ibn həzmin dili

269 0 0 0

8. nəsil yazar

Entry: 269

blok başlıqlarını gizlət

azərbaycanda iş elanları

çərkəz soyqırımı

joe biden

1992 los angeles hadisələri

pakistan

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

natamamlıq kompleksi

+23 əjdaha

müasir dövrdə ən geniş yayılmış psixoloji narahatlıq. bu kompleksdən əziyyət çəkənlər öz həyatlarından çox da razı deyillər və özlərini daim sübut eləməyə çalışırlar. zəiflik kompleksinə sahib insanlar özlərini sübut etmək üçün özlərini daha üstün göstərməyə bir başqa sözlə özlərini aldatmağa ətrafdakıları qıcıqlandırmağa, hərkəsdən fərqli olduqlarını isbat etməyə çalışırlar. məsələn zövqünə oxşadığı üçün yox sırf digərlərindən fərqli görsənmək üçün hər hansı bir musiqi növünü zorla dinləməyə çalışmaq da bu kompleksin təzahürlərindən biri ola bilər.

18 əjdaha! 20.02.2019 18:15, ibn həzmin dili

#283642 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

kibertəhlükəsizlik karyerası qurmaq istəyənlərə məsləhətlər

+26 əjdaha

burda sadəcə işə girmək istəyənlər yox eyni anda sahəni öyrənmək yəni hacker səviyyəsinə çatmaq istəyənlər üçün məsləhət verəcəm. Yoxsa işə girmək üçün sadəcə Sumqayıt Dövlət Universitetinin diplomu ya Ukraynadan attestatla alıb təsdiq etdirdiyiniz diplom da bəs edə bilər. Onsuz da Kibertəhlükəsizlik ən çox havayı maaş yeyilən sahədir, 4-5 log əzbərləyib maaş alarsınız. Həm Kibertəhlükəsizliyin iso standartları belə gəldi ekə getdi zırt pırtla məşğul olan gic-gicə qolları da doludur, audit kimi gəzərsiniz.

proqramlaşdırmadan başlamayın. googleda, forumlarda çox insan sizə "əvvəl güclü proqramçı olmaq lazımdır" deyəcək. və siz də gedib web vəya mobil developerlik öyrənəcəksiniz. və sonra bunun kibertəhlükəsizliklə heç bir əlaqəsi olmadığını görüb peşman olacaqsınız. çox insan tanıyıram ki mənim kimi bu yola səhv çıxıb və səhvən backend proqramçı olub.

proqramlaşdırma geniş anlayışdır. şəbəkə və sistem inzibatçılığında da, kibertəhlükəsizlikdə də, hətta paltaryuyan, qabyuyan hazırlayarkən də istifadə olunur. amma hamısının proqramlaşdırması çox fərqlidir, bir birlərilə əlaqələri yoxdur. bu məlumatı yadda saxlayın və developer olmayın.

qulağınıza nə qədər qəribə gəlsə də hətta web security üçün də web developer olmağa ehtiyac yoxdur. sadəcə az sayıda ortaq bir neçə şey var ki security ilə məşğul olanlar bunu bilməlidir.

bəs necə başlamaq lazımdır və necə bir yol izləmək lazımdır indi keçək buna. həm də biraz sertifikatlar haqqında da məlumatlar vermək istəyirəm. bu roadmapı həm oscp səviyyəsini keçmiş ciddi yerli və türk mütəxəssislərdən soruşub həm də internetdə ciddi ingilisdilli kanallardan araşdırıb qərarlaşdırmışam. siz də o kanallara baxsanız çoxu belə roadmap verir.
kibertəhlükəsizlik sahəsini öyrənmək istəyənlərin belə bir roadmap izləməsi daha doğru olar:

ilk addım: ilk öncə IT fundamentals öyrənin. Helpdesk deyilən sahəni.
Bu sahədə ən önəmli sertifikat CompTia IT Fundamentals sertifikatıdır. Cisco IT essentials, Google IT support və başqa sertifikatlar da var, bəzilərinin tədris proqramı comptiadan daha çətin və professionaldır amma imic və ad olaraq comptia daha çox rəğbət görür. bu addımda sertifikat almasanız da olar əsas olan biliklərdir. helpdesk sertifikatına çox da baxılmır.

addım 2: Şəbəkəyə, internetə aid giriş məlumatları öyrənin. OSI model və TCP/IP stack nədir və niyə var, layerləri haqqında xırda bilgilər, ip və mac adreslər haqqında təməl bilgilər, brouser nədir, internet nədir, lan nədir, hostinq nədir, şəbəkə cihazları (router, switch, serverlər falan) haqqında bilgilər.

burda xüsusi bir sertifikat yoxdur. çünkü bu addıma geri qayıdacağıq sertifikatlar da onda olacaq.

addım 3: Kibertəhlükəsizlik haqqında giriş bilgiləri öyrənin. Viruslar və onları tapmaq, antiviruslar, şəxsi komputerlərdə və şəbəkə cihazlarında təhlükəsizlik üçün nələr edirlər, firewall zad nədir, byod, iot, kiber hücum növləri hansılardır, sosial mühəndislik, kriptoqrafiyaya giriş, əməliyyat sistemləri ilə biraz dərindən işləmək və sair.

burda comptia security + sertifikatını əldə edə bilərsiniz. məncə bu da lazımsız sertifikatdır amma cv`yə əlavə etmək olar. niyə lazımsızdır ? çünki sizin sadəcə kibertəhlükəsizlikdə filan filan hücum növləri zad olduğunu bildiyinizi göstərir.

addım 4: Şəbəkə inzibatçılığını giriş səviyyədə öyrənmək. OSI və TCP/IP stackı və qatmanlarını ayrı-ayrılıqda ciddi öyrənin. Paketlər və protokollar haqqında ciddi öyrənin, necə işləyirlər falan tcp-udp, http, arp və sair hamısı. hətta simulatorda aşın baxın. şəbəkə qurmağı öyrənin, bu işinizi çox asanlaşdıracaq. Çünki kibertəhlükəsizliyin yarısından çoxu şəbəkələrə sızmaqla bağldır. vlan və digər mövzuları öyrənin, şəbəkə inzibatçıları hansı təhlükəsizlik addımlarını atır onları öyrənin və sair. siz öyrənməyə başlayanda osnsuzda mövzular nədir görəcəksiniz hamısını sadalamğa ehtiyac yoxdur.

bu addımda 2 əsas sertifikat var. Comptia Network + və CCNA. burda mən CCNA məsləhət görürəm çünki şəəbəkə dünyası Cisco şirkətinin hegamonluğundadır və cisco sertifikatları daha prestijli səslənir. burda sertifikat alsanız yaxşı olar. bu artıq keçərliliyi olan sertifikatdır.

addım 5: linux. həyatınızdan bir müddət linuxdan başqa hər şeyi çıxarın və linux öyrənin. kibertəhülkəsizlik mütəxəssisləri windows və macos istifadə etmir.

bu addımda da sertifikatlar var amma pul xərcləməyə dəyməz.

addım 6: Proqramlaşdırmaya burda başlayın. Python dilinin syntaxını və azca daha çoxunu öyrənin. səhvən django ilə backend öyrənməyin.

addım 7: başlayın hack etməyə və beləcə hack etməyi öyrənəcəksiniz. part six, tryhackme, hackthebox və s istifadə edin. hackləməyi öyrənin

ceh, comptia pentest +, ejpt kimi sertifikatların mövzularını öyrənin. bu sertifikatlar sizin artıq toollardan istifadəni bildiyinizi, hack etmə yolunda irəllədiyinizi, qeyri professional şəbəkələrə sıza bildiyinizi göstərir.

addım 8: öyrənməyə davam edin.

OSCP sertifikatı almaq səviyəsinə çatın. Bu sertifikat artıq sizin hack etməyi bacardığınızı göstərən ilk sertifikatdır. bu səviyyədə artıq özünüzü hacker hiss edə biləcəksiniz. söhbət fişinqlə profil zad qırmaqdan getmir, bahalı şəbəkə cihazlarını və sizdən daha güclü şəbəkə biliyi olan şəxslər tərəfindən hazırlanan şəbəkəni aşmaqdan , yni işləyəcəyiniz şirkətin şəbəkəsinə sızıb ziyan verə biləcək səviyyədən gedir. o hiss necədir bilmirəm amma belki bir gün. bu sertifikatı alana qədər onsuzda iş tapacaqsınız, çox uzun oldu deyə narahat olmayın. onsuz da kibertəhlükəsizlik mütəxəssilərinin 90 faizindən çoxu hack etməyi bacarmır.

addım 9: həmişə öyrənməyə davam edin.

əlavə: sertifikatlar niyə lazımdır? əslində lazım deyil amma karyera üçün təəssüf ki lazımdır. sizin cv`lərinizə hackerlər yox hr`lar baxacaq, çox zaman sizinlə iş görüşməsinə də onlar qatılacaq. əlində qəhvəsi, qələmi, klassik geyimi olan sıxıcı hr xanımlar şəbəkədən, kibertəhlükəsizlikdən, sysadminlikdən anlamalı deyillər və mövzulardan xəbərsizdirlər. siz onlara nəyisə bildiyinizi ancaq sertifikatlar və keçmişdə işlədyiniz yerlərin adları ilə göstərə bilərsiniz buna görə də sertifikatlara pul xəcləmək lazım olacaq. bu sertifikatlar ucuz deyil, çoxunun imtahanına giriş qiymətləri 300-400 dollardan başlayır. kaşki iş görüşmələrində sizi həmişə aytişniklər qarşılayardı amma təəsüf ki çox yerdə ancaq hr`lar olur.

20 əjdaha! 03.04.2023 14:41, ibn həzmin dili

#369789 şikayət

bakı metropoliteni

+19 əjdaha

Dünyada süni şəkildə basabas yaradılan tək metro. Və basabası azaltmaq üçün düşüklük edilən tək metro.

Əvvəla deyim ki vaxtaşırı qiyməti qaldırırlar ki guya keyfiyyət də artsın amma daha da pisləşir. Əslində ictimai nəqliyyatın büdcəsi normal ölkələrdə müştəri pulu ilə yox dövlət subsidiyaları ilə formalaşır amma lənət şeytana. Milləti loxlayırsız heç olmasa xidmət də göstərin də.

Deməli metroya minmişdim qatarlar gəlir 4-5 dəqiqədən bir. Bir qatardan bir də gedir bakmilə. Beləcə 1 qatar üçün 3 qatarlıq adam yığılır.

Basabası azaltmaq üçün də ayrı əziyyət verirlər. Çarəni metroya girişi məhdudlaşdırmaqda tapıblar. Əvvəllər stansiyalara giriş üçün 4 qapı olurdu indi məsələn 28 mayda girişdən 2 qapını bağlayıb ediblər çıxış halbuki ordan çıxan olmur qapıya da giriş yazılıb. Guya çanta yoxlamaq üçün qoyduqları aparatların da elə əsas məqsədi təhlükəsizlik yox girişi məhdudlaşdırmaqdır. Cəmi 1 aparat qoyurlar hamı bir-bir daxil olur. Halbuki bunu daha yaxşı texnologiya ilə sürətləndirmək olardı. Başqa texnologiya cəhənnəm elə bu zibildən bir yox bir neçəsini qoysalar yenə bəs edərdi. 1 aparat qoyursunuz başına da 50 polis heç olmasa başqa aparatlar da qoyun aparar başına 10-15 polis düşsün də.

16 əjdaha! 07.04.2023 14:18, ibn həzmin dili

#370016 şikayət

azərbaycanda iş elanları

+19 əjdaha

Hər 20 iş elanından 19-nu kassir, satıcı, ofisant, təmizlikçi dördülüsü təşkil edir.

Bunun da əsas səbəbi ölkədə azad bazarın olmamasıdır. Sahibkarlar sadəcə mağaza, restoran, kafe və ya taksi şirkəti aça bilirlər. Bunların da verəcəyi işlər yuxarıdakı dördlü və taksi sürücüsü olacaq da başqa nə olacaq ki? Qalan bütün sektorlar yaınızca dövlətin əlindədir. Ölkədə milyonçu təbəqəsi yoxdur, oliqarx təbəqəni sadəcə dövlət məmurları təşkil edirlər. Fransanı, Britaniyanı, ABŞı demirəm elə qonşu Türkiyə və Rusiyadakı kimi Koç ailəsi, Sabancı ailəsi, Abramoviç və sair kimi bir təbəqə yoxdur ki bu, ölkələrdə olduğu kimi Azərbaycanda da zavodlar, fabriklər aça. Belə ailələr niyə yoxdur? bu artıq ayrı həm də maraqlı məsələdir. Səbəbilə maraqlananlar Türklərin "çökme ekonomisi" dediyi bir şey var e, onu araşdırmaqla başlaya bilərlər.

14 əjdaha! 04.03.2022 04:35, ibn həzmin dili

#346600 şikayət

azərbaycan polisi

+19 əjdaha

azərbaycan xalqı onsuz da səviyyəli, normal düşüncəli xaql deyil, polislər də əsasən bu xalqın ən aşağı səviyyəli təbəqəsindən yığılıblar. təhsilimiz ürəkaçan səviyyədə olmasa da yenə az-maz da olsa nələrsə verir, universitet mühiti falan az da olsa dünya görüşü də qatır adama. polislər isə əsasən təhsil ala bilməyən, əlində başqa sənəti olmayıb boyum buxunum çatır gedim heç olmasa polis olum deyən və daha çox da uşaqlıqdan təhsili atıb idmanla məşğul olan insanlardan ibarətdirlər deyə daha da iyrənc haldadırlar. mma, güləş zallarına getsəniz orada ömrü boyu əlinə kitab almamış, özünü biraz dağıstanlılara oxşadan, təhsil almayıb, dünyayla maraqlanmayıb bütün diqqətini idmana verən yaxçı qaqalar, uşaqlar, gənclər görəcəksiniz, bax onların çoxu gələcəkdə polis olacaq. o zalda dərs keçən məşqçi də ara-sıra yaxşı turnirlərə qatılan, mitinqlərdə də polis kimi fəaliyyət göstərib camaatı döyən birisi olacaq. bir də inək satıb puluna polis olan yekəpər kənd uşaqlarından ibarətdirlər.

cəmiyyətin ən səviyyəsiz , ən cahil kəsimindən ibarət olan topluluqdan nə gözləyirsiniz ki? nə özlərin küçədə aparmaq mədəniyyətləri olmayacaq, nə danışıq mədəniyyətləri olmayacaq, nə də hansısa insani dəyərləri anlayacaq qədər şüurları olmayacaq.

16 əjdaha! 25.02.2022 17:42, ibn həzmin dili

#346249 şikayət

intihar etməmək üçün səbəblər

+18 əjdaha

intihar edəcəm deyərkən iflic qalmaq qorxusu.

17 əjdaha! 12.05.2022 16:36, ibn həzmin dili

#349749 şikayət

tehranda it gəzdirməyin qadağa edilməsi

+14 əjdaha

qadağalar coğrafiyasında yerləşən qadağa respublikasının yeni qanunu. tehranda itlərin küçədə, parkda gəzdirilməsi və maşınla bir yerdən başqa yerə aparılması qadağa edildi. faktiki olaraq itlərə ev həbsi cəzası verilib, bu da bu heyvanlara əziyyətdir. verdikləri qanun molla rejiminin səviyyə və dünya görüşünü yene bəlli etdi. qanunun kökündə dayanan əsl səbəb molla rejiminin evdə it saxlamağı haram hesab etməsidir, və belə qanunlarla öz ağıllarınca insanları haramdan çəkindirirlər. faşist zehniyyət bax budur, hamı mənim kimi düşünsün, hamı mənimlə eyni dinə inansın və bu dinə də mənimlə eyni cür inansın zehniyyəti.

12 əjdaha! 31.01.2019 12:14, ibn həzmin dili

#282715 şikayət

əhzab surəsi 59

+14 əjdaha

quran kitabındakı ayələrdən biri.

ayənin təfsiri ilə bir az maraqlandım və məncə kitabdakı ən iyrənc ayələrdən biridir.

türkiyənin dəyanət işləri başqanlığının hazırladığı quran yolu adlı təfsirdə özət olaraq belə yazır ki; gecə vaxtı qadınlar ayaqyoluna getməli olurmuş onda da münafiqlər bu qadınlara söz atırmışlar, əlləyirmişlər və sairə. sonra da deyirmişlər ki "elə bildik ki cariyədilər yəni kölədirlər ona görə belə etdik". Məhəmməd də bunlara başa salmaqdan ki "ay xiyarlar, məgər kölədir deyə əlləməlisiniz, söz atmalısınız?" oturub bir ayə uydurur ki hür qadınlar başların bağlasınlar və kölələrdən ayırd edilsinlər , əlləyənlər də ancaq kölələri əlləsin.

qurtubi təfsirinin türk dilinə tərcüməsinə də baxdım orda da ayənin eniş səbəbi belə izah edilib.

sonra da islamda köləlik var deyəndə dindarlar başlayır ki ay islamda kölələrə belə dəyər verilir, elə dəyər verilir.

12 əjdaha! 10.02.2022 17:43, ibn həzmin dili

#345348 şikayət

hacı zeynalabdin tağıyev

+16 əjdaha

Tez-tez saxta xeyriyyəçilik hekayələri ilə gündəmə gələn milyonçu. Düzdür, doğru xeyriyyəçilik əməlləri də var amma sosial mediada əsasən almaniyada restoranla 100 illik müqavilə, pakistana vaksin kimi uydurma hekayələrlə gündəmə gəlir.

Bir də öz dövrünün azərbaycanlı ziyalıları ilə yaşadığı münaqişələrlə diqqətimi cəlb etmiş milyonçu. Əhməd bəy Ağaoğlu, Cəlil Məmmədquluzadə, mühəndis Behbudov, Əbdürrəhim bəy Haqverdiyev, Nərimanov və sair. Hacının döydürtmədiyi vəya dalaşmadığı ziyalı qalmayıb. Bir də Behbudov məsələsindən sonra bütün qarabağlıları işdən çıxartdırmasını da bura əlavə etsək Hacı gözümdə heç də müsbət bir obraz olaraq canlanmır. Molla Nəsrəddin jurnalında Tağıyev haqqında karikaturalar, Mehdi Hüseyn'in Səhər əsərində Tağıyev haqqında fikirlər, Üzeyir bəyin "O olmasın, bu olsun"undakı Məşədi ibad obrazı, Əhməd bəy Ağaoğlu ilə Əli bəy Hüseynzadə arasındakı fransız dilində olan məktublaşmalar və digər bənzər materialları bir arada düşünəndə, dövrünün ziyalılarının gözündə də Hacının çox müsbət bir obraz olmadığını fikirləşirəm.

13 əjdaha! 20.01.2022 00:58, ibn həzmin dili

#343734 şikayət

şərəfsizliyə haqq qazandırmaq üçün qurulan cümlələr

+12 əjdaha

Yaxşı at özünə qamçı vurdurmaz.

Təhqirə layiq insanların ən çox istifadə etdiyi atalar sözlərindən biri. Harada bir şərəfsizlik videosu, xəbəri görsəm altında bu atalar sözünü şərh kimi yazanları da görürəm.

9 əjdaha! 14.04.2023 01:15, ibn həzmin dili

#370391 şikayət

yas mərasimi

+13 əjdaha

Təsəvvür edin. Sənin anan, atan və ya qardaşın, bacın vəfat edib sənin isə dərdivə bax; Uzaq qohumlar, əslən eyni kənddən olduğun adamlar gələcək, sən bunların oturması üçün çadır kiralamalısan ya da mərasim evi. Görəsən stulların sayı çatacaq mı? Yemək məsələsini necə həll edək? Bunların xərcini qarşılamaq məsələsini qoy qırağa, yaxın birisini itirmənin verdiyi acı və beyin yorğunluğu ilə çadır axtarmalısan, mərasim evi axtarmalısan, vaxtını, quraşdırılmasını danışmalısan. Bu cür işləri adətən pul qarşılığında görərlər, hər hansı bir şirkətdə, qurumda. Şirkət daxili və ya xarici iş görüşmələri üçün məkanları, restoranları təşkil et əvəzində maaşını al. Belə bir işdə işləsən Anan, atan vəfat etdiyi gün sənə əmək haqqı ödəyən şirkət də heç o gün belə işlərlə məşğul olmağıvı istəməz, səni başa düşərlər get dincəl, toparlan sonra işə gələrsən deyərlər. Belə bir iş qarşıva çıxsa bəlkə heç bəyənməzsən də, deyərsən ki "azdır maaşı, dəyməz bu qədər əziyyətə". Amma indi bu işi görürsən üstünə bir də xərcini də öz cibindən qarşılayırsan, özü də anavı itirdiyin gündə. Anavı itirməyin acısını yaşamaq istəyirsən, tək qalıb ağlamaq istəyirsən amma fikir imkan vermir ; görəsən nə qədər adam gələcək, stulların sayı çatacaq mı?

12 əjdaha! 22.01.2022 16:16, ibn həzmin dili

#343923 şikayət

balta

+13 əjdaha

atəş açmayın mən azərbaycanlıyam?
- bəs niyə o lənət formanı geyinmisən?
zor eliyirəm.
(5'ci seriya).

həqiqətən də o an bir azərbaycanlının bu cavabı vermə ehtimalı böyükdür.
əla serialdır.

11 əjdaha! 08.06.2019 21:00, ibn həzmin dili

#287255 şikayət

rusiya deyəndə ağıla gələnlər

+10 əjdaha

həm müsbət həm də mənfi şeylər.

(baxma: lomonosov)
(baxma: mendeleyev)
(baxma: dostayevski)
(baxma: tolstoy )
(bax: pyotr iliç çaykovski )
(bax: anton çexov)
(bax: nikolay qavriloviç çernışevski)

yuxarıdakılar indiki rusiyadan daha çox rus millətinin tarixinə aiddir əslində. indiki rusiya ilə bağlı ağlıma gələnlər isə aşağıdakılardır:

(bax: qanuni oğrular)
(baxma: bazarda pomidor kartof satan azərbaycanlı kəndlilər)
- mitinqləri dağıdan polislər, işgəncə.
- şimali qafqazlı idmançılar
- valiklər və ya seks işçiləri
- sovet təfəkkürlü boomerlər.
- adidas geyimli dazbaş xiyarlar
(bax: aleksey navalniy)
(bax: pussy riot)
(bax: pavel durov )
(bax: oleg trofim)
(baxma: sivilləri bombalayan qırıcı təyyarələr)
(bax: şahmat)
(bax: proqramlaşdırma)
(baxma: xakerlər)
(baxma: Ransomware Evil)
(bax: homofobiya)
(bax: wagner group)
(baxma: m.v.lomonosov adına moskva dövlət universiteti)
(bax: vkontakte )
(bax: odnoklassniki.ru)
(baxma: çto? qde? koqda?)
(bax: roman abramoviç)
(bax: kvn)
(bax: çərkəz soyqırımı)
(bax: 20 yanvar 1990-cı il hadisələri)

- bəşər əsəd, şimali koreya, türkmənistan, kuba, venesuela kimi ən yobaz və qeyri demokrat ölkələrin və ya rejimlərin ən yaxın dostu və qoruyucusu
- dağlıq qarabağ, osetiya, abxaziya, dnestryanı respublika.

9 əjdaha! 02.03.2022 01:48, ibn həzmin dili

#346481 şikayət

türklərin sevilməyən cəhətləri

+13 əjdaha

özlərini müasir, ölkələrini isə avropa ölkəsi hesab edirlər amma əslində özləri çuşka ölkələri isə yaxın şərq ölkəsidir.

13 əjdaha! 06.05.2022 03:11, ibn həzmin dili

#349502 şikayət

venesuela

+11 əjdaha

bu ölkədəki hadisələrə münasibət bildirərkən hal hazırda anti amerika ədəbiyyatı edənlərin unutduğu şeylər çoxdur. bu adamlar dünyada ancaq amerikada problem axtarır. bir ölkənin dövlət başçısının amerikapərəst olması kimi rusiyapərəst olması da ve başqaölkəpərəst olması da ayıbdır. necə ki rusiyanın, türkiyənin vemesuela da öz maraqları var amerikanın da orada maraqlarının olması normal bir şeydir. maduronu dəstəkəlyən rusiya, türkiyə onun nə qara qaşına gözünə aşıq olmayıb nə də venesuelanın rifahın düşünmürlər. məsələn türkiyə öz şirkətləri ilə venesuela arasında razılaşan qızıl yataqları məsələsinə görə gəlir əldə etmək üçün maduronu istəyir. rusiya da orada neft yataqları ilə öz şirkətlərinin ticarətinin dərdindədir və orada hərbi baza açmaq razılığı əldə edib buna görə maduronu dəstəkləyir. amerika da maduronun devrilməsini buna görə istəyir ki rusiya ağzının dibində hərbi baza açmasın və rusiya iqtisadiyyatına çomaq soxsun. yoxsa anti amerika ədəbiyyatı edənlərin xəyallarındakı kimi nə maduronun, sosializmin olmayan siyasi, iqtisadi uğurların qısqanmırlar, nə də maduro pəhrizi ilə formaya düşən venesuelalıların fit bədənlərin qısqanmırlar.

venesuela xalqı da sırf sosializm ədəbiyyatı ayağına ac qalmaq bahasına amerikaya qarşı gələcəm deyə ölkəni amerikaya yox amma başqa bir ölkəyə , 70in 30a neft, qızıl müqavilələri ilə, ölkədə hərbi bazalar açmağa razılaq verməklə rusiyaya satmaqda olan maduronu dəstəkləmək məcburiyyətində də deyillər.

8 əjdaha! 26.01.2019 19:02, ibn həzmin dili

#282422 şikayət

azərbaycanda formula 1 yarışlarının keçirilməsi

+12 əjdaha

Yaxınlıqdakı məktəblər buna görə online təhsil sisteminə keçirlər. Başqa ölkədə bu hadisəni danışsan bizə götləriylə gülərlər, bizimkilər amma yapışıb ki ölkə tanıdılır.

Digər ölkələrdə bu yarışma suburban ərazilərdə keçirilir. Məsələn Birləşmiş Ərəb Əmirlikləri bu yarışmanı süni bir ada olan yas adasında keçirir daha dubayın, əbu dabinin ortasında yox. Bizimkilər isə şəhərin ortasında keçirib günlük həyata mane olur.

11 əjdaha! 29.04.2023 19:08, ibn həzmin dili

#371408 şikayət

şuşa

+11 əjdaha

hər zaman gözəl havası və təbiətinə görə təriflənən şəhər. bir də azərbaycan mədəniyyətinə qazandırdığı böyük insanlarla, maarifçilərlə tanınıb; Üzeyir Hacıbəyov, Əbdürrəhim bəy Haqverdiyev, Əhməd bəy Ağaoğlu, Azad bəy Əmirov, Nəcəf bəy Vəzirov, Həmidə xanım Cavanşir və sair. Yetişdirdiyi böyük insanlar baxımından yəqin ki Şamaxı və Naxçıvanla bilrikdə ilk üçlüyü bölüşdürürlər.

yaxın gələcəkdə bahalı restoranların, kafelərin, hotellərin, motellərin, vəzifəli şəxslərin bağ evlərinin şəhəri olacaq. onsuz da ərazisi böyük deyil, kiçik ərazisi də istirahətə gəlmiş varlı insanlar və instagramın məşhur valikləriylə dolacaq. bir də ordakı restoranlarda işləyəcək gülərüz ofisant qızlar və bakıdakı ofisantlardan daha çox pul qazandığı üçün şuşada ofisant işləməyi böyük uğur hesab edəcək ofisant qaqaşlarla. bizim millət də öz xarakterinə sadiq qalaraq o valiklərin videolarını paylaşan sosial mediya səhifələrinin şərhlərini dolduracaqlar ki bəs buna görə şəhid vermişik?

8 əjdaha! 21.02.2022 15:58, ibn həzmin dili

#345985 şikayət

ramzan kadırov

+9 əjdaha

putinin həm də çeçenləri necə təlxək bir xalqa çevirdiyini göstərmək və çeçenləri alçaltmaq üçün çeçenistanın başında saxladığı şəxs.

7 əjdaha! 25.02.2022 17:14, ibn həzmin dili

#346246 şikayət

antidepressant

+8 əjdaha

sovet ölkələrində haqqında əsassız miflər olan dərman növü. antidepressantlar asılılıq yaratmır, azərbaycan kimi sovet 3-5 sovet ölkəsindəki bir qisim boomer həkim istisna dünyada heç bir həkim və mütəxəssis antidepressantın asılılıq yaratdığını idda etmir. artıq azərbaycanda da keyfiyyətli təhsilə sahib gənc həkimlər antidepressantların asılılıq yaratdığı mifini rədd edirlər.

işə yaramadığı da boş miflərdən biridir. bu mif də demək olar ki ancaq türkəçarə kayfı yaşayan və istənilən dərmana öcü gözü ilə baxan insanlar tərəfindən müdafiə edilir.

7 əjdaha! 14.02.2022 01:58, ibn həzmin dili

#345548 şikayət

süleyman tursunbayev

+8 əjdaha

2021-ci ildə türkmənistanda cüdo yarışmasında türkmənbaşı qurbanqulu berdiməhəmmədovun qohumunu məğlub etdiyi üçün döyülərək öldürülmüş 14 yaşlı uşaq.

6 əjdaha! 26.02.2022 21:50, ibn həzmin dili

#346306 şikayət

ayağı biləcəridən o tərəfə dəyməyib azərbaycanı pisləyən tiplər

+10 əjdaha

2022-ci ildə yaşadığımızı nəzərə alsaq çox normal olan tiplərdir. sən məni tanımaq üçün illa ki real həyatda məni görmək məcburiyyətində deyilsən, bir müddət yazışsaq, 1-2 dəfə skype`da danışsaq, 1-2 ay paylaşımlarımı izləsən məni tanıyarsan. sosial mediada 2 ay türk səhifələrində, qruplarında, youtubeda türk kanallarında gəzsən, sorğulara baxsan və xəbərlərini izləsən türkiyə cəmiyyəti haqqında ümumi fikrin formalaşacaq, eynisi rusiya, birləşmiş ştatlar, hindistan və digərləri üçün də keçərlidir. maaş, market qiymətləri, idmanda və elmdəki vəziyyətləri haqqında da asanlıqla internetdən məlumat tapa bilərsən. belə olduğu təqdirdə azərbaycanlılar və türkləri müqayisə etmək üçün illa gedib ayasofya qabağında şəkil çəkdirib gəlmək məcburiyyətində deyilsən. biləcəridə oturub abş`ın televizya kanallarına da baxa bilərsən, hollywood filmlərini də izləyə bilərsən, nba draft seçimlərini də. lap otağımdan çölə çıxmamış olsaydım azərbaycan haqqında da fikir bildirə bilərdim. iki futbol klubunu müqayisə etmək üçün gedib hər ikisinin oyunlarına stadiondan baxmalıyam? wtf?

üstəlik belə düşünənlərə görə ən az neçə ölkədə və hər birində nə qədər müddət olmalısan ki azərbaycanı pisləyə biləsən? gedib 2 gün və ya 1 həftə britaniyanın görməli, gəzməli yerlərinə baxıb qayıdanda britaniya cəmiyyəti haqqında məlumat sahibi olmursan axı. belə düşünənlərə görə o zaman gedib ən azı 2 ay, 3 ay britaniyada yaşamalısan? onda da deyəcəklər ki sən ancaq britaniya və azərbaycanı müqayisə edə bilərsən axı başqa ölkələrdə yaşamamısan ki hamısı haqqında fikir bildirəsən, azərbaycan britaniyadan pis ola bilər amma bəlkə yerdə qalan 2362365723 ölkədən daha yaxşıdır?! onda da belə çıxır ki belə düşünən axmaqlara görə işimizi gücümüzü atıb hər 2-3 aydan bir başqa ölkədə yaşamalıyıq ki illər sonra azərbaycanı pisləmə haqqımız olsun.

8 əjdaha! 27.01.2022 14:17, ibn həzmin dili

#344310 şikayət

pişik

+7 əjdaha

Pişiklər haqqında belə bir məlumat çıxdı qarşıma; Pişiklər itlərdən fərqli olaraq hələ də tam "ev heyvanı" olmayıblar, bizi öz sahibləri, insan olaraq yox onlar üzərində basqı quran və ya liderlik edən böyük pişik hesab edirlər.

3 əjdaha! 04.06.2022 11:21, ibn həzmin dili

#350900 şikayət

bakıda tıxacın səbəbləri

+9 əjdaha

plansız şəhər olması, idarəçilərin xalqın rahatlığını qozlamaması. Əsas səbəb bunlardır. Həm də neft-qaz sektoru üstündə qurulmuş monopolist bir ölkədə bu problemin həlli ölkənin sahiblərinə sərf etmir. Daha çox avtomobil, daha çox benzin satışı, daha çox gömrük pulu, yeyinti üçün tez tez təmirə bağlanan yollar, hər yer dədəsinin ərazisi imiş kimi bina, şadlıq sarayı tikənlərə sərf edir. təbii ki başqa yan faktorlar da var.

Məsələn Əhali sayı. Düzdür əhali sayının təsiri var, bölgələr inkişaf etsə bakıda insan azalsa bu problemin həlli yolunda addım olacaq. amma ərazisi bakıdan kiçik əhalisi isə daha çox olan birçox şəhərdə bakıdakı qədər problem yoxdursa deməli əsas problem əhali sayında yox idarəetmədədir. Demirəm ki bölgələr inkişaf etməsin, etdirilməsini istəyirəm amma dövlət ekspertləri televizyads elə danışır ki sanki günah uşaq doğanlardadır.

Binalar harada gəldi şəklində tikilib və tikilməyə davam edir. bu da avtomobil yollarının da plansızlığına gətirib çıxarır, fərqli yerlərə gedən avtomobillər də yollar da qarışır bir birinə bu da tıxac yaradır. Bina, şadlıq sarayı, mağaza tikənlərə parklanma üçün ərazi ayırmaq şərti olmalıdır. Yoxsa səkilər və yollar olur paklanma ərazisi. Amma nəzarət edən yoxdur ya da bu obyektlərin sahibləri elə nəzarət edənlər özləridir.

Bakıda hər şey 28 may - gənclik ərazisindədir. iş yerləri, kurslar, universitertlər və s. Neftçilər, Əhmədli, Xalqlar, Ulduz və digər yerlərdən yaxşı istifadə edilmir. Şəhər plansızdır və düzgün paylanılmayıb. Hələ metro sisteminin də səhv olması, zolaqların ayrılmaması ucbatından 28 maya daha çox yük düşür.

ictimai nəqliyyat pis gündədir.
Bakıətrafı qəsəbələrlə bakı arasında düzgün əlaqə qurulmayıb. Bir qəsəbədən başqasına gedənin də yolu şəhərin mərkəzindən keçir. Avtobus və taksilər də Hamını 20 yanvar və Koroğluya gətirib tökürlər. Yük bir nöqtədə cəmləşir. Bu da düzgün paylanmayıb.

Metronun zolaqlarını yuxarıda dedim. Metro narahat olduğu üçün insanlar taksi və şəxsi maşına yönəlir. Bakıda metro elə pisdir ki Metro və qatar fanatı birisi olaraq mən də istifadə etmək istəmirəm.
Həmçinin metro stansiyalarının sayı azdır. Sovet dövründən sonra 1 əlin barmağı qədər yeni stansiya açılıb, onların ds bəziləri səhv yerdə. Ətraf qəsəbələrlə, sumqayıtla şəhər mərkəzini əlaqləndirmək üçün yerüstü qatar sistemi də yox kimi bir şeydir. Avtobusların da bir üstünlüyü yoxdur ki insanlar avtobus istifadə etsin. inkişaf etmiş ölkələr insanları ictimai nəqliyyata cəlb etmək üçün onları cəlbedici edir. Bunun üçün avtobus zolaqları yaradılır və ora digər maşınların daxil olmasına icazə verilmir. Nəticədə avtobuslar tıxacda qalmadan hərəkət edir, avtomobillər tıxacda qaldıqda belə avtobus tıxacda qalmır və insanların gözündə cəlbedici hala gəlir. Bizdə isə maşınlar avtobus zolağına çıxır, avtobus da tıxacda qalır. Belə olan halda heç kim avtomobil yerinə avtobusda tıxacda qalmağı seçməz.

Bütün bunlar həll edilsə şəhər xeyli rahatlaşar. Amma Ümumən bütün avtomobillərin tıxacsız hərəkətini təmin etmək və hər addım başı hər maşın üçün parkinq yaratmaq qeyri mümkündür, bunu bacaran dövlət də yoxdur əksinə buna cəhd edən şəhərlər los angeles kimi ən böyük tıxac mərkəzinə çevriliblər. Buna görə də tək altetnativ ictimai nəqliyyatın tıxacsız hərəkətini təmin edib insanlara seçim haqqı verməkdir.

Bir də Müəllimlər maşın sürəndə yollar bağlanır və süni tıxaclar yaradılır.

8 əjdaha! 07.04.2023 13:34, ibn həzmin dili

#370015 şikayət

əlixan rəcəbov

+8 əjdaha

son qınama videosu ilə şişirdilmiş balon olduğunu açığa vuran video blogger. Bizim ən böyük problemlərimizdən də biri budur ki kim qaqaları və bu kimi şeyləri tənqid edir elə bilirik ki bu da dünyagörüşü aşıb-daşan yüksək düşüncə qabiliyyətli adamdır və şişirtdikcə şişirdirik.

bu adam bu yaşına çatıb hələ də bilmir ki film tərzi bir şeyi tənqid etmək üçün o sahə üzrə çalışmağa məcburiyyət yoxdur. mən "x" bir filmin, videonun ssenarisini tənqid edə bilərəm, özüm film üçün ssenari yazmasam da mənə x bir filmin,videonun ssenarisi maraqsız, şablon, səviyyəsiz gələ bilər. Necə ki özü ara mahnılarını tənqid edərkən onun özündən daha yaxşı mahnı yazmağı və ya ifa etməyi tələb edən yoxdur.
Həmçinin özü elə bu videoda azərbaycan kinolarını ələ salaraq tənqid edib.

(youtube:

)

Əlixan sadəcə yaxşı parodiya bacaran bir videobloggerdir. qaqa, əmi, kənd ağsaqalı və s obrazları yaxşı canlandırır , azərbaycandakı digər videobloggerlərlə müaqayisədə daha yaxşı yumor hissinə sahibdir , bambılı deyil. amma daha filosof da deyil , şişirtməyə dəyməz.

7 əjdaha! 30.01.2019 21:48, ibn həzmin dili

#282687 şikayət

ingilis ədəbiyyatı

+7 əjdaha

ilk dövrlərdən etibarən dünya ədəbiyyatına, dünya mədəniyyətinə öz damğasını vurmağa başlamış və müasir dövrdə də bunu davam etdirən geniş bir ədəbiyyatdır. Beowulf dastanından, Kral Artur əfsanəsindən, robin hood-dan başlayaraq müasir dövrün "Lord of The Rings"i, "Harry Potter"inə qədər ingilis ədəbiyyatı daima ortaya şah əsərlər qoyub. Romantizm kimi bir neçə bədii cərəyanların da ilk çıxış nöqtəsi məhz ingiltərə olub. Mənə görə ingilis ədəbiyyayı heç də fransız və rus ədəbiyyatlarından geri qalmır.

ingilis ədəbiyyatının dünyaya qazandırdıqları şəxsləri qısa şəkildə sıralasaq :

- Təbii ki (bax: William Shakespeare)
- (bax: Charles Dickens)
- (baxma: Mark Twen)
- (bax: Agatha Christie)
- (bax: thomas hardy)
- (baxma: arthur conan doyle)
- (bax: rudyard kipling)
- (baxma: lord byron)
- (baxma: john dryden)
- (bax: william blake)
- (baxma: daniel defoe)
- (baxma: Herbert George Wells)
- (bax: john ronald reuel tolkien)
- (bax: george orwell)
- (bax: jane austen)
- (bax: john milton)
- (baxma: harold pinter)
- (baxma: james aldridge)
- (baxma: Alan Alexander Milne)
- (bax: virginia woolf)
- (baxma: jonathan swift)

Və sairə.

Yəqin ki ədəbiyyatla az-maz maraqlanan hərkəs yuxarıda adlarını çəkdiyim yazarların heç olmasa 90%-ni tanıyar. Mark Twen-in hekayələri, Robinson Crusoe, kipling-in mauqlisi, milne-nin winnie pooh-u da uşaqlıqdan bildiyimiz, gördüyümüz şeylərdir. ingilis ədəbiyyatı ilə maraqlananlar isə mən saydıqlarımdan daha da çoxuna bələddirlər, chaucer-i, ingilis rönesansı dövrü yazarlarını da, Shakespeare-in sələflərini - Christopher Marlowe-u falan da bilərlər.

Üstəlik ingilis dilli ədəbiyyat deyib amerikalı yazarları (cek london, kuper və s) da əlavə etsək daha da zəngin ədəbiyyatdır. Həmçinin John Locke kimi filosofları da yuxarıda siyahıya əlavə etmədim.

5 əjdaha! 29.03.2022 19:28, ibn həzmin dili

#348106 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

ibn həzmin dili

son bəyənilənlər:

oxuyucuların bəyəndikləri: