. camilla öz nişanına (nişan olduğu deyilmir filmdə) diane-nı da dəvət edir (02:01:33 - 02:16:05 filmin bu aralığındakı hadisələr filmin ən əhəmiyyətli hissəsidir, çünki diane-ın yuxusunda gördüyü obrazlarn çoxu burdadır). nişanda diane paranoyaqlaşaraq hamının ona təhqiri nəzərlərlə baxdığını düşünür (yuxuda italyan mafiyasnı təmsil edəcək adam belə - hansı ki, qarşıdakı masada əyləşib, ya da gerçək həyatda 1 saniyəliyinə görülən insanlar (cowboy) yuxuda böyük rollara sahib insanlar olaraq qarşımıza çıxa bilər. kafedə qızın "name tag"-dəki ad yuxuda öz adı olaraq görünə bilər). bundan sonra diane kafedə qatil ilə görüşüb camilla-nı öldürməsi üçün ona pul verir (02:16:05-02:17:57 diane-ın camilla-nı öldürməsi üçün qatil ilə razılaşması. betty obrazı, winkies işarəsi hansı ki, bu da diane-ən şüuraltında həkk olub qalır). qatil işi tamamladığında mavi bir açarı (insanlar gerçək həyatda yaşadıqları, gördükləri şeyləri (obyektlər, insanlar) yuxularında daha fərqli şəkillərdə görəbilərlər. məsələn gerçək həyatda normal mavi bir açar yuxuda daha fərqli bir şəkildə sürreal bir mavi açar olaraq qarşımıza çıxa bilər) lazım olan yerə qoyacağını deyir.

diane-ın yuxusunda baş verənlər (00:02:17-01:56:25 diane-ın yuxusu, xəyal dünyası):

diane-ın yuxusunda (filmin ilk 2/3-i) yuxarıdakı real həyatda gördüyü bir çox obyektin və insanın yuxusunda fərqli formalarda, mənalarda və rollarda qarşısına çıxdığını görə bilərik ( diane-ın yuxusunda italyan mafiyasını təmsil edən adamın qusduğu kofe, camilla nişanlandığını açıqlayarkən kofenin onun öz burnundan gəldiyi üçün yuxuda kofenin bir növ yerdəyişdirmə ilə təzahürünü tapdığı formasıdır). yuxuda isə artıq diane-ın bibisi olduqca məşhur bir hollywood aktyorudur və evini bir müddətlik diane-a qalmağa verir. real həyatın başqa bir təzahürü isə real həyatda rejissorun anası olaraq bilinən qadının diane-ın yuxusunda artıq bibisinin evində xidmətçi olaraq görür ki, bu da bir növ yuxuda da belə olsa diane-ın kiçik bir intiqam alma formasıdır. camilla filmdə məşhur mulholland dr. (rejissorun evinə aparan yol) -da limuzində (hansı ki, nişana diane-ı həmin limuzin eyni şosse ilə aparmışdı) əli silahlı adamın maşını ani saxlamağı ilə əlindəki silahı ona doğruldaraq maşını tərk etməsini söyləyəndə, qəza baş verir və camilla bir təhər olaraq ordan uzaqlaşaraq diane-ın bibisini evinə sığnır (eyni hadisə real həyatda diane-ın da başına gəlir ki, burda maşının ani saxlamağından diane qorxur və bu da bir az öz formasını dəyişərək onun yuxusuna belə təsir edir). daha sonra hadisələr camillanın yaddaşının itmiş formasında davam edir. evdə olan çantada diane (artıq yuxuda onun adı betty-dir) camillanın bəlkə də onun əsl adının burda gizli olduğunu deyir və çantanı açrlar. çantada xeyli miqdarda pul və açar tapırlar (pul-real həyatda diane-ın camilla-nı öldürməsi üçün qatilə verdiyi pul, açar isə qatilin diane-a göstərdiyi açarın formaca dəyişilmiş halı idi). daha sonra dincəlmək üçün kafeyə gedirlər ki burda da camilla-ın ofisiant qızın "nam tag"ındakı diane adı diqqətini cəlb edir və bəlkə də onun adının diane olduğunu deyir. daha sonra axtarışlara başlayırlar ki, axırı gəlib real həyatdakı diane-ın evinə gəlib çıxırlar. qapı "açılır" və içəri girirlər və ölmüş qadn cəsədi görürlər. eyni zamanda mavi qutunu açarla açmağa çalışır ki, artıq burda yuxu bitir və diane yuxudan oyanır. (edit: yuxuda olan teatr səhnəsini, lynch-in bizə qatili tanıtdığı görüntüləri, filmdəki rejissor italyan bir mafiyası tərəfindən aktrisanın məcbur seçilməsi prosesini yazmadım)

01:56:45 - 02:01:32 diane yuxudan oyanır. camilla artıq öldürülüb. mavi açar masanıın üstündədir. daha sonra diane-ın evini dəyişdiyi qonşusu gəlir və evdə qalan əşyalarını götürür. bundan sonra əməlindən peşmanlıq duyan diane intihar edir.

--spoiler--

indi isə lynnch-in bizə verdiyi ipucularna bir az aydınlıq gətirək:

1. filmin əvvəlini çox diqqətli izləyin: ən azı iki ipucu filmin əvvəlindəki yazılar bitməmişdən verilir.
- burada filmin adı görünməzdən əvvəl olan şeylərə baxaq. film jitterbug dansı ilə açılır və rəqsin sonunda sıx spot işıqları altında kütləni salamlayan bir diane bu da bizə diane-ın məşhur bir hollywoood aktrisası olmaq istəyi ni göstərir, ikinci səhnədə isə diane-ın yataq otağına kamera ilə edilən zoom. diqqətlə qulaq asılanda yatan, amma yuxusunda narahat olan birinin nəfəs aldığını eşidirsiniz və kamera yastığa yapışdığı anda yeni səhnə başlayır. yəni birinin yuxusuna giririk. bu qədər sadə.

2. qırmızı lampa işıqlarının göründüyü yerlərə və zamana diqqət edin.
- qırmızı obyektlərin həqiqəti, mavi obyektlərin isə yuxunu təmsil etdiyini göstərir.

3. adam kesher-in oyunçu seçdiyi filmin adını eşitdin? bəs bu addan bir daha nə vaxt bəhs edilir?
- filmin adı "the sylvia north story"-dir. filmin adı bir dəfə də o məşhur dəvətdə keçir. diane coco-ya həyat hekayəsini danışarkən rolun seçmələrinə qatıldığını ancaq rolu camilla-ya uduzduğunu deyir.

4. qəza qorxunc bir hadisədir, qəzanın baş verdiyi yerə diqqət edin.
-qəza yuxuda mulholland dr- da olur. gerçəkdə dianie-ın camilla -nı artıq itirdiyinin bildiyi yerdə. (nişana aparan yol)

5. kim, niyə bir açar verir?
- açarı qatil diane-ə işin bitidyini, artıq camilla-nın öldüyünü işarə olaraq verir.

6. paltara, külqabına və kofe fincanına diqqət edin.
- əgər bu üçünə birlikdə diqqət etsək lynch burada diane -ın özünə kofe hazırladığı sonra kresloda lüt formada camilla ilə görüşdüyü səhnəyə gəlir. bu səhnədə əynində gecə paltarı və əlində kofesilə kresloya yönələn diane birdən lüt bir şəkildə əlində viski stəkanı ilə kreslonun qırağına keçir. bu ipucuyla lynch səhnələrin xronoloji olaraq eyni anda reallaşmadığını, camilla ilə birlikdə olduqları səhnənin, külqabınn hələ dəstolun üstündə olduğundan, köhnə bir anı olduğunu ifadə edir.

7. club silencio-da hiss edilən, fərqlənən və müşahidə edilən şey nədir?
- silencio klubda çox qatı bir qorxu və çox dərin bir ayrılıq acısı və hüzn hiss edilir. roy orbison-un crying parçasının klubda ifa edən və demək olar ki, onun qədər gözəl olan ispanca şərhi "llorando" -da da bəhs edilən ayrılıq acısıydı. klubda fərqlənən, gerçək kimi görülən bu ilk iki saatın yalan olduğu, yuxu olduğu idi. hər şeyin zehinin qeyd qeydlərdən qaynaqlandığının göstəricisi idi (hətta orda müğənninin ölməsi ancaq ifaın hələ də davam etməsi buna sübut olaraq göstərilə bilər). müşahidə edilən şey isə mavi bir qutu idi.

8. camilla-nın ancaq qabiliyyəti bəsdir?
- xeyr qabiliyyəti bəs etmir. çünki diane fikirləşir ki camilla bu rolu öz bacarığı iə deyil, cazibə ilə rejissora təsir edir və rolu onun əlindən alır.

9. winkies-in arxasında olan adamın ətrafında olanlara diqqət edin.
- üç yerdə görünür: birincisi yuxarıda qeyd etdiyim kimi diane-ın yuxusunda. ikincisi diane-ın dəli olacaq dərəcəsində olan səhnədə əlində mavi qutu ilə, üçüncüsü də filmin sonunda görülən mavi saçlı qadından bir səhnə əvvəl.

10. ruth xala hardadır?
- yuxuda bir film çəkilişi üçün kanadaya getdiyi göstərilir, amma gerçəkdə diane-ın dəvətdə də dediyi kimi ruth xala artıq ölüb. bir də film əhli arasında məşhur bir zarafat var: bu ölən aktyorlar üçün kanadaya çəkilişə getdi deyirlər. lynch burada üstü bağlı olaraq bu yumordan istifadə edib.

elə belə :

rebekah del rio (club silencio'daki müğənni) david lynch ilə görüşdürüldüyü zaman rejissor ondan bir mahnı oxumağını istəyir. müğənni də improvizasiya olaraq "llorando" yu səsləndirdi. müğənninin xəbəri belə olmadan lentə alındı, bu mahnı illər sonra bir neçə xırda dəyişiklikdən sonra eynilə filmdə istifadə edildi.
-----------------------------------------------------------
amerikada yayımlanan film hissələrə ayrılmamış, tək bir bölüm olaraq dvd-də təqdim edildi. daha əvvəl forrest gump-da istifadə olunan bu taktika üçün lynch: "tamaşaçılar bu sayədə, filmi bir dəfəyə bitirmək üçün daha istəkli olacaqlar" deyib.
-----------------------------------------------------------
əvvəllər televiziya serialının bir hissəsi olaraq düşünülən istehsalın böyük bir hissəsi çəkilir, ancaq yarımçıq saxlanlır. ancaq lynch-in çəkdiklərini seyredən televiziya prodüserləri bu layihəni rədd etdilər( televiziya prodüsserlərinin filmin 1999-cu ildə hazırlanan tv versiyonunu çəkməyi rədd etmə səbəblərindən biri də, naomi watts və laura harring-i tv ulduzluğu üçün yaşlı hesab etmələri idi). bundan sonra lynch, uzun metrajlı bir film çəkmək üçün layihəyə bir son hazırlayır və filmi çəkir.
-----------------------------------------------------------
lynch baş rol oyunçuları üçün naomi watts ilə laura elena harring-i fotoşəkillərinə baxaraq seçir. hər iki oyunçu ilə yarım saatlıq görüşdə, onları daha əvvəl hər hansı bir kino və ya televiziya istehsalında görmədiyini deyir. ilk görüşməyə cins şalvarla gələn watts-a lynch sabahkı görüşə bir az daha səliqəli geyinməsi lazım olduğunu deyir, ancaq iki həftə sonra o oyunçu heyətinə daxil edilir. watts-ın seçməsini lynch "böyük bir bacarığı olduğunu hiss etdim və yaxşı bir ruha sahib idi, ağıllı, fərqli rollara bürünmə bilən şəxsiyyətə sahib birini gördüm. o, tam mənasıyla bu rola uyğun idi." sözləriylə izah etdi. digər baş rol oyunçusu justin theroux isə lynch ilə olan görüşməsinə bütöv qara geyib, dağınıq bir saç stiliylə qatılmışdı. theroux-un bu halını bəyənən lynch, oyunçunun eyni paltarlar və saç stiliylə filmdə yer almasına qərar verir.

----------------------------------------------------------
filmdəki kovboy-un daha çox diqqət cəlb edici görünməsi üçün qaşları qırıxılır.
----------------------------------------------------------
"hər şeyin hansı mənaya gəldiyini ya da necə izah olunacağıını bilməmək daha yaxşıdır, çünki əks halda hadisələri öz axışına buraxmağa qorxarsınız." - david lynch.

13 əjdaha! 07.10.2015 01:36, ənəlhəqq

#183040 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

vertigo

+9 əjdaha

vertigo (1958).

rejissor: alfred hitchcock.

vertigo tibbdə "baş dönməsi" deməkdir. film pierre boileau və pierre ayraud tərəfindən yazılan "d'entre les morts" adlı bir kitabdan götürülmüşdür. baş rollarda: james stewart, kim novak. film çəkildiyi dövrdə diqqət cəlb etməsə də daha sonradan özəlliklə də film mütəxəssislərinə görə kino tarixinin ən əhəmiyyətli filmləri arasına girmişdir və ən yaxşı 100 film siyahısında 1988-ci ildə 62-ci sırada ikən 2007-ci ildəki siyahıda 52-ci sıraya yüksəlib. filmdə istifadə olunan geri gedən kameranın zoom etmə texnikası kino tarixinə vertigo hərəkatı olaraq keçmiş və hal-hazırda olduqca geniş istifadə olunur. alfred hitchcock baş rol üçün kim novakı seçməsinin səbəbini belə izah edir: "günahsız və gözəl sifətinin altında yatan fahişə ruh ifadəsinə sahib olmağı". filmdəki çimərlik səhnəsi 2002-ci ildə filmlərdəki "gəlmiş- keçmiş ən qəşəng səhnə" adını almışdır. ayrıca kim novakın vertigodakı performansı çoxu tənqidçiyə görə ağ pərdədəki ən yaxşı performans olaraq göstərilir.

7 əjdaha! 20.08.2016 00:16, ənəlhəqq

#225505 şikayət

mandariinid

+9 əjdaha

rejissor zaza urushadze filmi haqqında verdiyi bir reportajda belə deyir: " filmim iki dövlət və ya onların haqq - hesabları arasında, onların siyasi mübarizəsi haqqında kütləyə ötürülən bir problem forması kimi qəbul edilməməlidir. bu film, hər şeydən əvvəl öz istək və iradələrindəın asılı olmayaraq böyüyən və onları insanlığından imtinaya məcbur edən, bir döyüşün içində qalan insanlar haqqında bir hekayədir. "

8 əjdaha! 12.09.2015 18:06, ənəlhəqq

#180835 şikayət

chantal akerman

+9 əjdaha

1950-ci ildə belçikanın paytaxtı brüsseldə anadan olub. anasından başqa ailəsinin böyük bir qisimini yəhudi soyqırımında itirən chantal üçün auschwitz düşərgəsində sağ qalan anasının xatirəsi və psixoloji problemləri, sağ qalmaq üçün verdiyi mübarizəsi onun sənətinə böyük bir təsiri olub. 15 yaşında ikən jean luc godard-ın "pierrot le fou" filmini izlədikdən sonra kinorejissor olmağa qərar verən chantal, 18 yaşında ikən brüsselin institut national supérieur des arts du spectacle et des techniques de diffusion kino universitetində təhsilinə başlayır. ancaq həmin il chantal "*saut ma ville*" adlı ilk filmini çəkmək üçün universiteti tərk edir. chantal-ın ən böyük təsir yaradan filmi 1975-ci ildə çəkdiyi "*jeanne dielman, 23 quai du commerce, 1080 bruxelles*" - di. "jeanne dielman" filminin çəklişində anasının ona ilham verdiyini deyən chantal, tamamilə qadınlardan ibarət bir film qrupu ilə işləyib. chantal-ın ən son çəkdiyi filmi "*no home movie*" ilə, auschwitz düşərgəsində sağ qalan anasının acı və təcrübəsini göstərirdi. locarno film festivalında premyerası olan filmində bəzi tamaşaçıların onu təhqir etməsindən sonra chantal-ın psixi vəziyyətinin yaxşı olmadığı deyildi. 5 oktyabr 2015-ci ildə vəfat edən feminist rejissorun ölüm səbəbi dəqiq bilinmir və bəziləri bunun intihar olduğunu deyir. 66 yaşında həyatını itirən rejissor "insanlar mənim feminist rejissor olduğumu dediklərində, onlara bir qadın olduğumu və eyni zamanda film çəkdiyimi deyirəm" deyib.

8 əjdaha! 08.10.2015 18:13, ənəlhəqq

#183162 şikayət

children of heaven

+6 əjdaha

iran kinorejissoru məcid məcidinin 1997-ci ildə çəkdiyi film. məcid məcidi bu filmi çəkərək 1999-cu ildə oskar mükafatına namizədliyi qazanır. bundan əvvəl iran kinematoqrafiyası belə bir uğuru heç vaxt yaşamamışdır. ilk iran filmi idi ki, oskar mükafatına namizədlər sırasına daxil olmuşdu. təəssüf ki, bu film mükafat qazana bilmir. ancaq buna baxmayaraq film çox güclü ekran işi kimi dəyərləndirilir. film 1998-ci ildə xarici dildə ən yaxşı film akademiya mükafatına namizəd göstərilmişdi (bu mükafata namizəd göstərilən ilk iran filmi olmuşdur). ancaq bu mükafatı roberto benigninin çəkdiyi italyan filmi life is beautiful qazandı.

6 əjdaha! 09.09.2015 02:50, ənəlhəqq

#180487 şikayət

lost highway

+5 əjdaha

- bütün film əslində fredin beyninin içindəkiləri danışır, biz onun başının içindəyik əslində. film boyunca fred əslində həbsxanadadır. (filmin başında həbsxananın avtomatik açılan qapısının səsini eşidilir) və filmin sonunda elektrikli stolda edam edilir. film bizə bunları göstərmir, çünki əvvəl də dediyimiz kimi əslində biz fredin başının içindəyik.
fred cinsi həyatında arvadını təmin edə bilmir. bu isə beynində arvadının özünü aldatdığı şübhələrinə səbəb olur. fred arvadını vəhşicəsinə öldürür. bundan sonra elektrikli stol cəzası alaraq həbsxanaya göndərilir. filmdəki tək həqiqət olan həbsxana səhnəsindəkilərdir. həbsxanada fred dissosiyatif füj deyilən bir xəstəliyə tutulur. dissosiyatif füj ağır zədə vəziyyətlərində adamın yaşananları qəbul edə bilməyərək başqa bir şəxsiyyətə bürünərək əvvəli xatırlaması özünü başqa biri olaraq görməsidir. bu xəstəlik nəticəsində pete xarakteri ortaya çıxır. pete xarakteri fredin ziddidir. cinsi həyatı çox yaxşıdır və qarşı cinsi olduqca məmnun edə bilir. fredin pete-ə çevrilməsi müvəqqəti olmuşdur, çünki fredin başında qurduğu xəyali dünya zaman keçdikcə gerçəklər tərəfindən sıxışdırılmağa başlayır və yox olur. qaçınılmaz son olaraq pete təkrar fredə çevrilir. bu arada fred içini rahatlaşdırmaq məqsədiylə arvadının özünü aldatdığı adam olaraq fikirləşdiyi dick laurenti öldürmüşdür.filmin sonunda fred polislərdən qaçarkən əslində elektrikli stoldadır və sonda ona elektrik verildiyini görmək olar.

(baxma: o vaxt yazmışdım )

5 əjdaha! 11.09.2015 02:23, ənəlhəqq

#180675 şikayət

nostalghia

+6 əjdaha

deməli deyirlər ki, film çəkilən vaxt tarkoviskinin özünün də sürgündə olması, əslində filmdəki baş rolun özü olduğunu göstərir, bundan başqa "bir damla + bir damla daha böyük bir damla edər, iki damla deyil." ifadəsi də 1+1=1 - i göstərir bu da tanrı ilə insanın ayrılmaz olduğu ikisinin bir-biri ilə vəhdət təşkil elədiyinə işarədir, bir də bu 1+1=1 teması incendies filmində var idi ama o bundan fərqli yanaşma idi.

6 əjdaha! 11.09.2015 15:35, ənəlhəqq

#180708 şikayət

the color of paradise

+6 əjdaha

film iran xaricində ilk dəfə 1 sentyabr 1999 kanadada montreal film festivalında göstərilmişdir. bu festivalda "böyük amerika mükafatı" rejissor majid majidi'yə verilmişdir. filmdəki uşaq oyunçu mohsen ramezani (məhəmməd) gerçək həyatda da görmə qüsurludur.

6 əjdaha! 09.09.2015 02:49, ənəlhəqq

#180486 şikayət

məşədibaba

+4 əjdaha

(youtube:

)

4 əjdaha! 23.04.2016 17:31, ənəlhəqq

#211477 şikayət

sweet movie

+6 əjdaha

Sweet Movie (1974).

Rejissor: Dusan Makavejev.

Serb əsilli Yuqoslaviya rejissoru Dusan Makavejev-in Wr-misterije organizma filmindən sonra ölkəsi Yuqoslaviyadan sürgün ediləndən sonra çəkdiyi ilk filmidir. Wr-misterije organizma müəyyən cəhətlərinə görə bənzəməklə birlikdə ondakı bütünlük duyğusuna sahib deyil. Xüsusilə filmin yarısından sonra Makavejev-də ya yolunu itirib ya da ən sevdiyi şeyi edib; tamaşaçının əxlaq duyğusu ilə oynamaq istəyib, tamaşaçının qarşısına bir güzgü qoymuş və əslində etmək istəyib də ancaq cəmiyyət prinsiplərinə uyğun olmadığı üçün etmədiyi şeyləri göstərmişdir. Filmin musiqiləri Manos hadjidakis-ə aiddir. Kann film festivalı və Luis Bunuel mükafatı almasına baxmayaraq film dünyanın bir çox ölkəsində göstərilməsi qadağan olunmuşdur.

--spoiler--

Dünyanın ən zəngini olaraq göstərilən və süd sənayesi müdiri olan oğluna gəlin tapmaq üçün ən gözəl bakirə yarışması təşkil edən “Bakirəlik Kəməri Cəmiyyəti” başçısı olan anası və yarışma iştirakçıları ilə başlayan film, yarışmanı qazanan “Misss Canada” və başqa hekayə olaraq Karl Marks heykəli olan gəmisiylə səyahət edən inqilabçı kapitan Anna Planeta-nın ətrafında nizamsız hərəkətlər edərək irəliləyər. Sweet Movie-də Makavejev arxa planda kapitalizm və kommunizm haqqındakı tənqid və fikirləri yumor formasında göstərərkən, ön planda isə müdafiəçisi olduğu cinsi azadlığı, cinsəlliyin bir marketinq texnikası olaraq istifadə edilməsindəki doza artımına da diqqət çəkərək göstərir. Cinsi aclığı mədə aclığına bənzədən, gedərək azğınlaşan, cinsi arzuları da mədələri zorlayan qidalanma səhnələri ilə qarşılaşdıran rejissor, una, şəkərə, yumurtaya və ya şokolada bulanmış bədənlərdən istifadə edərək aclıq impulsunun cinsi təhriklərə çevrildiyinə; sahib olma, satın alma və ya dadına baxma istəklərinin hər iki impulsda qarşı qoyulmaz bir cazibə gücünə sahib olduğunu göstərir. Səhnələrində müəyyən bir səbəbiyyət qanununa bağlı olmayan Makavejev, arxivlərdən aldığı toplu məzar və yandırılmış cəsədlərin araşdırma çəkilişləri ilə bəzədiyi filmində, insanın irqçi ya da cinsiyyətçi olsun, demək olar ki, hər cür nifrətinin altında da fiziki ehtiraslarında olduğu kimi fiziki nifrətin yer aldığını xatırladır.

--spoiler--

(youtube:

)

5 əjdaha! 11.11.2015 00:37, ənəlhəqq

#186704 şikayət

mockumentary

+5 əjdaha

heç olmayan bir hadisəni, bir adamı və yaxud da bir dövrü, tamamilə qondarma məntiqlə, lakin texniki olaraq sənədli film şəklində izah edən bir film növüdür.

5 əjdaha! 11.09.2015 02:28, ənəlhəqq

#180677 şikayət

amour

+5 əjdaha

rejissor: michael haneke.

haneke ilə müsahibə:

rejissor: michael haneke.
- amour filminin avtobioqrafik olduğunu bilirik. bu filmdə sizin həyatınızdan nə olduğunu bir az açıqlaya bilərsinizmi?
+ heyran olduğum yaşlı bir qadının yanında böyüdüm, məni böyüdən də odur. 80 yaşında xərçəngə tutuldu, bu dözülməz bir vəziyyət idi, çünki sevdiyiniz bir insanın acı çəkdiyini görürsünüz və daha pisi əlinizdən heç bir şey gəlmir. həyatımda daha əvvəl heç bu qədər böyük bir acı çəkməmişdim. belə anlarda insan hər şeyə böyük bir hirslə yanaşmağa başlayır. hərçənd ki, sonra yaxşılaşdı, amma 93 yaşında intihar etmək istədi. onu huşsuz bir halda tapdım. dərhal kömək çağırdım və xəstəxanada özünə gəldiyində, mənə "bunu niyə etdin?" deyə soruşdu. mənə qəzəbli idi. 2 il sonra, mən bir festivalda olanda təkrar intihara cəhd etdi və o zaman vəfat etdi. təxmin edə biləcəyiniz kimi o an bunu bir ssenariyə çevirmək kimi bir arzum yox idi, aradan illər keçdikdən sonra, bir fikir gəlir, tam bir fikir deyil də daha çox ifadə etmək istədiyiniz bir duyğu ...
- sanki filmlərinizdə özünüzü bu qədər açıq ürəkliliklə ilk dəfə göstərirsiniz. bu barədə nə deyərsiniz?
+ filmlərim, hər zaman məni əsəbiləşdirən, hətta hirsdən məni dəli edəcək şeylərdən yaranır. ancaq, daha doğru ifadə etsəm, indiyə qədər bütün filmlərim, tam mənasıyla anlamadığım bir şeylərdən yaranıb. məsələn, ağ lent, sarışın uşaqlardan ibarət xor üzərinə film çəkmək arzusundan doğuldu. bu fikrin hardan yaranmasını da bilmirdim. zamanla, fikirlər və hadisələr başımda yığılmağa başladı, hekayə möhkəmlənirdi və yavaş-yavaş stendhal'ın eşq üzərinə bir sınağında də söylədiyi kimi, bir mənada kristallaşma fenomeni dediyimiz şey ortaya çıxdı və hər bir parça, bütündəki yeri taparaq məna qazanmağa başladı.
- bu ssenaridə sizi ən çox çəkindirən şey nə idi?
+ mənim üçün belə bir ssenari qarşısında iki böyük təhlükə var idi: romantika və ağrı. bu cür ciddi məsələni əgər səhv bir tərəfə çəksəniz, bu cür əhəmiyyətli və universal mövzuda çaşarsınız. buradakı sərhəd xətti olduqca incədir, çünki nə də olsa duyğu və hisslərin əhəmiyyətli olduğu bir mövzudur... ancaq romantiklik, tamamilə fərqli bir şeydir, romantiklik əslində sahib olmadığınız bir həssaslığın varmış kimi göstərilməsi deməkdir. kitsch kimi, yəni səhv bir nəticə. nəticədə hər şey nizamlı olmağa bağlıdır. romantik olmağınız bəzi şeylərə qarşı həssas olduğunuz mənasını vermir, bu ikisini bir-birinə qarışdırmamaq lazımdır!
+ bu film hər şeyin deyildiyi yaxud açıqca göstərilmək istənildiyi filmdir?
- ümid edirəm elə deyil, hər şeyin deyildiyi bir film ölüdür. ola biləcək ən güclü şəkildə suallar soruşmalıyıq, ancaq cavablar verməyə çalışmaq yersizdir, çünki əvvəlcə belə cavablar yoxdur. öz sahələrində, siyasətçilər və elm insanları bu növdən cavablara sahib ola bilərlər təbii ki, ancaq sənətdə sual nə olursa olsun gələn cavabı bildiyini iddia etmək əbəs işdir. bir vəziyyətin bir-biriylə ziddiyyət təşkil edən kompleks təbiətinə ən uyğun şəkildə yaxınlaşmağa çalışmalıyıq və bunun kənarında şərh etməliyik, beləliklə film ekranda izlənilib istehlak olunan bir şey olmaz və ağlımızda, qəlbimizdə və hətta içimizdə macərasını davam edər.
+ ancaq hər şeyə baxmayaraq, tətbiq metodunuzu dəyişdirmiş kimisiniz, ilk filmlərinizdə olduğu kimi cihazın vasitəçiliyinə müraciət etmədən yola davam edirsiniz bu dəfə ...
- şübhəsiz ki, o vaxt bresson'dan çox təsirlənmişdim halbuki bu gün daha çox çehov'un tərəfindəyəm. bu ziddiyyət deyil, əsasən bir çox ortaq məqamlar var ...
+ bresson, çexov ... gənckən pərəstişkarı olduğunuz sənətçilərə hələ də sadiqsinizmi?
- həm bəli, həm də xeyr. gənckən bütün klassikləri oxumağa həvəsli oluruq, daha sonra anlayışınız yaxud həssaslığınız inkişaf edir. ötən il, hərb və sülh"ün yeni bir tərcüməsi nəşr olundu. romanı 25 yaşımdaykən oxumuşdum, ancaq o dövrdə dostoyevski pərəstişkarıydıq və tolstoy mənim üçün təbiətən ağır yazar idi. kitabı aldım və bütün təsəvvürlərimi ləğv edib az qala nəfəs almadan oxudum. dəyişən mən idim, kitabsa eyni qalmışdı. cavan olduğum günləri xatırlayıram. 16 yaşımdaykən julien duvivier'in marianne de ma jeunesse filmini görmüş və bir internat məktəbində keçən, qalanın birində bir qarşılaşmadan yaranan eşq hekayəsindən bəhs edilən bu romantik filmə tam mənasıyla heyran olmuşdum. film haqqında hər şeyi oxudum, ən incə detalına qədər ... iyirmi il sonra, bu yaxınlarda televiziyada qarşıma çıxdı və necə olub da vaxtilə bu filmi o qədər çox sevdiyimə inana bilmirəm.
+ film sənətin bir forması deyilmi, imiclərin ortalığı istila etdiyi bu çağda, yüz yaşını qeyd edən kino miladını tamamlayır yoxsa can verir?
- belə bir şərh. əgər bu gün vyana universitetində dərs verirəmsə, öz ictimai ətrafımda, yoldaşlarım, eyni yaşdan və eyni zövqləri paylaşan digər insanlarla birlikdə oluramsa, paslanmaqdan qorxduğum üçündür. dünyanın geri qalanı ilə əlaqəmin sona çatmasından çəkinirəm və mənə görə gənc insanlarla eyni mühitdə olmaq, əgər evimdə olsam anlayamayacağım dəyişmələri anlama fürsətini əldə edə bilməməyimi təmin edir.
+ filmdəki mənzil, sanki xarici dünyadan qurtarılmış bir oazis kimi təsvir edilir ...
- xəstəlik mövzusu olduğunda vəziyyət budur çünki, hansı ictimai sinifə aid olmağınızda asılı olmayaraq, dünyanız evin dörd divarına sığınır. bu vaxt bunu söyləməliyəm ki, ev daha çox imtiyazdır, çünki orada, dörd divar arasında keçən yaşlılıq sürgününüzü davam etdirmək üçün lazımlı hər şeyə sahibsiniz. yoldaşlarımdan biri, hansı ki özü həkimdir, illərcə xəstə anasının evdə baxımını təmin edə bilmək üçün evə gələn 3 tibb bacısına ödəmə etmək məcburiyyətində qaldığını danışdı. bu ona ayda beş min avroya başa gəlirmiş. bütün bunları qarşılaya bilmək üçün vəziyyətinizin yaxşı olmağı lazımdır! bu filmi xəstəxana dəhlizində yaxud qocalar evində çəkmək istəmədim. əvvəl xəstəxanalarda müxtəlif araşdırmalar etdim ancaq, inanın ki ürəyim buna əl vermədi. həkimlər və tibb bacıları bütün bu ağrılara necə dayana bilirlər bilmirəm.
+ tez-tez pis baxıcılarla əlaqədar hekayələr duyuruq, hələ ki qocalıb gücdən düşmə kimi vəziyyətlərdə ...
- bəli, hətta köhnə universitet professorları ilə sanki axmaq kimi davranıldığı olur. bu o qədər alçaldıcı bir vəziyyətdir ki ... təkrar edirəm, diqqətə çarpan bir nöqtə ilə üzləşmək istədim: sevdiyin birini acı çəkərkən görmək necə bir duyğudur? olduqca təvazökar ancaq hər halda kifayət qədər bir çıxış nöqtəsi. format və məzmun arasında bir uyğunlaşma tutmağa və filmdə klassik (zaman, hərəkət və məkan mənasında) bir bütünlük qurmağa çalışdım. bu da mövzunun həssaslığına ola bildiyincə yaxınlaşmaqla birlikdə, səmimi və klassik bir dünyagörüşünün yaradacağı forma çatmağın bir yolu idi.
+ filmlərinizin çoxunda bir "hirslilik" varlığından bəhs etdiniz. bu eyni zamanda bir katarsis mənasına da gəlir?
- elə sanıram ki, bu gün artıq katarsis halından bəhs etmək olmaz. indiki vaxtda artıq faciə deyə bir şey yoxdur, hamımız səhv bir şüurla yaşayırıq və başımıza gələn hər şey, tam kədərli hekayələrdən ibarət ...
+ bəs yaxşı qurtuluş?
- mən tanrı deyiləm. bəli, eşq deyə bir şey var, ancaq bayağılıqdan başqa bir şey deyil, bunu söyləyən mən deyiləm, və doğrusu eşq də bəzi hallarda bizə çox köməkçi ola bilmir. bir həyat əhvalatında təsadüfün o qədər böyük bir yeri var ki, düşünürəm ki, həyat səfərində bir irəliləmə varsa, bu daha əvvəl xəyal belə etmədiyimiz qədərin bir hədiyyəsidir. mən təsadüfən bir rejissor oldum məsələn, əslinə baxsanız bir yazar yaxud nə bilim aktyor ola bilərdim, hətta bəlkə də bir çoban ( ürəkdən gülür). bu tərz düşüncələrə 14 yaşında sahib oldum, eynilə bəzilərinin o yaşlarda bir lokomotivi istifadəsini xəyal etməsi kimi ...
+ haneke par haneke adlı kitabda, amour'un çəkilişləri əsnasında yaşadığınız gərginliyi yola çıxaraq rəqəmsal hd kamera seçimi mövzusunda seçimlərinizi dilə gətirirsiniz ...
- arri'nin alexa adındakı bu yeni rəqəmsal kamerası ilə filmi çəkməyi istəmirdim. (david fincher və bir çox məşhurların da görünüş rejissorluğunu edən) dara khondji bu kameranı reklam üçün istifadə edirdi, texnika mövzusunda əmin idi və mən də "yaxşı" dedim. və nəticə br fəlakət oldu. bütün çəkiliş müddətində ağlım başımdan çıxdı və sinirdən dəli olurdum az qalsın. tələsik çəkilən üç çəkilişin ardından, bu kameranı bir daha setimde görmək istəmədiyimi söylədim, çünki bu şəkildə iş artıq mümkün deyildi. əgər bu axmaq şeyi görməyə davam etsəm, hər şeyə güvənim sarsılacaqdıı, mən daha çox aktyorlar üzərinə yönəlməli idim. bu filmlə birlikdə həyatımın ən uzun post-production müddətini keçirdim, tam bir il. bu vəziyyət dara ilə olan əlaqəmə də pis təsir etdi. ağ-qara çəkilməsi səbəbiylə olduqca çətin olan ağ lent'in ardından, yeni bir texnika ilə təcrübəyə cəhd etmək istəmirdim. buna görə texniki olaraq hər şeyin yolunda olmasını istədim amma nəticə tam tərsi oldu. arri post-production xərclərinin bir qismini qarşıladı, çünki onlar da bunun kameranın yol açdığı problem olduğunun fərqində idilər. indi, artıq bu problemlər keçdi amma yenə də bu kimi təcrübələrdə olmaq istəməzdim.
+ jean-louis trintignant'ın sağlamlıq vəziyyətindən narahat oldunuzmu?
- bəli, əlbəttə, amma qəribə bir şəkildə, trintignant üçün hər şeyi asanlaşdırmaq adına bir fizyoterapist ilə birlikdə çalışdıq, deyərkən bir gün çəkiliş əsnasında qolunu qırdı. talehsiz bir vəziyyət idi. ancaq o yaşdakı aktyorlarla işləmək hər zaman çətin olmuşdur, bir gün içində 10 saatlıq bir işi düşünə belə bilməzsiniz. trintignant və emmanuelle riva ilə hər şey mükəmməl şəkildə irəlilədi. heç bir zaman aramızda ən kiçik bir mübahisə belə olmadı.
+ filmin çəkildiyi mənzil vyanada ana-atanızın yaşadığı evin eynisi kimidir. niyə?
- çünki məkanı tanımağın gətirdiyi üstünlüklərin hər zaman mənə yeni ehtimallar yaratdığını düşünürəm. məsələn, mətbəx ilə otaq arasındakı uzaqlıq, müəyyən bir nöqtədən digərinə getmək üçün qət edilməsi lazım olan məsafə, otaqların genişliyi səbəbiylə hərəkətlərin məhdudlaşdırılması kimi detallar olduqca əhəmiyyətlidir.
+ filmlərinizdə heç bir şeyi şansa buraxmırsınız, məsələn amour'dakı kitabxananın tematik və əlifba sırası ilə sıralanmasını istəmisiniz ...
- bəli setdəki insanlar demək olar ki, məndən nifrət etməyə başlamışdı. daha əvvəl cache filmindəki auteuil xarakteri bir mədəniyyət qəzeteçisi idi və dairəsinə 4000 kitab apardılar, təbii ki hamısını düzməyi lazım idi. bu hiss olunacaq bir şeydir. bir otağa girdiyinizdə kitabxananın doğru düzülmədyini dərhal anlaya bilərsiniz. hər kitabın bir hekayəsi, orada olmasının bir səbəbi vardır və əgər yoxsa, o zaman ən azı əlifba sırasına görə düzülməyi lazımdır. əgər məqbul bir təsir yaratmaq istəyirsinizsə, hər detala, hər bir aksessuara hətta bunların yanında akustik digər maddələr, məsələn parketin cırıltısına belə ayrı-ayrı diqqət yetirməyiniz lazımdır. yaratdığınız şey detallardan meydana gəlir.
+ film qrupu baxımından bir problem meydana gətirdimi?
- mənə görə problem deyil, nəzakətli olmağa çalışıram, amma hirslənə də bilirəm ... hər insanın səhv etmə haqqı vardır, ancaq əgər kimsə eyni səhvi 3 dəfə edirsə, o zaman dözülməz birinə çevrilə bilirəm. mənim üçün əhəmiyyətli olan tək şey nəticədir. istədiyiniz axmaqlığı edə bilərsiniz, amma nəticədə film yaxşıdırsa hər kəs sizinlə işləmək istəyir. digər tərəfdən, dünyanın ən nəzakətli insanı ola bilərsiniz, amma əgər ortaya çıxan film dəyərsizdirsə, insanlar sizdən ümidini kəsir və hətta işlərinizə lağ etməyə başlayırlar. bu söylədiklərim "yaxşı bir film çəkmək üçün axmaq olmaq lazımdır" mənasına yozulmasın (gülür) ...

4 əjdaha! 11.09.2015 02:19, ənəlhəqq

#180674 şikayət

kaş ki ölməyəydi deyilən məşhurlar

+4 əjdaha

Aydın Xırdalanlı, Vüqar Biləcəri.

3 əjdaha! 14.09.2020 20:37, ənəlhəqq

#304551 şikayət

die klavierspielerin

+6 əjdaha

la pianiste (2001).

rejissor: michael haneke.

reportaj:

- la pianiste ədəbi bir qaynaqdan alınan 2-ci filminiz olduğu üçün bu materialla necə tanış olduğunuzu və bu filmi çəkməyə nə üçün qərar verdiyinizi soruşmaq istəyirəm.

+ kitab təxminən 20 il əvvəl çap olunub. 15 il əvvəl kitabı oxudum və dərhal təsiri altına düşdüm. yazarla görüşdüm, amma kitabı ssenariləşdirmək təklifimi rədd etdi. çünki kitabı özü ssenariləşdirmək istəyirdi, amma həmin ssenari rədd edildi. beləcə 5 il sonra, bu da ki, cəmi 10 il edir, bir rejissor dostum yazıçını razı salmağı bacardı. yazar qəbul etdi və məndən ssenarini yazmağımı istədi. bu dostum 10 ildir filmi maliyyələşdirməyə çalışırdı, amma bacarmadı. nəticədə kitabın müəllif hüquqlarını prodüser veit heiduschka satın aldı və bu filmi başqa rejissorla çəkə bilməyəcəyini anladı və mənim çəkməyimi istədi, mən də razılaşdım. tək şərtim var idi - isabelle huppert baş rolda oynayacaqdı, filmin bütün hekayəsi budur....

- çəkiliş müddətində nələr baş verdi? çünki, la pianiste əvvəlki filminiz the castle kimi mənbə materiallarına əsaslansa da diqqət çəkəcək şəkildə fərdidir.

+ öncəliklə iki film arasındakı fərqi qeyd etmək istəyirəm, çünki the castle tv üçün çəkilib. bu filmlər arasındakı ayrı seçkilik olduğu çox açıqdı. tv filimləri kitaba daha çox əsasalanmaq məcburiyyətindədir, çünki tv filmlərinin məqsədi tamaşaçının filmi izlədikdən sonra kitabı alıb özlərinin oxumasıdır. mənə görə tv tamaşaçının istəklərinə xidmət etdiyi üçün heç vaxt bir sənət forması ola bilməz. the castle-ı film kimi çəkməyə cəsarət edə bilməzdim. tv-də isə problem yoxdur, çünki fərqli məqsədləri var. amma la pianiste- yə gəldikdə isə, romanın quruluşunun filmin quruluşu ilə müqayisə olunduqda, olduqca fərqli olduğunu görürsünüz. mən romana sərbəst bir şəkildə baxıram. hekayəyə mənim baxış tərzim olduqca məsafəli və soyuqqanlı olduğunu söyləyə bilərəm, halbuki romanın özü həm çox romantik həm də qəzəblə doludur. roman daha subyektiv film isə daha çox obyektivdir.

- code unknown (2000) ilə bağlı bir reportajınızda juliet binoche kimi film ulduzunu hər hansı bir janra aid olmayan filmdə aktrisa ya da ulduz rolunda olmadıqca filmə çəkməyəcəyinizi söyləmisiniz. halbuki isabel huppert də film ulduzudur və la pianiste də hər hansı bir janra aid deyil.

+ bu film melodramın parodiyasıdır. avropalı bir film olaraq ciddi-ciddi bir janra aid film çəkə bilməzsiniz; ancaq parodiya çəkə bilərsiniz.

- niyə?

+ çünki janr filmi yalandır. və film sənət olmağa çalışır, buna görə gerçəklə maraqlanmaq məcburiyyətindədir. bunu da yalanlar vasitəsilə edə bilməz. filmlər sadəcə sizin üçün biznesdirsə, onda yalan söyləyə bilərsiniz. dinc bir vicdan sahibi olaraq yalanı sata bilərsiniz.

- bu rol üçün ağılıma gələn ilk adam isabelle huppert olmazdı. belə gözəl birinin belə sadə bir şəkildə göstərilə biləcəyini heç düşünməzdim.

+ mən isabelle huppert-i gözəl biri olaraq görmürəm. juliet roberts gözəldir məsələn, amma isabel-in filmlərinə baxsanız, onların arasında isabel-i zərif və sadə şəkildə göstərən bir çox film var. mənim isabel-ə olan əsl marağım bu idi; bir tərəfdən çox kövrək ola bilərkən, digər tərəfdən də çox soyuq və intellektual ola bilir. eyni anda həm qatil, həm qurban ola bilir ki, bu da hər aktrisada olmayan bir xüsusiyyətdir.

- mövzunu dəyişdirib bir az da köhnə filmlərinizdən də danışmaq istəyirəm. ilk filmlərinizi sizin üçün bir növ idman kimi görürsünüz yoxsa "der siebente kontinent"-dən əvvəlki filmlərinizi də daha sonra çəkdiyiniz və daha çox tanınan filmlərinizlə eyni kateqoriyaya qoyursunuz?

+ mən işimi teatr və televiziyada öyrənmişəm, xüsusilə aktrisalarla çalışaraq, film çəkməyi teatrda öyrənə bilərsiniz, çünki film çəkərkən aktyorlarla işləmək üçün əlavə vaxtınız olmaz. bunu başqa yerdə öyrənməyiniz lazımdır. təbii ki, tv üçün çəkdiyim o filmlər də mənim filmlərimdir, amma onlar nəticədə tv filmidir və daha əvvəl də dediyim kimi mənim filmlərim də çox fərqlidirlər, çünki tv filmləri müəyyən bir məqsədə xidmət edirlər ... müəyyən bir tamaşaçı tipinə xitab edərək, onların tələblərinə cavab vermək məcburiyyətindədirlər. normal filmin əldə edəcəyini edə bilməzlər. 20 il boyunca çəkdiyim tv filmləri mənim normal film çəkmək üçün fürsət tapmamağım ilə əlaqəli bir şey deyildi. mən yalnız öz "yol"umu tapmaq istəyirdim.

- o "yol", insanların sahib olduqları obyektlərin bir-birindən ayrılığını da ifadə edir. belə ki sanki hekayə o obyektlər tərəfindən izah edilə biləcək hala gəlir; "der siebente kontinent"-in əsas xarakterlərinin bir saat, bir akvarium olduğunu deyə bilərik, daha əvvəl heç biri bu qədər qorxuducu olmamışdı təbii ki.

+ aydındır ki, çoxlu sayda film var və çoxu da var olan şeyləri isidib-isidib bizə göstərir. onsuz da mövcud olan bir şeyi təkrar- təkrar təqdim etməyin bir mənası yoxdur. film ( der siebente kontinent) dediyiniz strukturların və ətrafımızın qurbanı olduğumuzu göstərməyə çalışır. və dediyiniz bütün o şeylər o strukturların metaforalarıdır. mənə həqiqi mənada təsir edən şey intihar edən ailə deyildi; çünki təəssüf ki, onlardan çox var. maraqlı olan şey bir ailənin intihar etməsi, amma bunu etməzdən əvvəl də sahib olduqları hər şeyi yox etməsi idi. bunun vəziyyətimizi izah edən yaxşı metafora olduğunu düşünürəm.

- 11 sentyabrı düşündükcə həqiqətən yaxşı bir metafora olduğu aydın olur, artıq insanların ailələriylə daha çox zaman keçirdiklərindən, karyera qurmaqdan və ya zəngin olmaqdansa daha fərqli əhəmiyyətli şeyləri ön plana aldığını görürük. der siebente kontinent-də sanki ailə də belə bir çıxış yolu axtarır, 10 il əvvəl çəkilmiş olsa belə.

+ mən də buna görə saqqal saxlamışam. peyğəmbər olmaq istəyirdim çünki.

scott foundas (2001).
(www.indiewire.com saytından tərcümə edilib).

5 əjdaha! 03.10.2015 20:20, ənəlhəqq

#182741 şikayət

gaav

+3 əjdaha

deyilənə görə ayətullah xomeyni "inək" filmini izlədikdən sonra filmi bəyənib və bəlkə də iran islam respublikasında kinoya bir az daha çox yer vermək lazımdır deyib. beləcə abbas kiarostami, mohsen makhmalbaf, cəfər panahi və digərlərinə ən azından nəzəri olaraq da olsa imkanlar yaranıb. inək filmi iranın "yeni dalğa"sının başlanğıcı heasb olunur.

3 əjdaha! 10.09.2015 02:59, ənəlhəqq

#180600 şikayət

andrzej zulawski

+6 əjdaha

andrzej zulawski 1940-cı il noyabr ayının 22-si ukranyanın lvov şəhərində anadan olmuşdur. atası miroslaw, çexslovakiyaya daha sonra isə polşaya köçür. 1950-ci ildə andrzej zulawski fransada kino təhsili alır. 1960-cı ildə o, məşhur polyak rejissoru andrzej wajda-nın assistantı olaraq fəaliyyət göstərir. o, ilk filmini atasnın romanı əsasında çəkir ki, bu film 1971 -ci ildə çəkilmiş the third part of the night filmidir. zulawski-nin ikinci filmi the devil (1972) çəkildikdən sonra polşada qadağan edilir və bu hadisədən sonra zulawski fransaya gedir. 1975-ci ildə çəkdiyi the important thing is to love filminin müvəffəqiyyətə çatmasından sonra the silver globe (1988) filminin iki il ərzində davam edən çəkilişləri üçün təkrar vətəni polşaya dönür. bu film də polşa nüfuzluları tərəfindən birmənalı olaraq qarşılanmır. bundan sonra zulawski təkrar fransaya dönür və "art-house" filmləri kimi tanınan filmlərini çəkir. zuławski filmlərində romy schneider, isabelle adjani və sophie marceau kimi aktrisalarla işləmişdir. zulawski filmlərində daha çox sürrealizmdən simvolizmə doğru sürüşən bir üsul tətbiq edir. 24 iyul 1995-ci il təvəllüdlü sophie marceau ilə bir oğlu, vinsent var. silver globe (1988) filmini çəkərkən polşa mədəniyyət nazirliyi tərəfindən çəkilişləri dayandırmaq və bütün materialları məhv etmək əmrini alır. 1986-1987-ci il polşa siyasi rejimin liberallaşması zamanı zulawski fransaya qayıdır və filmi başa çatdıra bilir. yarımçıq səhnələri alternativ görüntülər və hekayə ilə əvəz edir. bu filmin natamam versiyası 1988-ci ildə kann film festivalında "un certain regard" bölməsində təqdim edilib.

filmoqrafiyası:
(baxma: the third part of the night )
(baxma: the devil )
(baxma: the important thing is to love )
(bax: possession )
(baxma: the public woman )
(bax: mad love )
(baxma: on the silver globe )
(baxma: my nights are more beautiful than your days )
(baxma: boris godunov )
(baxma: the blue note )
(baxma: szamanka )
(baxma: fidelity )
(bax: cosmos )

5 əjdaha! 15.11.2015 22:05, ənəlhəqq

#187484 şikayət

code unknown

+3 əjdaha

Code inconnu: Récit incomplet de divers voyages \ Code Unknown (2000).

Rejissor: Michael Haneke.

Dörd Avstriya bədii filmi çəkdikdən sonra, Code Unknown - ilk Fransız istehsalıdır. Bu filmi çəkməyə sizi nə məcbur etdi?

- Hər şey Juliette Binoche-un bir gün zəng edib birlikdə işləyə bilərikmi? - sualı ilə başladı. Həmişə bu əsrin əsas mövzusu olacaq - "müasir dövrdə miqrasiya" haqqında film çəkmək istəmişəm. Antik dövrün sonu və orta əsrlərin əvvəllərində çoxlu miqrasiyalar var idi və indi də fərqli amillər nəticəsində bunlar yenidən baş verir, hər iki halda da əsas səbəblər: iqtisadi və varlılarla kasıblar arasındakı fikir ayrılıqlarıdı. Avstriyalılar bundan heç də məmnun deyil, amma bu qaçılmazdır. Avropada bu həqiqətin real olduğu və həqiqətən çox mədəniyyətli bir cəmiyyətin inkişaf etdiyi iki şəhər var. Bunlardan biri Parisdir. Juliette məndən bir yerdə işləyə biləcəyimizi soruşduqdan sonra öz-özümə soruşdum ki, fransız olmayan bir şəxs kimi Fransa haqqında nə deyə bilərəm ki, bir Fransa vətəndaşı daha yaxşısını deyə bilməsin. Və buna uğun gəlir: mənim bir əcnəbi və başqa ölkədən olmağım mövzusu. Bir neçə ay Parisdə araşdırma apardım və nəticəsi bu ssenari oldu.

Parisdə rejissor kimi iş şərtlərinizlə Avstriyadakı təcrübəniz arasında hansı fərqlər var idi?

- Əsasən, hər iki yerdə yaxşı və pis insanlar var. Mənim üçün fərq əlbətdə bu idi ki, mükəmməl danışa bilmədiyiniz bir dildə film çəkmək daha çətindir. Bütün imkanlarınızdan faydalanmaq üçün daha çox konsentrasiya lazımdır. Bu da müəyyən miqdarda stresə səbəb olan fərq idi.

Ancaq ssenarini Alman dilində yazmısınız.

- Əlbəttə! Sonra tərcümə edildi və mən tərcüməçi ilə birlikdə işlədim, cümlə və cümlə tərcümə olundu. Düşünürəm ki, bir tərcümənin düzgün olub - olmadığını söyləmək üçün fransızca yaxşı danışıram.

Dil və ya ünsiyyətdə olan çətinliklər filminizdə vacib bir mövzudur?

- Filmin əksəriyyəti fransız dilindədir, ancaq dialoqun cəmi üçdə biri digər dillərdə; Ruminya, Malidə danışılan Afrika ləhcəsi və işarə dilindədir. Bütün filmlərimdə olduğu kimi, əsas məsələ insanlar arasında ünsiyyətdə olan çətinliklərdir. Qadın aktrisa - Juliette Binoche həm böyük aktrisa, həm də ulduzdur.

Bunun sizin üçün nə əhəmiyyəti var?

- Heç bir. Hər hansı digər aktyorla işləmək kimi idi. O çox peşəkardır, amma yaxşı aktyorlar həmişə var. Və o hər şey ilə maraqlanan aktrisadır. Onunla işləmək digər aktyorla işləmək və zənginləşmək kimidir.

Filmin dramatik elementləri çox radikaldır və əvvəlki işlərinizdən tamamilə fərqlidir. Bir çəkilişlə çəkilən izləmə görüntülərindən olan hekayədə sizi nə maraqlandırdı?

- Digər filmlərimdə də bir çəkilişlə çəkilən bir sıra səhnələr var. Başqa sözlə, mən həmişə bu istiqamətdə meyl etmişəm. Bütün filmlərimdə olduğu kimi, Code Unknown da bir filmdə reallığı yenidən yaratmağın mümkün olub-olmadığını və ya həqiqəti həqiqət kimi təqdim etmək niyyətinin əvvəldən yalan olmadığı sualı ilə məşğul olur. Montaj manipulyasiyanın ən az bir hissəsini çıxarır. Başqa sözlə, montajla mümkün olduğu qədər fasiləsiz vaxt müddətini qısaltmaq və ya uzatmaq imkanı olmadan, real vaxt rejimində bir səhnə çəkməyə məcbur idim.

Bu uzun səhnələr üçün çox məşq lazım idi?

- Çox dəqiq hazırlaşdığımız bir səhnə var idi. Bulvarda 200 əlavə adamların və bütün aktyorların göründüyü on dəqiqəlik açılış - iki gün ərzində məşq edildi. Bir restoranda bütün gün boyunca məşq etdiyimiz və çəkilişləri bir gün çəkən eyni uzunluqdakı başqa bir səhnə də var idi. Başqa səhnələri normal formada işləmişik.

Əvvəlki filmləriniz arasında Code Unknown-u harada yerləşdirərdiniz?

- Bunu edə bilmərəm, bu başqalarının işidir. Öz işinizi şərh etmək və ya təsnif etmək həmişə çətindir. Bunu etməkdən imtina edirəm, çünki ümumiyyətlə nəticədə özünüzü isti suya atırsınız. Ancaq mənim fikrimcə, bir ata bütün övladlarını eyni dərəcədə sevir, baxmayaraq ki, hal-hazırda ən gənc həmişə ən vacib olandır. Digər tərəfdən bəzi ümumi xüsusiyyətlər göz qabağındadır. Çağdaş reallığın filmdə təsvir edilməsinin tənqidi kimi. Bu "Benny's Video"-u və "Funny Games" - in çox vacib bir hissəsidir və həmçinin "Der Siebente Kontinent"-dəki formanın azalması səbəbindən, bu da naturalist film deyil. Bu hər zaman sitatlarda yaşayan bir film növüdür. Və həqiqətən düşündüyüm məsələ, bu media manipulyasiyası əsrində hər bir rejissor üçün olmayan bir şeydir. Onların işləri bunu əks etdirmirsə, mən heç kəsi ciddi qəbul edə bilmərəm. Hələ 19-cu əsrdəki kimi davranırsınız və reallıq bütünlüyü ilə yenidən yaradıla bilərmiş kimi davrana bilməzsiniz. Bu, absurddur. Ancaq bütün direktorların təxminən 90 faizi bunu edir. insanlar arxayın olmaq istəyir, düşünməyə məcbur edilmir. Amma sənətin məqsədi həmişə "status quo"-nu ( sosial və politikal məsələlər) sorğulamaq olub.

Bu baxımdan, bütün filmlərinizin həqiqətən yüksək siyasi olduğunu söyləyə bilərsiniz.

- Bu, siyasəti necə müəyyənləşdirdiyinizdən asılıdır - tərifiniz kifayət qədər genişdirsə, bəli deyərdim. Ancaq filmlərim heç vaxt heç bir siyasi partiyanın maraqlarını dəstəkləməmişdir, bu, məni həmişə sıxır. Məncə bu bir baxımdan ziddiyyətlidir. Kim həqiqət qarşısında bir borc hiss edirsə, özlərini partiya cərgəsində görə bilməz. Code Unknown -un mərkəzi mövzusu ksenofobiyadır (başqa dövlətin insanlarından qorxmaq və ya bəyənməmək). Ancaq bu, siyasi bir məsələ deyil, məncə, humanistdir, mənəvi bir sualdır. Ksenofobiya axmaqlıq və qorxu nəticəsində yaranır. Buna qarşı çıxmağın yeganə yolu insanları bir az maarifləndirməyə çalışmaq və digər tərəfdən bundan istifadə etmək istəyən insanları ifşa etməkdir.

Hal - hazırda Kannda Avstriyadakı siyasi vəziyyətlə bağlı bir çox suallarla qarşılşırsınız.

- Əlbəttə! Dünən radioda və televiziyada Code Unknown-un yarışmaya daxil olması barədə rəsmi xəbər verildikdə, məni "anti-faşist Avstriya rejissoru" adlandırdılar. Heç vaxt düşüncələrimin sirrini çəkməmişəm və həmişə siyasi cəhətdən yetkin bir vətəndaş kimi fikirlərimi bildirmişəm.

Siz həmçinin Fransanın mədəniyyət nazirindən də dəvət almısınız.

- Orada bir neçə avstriyalı var idi - sadəcə rejissor mən idim. iş ondadır ki, biz və yaxud onlar Avstriyaya kömək üçün nə də edə bilərik. Mən aydın fikirlərimi bildirdim ki, ziyalılar və sənətçilər Avstriyanı boykot etməsinlər, buraya gələrək etirazlarını burada bildirsinlər. Gəlməsələr, insanlar onları eşidə bilməzlər və bundan bəhrələnəcək yeganə şəxs - Mr. Haider olacaq.

Növbəti bədii filminiz Elfriede Jelinek- in Die Klavierspielerin (The Piano Teacher) romanı əsasında hazırlanan Avstriya istehsalı olacaq. Artıq bir müddətdir bu layihə haqqında düşünürsünüz. Vaxtı deyil?

- Ssenarini vaxtında yazmışdım və filmi özüm çəkməyimi planlaşdırırdım. Bir sıra səbəblərə görə alınmadı. Sonra Paulus Manker maraqlandı və onun üçün ssenarini yazmağımı istədi və mən yazdım. Təəssüf ki, təxminən on ildir orada idi. Bu vaxt hüquqları bitdi. Və sonra Wega-Film-dən Veit Heiduschka məndən filmi çəkmək istəyəcəyimi soruşdu. Elfriede Jelinek ilə də danışdı və düşündü ki, yaxşı bir fikir olacaq. Hə, indi bu olacaq. Əvvəldən dedim ki, bunu ancaq izabelle Hupperti dəvət edə bilsəm edəcəyəm.

Çəkilişlər nə vaxt başlayacaq?

- Avqustda. Çəkiliş qarışıq olacaq, başqa sözlə üç əsas aktyor fransız və başqa aktyorlar olacaq - hamısı buradan olacaq. Beləliklə, iki orijinal versiya olacaq biri fransız, biri Alman dilində. Vyanada üç ay çəkiliş etməyi planlaşdırırıq. Uzun və çətin bir film olacaq və ən azı 2 saat yarım davam edəcək.

Bu, ədəbi bir əsər üzərində qurulmuş ilk teatr filminiz olacaq.

- Bu, bir sözlə, psixodramadır, lakin psixodrama xas olan izahatlar olmadan. Ən çox klassik romanlarda personajların davranışı təhlil olunduğu üçün ədəbi əsərlərin film versiyalarını çəkməkdən həmişə qaçmışam. Filmlərdə hər zaman mübahisə etdiyim budur. Və Jelinek bunu etmir. Elfriede Jelinekin əsərlərində psixoloji reallıqların siyahısı var, ancaq heç bir əsaslandırma yoxdur. Və bu filmin əsas stimulunu alacağı yer budur. insanlara bunu necə başa düşməyinizi izah etməyəcək.

Müsahibə: Karin Schiefer.
(Austrian Film News 2/2000).

2 əjdaha! 23.04.2020 02:00, ənəlhəqq

#294310 şikayət

robert bresson

+3 əjdaha

məncə dünyada hər şey daha da pisləşir. insanlar getdikcə materialist və amansız olurlar. tənbəllikdən, laqeydlikdən, eqoizmdən amansızlaşırlar. hamı pulla maraqlanır. pul tanrıya çevrilir. tanrı isə çoxu üçün mövcud deyil.

filmlərim sadə bitir. çünki yaradıcı adam üçün vacib məqam ömrünün sonu yox, ortasıdır. və onun necə bitməsi əhəmiyyət daşımır.

- robert bresson

3 əjdaha! 13.09.2015 20:32, ənəlhəqq

#180947 şikayət

women without men

+3 əjdaha

Women Without Men \ Zanan-e bedun-e mardan (2009).

Rejissor: Shirin Neshat.

Müsahibə:

- Siz iranın indiyə qədər tanıdığı yeganə dünyəvi, demokratik yolla seçilmiş hökumətinin dağılması zamanı baş verən bir film çəkməyi seçdiniz. Sizi bunu etməyə nə vadar etdi?

Biz iranlılar üçün 1953-cü ilin yayı siyasi tariximizin əsas müəyyənedici məqamıdır. iran o zaman dünyəvi cəmiyyət idi. Bizim çoxumuzun sevdiyi və hörmət etdiyi demokratik yolla seçilmiş liderimiz var idi. ABŞ və ingiltərə hökumətlərinin müdaxiləsi lideri aşırtdı və şahı geri qaytardı. islam inqilabının əsasını qoydu. Əksər iran xalqı üçün bu, iranın siyasi tarixində çox mühüm dönüş nöqtəsidir. Yaxın şərqdə ABŞ və iran arasında antaqonizm tarixi haqqında, bu iki “dünya” arasında niyə bu qədər boşluq olduğu haqqında, bu qədər müzakirələrin aparıldığı 11 Sentyabr hadisəsindən indiyə qədər olan bütün inkişaflar həqiqətən çox qəribədir. Heç kim tarixin bu məqamına və ölkənin dünyəvi cəmiyyətdən fundamentalist cəmiyyətə çevrilməsində Amerikalıların hər cür əlaqəsi olması faktına istinad etmir.

Mən hiss edirəm ki, heç olmasa bədii ədəbiyyat vasitəsilə biz bu dövrə istinad edə bilərik. Həmçinin, hesab edirəm ki, iran xalqı çox məyus olur, çünki dünya onları yalnız islam inqilabının obyektivindən tanıyır və iranın çox fərqli bir cəmiyyət olduğunu dərk etmirlər.

- Fimin çox hissəsini real mənbələrə əsasən çəkmisiniz.

Filmin bir hissəsi iranlı qadın Shahrnoush Parsipour-un yazdığı romandan götürülüb. Onun kitabı heç də siyasi kitab deyildi, yəni dövlət çevrilişi, tarix yalnız arxa planda idi. Kitabda hadisələr 1953-cü ildə baş verir, baxmayaraq ki, o, siyasi ölçüləri göstərmir. Təqdir etdiyim şey personajların seçimi idi. Onların hər biri ayrı-ayrı sosial-iqtisadi təbəqəni təmsil edir. Beləliklə, onların həyatını tədqiq etməklə siz müxtəlif tipli insanlar və cəmiyyətin mürəkkəbliyi ilə tanış ola bilirsiniz. Həmçinin iranda bir növ demokratiyanın mövcud olduğu, qadının liberal qərbli və ya ənənəvi dindar olmaq arasında seçim etdiyi bir dövrü göstərir. Mənim üçün bu iranı çox homogen, dindar bir cəmiyyət kimi tanıyan Qərbliləri cəlb etmək üçün maraqlı bir nöqteyi-nəzər idi.

- Digər müsahibələrdə siz Şahı qəbul edən və bir çox cəhətdən onu ucaldan bir ailədə böyüməkdən bəhs etmisiniz. Bu film çəkmək arzunuza necə təsir etdi?

Bu filmin siyasi tərəfi ilə bağlı mümkün qədər polemik olmamağa çalışıram. iran tarixində 1953-cü il çevrilişi və bu dövrlə bağlı müxtəlif məlumatlar oxumağa başlayanda anlayırsan ki, tarixi müxtəlif insanlar müxtəlif cür şərh edir. Bədii ədəbiyyatda müəyyən bir nöqteyi-nəzərdən danışmağın yanlış olduğunu hiss etdim. Mən bu ölkədə baş verənlərlə bağlı həm simvolik, həm də çox ümumi olmağa çalışdım. Bununla belə, bəzi şeylər danılmazdır və düşünürəm ki, heç bir monarxiya tərəfdarı iran şahının Amerika Birləşmiş Ştatlarının “CIA” ilə əməkdaşlıq etməsi faktına müqavimət göstərməsinin heç bir əsası yoxdur. Bunu Amerika hökuməti etiraf etdi, sənədlər New York Times-da dərc olundu, bu, ictimai məlumatdır, ona görə də bunun sübut olunmuş fakt olmadığına dair arqumentlə getmək çox çətindir. Məncə, iran xalqının çox hissəsi, iran tarixində bu məqamda maraqlı olan da budur, həqiqətən yalnız ingilislərlə problemi var idi. 1953-cü ildə bu hadisə baş verənə qədər onların ABŞ ilə münasibətləri həqiqətən də yaxşı idi. Şah geri qayıdanda özünü sabit hiss etmək və hakimiyyətdə qalmaq üçün müəyyən vəhşiliklərə başladı. O, kommunistləri edam etməyə başladı. Amerikalılar iranda kommunizmin yayılmasından çox narahat idilər. Şah hakimiyyətdə qalmaq üçün ölkəsinə xəyanət etdi. iranlılar arasında şaha, Amerikaya qarşı yaranan qəzəb islam inqilabının yetişməsi üçün zəmin oldu. Bunlar uydurma deyil, hadisələrin gedişi ilə bağlı real, sadə həqiqətlərdir.

Dörd qadın haqqında film çəkirdik. Mən bunu siyasi hadisələrin təfərrüatlarına bu qədər cəmləmək və ya digər insanlar üçün tarix dərsi keçmək niyyətində deyildim. Söhbət, həqiqətən də, siyasi məlumatı tarazlaşdırmaqdan ibarət idi ki, sənədli film kimi olmaqdansa, çox alleqorik hala gəldi.

Mən çevrilişdən sonra doğulmuşam. islam inqilabı baş verəndə mən heç ölkədə deyildim. Bu filmdəki bütün həmkarlarım iranda idi. Sonradan irana qayıtmışam və islam inqilabına heyran oldum. Mən çoxlu araşdırmalar aparmağa çalışdım və gördüyüm işlərin hamısı islam inqilabının bir növ anlayışına gedib çıxır. Bu film üçün qayıdıb Musaddiq tərəfdarı, Şah tərəfdarı, anti-şah, kommunistlər, müsəlmanlar, dövlət çevrilişinin tənqidi oyunçuları olan hər cür insandan müsahibə götürməli oldum. Sonrakı problem qadınların hekayələrində üstünlük təşkil etməyəcək şəkildə bunu ssenariyə salmaq idi. Bununla belə, xüsusilə 1953-cü il çevrilişindən xəbəri olmayan Qərblilərə kifayət qədər məlumat vermək istəyirdim. Bu, çox yorucu idi. Biz, həqiqətən, yalnız ən vacib faktları çəkməyə çalışdıq və təfərrüatlara çox da girmədik. O faktlar ondan ibarətdir ki, iranlılar hələ də neft ehtiyatlarımızda hökmranlıq edən ingilislərə qarşı döyüşürdülər. Doktor Musaddiq nefti milliləşdirməyi planlaşdırırdı. ingilislər əsəbiləşdilər, ona görə də amerikalıların yanına getdilər və onlardan kömək aldılar. C.I.A. Şahın ölkəni idarə edə bilməsi üçün doktor Mosaddegh hökumətini hakimiyyətdən kənarlaşdırmaq üçün onu taxtdan saldı. Rusiyanın iranla düz qonşu olduğunu və o zaman kommunistlərin iranda “böyük oyunçular” olduğunu nəzərə alsaq, həm ingilislər, həm də amerikalılar kommunizmin yayılmasından çox narahat idilər. Beləliklə, bu filmdə gördüyünüz əsas amillər bunlardır və başqa detallar da var ki, biz onlardan danışmayacayıq. Düşünürəm ki, bu, hələ də tamaşaçılara ölkəmizin necə xəyanət və aldadılmasından, imperializmə, diktaturaya qarşı necə mübarizə aparmasından danışır.

- Fotoqrafiya və video işlərindən bədii uzun film çəkilişlərinə keçərkən qarşılaşdığınız ən böyük çətinliklər hansı olub?

illərdir mən video quraşdırmalar hazırlamışam, onlardan təxminən on beş olduğunu düşünürəm. Bunu nə qədər çox edirdimsə, bir o qədər də hekayəçilik ideyası və hekayə ideyası ilə maraqlanırdım. Deməli, əsərlərim forması, dili baxımından artıq daha çox povestə çevrilirdi. Eyni zamanda məndə kino dünyasını, kino tamaşaçılarını araşdırmaq həvəsi yaranmağa başladı və bir vizual rəssam kimi özümə meydan oxuyaraq özüm yaratdığım dili, vizual üslubu götürüb onu hekayə formasında filmə çevirmək məsuliyyətini hiss etdim. Mən özümə bir saat yarım davam edən, həm vizual, həm də hekayə baxımından bir çox cəhətdən əyləncəli ola bilən, lakin özüm üçün yaratdığım dəyərləri və vizual estetikanı saxlaya bildiyim bir film çəkə biləcəyimi sual etdim. Beləliklə, bir şəkildə, kinonun geniş ictimaiyyətlə əlaqəsinə olan cəlbediciliyim idi və digər tərəfdən, məni həyəcanlandıran kino dili idi, sadəcə konseptlər yaratmaqdan fərqli olaraq hekayələr danışmaq idi.

- iranda film maliyyəçilər üçün çətin satış ola bilər, lakin siz olduqca dəbdəbəli istehsal dəyərlərini nümayiş etdirən möhtəşəm və tamamilə inandırıcı bir film çəkə bildiniz.

Düşünürəm ki, bizim amerikalı prodüserlərə sahib olmaq şansımız yox idi. Berlindən bir avropalı prodüser tapmaqda çox şanslı olduq. Bu alman-fransız şirkəti idi. Onlar filmi çəkmək üçün mənimlə əlaqə saxladılar. Onlar pulu Avstriya, Almaniya və Fransadan toplayıblar. Bu, həqiqətən qəribə idi; Mən iran əsilli amerikalıyam, ilk bədii filmimi çəkirəm və film Avropa hökumətləri tərəfindən dəstəklənib və Mərakeşdə çəkilib. Bu cür film üçün büdcə çox qənaətbəxş idi. Büdcə beş milyon dolların altında idi. 1953-cü ildə çəkilmiş olduqca epik filmdir, ona görə də bu qədər pul qazanmaq çox çətin idi. Dövlət çevrilişi səhnələrinin canlandırılması insan kütləsi, hərbi fəaliyyət tələb edirdi, bütün bunlar kifayət qədər pul tələb edirdi. Əlimizdən gələni etməyə çalışdıq. Avropa hökumətləri və fondları haradan gəldiyindən asılı olmayaraq filmləri dəstəkləməyə inanırlar. Bizim ABŞ-da heç vaxt belə bir şansımız olmazdı.

- Mühacir iranlı tamaşaçıların filmə münasibəti necə oldu?

iran ictimaiyyətinin reaksiyası böyük olub. Bu, qismən nadir hallarda sənədləşdirilmiş bu dövr üçün nostalji hissi ilə bağlıdır. Bu dövr haqqında çox az film çəkilib və bu gün irandan gələn filmlərin əksəriyyəti iranda islam inqilabından sonrakı sosioloji vəziyyət haqqındadır, ona görə də bir çox gənc və yaşlı iranlılar üçün iran tarixinin bu hissəsinə qayıtmaq inanılmaz dərəcədə təsir edicidir. Bundan sonra təbii ki, bu filmin vaxtının, iran seçkilərinin vaxtı və Tehran küçələrində baş verən üsyanların inanılmaz ironiyası var; Qəribədir ki, mənim filmimdəki bəzi qiyam səhnələri keçən yay Tehran küçələrində görünən üsyana bənzəyir. Qadınların siyasi proseslərə münasibətinin bəziləri, nümayiş etdirən cəbhə bölgəsindəki qadınların görüntüləri iranda keçən yay gördüyümüz qadınların kişilərlə nümayişi ilə çox oxşar idi. Hətta Munisin (Şəbnəm Toloui) küçələrdə ikən, küçələrdə ölmək üzrə olduğu görüntüsü bizə Neda obrazını xatırladırdı. Məncə, bir çox iranlılar üçün bu film iran tarixini, bizim imperializmlə, diktatura ilə mübarizəmizi və onların demokratiya uğrunda mübarizəsini xatırladır. Döyüşən gənclərin çoxunun 43-cü ilə aid vizual yaddaşı çox azdır, çünki iran hökuməti islam inqilabından başqa iranın keçmişi haqqında məlumatları yox etməyə çalışır. Təbii ki, iranda bu filmə icazə verilmir. insanların bu filmin bədii təbiətindən kənarda, ancaq tarixi dəyərinə görə şahid ola bilməsindən çox həzz alıram.

- iranda filmin piratçılığından xəbəriniz varmı? Ölkə daxilindəki iranlılar filmə baxmaq üçün yollar tapa biliblərmi?

Eşitmişəm ki, iranda piratlıq böyük bir işdir. iranlıların öz otaqlarında baxdıqları kinoteatrlarda belə nümayiş olunmayan böyük Amerika filmlərini eşidirəm. Mən buna inana bilmirdim. Filmimiz aprelin 9-da Los-Ancelesdə təqdim olundu, aprelin 8-də filmimiz artıq Tehranda yeraltı mağazalarda satılırdı. Mənə bir neçə nüsxəsini alan bacım zəng etdi. Bu filmin yayılmasına imkan verən piratlığın gücü məni çox sevindirdi! Bir çox iranlı bu filmə baxır.

mənbə: filmmakermagazine.com

3 əjdaha! 11.03.2022 20:17, ənəlhəqq

#347059 şikayət

some like it hot

+2 əjdaha

əslində bu filmin rəngli olaraq çəkilməsi planlaşdırılmışdı, ancaq sınaq çəkilişlərindən sonra tony curtis və jack lemmonı qadın formasına salmaq üçün edilən ağır makiyajın nəticəsində görüntü problemləri səbəbiylə filmin ağ-qara olmasına qərar verilmişdir. merilin monro bu filmə görə qızıl qlobus mükafatına layiq görülmüşdür, həmçinin də film ən yaxşı komediya olaraq adını tarixə yazıb.

2 əjdaha! 09.09.2015 02:59, ənəlhəqq

#180489 şikayət

kor ərəb

+2 əjdaha

(youtube:

)

2 əjdaha! 25.04.2016 13:48, ənəlhəqq

#211727 şikayət

brazil

+3 əjdaha

Terry Gilliam onu bu filmi çəkməyə ilham verən və filmin adının niyə Brazil olduğunu belə izah edir:
Bir gün Port Talbot href="https://www.google.com/maps/place/Port+Talbot,+Neath+Port+Talbot,+UK/-da" style="rgba(25,148,218, 0.8 link

" target="_blank" class="sonses" rel="nofollow">https://www.google.com/maps/place/Port+Talbot,+Neath+Port+Talbot,+UK/-da qumsalda oturmuşdum. Port Talbot, hər şeyin boz dəmir filizi tozuyla örtüldüyü polad şəhəridir. Hətta qumsalı belə tozla doludur və qapqaradır. Günəş batırdı və mənzərə həqiqətən çox gözəl idi. Bu ziddlik fövqəladə idi. Beynimdə belə bir obraz meydana gəldi; bir adam bu çirkli çimərlikdə oturur və portativ radiodan Brazil kimi qəribə, xəyalpərəst latın musiqilərindən birini dinləyir. musiqi bir növ onu özündən alıb aparır və dünyasını az da olsa boz rəngdən xilas edir.

3 əjdaha! 22.11.2015 13:53, ənəlhəqq

#188255 şikayət

la strada

+2 əjdaha

film haqqında fellini belə deyirdi: "bu film həyatımın ən vacib mərhələsi, bəlkə də sonudur. mənim mənəvi maraqlarımın və estetik tələblərimin ifadəsidir".

2 əjdaha! 11.09.2015 02:25, ənəlhəqq

#180676 şikayət

videodrome

+3 əjdaha

videodrome (1983).

rejissor: david cronenberg.

- cronenberg-ə videodrome filmini çəkmək üçün ilham verən səbəblərdən biri olaraq göstərilən universitetdəki müəllimi professor marshall mcluhan-dır. mcluhan 21-ci əsrin ən müzakirə olunan və ən məşhur ingilis professorudur. medianın cəmiyyətdəki yeri başlıqla yazdığı məqalələr və kitablar, time jurnalının üz qapağında "ya o haqqlı olsa?" şəklində nəşr olunmuşdur. ayrıca beyində şiş meydana gətirən televiziya proqramlarının varlığı ilə əlaqədar 1940-cı illərdən bəri ortalıqda gəzən bir başqa şəhər əfsanəsi də videodrome üçün ilham qaynağı olmuşdur deyə bilərik.

david cronenberg-in çox sevdiyi paradokslardan biri var bu filmdə. max videodrome -a görə qarabasmalar görür yoxsa əslində videodrome özü bir qarabasmadır?

3 əjdaha! 30.12.2015 22:07, ənəlhəqq

#192175 şikayət

sharon stone

+4 əjdaha

(youtube:

)

4 əjdaha! 30.09.2015 01:27, ənəlhəqq

#182428 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1365

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1372

ənəlhəqq

son bəyənilənlər:

oxuyucuların bəyəndikləri: