ibn həzmin dili

264 0 0 0

8. nəsil yazar

entry: 264

0 post son 1 ildə

Son 1 il 2026 2025 2024 2023 2022 2021 2020 2019

çox

0 gün

ardıcıl post

rekord: 16 gün

gündüz yazarı

Yeni

Səviyyə 1

-174 / 100 XP

32.7K

təxmini söz yazıb

0.5 kitaba bərabər

Statistika

Nailiyyətlər 8 / 16

İlk Addımlar

Yazıçı

Əjdaha Balası

Əjdaha

Oxunan

Bestseller

Veteran

Əbədi

Qələm Ustası

Əjdaha Kralı

Karma Yığıcı

Tanınmış

Vikipedist

Milyonçu

Həftəlik Seri

Abidə

blok başlıqlarını gizlət postları gizlət

azərbaycanda iş elanları

çərkəz soyqırımı

joe biden

1992 los angeles hadisələri

pakistan

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

kibertəhlükəsizlik karyerası qurmaq istəyənlərə məsləhətlər

+32 əjdaha

burda sadəcə işə girmək istəyənlər yox eyni anda sahəni öyrənmək yəni hacker səviyyəsinə çatmaq istəyənlər üçün məsləhət verəcəm. Yoxsa işə girmək üçün sadəcə Sumqayıt Dövlət Universitetinin diplomu ya Ukraynadan attestatla alıb təsdiq etdirdiyiniz diplom da bəs edə bilər. Onsuz da Kibertəhlükəsizlik ən çox havayı maaş yeyilən sahədir, 4-5 log əzbərləyib maaş alarsınız. Həm Kibertəhlükəsizliyin iso standartları belə gəldi ekə getdi zırt pırtla məşğul olan gic-gicə qolları da doludur, audit kimi gəzərsiniz.

proqramlaşdırmadan başlamayın. googleda, forumlarda çox insan sizə "əvvəl güclü proqramçı olmaq lazımdır" deyəcək. və siz də gedib web vəya mobil developerlik öyrənəcəksiniz. və sonra bunun kibertəhlükəsizliklə heç bir əlaqəsi olmadığını görüb peşman olacaqsınız. çox insan tanıyıram ki mənim kimi bu yola səhv çıxıb və səhvən backend proqramçı olub.

proqramlaşdırma geniş anlayışdır. şəbəkə və sistem inzibatçılığında da, kibertəhlükəsizlikdə də, hətta paltaryuyan, qabyuyan hazırlayarkən də istifadə olunur. amma hamısının proqramlaşdırması çox fərqlidir, bir birlərilə əlaqələri yoxdur. bu məlumatı yadda saxlayın və developer olmayın.

qulağınıza nə qədər qəribə gəlsə də hətta web security üçün də web developer olmağa ehtiyac yoxdur. sadəcə az sayıda ortaq bir neçə şey var ki security ilə məşğul olanlar bunu bilməlidir.

bəs necə başlamaq lazımdır və necə bir yol izləmək lazımdır indi keçək buna. həm də biraz sertifikatlar haqqında da məlumatlar vermək istəyirəm. bu roadmapı həm oscp səviyyəsini keçmiş ciddi yerli və türk mütəxəssislərdən soruşub həm də internetdə ciddi ingilisdilli kanallardan araşdırıb qərarlaşdırmışam. siz də o kanallara baxsanız çoxu belə roadmap verir.
kibertəhlükəsizlik sahəsini öyrənmək istəyənlərin belə bir roadmap izləməsi daha doğru olar:

ilk addım: ilk öncə IT fundamentals öyrənin. Helpdesk deyilən sahəni.
Bu sahədə ən önəmli sertifikat CompTia IT Fundamentals sertifikatıdır. Cisco IT essentials, Google IT support və başqa sertifikatlar da var, bəzilərinin tədris proqramı comptiadan daha çətin və professionaldır amma imic və ad olaraq comptia daha çox rəğbət görür. bu addımda sertifikat almasanız da olar əsas olan biliklərdir. helpdesk sertifikatına çox da baxılmır.

addım 2: Şəbəkəyə, internetə aid giriş məlumatları öyrənin. OSI model və TCP/IP stack nədir və niyə var, layerləri haqqında xırda bilgilər, ip və mac adreslər haqqında təməl bilgilər, brouser nədir, internet nədir, lan nədir, hostinq nədir, şəbəkə cihazları (router, switch, serverlər falan) haqqında bilgilər.

burda xüsusi bir sertifikat yoxdur. çünkü bu addıma geri qayıdacağıq sertifikatlar da onda olacaq.

addım 3: Kibertəhlükəsizlik haqqında giriş bilgiləri öyrənin. Viruslar və onları tapmaq, antiviruslar, şəxsi komputerlərdə və şəbəkə cihazlarında təhlükəsizlik üçün nələr edirlər, firewall zad nədir, byod, iot, kiber hücum növləri hansılardır, sosial mühəndislik, kriptoqrafiyaya giriş, əməliyyat sistemləri ilə biraz dərindən işləmək və sair.

burda comptia security + sertifikatını əldə edə bilərsiniz. məncə bu da lazımsız sertifikatdır amma cv`yə əlavə etmək olar. niyə lazımsızdır ? çünki sizin sadəcə kibertəhlükəsizlikdə filan filan hücum növləri zad olduğunu bildiyinizi göstərir.

addım 4: Şəbəkə inzibatçılığını giriş səviyyədə öyrənmək. OSI və TCP/IP stackı və qatmanlarını ayrı-ayrılıqda ciddi öyrənin. Paketlər və protokollar haqqında ciddi öyrənin, necə işləyirlər falan tcp-udp, http, arp və sair hamısı. hətta simulatorda aşın baxın. şəbəkə qurmağı öyrənin, bu işinizi çox asanlaşdıracaq. Çünki kibertəhlükəsizliyin yarısından çoxu şəbəkələrə sızmaqla bağldır. vlan və digər mövzuları öyrənin, şəbəkə inzibatçıları hansı təhlükəsizlik addımlarını atır onları öyrənin və sair. siz öyrənməyə başlayanda osnsuzda mövzular nədir görəcəksiniz hamısını sadalamğa ehtiyac yoxdur.

bu addımda 2 əsas sertifikat var. Comptia Network + və CCNA. burda mən CCNA məsləhət görürəm çünki şəəbəkə dünyası Cisco şirkətinin hegamonluğundadır və cisco sertifikatları daha prestijli səslənir. burda sertifikat alsanız yaxşı olar. bu artıq keçərliliyi olan sertifikatdır.

addım 5: linux. həyatınızdan bir müddət linuxdan başqa hər şeyi çıxarın və linux öyrənin. kibertəhülkəsizlik mütəxəssisləri windows və macos istifadə etmir.

bu addımda da sertifikatlar var amma pul xərcləməyə dəyməz.

addım 6: Proqramlaşdırmaya burda başlayın. Python dilinin syntaxını və azca daha çoxunu öyrənin. səhvən django ilə backend öyrənməyin.

addım 7: başlayın hack etməyə və beləcə hack etməyi öyrənəcəksiniz. part six, tryhackme, hackthebox və s istifadə edin. hackləməyi öyrənin

ceh, comptia pentest +, ejpt kimi sertifikatların mövzularını öyrənin. bu sertifikatlar sizin artıq toollardan istifadəni bildiyinizi, hack etmə yolunda irəllədiyinizi, qeyri professional şəbəkələrə sıza bildiyinizi göstərir.

addım 8: öyrənməyə davam edin.

OSCP sertifikatı almaq səviyəsinə çatın. Bu sertifikat artıq sizin hack etməyi bacardığınızı göstərən ilk sertifikatdır. bu səviyyədə artıq özünüzü hacker hiss edə biləcəksiniz. söhbət fişinqlə profil zad qırmaqdan getmir, bahalı şəbəkə cihazlarını və sizdən daha güclü şəbəkə biliyi olan şəxslər tərəfindən hazırlanan şəbəkəni aşmaqdan , yni işləyəcəyiniz şirkətin şəbəkəsinə sızıb ziyan verə biləcək səviyyədən gedir. o hiss necədir bilmirəm amma belki bir gün. bu sertifikatı alana qədər onsuzda iş tapacaqsınız, çox uzun oldu deyə narahat olmayın. onsuz da kibertəhlükəsizlik mütəxəssilərinin 90 faizindən çoxu hack etməyi bacarmır.

addım 9: həmişə öyrənməyə davam edin.

əlavə: sertifikatlar niyə lazımdır? əslində lazım deyil amma karyera üçün təəssüf ki lazımdır. sizin cv`lərinizə hackerlər yox hr`lar baxacaq, çox zaman sizinlə iş görüşməsinə də onlar qatılacaq. əlində qəhvəsi, qələmi, klassik geyimi olan sıxıcı hr xanımlar şəbəkədən, kibertəhlükəsizlikdən, sysadminlikdən anlamalı deyillər və mövzulardan xəbərsizdirlər. siz onlara nəyisə bildiyinizi ancaq sertifikatlar və keçmişdə işlədyiniz yerlərin adları ilə göstərə bilərsiniz buna görə də sertifikatlara pul xəcləmək lazım olacaq. bu sertifikatlar ucuz deyil, çoxunun imtahanına giriş qiymətləri 300-400 dollardan başlayır. kaşki iş görüşmələrində sizi həmişə aytişniklər qarşılayardı amma təəsüf ki çox yerdə ancaq hr`lar olur.

25 əjdaha! 03.04.2023 14:41, ibn həzmin dili

#369789 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

nəyinsə dəyişməsini istəyən adam ölkədən getməz

+23 əjdaha

Ölkədən getməyi bacaranlara qısqanclıq duyanlar və boomerlər tərəfindən tez-tez işlədilən ifadə. Bəzən həqiqətən səmimi olanlar da bu ifadəni işlədir amma elələri çox azdır.

ilk öncə qəbul edək ki internet dövründə nəyisə dəyişmək üçün həmən ölkədə yaşamaq məcburiyyəti yoxdur. Məsələn azərbaycandakı insanların düşüncə tərzini, musiqi zövqünü, dünya görüşünü dəyişməyə çalışırsansa bu sahədə təbliğatını almaniyadan da, abşdan da, istanbuldan da, tehrandan da apara bilərsən.

ikincisi isə bu cümlə dəyişmək istəməyənlərə belə etiraz olaraq ünvanlanır. Məsələn X bir şəxs azərbaycanı bəyənməyib gedib abşa və azərbaycanda iş tapmağın çətinliklərindən bir şey yazıb pisləyir. həmən dəqiqə instagramda, facebookda şərhlər başlayır :" nəyisə dəyişmək istəyən adam ölkədən getməz, qalar mübarizə aparar blyat!". Ala niyə də? Axı niyə? Niyə sən elə fikirləşirsən ki o adam sənin nəvələrin daha yaxşı ölkədə yaşasın deyə öz həyatını yaşamamalı və qalıb nəyisə dəyişmək üçün mübarizəyə həsr etməlidir? Düzdür, əgər kefi istəyərsə həyatını mübarizəyə həsr edər amma öz işidir, buna məcbur deyil.

17 əjdaha! 03.02.2022 11:24, ibn həzmin dili

#344902 şikayət

azərbaycan polisi

+23 əjdaha

azərbaycan xalqı onsuz da səviyyəli, normal düşüncəli xaql deyil, polislər də əsasən bu xalqın ən aşağı səviyyəli təbəqəsindən yığılıblar. təhsilimiz ürəkaçan səviyyədə olmasa da yenə az-maz da olsa nələrsə verir, universitet mühiti falan az da olsa dünya görüşü də qatır adama. polislər isə əsasən təhsil ala bilməyən, əlində başqa sənəti olmayıb boyum buxunum çatır gedim heç olmasa polis olum deyən insanlardan ibarətdirlər deyə daha da iyrənc haldadırlar. Əsasən inək satıb puluna polis olan yekəpər kənd uşaqlarından ibarətdirlər.

cəmiyyətin ən səviyyəsiz , ən cahil kəsimindən ibarət olan topluluqdan nə gözləyirsiniz ki.

19 əjdaha! 25.02.2022 17:42, ibn həzmin dili

#346249 şikayət

azərbaycanın milli mənəvi dəyərləri

+23 əjdaha

Milli dəyərlərimiz qanuni oğru subkulturasıdır, vor olmaq istəyən ərgənlərdir. bacısı olan hər oğlanın potensial peysər olmasıdır, pullu adamlara yaltaqlanmaqdır, rüşvətlə işə düzəlməkdir, vəzifəlilərin qabağında içinə soxub fağır birisin peysər çıxarmaqdır. Milli dəyərlərimiz maxelərin təzə əsgərləri döyməsidir, opşiteldə böyüyən uşağın 18 yaşına çatanda vətənə borclu olduğunu öyrənməsidir. Milli dəyərimiz ateistlərin peysər olmasıdır. Milli dəyərlərimiz 11 ay içib məhərrəmlikdə içməməkdir, azad seksi müdafiə edənlərə peysər gözüylə baxıb (din) bacı(sı) dediyin qızla siğə eləməkdi. Sonra o siğə elədiyin qızın hicabına pis baxanın nəslin kəsərüy deyə facebookda status paylaşmaqdır. Milli dəyərimiz nənə zarafatları olan meyxana deyişmələridir, ərinə xəyanət edən qadının əri tərəfindən saçının keçəl qırxılıb paylaşılan videosudur milli dəyərlərimiz. Milli dəyərlərimiz metro yaxınlığındakı telefon aksesuarları mağazasının qapısı ağzında yerləşən kalonkanın yüksək səslə ifa etdiyi toy mahnılarıdır; təranə qumraldır, musa musayevdir, damladır, şəbnəm tovuzludur. Milli dəyərlərimiz rayonlarda müğənni damlayla şəkil çəkdirmək üçün növbəyə düzülən zəhmətkeş kəndlilərdir. Milli və mənəvi dəyərlərimiz bu manısların toylarımızda yarım saat oxuması üçün verilən 1500, 3000, 7000, 10000 manatdır. Milli dəyərlərimiz kazbekə şey basım mahnısına rəqs edən valiklərdir və o valiklərə xanım deyə müraciət edən qaqaşın şortik geyinən oğlana pis baxmasıdır.

20 əjdaha! 21.01.2022 03:59, ibn həzmin dili

#343836 şikayət

dağıstanlılara özənən gənclər

+20 əjdaha

Azərbaycanda çox saylı nümayəndəsi olan insan tiplərindən biri. Nümayəndələrinin 99%-i dünya görüşü dar, savadsız gənclərdən ibarətdir. Öz geyim tərzləri, danışıq üslubları, saç və saqqal stilləri ilə dağıstan gənclərinə özənirlər. 2022-ci ildə müasir dünyada bir insan niyə dağıstan gənclərinə özənmək istəyər bilmirəm. Cəhalət və mənəvi boşluğun qarışımından ortaya çıxmış tiplərdir yəqin ki.

Dağıstan özəntisi qaqaşların xarici görünüşü: Dağıstanlı idmançıların geyindiyi tərzdə Üstündə "Russia" yazılmış sport geyimlər, bığsız çox da uzun olmayan ya da qısa saqqal, çeçenka adlanan saç stili və ya ona bənzər saç stili, zorla dağıstanlıları yamsılamağa çalışan süni ləhcə. Hələ bir zamanlar bunların arxasında "dagestanets" yazılı və ya ondan əsinlənərək hazırkanmış "azerbaydjanets" yazılı qara köynək geyinən versiyaları var idi ki onlar tam ayrı kayfdaydılar.

internetə Azərbaycan ərazisindən daxil olmusuzunzsa və ip adresinizi falan dəyişməmisinizsə Bu tip insanlar instagram'ın "kəşfet" deyilən hissəsində qarşınıza tez-tez çıxa bilərlər. Mənim də qarşıma çıxırlar və şəkillərinə baxıb onların yerinə utanıram.

Bir də, bəzən bu şəxslər dağıstan rəqslərinı, dağlstan musiqilərinə, milli geyimlərinə də maraq göstərirlər və görürsən ki bunu Azərbaycanın mədəniyyəti hesab edirlər. Qaqaşlara demık istəyirəm ki, Azərbaycan (Şimali) Qafqaz ölkəsi deyil, mədəniyyəti, musiqisi, dağıstanınkından dəhşətli dərəcədə fərqlidir, yəni ki özünüzü gülünc duruma salmayın.

(baxma: gülünc insan tipləri)

16 əjdaha! 11.02.2022 14:10, ibn həzmin dili

#345406 şikayət

sovet ittifaqının azərbaycana qazandırdıqları

+21 əjdaha

Rüşvətlə universitetə daxil olub, rüşvətlə oxuyub müəllim, müəllimə olan topluluq qazandırdı. Bu gün məktəblərdə a və b ni qanmayan orta yaşlı müəllimələr var e, bax çoxu sovet dövründə rüşvətlə universitet oxumuş adamlardı. Ümumiyyətlə sovet təhsilini yerə göyə sığdırmayan adamlar desin görək bu bizim məktəblərdəki ortayaşlı savadsız müəllimlər marsdan gəlib? Sovet təhsili belə ultrasuper idisə niyə yetişdirdiyi kadrlar belədir? Hamısı sovetlər dönəmində ali təhsil alıb müəllim olmuş adamlardır da amerikadan gəlməyiblər ki. Niyə içlərində savadlı olan tək-tük tapılır, çoxu savadsızdır? Tək müəllimlər yox elə sovet dönəmində ali təhsil almış insanların çoxu hansı savada, hansı dünya görüşünə sahibdir ki belə tərifləyirsiz?

Təbii ki yaxşı tərəfləri də olub o ayrı.

18 əjdaha! 25.02.2022 00:29, ibn həzmin dili

#346227 şikayət

intihar etməmək üçün səbəblər

+18 əjdaha

intihar edəcəm deyərkən iflic qalmaq qorxusu.

17 əjdaha! 12.05.2022 16:36, ibn həzmin dili

#349749 şikayət

veysəloğlu

+17 əjdaha

Fəhlələri 6 gün ard arda 12 saatlıq gecə növbəsi işlədən şirkətlər qrupu. (baxma: peysəloğlu)

16 əjdaha! 17.04.2025 16:58, ibn həzmin dili

#390720 şikayət

hacı zeynalabdin tağıyev

+16 əjdaha

Tez-tez saxta xeyriyyəçilik hekayələri ilə gündəmə gələn milyonçu. Düzdür, doğru xeyriyyəçilik əməlləri də var amma sosial mediada əsasən almaniyada restoranla 100 illik müqavilə, pakistana vaksin kimi uydurma hekayələrlə gündəmə gəlir.

Bir də öz dövrünün azərbaycanlı ziyalıları ilə yaşadığı münaqişələrlə diqqətimi cəlb etmiş milyonçu. Əhməd bəy Ağaoğlu, Cəlil Məmmədquluzadə, mühəndis Behbudov, Əbdürrəhim bəy Haqverdiyev, Nərimanov və sair. Hacının döydürtmədiyi vəya dalaşmadığı ziyalı qalmayıb. Bir də Behbudov məsələsindən sonra bütün qarabağlıları işdən çıxartdırmasını da bura əlavə etsək Hacı gözümdə heç də müsbət bir obraz olaraq canlanmır. Molla Nəsrəddin jurnalında Tağıyev haqqında karikaturalar, Mehdi Hüseyn'in Səhər əsərində Tağıyev haqqında fikirlər, Üzeyir bəyin "O olmasın, bu olsun"undakı Məşədi ibad obrazı, Əhməd bəy Ağaoğlu ilə Əli bəy Hüseynzadə arasındakı fransız dilində olan məktublaşmalar və digər bənzər materialları bir arada düşünəndə, dövrünün ziyalılarının gözündə də Hacının çox müsbət bir obraz olmadığını fikirləşirəm.

13 əjdaha! 20.01.2022 00:58, ibn həzmin dili

#343734 şikayət

cadu

+13 əjdaha

Mövcudluğuna inanmasam da bu işlə məşğul olanlara və bunlara müraciət edənlərə həbs cəzası verilməsini istəyərəm. Bu sayədə xurafatçıların sayı xeyli azalar. inanın ki azərbaycandakı hər binada ən azı 2 nəfər var ki həyatlarında bir dəfə də olsa cadugərə müraciət ediblər. Buna görə it, pişik, qarğa gözü çıxaran adamlar var. Zarafat deyil, ölkədə bu zehniyyətdə yaşayan milyondan çox adam var, məncə bunların baxıb güldüyümüz itlə evlənən hindulardan intellekt baxımından çox da fərqi yoxdur.

Pc qabağında oturub sözlük, twitter fırlanıb normal ölkədə yaşadığın xülyasına qapılarsan sonra yadıva düşər ki Hələ bir neçə il əvvəl ölkədəki televizya kanallarından cadugərlər, falçılar əksik olmurdu lol.

13 əjdaha! 09.05.2022 04:46, ibn həzmin dili

#349645 şikayət

şərəfsizliyə haqq qazandırmaq üçün qurulan cümlələr

+12 əjdaha

Yaxşı at özünə qamçı vurdurmaz.

Təhqirə layiq insanların ən çox istifadə etdiyi atalar sözlərindən biri. Harada bir şərəfsizlik videosu, xəbəri görsəm altında bu atalar sözünü şərh kimi yazanları da görürəm.

9 əjdaha! 14.04.2023 01:15, ibn həzmin dili

#370391 şikayət

toya və yasa getməyən insan

+14 əjdaha

Vaxtının dəyərini bilən insandır. Hə, çox yaxın bir can dostun, ailəndən birisi ölər vəya evlənər mənəvi dəstək üçün yanlarında olarsan. Amma çoxumuzun anasının, atasının, nənəsinin etdiyi kimi ; əslən bizim kənddən olan filankəs ölüb gərək gedim şəhərin o başına 2 saat oturum qayıdım ritualı sadəcə vaxt itkisidir, lazımsız fiziki yorğunluqdur. Düzdür vaxtını belə keçirmək istəyən birisi 10 ildə 1 dəfə gördüyü uzaq qohumunun, kəndlisinin toyuna da gedəbilər, yasına da. Necə deyərlər, vaxtını öz istədiyi kimi dəyərləndirə bilər. Amma nənələrimin, atalarımızın, analarımızın etdişi şey bu da deyil. Onlar üçün bu bir öhdəlikdir ; "Axırıncı dəfə 20 il bundan əvvəl gördüyüm filankəsin qızının toyudur ya da atasının 40 mərasimidir, getməsəm ayıb olar". Əslində sənin ora getməyindən nə ölənin yaxınları məmnundur, nə də sən. Onlar üçün də lazımsız yorğunluqdur səni qarşılamaq, sənin oturmağın üçün çadır kiralamaq, qabağıva çay və halva qoymaq və sair. Bəlkə dindirsən lap ölənin özü də baxıb narahat olur insanların yaşadığı bu lazımsız narahatçılıqdan.

13 əjdaha! 22.01.2022 15:44, ibn həzmin dili

#343922 şikayət

azərbaycanda iş elanları

+12 əjdaha

qoyduqları tələbləri qarşıladıqdan sonra belə gicdıllaq ölkədə yaşamağa səbəb yoxdur. tələb etdikləri şeylərin yarısını bilirsinizsə və ingilis dilini də bilirsinizsə gedin başqa ölkədə yaşayın. daha çox maaş alacaq və daha yaxşı yerdə yaşayacaqsınız. hindistanlılar, afrikalılar, çinlilər burdakı vakansiyaların yarısındakı biliklərlə ABŞda, UKdə yaşayır. siz isə hələ rus dilini də öyrənirsiniz ki dördüncü sort bir dünya ölkəsində iş tapasınız.

10 əjdaha! 03.04.2023 12:55, ibn həzmin dili

#369784 şikayət

balta

+13 əjdaha

atəş açmayın mən azərbaycanlıyam?
- bəs niyə o lənət formanı geyinmisən?
zor eliyirəm.
(5'ci seriya).

həqiqətən də o an bir azərbaycanlının bu cavabı vermə ehtimalı böyükdür.
əla serialdır.

11 əjdaha! 08.06.2019 21:00, ibn həzmin dili

#287255 şikayət

azərbaycanda təhsilin geri qalma səbəbləri

+12 əjdaha

maddiyat və ona bağlı psixologiya çox önəmli rol oynayır. azərbaycanda bütün sahələrdə özəl kurslar həm məktəblərdən həm də universitetlərdən daha yaxşı təhsil verirlər. bu açıq faktdır, universitetin sənə 4 il ərzində öyrədə bilmədiyi şeyi hansısa özəl kurs 5 aya, 6 aya öyrədir. bu istəyir riyaziyyat olsun, istəyir ingilis dili, istəyir iT sahəsi, istəyir mühasibatlıq, istəyir dizaynerlik, istəyir rus dili və sairə. bütün sahələrdə belədir. hətta ibtidai sinif müəllimləri də yuxarı siniflərdən fərqli olaraq daha həvəslə, canla-başla öyrədir uşaqları. bunun da arxasında valideynlərin bayramlarda pul yığıb vermələri, hədiyyələr almaları kimi psixoloji səbəblər yatır. repetitor yanında, kurslarda müəllimlər tələbələrə öyrətməyi borc bilirlər, "o tələbədən pul alıram qarşılığında xidmət verirəm" gözü ilə baxırlar məsələyə. məktəblərdə və universitetlərdə isə müəllimlər "dövlətdən maaşımı alıram gəlib leksiyamı deyib gedirəm" gözü ilə baxırlar işlərinə.

maddiyata bağlı digər bir səbəb də budur ki dövlət müəssisələrində maaş az olduğu üçün öz sahəsində güclü şəxslər oralarda dərs demirlər. məsələn mən 300-400 manat qazanacağım universitetə, məktəbə saatlarımı vermərəm, ondansa fərdi uşaq hazırlaşdırsam bundan 7-8 dəfə daha çox gəlir əldə edərəm. ya da hansısa brend kursda müəllimlik etsəm gəlirim yenə daha çox olar. həm də kurslarda tələbələr razı qalmırsa gedib başqa kursda oxuyarlar, bunu görən rəhbərlik də həmən müəllimi işdən çıxarar. yəni rəqabət var, rəqabət isə keyfiyyəti artırır. məktəb və universitetlərdə isə belə söhbət yoxdur, hamı məcburi dərsə gəlir, gəlmirsən də universitetin qozuna deyil sənin verəcəyin pula qalmayıblar ki, bəlkə lap pulsuzda oxuyursan? özəl məktəblərdə, liseylərdə də təhsilin daha yaxşı olma səbəbi budur, yoxsa avropa liseyinə avropadan başqa millətlərdən müəllim gətirmirlər ki.

ən önəmli səbəblərdən biri də budur ki, məktəb və universitetlərdə keyfiyyətsiz təhsil verən müəllimlər özləri də elə o keyfiyyətsiz təhsil müəssisələrində keyfiyyətsiz təhsil alıblar. və universitet və məktəblərdə müəllim olmaq üçün bu keyfiyyətsiz universitetlərin diplomları şərtdir. və universitetlərdə təhsil sadəcə leksiya, əzbərçilik üzərində qurulub. təhsil isə şeir öyrənirmiş kimi əzbərləmək deyil. sən avtomabil təmir etməyi universitetdə kitab əzbərlədib öyrədə bilməzsən, iT sahəsini də, dizaynerliyi də, tərcüməçiliyi də, mühasibatçılığı da.

10 əjdaha! 19.02.2022 20:51, ibn həzmin dili

#345876 şikayət

pozitiv diskriminasiya

+10 əjdaha

Bir qrupa qarşı pozitiv ayrıseçkilik bəzən digərlərinə qarşı neqativ ayrıseçkiliyə bəzi insanlara qarşı edilən haqsızlıqlara çevrilir, məsələn netflix kimi bəzi şirkətlərin etdiyi pozitiv ayrıseçkiliklər elə bu qəbildəndir.

Təsəvvür et sən x bir işdə daha yaxşı olduğun halda o işə qaradərili birisini götürürlər ki artıq bu işə 4 ağdərili götürmüşük 5-cisi qoy qaradərili olsun. Ya da bir iş üçün imtahan təşkil edilir ki ən yüksək nəticə göstərmiş 5 şəxs işə götürüləcək. Sən 5-ci ən yaxşı nəticəni göstərsən də işə 7-ci olmuş qadın götürürlər ki ilk 4-lükdə hamı kişidir qoy birisi də qadın olsun.

10 əjdaha! 07.03.2022 20:19, ibn həzmin dili

#346820 şikayət

ramzan kadırov

+9 əjdaha

putinin həm də çeçenləri necə təlxək bir xalqa çevirdiyini göstərmək və çeçenləri alçaltmaq üçün çeçenistanın başında saxladığı şəxs.

silinmiş entry.

7 əjdaha! 25.02.2022 17:14, ibn həzmin dili

#346246 şikayət

antidepressant

+9 əjdaha

sovet ölkələrində haqqında əsassız miflər olan dərman növü. antidepressantlar asılılıq yaratmır, azərbaycan kimi sovet 3-5 sovet ölkəsindəki bir qisim boomer həkim istisna dünyada heç bir həkim və mütəxəssis antidepressantın asılılıq yaratdığını idda etmir. artıq azərbaycanda da keyfiyyətli təhsilə sahib gənc həkimlər antidepressantların asılılıq yaratdığı mifini rədd edirlər.

işə yaramadığı da boş miflərdən biridir. bu mif də demək olar ki ancaq türkəçarə kayfı yaşayan və istənilən dərmana öcü gözü ilə baxan insanlar tərəfindən müdafiə edilir.

8 əjdaha! 14.02.2022 01:58, ibn həzmin dili

#345548 şikayət

şuşa

+11 əjdaha

hər zaman gözəl havası və təbiətinə görə təriflənən şəhər. bir də azərbaycan mədəniyyətinə qazandırdığı böyük insanlarla, maarifçilərlə tanınıb; Üzeyir Hacıbəyov, Əbdürrəhim bəy Haqverdiyev, Əhməd bəy Ağaoğlu, Azad bəy Əmirov, Nəcəf bəy Vəzirov, Həmidə xanım Cavanşir və sair. Yetişdirdiyi böyük insanlar baxımından yəqin ki Şamaxı və Naxçıvanla bilrikdə ilk üçlüyü bölüşdürürlər.

yaxın gələcəkdə bahalı restoranların, kafelərin, hotellərin, motellərin, vəzifəli şəxslərin bağ evlərinin şəhəri olacaq. onsuz da ərazisi böyük deyil, kiçik ərazisi də istirahətə gəlmiş varlı insanlar və instagramın məşhur valikləriylə dolacaq. bir də ordakı restoranlarda işləyəcək gülərüz ofisant qızlar və bakıdakı ofisantlardan daha çox pul qazandığı üçün şuşada ofisant işləməyi böyük uğur hesab edəcək ofisant qaqaşlarla. bizim millət də öz xarakterinə sadiq qalaraq o valiklərin videolarını paylaşan sosial mediya səhifələrinin şərhlərini dolduracaqlar ki bəs buna görə şəhid vermişik?

8 əjdaha! 21.02.2022 15:58, ibn həzmin dili

#345985 şikayət

bakıda tıxacın səbəbləri

+9 əjdaha

plansız şəhər olması, idarəçilərin xalqın rahatlığını qozlamaması. Əsas səbəb bunlardır. Həm də neft-qaz sektoru üstündə qurulmuş monopolist bir ölkədə bu problemin həlli ölkənin sahiblərinə sərf etmir. Daha çox avtomobil, daha çox benzin satışı, daha çox gömrük pulu, yeyinti üçün tez tez təmirə bağlanan yollar, hər yer dədəsinin ərazisi imiş kimi bina, şadlıq sarayı tikənlərə sərf edir. təbii ki başqa yan faktorlar da var.

Məsələn Əhali sayı. Düzdür əhali sayının təsiri var, bölgələr inkişaf etsə bakıda insan azalsa bu problemin həlli yolunda addım olacaq. amma ərazisi bakıdan kiçik əhalisi isə daha çox olan birçox şəhərdə bakıdakı qədər problem yoxdursa deməli əsas problem əhali sayında yox idarəetmədədir. Demirəm ki bölgələr inkişaf etməsin, etdirilməsini istəyirəm amma dövlət ekspertləri televizyads elə danışır ki sanki günah uşaq doğanlardadır.

Binalar harada gəldi şəklində tikilib və tikilməyə davam edir. bu da avtomobil yollarının da plansızlığına gətirib çıxarır, fərqli yerlərə gedən avtomobillər də yollar da qarışır bir birinə bu da tıxac yaradır. Bina, şadlıq sarayı, mağaza tikənlərə parklanma üçün ərazi ayırmaq şərti olmalıdır. Yoxsa səkilər və yollar olur paklanma ərazisi. Amma nəzarət edən yoxdur ya da bu obyektlərin sahibləri elə nəzarət edənlər özləridir.

Bakıda hər şey 28 may - gənclik ərazisindədir. iş yerləri, kurslar, universitertlər və s. Neftçilər, Əhmədli, Xalqlar, Ulduz və digər yerlərdən yaxşı istifadə edilmir. Şəhər plansızdır və düzgün paylanılmayıb. Hələ metro sisteminin də səhv olması, zolaqların ayrılmaması ucbatından 28 maya daha çox yük düşür.

ictimai nəqliyyat pis gündədir.
Bakıətrafı qəsəbələrlə bakı arasında düzgün əlaqə qurulmayıb. Bir qəsəbədən başqasına gedənin də yolu şəhərin mərkəzindən keçir. Avtobus və taksilər də Hamını 20 yanvar və Koroğluya gətirib tökürlər. Yük bir nöqtədə cəmləşir. Bu da düzgün paylanmayıb.

Metronun zolaqlarını yuxarıda dedim. Metro narahat olduğu üçün insanlar taksi və şəxsi maşına yönəlir. Bakıda metro elə pisdir ki Metro və qatar fanatı birisi olaraq mən də istifadə etmək istəmirəm.
Həmçinin metro stansiyalarının sayı azdır. Sovet dövründən sonra 1 əlin barmağı qədər yeni stansiya açılıb, onların ds bəziləri səhv yerdə. Ətraf qəsəbələrlə, sumqayıtla şəhər mərkəzini əlaqləndirmək üçün yerüstü qatar sistemi də yox kimi bir şeydir. Avtobusların da bir üstünlüyü yoxdur ki insanlar avtobus istifadə etsin. inkişaf etmiş ölkələr insanları ictimai nəqliyyata cəlb etmək üçün onları cəlbedici edir. Bunun üçün avtobus zolaqları yaradılır və ora digər maşınların daxil olmasına icazə verilmir. Nəticədə avtobuslar tıxacda qalmadan hərəkət edir, avtomobillər tıxacda qaldıqda belə avtobus tıxacda qalmır və insanların gözündə cəlbedici hala gəlir. Bizdə isə maşınlar avtobus zolağına çıxır, avtobus da tıxacda qalır. Belə olan halda heç kim avtomobil yerinə avtobusda tıxacda qalmağı seçməz.

Bütün bunlar həll edilsə şəhər xeyli rahatlaşar. Amma Ümumən bütün avtomobillərin tıxacsız hərəkətini təmin etmək və hər addım başı hər maşın üçün parkinq yaratmaq qeyri mümkündür, bunu bacaran dövlət də yoxdur əksinə buna cəhd edən şəhərlər los angeles kimi ən böyük tıxac mərkəzinə çevriliblər. Buna görə də tək altetnativ ictimai nəqliyyatın tıxacsız hərəkətini təmin edib insanlara seçim haqqı verməkdir.

Bir də Müəllimlər maşın sürəndə yollar bağlanır və süni tıxaclar yaradılır.

8 əjdaha! 07.04.2023 13:34, ibn həzmin dili

#370015 şikayət

vasmoy

+12 əjdaha

Vasmoyda böyümüş biri olaraq deyim ki artıq məlum subkulturaların yayğınlığında bölgələr arasında elə də ciddi fərq olduğuna inanmıram. Ola bilsin hələ də vasmoyda qanuni oğru olmaq istəyən ərgənlərin sayı nərimanovla falan müqayisədə hələ də çoxdur amma 2000lərin əvvəlindəki abu hava yoxdu. Gənclər pozulub petuxlaşma gedir e brat djfjfj. Zarafat bir kənara internet və facebookun türk qrupları sağolsun yeni nəsilin maraq dünyası daha fərqlidir. Ölkənin avtoriterləri belə şou biznes kimi youtubeda vaxt keçirdiyi bir dövrdə stirimit edən ərgənlər də əvvəllər olduğu kimi xalqlar metrosunun qabağında və məktəblərin həyətlərində yox instagramda vaxtlarını keçirirlər bu da bölgələr arasında say tarazlığına səbəb olur. Artıq bakının hər yerindən rahat strimliyaqa ola bilərsiniz, bəzi bölgələrdə böyüyüb xüsusi kruqa düşmək məcburiyyətiniz yoxdur (baxma: internetin nemətləri).

Bundan 10-15 il qabaq neftçilərdə naxçıvanski küçəsindəki məhəllələrdə gecə çölə çıxırdın camaat əlində iynə otururdu. Söhbət Vasmoyski də o tərəfdə yaşayıb elə, indiki nazlı sarayın qarşısındakı 9 mərtəbədə. Məktəbə gedib gəldiyim kəsə bir yol var idi, qarajlar, köhnə bağça falan orda dəfələrlə bağımlıların narkotik gizlətdiklərin, köhnə bağçaya gedib iynə vurduqların görmüşdüm. Bir dəfə də məktəbə gedəndə 2 gijdıllax oturmuşdu mənə baxıb danışırdılar biri dedi oxuyacaq alim olacaq, o biri xiyar da dedi yox narkaman olacaq. Yadımdan çıxmır ibtidai sinifdə oxuyurdum o vaxt. Narkaman olmadım çox şükür. Alim də deyiləm amma belə proqramçı da pis deyil.

Bizim məktəbdən, məhəllədən bəzi ərgənlərin də bir parçası olduğu kruq deyilən bir şey var idi, ərgən deyirəm amma haqların yeməyək maşın oğurluğundan adam bıçaqlamağa kimi işləri də var idi. 8-9.cu siniflərdə oxuyanda məndə də o kruqa qoşulmaq eşqi yaranmışdı hətta yaxşı ki qoşula bilmədim, asosyallıq izləri o vaxtdan var idi dvijeniya edə bilmirdim elə o vaxtdan komputer kitabları falan alıb başımı qatırdım. Onların çoxu türməyə də düşdülər, yatıb çıxanları da oldu. indi də məhəlləmizdən və yaxın məhəllələrdən müxtəlif səbəblərdən içəridə olanlar var amma əksəriyyəti 90lar və üzəri nəsildir. 10-15 il qabaq ümumi abu hava belə idi amma indi o cür deyil, z nəsli azrep özəntiləri falan və bənzəri tiplər yayğındır düzdür deyəcəksiniz ki azrep də qaqalaşır amma yenə də o qaqalarla bu qaqalar arasında ciddi fərq var.

11 əjdaha! 01.02.2022 23:46, ibn həzmin dili

#344783 şikayət

xaricilərin azərbaycanı tanıması

+9 əjdaha

Heç bir poxa yaramayan bir fel. Mən də mozambiki tanıyıram və bunun Mozambiklilərə heç bir faydası yoxdur. Əgər gedib Mozambikdə bir şirkət açsaydım Mozambiklilər işləyib pul qazansa idi onda onlara faydası olardı. Yoxsa belə mən tanısam nolacaq, tanımasam nolacaq? Avstraliyada yaşayan Johnun da Azərbaycanı tanıyıb tanımamasının bizə bir təsiri yoxdur.

30 ildir ölkə tanıdılır qaqa deyə deyə milyardlarla pul xərclənib, kim gəlib 5 qəpiklik götlü-başlı yatırım qoyub? Hansınız gedib o şirkətlərdə işləyib 5 manat qazanmısınız? Ancaq ingilislərin, fransızların neft qopartmaq üçün bpsini zadı saymasaq heç kim gəlməyib. Onlar da formula 1, eurovisionla tanımayıblar adamlar hələ sovet ittifaqı qurulmazdan əvvəl gəlib neft daşıyır. Onsuz da yatırım edən adamalr eurovision, formula 1 ilə ölkə tanıyıb seçmirlər orası da ayrı.

Həm də gəlib formula 1 üçün turist gəlir deməyin. Gəlib nə qədər pul xərcləyirlər? Yarışların keçirilməsinə xərclənən pul qat qat daha artıqdır. Müstəqillik dövründən bu yana ümumən turistlər nə qədər pul gətirib, və bu yarışlara nə qədər xərclənib? Sırf Avstraliyada, nikaraquada kiminsə tanıdığı ölkə sayı 1 ədəd çoxalsın deyə bu qədər pul xərcləməyə dəyər?

8 əjdaha! 29.04.2023 22:40, ibn həzmin dili

#371415 şikayət

ayağı biləcəridən o tərəfə dəyməyib azərbaycanı pisləyən tiplər

+10 əjdaha

2022-ci ildə yaşadığımızı nəzərə alsaq çox normal olan tiplərdir. sən məni tanımaq üçün illa ki real həyatda məni görmək məcburiyyətində deyilsən, bir müddət yazışsaq, 1-2 dəfə skype`da danışsaq, 1-2 ay paylaşımlarımı izləsən məni tanıyarsan. sosial mediada 2 ay türk səhifələrində, qruplarında, youtubeda türk kanallarında gəzsən, sorğulara baxsan və xəbərlərini izləsən türkiyə cəmiyyəti haqqında ümumi fikrin formalaşacaq, eynisi rusiya, birləşmiş ştatlar, hindistan və digərləri üçün də keçərlidir. maaş, market qiymətləri, idmanda və elmdəki vəziyyətləri haqqında da asanlıqla internetdən məlumat tapa bilərsən. belə olduğu təqdirdə azərbaycanlılar və türkləri müqayisə etmək üçün illa gedib ayasofya qabağında şəkil çəkdirib gəlmək məcburiyyətində deyilsən. biləcəridə oturub abş`ın televizya kanallarına da baxa bilərsən, hollywood filmlərini də izləyə bilərsən, nba draft seçimlərini də. lap otağımdan çölə çıxmamış olsaydım azərbaycan haqqında da fikir bildirə bilərdim. iki futbol klubunu müqayisə etmək üçün gedib hər ikisinin oyunlarına stadiondan baxmalıyam? wtf?

üstəlik belə düşünənlərə görə ən az neçə ölkədə və hər birində nə qədər müddət olmalısan ki azərbaycanı pisləyə biləsən? gedib 2 gün və ya 1 həftə britaniyanın görməli, gəzməli yerlərinə baxıb qayıdanda britaniya cəmiyyəti haqqında məlumat sahibi olmursan axı. belə düşünənlərə görə o zaman gedib ən azı 2 ay, 3 ay britaniyada yaşamalısan? onda da deyəcəklər ki sən ancaq britaniya və azərbaycanı müqayisə edə bilərsən axı başqa ölkələrdə yaşamamısan ki hamısı haqqında fikir bildirəsən, azərbaycan britaniyadan pis ola bilər amma bəlkə yerdə qalan 2362365723 ölkədən daha yaxşıdır?! onda da belə çıxır ki belə düşünən axmaqlara görə işimizi gücümüzü atıb hər 2-3 aydan bir başqa ölkədə yaşamalıyıq ki illər sonra azərbaycanı pisləmə haqqımız olsun.

8 əjdaha! 27.01.2022 14:17, ibn həzmin dili

#344310 şikayət

pişik

+7 əjdaha

Pişiklər haqqında belə bir məlumat çıxdı qarşıma; Pişiklər itlərdən fərqli olaraq hələ də tam "ev heyvanı" olmayıblar, bizi öz sahibləri, insan olaraq yox onlar üzərində basqı quran və ya liderlik edən böyük pişik hesab edirlər.

3 əjdaha! 04.06.2022 11:21, ibn həzmin dili

#350900 şikayət

gədəbəydə toyu olan 17 yaşlı qız

+9 əjdaha

Bizim ölkədə qadın hüquqları göt baş işləyir deyə bu problemlər heç vaxt düzəlməyəcək.

Ailələr, həyatlar 2 cür olur. Biri kənddə zorla məcbur evləndirilən qızlarınki, o biri də tam sərbəst azad yaşayan qızlarınki. Guya qadın haqları, qadınlara dəstək məqsədli qurumlar, təşkilatlar birinci nümunədəki həyatları göstərib duyğu sömürüsü edir ki bu problemləri həll etmək lazımdır. Razıyam, həll etmək lazımdır. Amma bu qurumlar belə qızların problemlərini həll etmir, əksinə gedib almaniyada, kanadada ya sabah qruplarında oxumuş qızlara gic-gicə karyera dəstəyi zad verir və adını da qoyur ki qızların problemləri həll edilir. Elə bu qurumların, təşkilatların başındakılar da ikinci nümunədəki həyatları yaşayanlardır. Birincilərin üzərindən prim yığıb özlərinə xərcləyirlər. Dünyanın ən mənfəətçi, ən fırıldaqçı xalqıyıq.

8 əjdaha! 29.04.2023 12:09, ibn həzmin dili

#371395 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 3409

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 3416

ibn həzmin dili

son bəyənilənlər:

oxuyucuların bəyəndikləri:

ibn həzmin dili

Post Ardıcıllığı

Yazı Saatları

Səviyyə Sistemi

Yazı Statistikası

son bəyənilənlər:

oxuyucuların bəyəndikləri: