Gamophobic

Birdən birə ağlıma ibtidai sinifdə oxuyarkən atamın ilk dəfə ürək əməliyyatı keçirəcəyini öyrəndiyim an ağlıma gəldi. Məktəbin həyətində sinif yoldaşlarımla sırada durub, sinifə keçməyi gözləyərkən, içimdə yaşadığım, amma heç kimə büruzə vermədiyim o qorxu... Sözlərlə ifadə edə bilməyəcəyim hisslər yaşayırdım. Bir yanım "o həyətdən qaçmalısan, atanın yanına getməlisən." deyərkən, digər yandan isə ağlım anamın məni evdən yola salarkən dediklərində idi. O kiçik beynim proseslərin böyüklüyünü qiymətləndirə bilmirdi və mən atamın ölə biləcəyinə o gün özümü o qədər inandırmışdım ki, ondan sonra ölüm mənə heç bir şey kimi gəldi. indi atam yaşayır, yaxşı ki də mənimlədir, amma deyəsən onu beynimin bir bucağında elə həmin gün mən öldürdüm. Və bu acı həqiqəti az öncə anladım, hansı ki, o vaxtdan bəri mənə rahatlıq verməyib. Onu bir gün doğurdan da itirsəm, nə hiss edəcəyəm, heç bilmirəm. Bəlkə heç nə, bəlkə rahatlama, bəlkə də əzab?!

p.s. Atamı yetəri qədər çox istəyirəm.

freud

+4 əjdaha

Netflix serialı, adı Freud yox, Fleur olardı gərək. Freud yəqin ki, daha çox izlənmə əldə etmək üçün istifadə edilib. Serial mənim üçün tam bir xəyal qırıqlığı olmuşdu. Mən daha elmi, psixoanalitik bir film gözləyərkən, qarşıma fantastikaya qaçan qorxu janrında bir şey çıxdı.

in şə allah

+3 əjdaha

Kiçik hərflə başlamaq günahdır. ilk hərfi böyük sonrakı hərfləri kiçiklə yazmaq caizdir, amma günah deyil. Hər ayrı ayrı hissənin ilk hərfini böyüklə yazmaq məqbuldur. Hamısını böyük hərflərlə yazmaq savabdır. Hamısını böyük hərflərlə yazdıqdan sonra yanına müxtəlif dini emojilər (dua edən əl, məkkənin şəkli, kövrəlmiş emoji, çiçəklər, ürəklər və s.) qoymaq birbaşa cənnətlikdir.

introvertlik

+1 əjdaha

Hələ də introvert, ya ekstravert olduğumu təyin edə bilməmişəm. Sanki tam ortadayam. Həm əylənərək vaxt keçirdiyim çevrəm var, həm də elə özüm tək də əylənə bilirəm. Tək gəzintilər ən sevdiyim şeylərdəndir. Alış-verişə çıxıramsa, mütləq tək olmalıyam, əks halda heç nə almadan evə qayıdıram. Amma gəzintilərim dostlarla da yaxşı olur. Ünsiyyətcil biri, eyni zamanda da utancaq, tanışlıqlardan qaçan biri olaraq hələ də özümü tapa bilmirəm, ya da düzgün formada axtarmıram. Yəni belə insanlar da var, ne idüğü belirsiz kişilər link link

son bəyənilənlər:

oxuyucuların bəyəndikləri: