Jalapeno

2 əjdaha! 06.08.2019 15:03, Jalapeno

istisnasız türkün himnidir. Azərindən də başqasının ifası yalandır.

#289169 şikayət

atası metal dinləmiş azərbaycanlı

2 əjdaha! 08.08.2019 00:48, Jalapeno

Atam yox, dayımdır. Buna görə ona sonsuz minnətdəram. Onunçün gerçək rok hardasa 1990. ildə bitmişdi. Bir dəfə "Nirvana" dinlətmək istədim, az qala mənimlə əlaqəsini kəsəcəkdi.

#289229 şikayət

yazarların 17 yaşlarındakı hallarına deyəcəkləri

4 əjdaha! 08.08.2019 14:46, Jalapeno

Qısaca: Çox da şey eləmə. Bir az daha uzun: sərt ol, boş şeylərin, boş adamların səni sarsıtmasına imkan vermə. Zaman ən böyük sərvətindir. Onu yaxşı dəyərləndir. Hər kəs görmək istədiyini görür, eşitmək istədiyini eşidir. Bunu heç vaxt unutma. Bir də ən əsası, o sonuncu qədəhi içmə.

#289262 şikayət

once upon a time in hollywood

3 əjdaha! 09.08.2019 00:19, Jalapeno

Bu gün Bakıda premyerası oldu və gedib izlədik. Zal dolu idi, bu xoş haldır. Son zamanlar Bakıda tez-tez ciddi rejissorların və ya ciddi filmlərin nümayişi zamanı zalların dolu olmasını görüb istər-istəməz sevinirəm.
Hər şeydən öncə, 2 saat 40 dəqiqə gərəyindən çox-çox uzundur və istər-istəməz izləyicini bezdirir.
Film Tarantino'nun başqa filmlərinə bənzəmir, daha lirikdir, ilk 2 saatda demək olar heç nə baş vermir. Açığı, filmi elə də bəyəndiyimi söyləyə bilmərəm. Bəyənmədiyim tərəfi odur ki, əldə tutulası bir şeyi yoxdur. Yolda çoxdandır görmədiyin və xüsusi rəğbət bəsləmədiyin sinif yoldaşınla qarşılaşıb 5 dəqiqəlik söhbət dadını verir. Filmin hardasa son 20 dəqiqəsi şahanədir. Bütün zal coşmuşdu. O köhnə, çox sevdiyimiz Tarantino'nu bircə o an hiss etdik. Leonardo DiCaprio və Brad Pitt fövqəladə oyunçuluq göstərirlər. Bircə onlara görə filmi izləməyə dəyər. Qiymətim 5 üzərindən 3+ olacaq. Daha artığını versəm, gecə gözümə yuxu getməz.
PS. Bir də ki, filmdə Deep Purple mahnıları səslənir. Qiymətləndirməmdəki o + həmin mahnılara görədir.

#289275 şikayət

rimworld

+6 əjdaha

Kəşf etdiyimdə "axı mən səni niyə daha əvvəldən tapmamışam?" dediyim PC oyunu. Oyun özünü "heyrətamiz hekayələr generatoru" kimi təqdim edir və zərrə yalan demir. Hər şeydən öncə, "Rimworld" qalib gəlmək, oyunu bağlamaq yox, yaşayacağınız hekayələr və alacağınız təəssüratlar haqdadır.
Deməli, kosmosun dərinliklərində sizin gəminiz qəzaya uğrayır və bir neçə kolonistiniz əndrəbadı bir planetə düşür. Məqsəd isə burda koloniya qurub inkişaf etmək və kosmik gəmi qayırıb buralardan sikdir olub getməkdir. Amma oyuna adam elə dalır, kolonistlərə elə bağlanır ki, heç çıxıb getmək istəmir. Otaqlar tikirsiz, silahlar, xüsusi vasitələr, müdafiə qurğuları hazırlayırsız. Geyim, dərman, yemək hazırlayırsız. Bitki əkirsiz, heyvan yetişdirirsiz. Zədələnmiş və ya itirilmiş bədən orqanlarını yeniləri ilə əvəz edir, insanları kiborqa çevirə bilirsiz. Oyun çox dərin və maraqlıdır. insan münasibətlərinə çox böyük diqqət ayrıldığı üçün isə koloniyadakı varlığınız çox çətinləşir. Abraham Maslow'un o məşhur piramidi burda da bütün varlığı ilə aktualdır və sizi gic edəcək. Modlarla oyun daha da dərinlik qazanır. Bütün bunlar az-çox başqa oyunlarda da var, Rimworld isə hər şeydən öncə hekayələri ilə məşhurdur. Mən də sizə son koloniyam haqda danışacam.
3 kolonistim yeni planetə düşdü. Samantha - aşpaz, fermer; Mogadishu - əsgər və heykəltaraş; Nine - cərrah və elmi araşdırmalar aparacaq mütəxəssis. Yavaş-yavaş inkişaf edirdik, kolonistlərin sayı artırdı, qəsəbəm böyüyürdü. Artıq 12 nəfər olmuşduq, xəbər gəldi ki, bizdən bir az aralıda yaralı biri var, onu xilas etsək, bizim qəsəbəyə qoşulacaq. Bu oyunda insan resursu çox önəmlidir, təbii ki, onları yedirə, geydirə və digər tələbatlarını ödəyə bilirsinizsə. 5 nəfər ən yaxşı döyüşçümü ayırdım, onları göndərdim yaralını xilas etməyə. Heç bir məlumat yox idi ki, o getdiyimiz yerdə bizi hansı bəlalar, təhdidlər gözləyir. Hardasa 2 günə mənimkilər yaralıya çatdı. Bu arada, 2 gün Rimworld'də xeyli uzun zamandır. Bu müddət ərzində asanlıqla koloniyanız meşə yanğınlarında məhv ola və ya hücumlar zamanı yağmalana bilər. Və məlum oldu ki, bu yaralı 92 yaşlı, gözləri yaxşı görməyən, qulaqları eşitməyən və mental problemləri olan qarıdır. Təsəvvür edin, xüsusi təyinatlıları sərhədin o biri tərəfində çox önəmli bir əməliyyata yollamısınız, məsələn, düşmənin önəmli şəxslərini və ya texnikasını, bilgisini ələ keçirmək üçün və onlar geriyə məsələn əllərində 2 toyuq ilə geri dönürlər. Əvvəl düşündüm ki, qadını aparmayım geriyə, qalıb canı çıxsın burda, sonra amma fikrimdən daşındım. Nə yaxşı ki, daşındım da. Adam çox ciddi sənətkar imiş. Geyim və silah hazırlamaq işlərimizə çox töhfələr verdi. Yeganə pis cəhəti isə odur ki, hərdən bizə hücum olunanda güllə səsi eşidən kimi ağlını itirir və hamını poxa salır. Məsələn, bizimkilərə atəş aça, yaxud da müdafiə qurğularımızı dağıtmağa cəhd edə bilər. O qədər dəlisov və qeyri-adekvat tipdir ki, atış qabiliyyəti yaxşı olsa da, əlinə silah vermirəm. Yoxsa növbəti tutması tutduğunda heç şübhəsiz bizimkilərdən birini vurub öldürəcək.
Bir digər hekayəmdə isə tanrı bizi aclıqla sınağa çəkirdi. Adam sayımız hədsiz çox idi, amma yeməyə bir pox qalmamışdı. Əkinlərim isə hələ 3-4 gün sonra məhsul verəcəkdi. Oturub düşünürdüm ki, bəlkə kolonistlərdən ən yararsızlarını kəsim, qalanları heç olmasa, acından ölməsin. Baxmayaraq ki, bu sakinlərimin ruh halını darmadağın edəcəkdi və hər şey qorxunc bir hal ala bilərdi. Çox sevdiyim qəsəbəmlə artıq vidalaşırdım ki, təxminən 15 gərgədan koloniyaya hücum çəkdi. Kor nə istəyər, iki göz. Hamısını ovladıq, xeyli ət və paltar tikmək üçün dəri əldə etdik. Aclıq başlamadan bitdi və əkinlər yetişdi. indi kosmik gəmi hazırlayıb buralardan azad olmaq üçün hər şeyim var, amma qalıram. Niyə, çünki adamlarla qorxulu səslənsə də doğma olmuşam. Həm də, güya gedəcəyimiz yer bundan yaxşı olacaq?

5 əjdaha! 06.08.2019 13:18, Jalapeno

#289157 şikayət

black sabbath

+3 əjdaha

"Paranoid" albomları 2017. ildə əfsanəvi Rolling Stone jurnalı tərəfindən bütün zamanların ən yaxşı metal albomu elan edilib.

3 əjdaha! 08.08.2019 00:52, Jalapeno

#289230 şikayət

aybilet.az

3 əjdaha! 07.08.2019 16:53, Jalapeno

Zövqsüzlüyün göstərici olan sayt adı.

#289218 şikayət

breaking bad

+3 əjdaha

Yaddaşımdan necəsə bu serialı silmək istərdim. Ki, yenidən sıfırdan izləyim. Sonra yenə silim yaddaşımdan, yenə izləyim. Ömür boyu, hər vaxt tapdığım gün.
Bunu bütün ciddiyyətimlə söyləyirəm, Shakespeare'dən sonra yaranmış bütün sənət əsərləri necəsə yoxa çıxsaydı və bircə Breaking Bad qalsaydı, yenə də bu həyatı, insan təbiətini və bu sistemi izah etməyə bəs edərdi. "Breaking Bad" elə bir zirvədir ki... Hər şeydən əvvəl Sistemin gerçək üzü, müasir dünyada namuslu və əxlaqlı insanların yüksəlməsinin necə çətin və az qala mümkünsüzlüyü haqdadır. Düşündükcə dəhşətə gəlirəm. Necə bir kabel televiziyası üçün, kütləvi mədəniyyət məhsulunu bu qədər dərin və mükəmməl yaratmaq olar. Bir serial necə müasir zamanın az qala bütün önəmli mövzularını bayağılığa və psevdofəlsəfəçiliyə varmadan ciddi və sadə göstərə bilər. Postmodernin üstümüzə çıxıb bizi boğucu fəndlə məğlub etdiyi və elə azarkeşlərinin də bizim özümüz olduğu bu sarsaq arenada belə şahəsərlər bir neçə onillikdə bir yaranır. Breaking Bad - gələcək nəsillərə millətindən, irqindən və maddi vəziyyətindən asılı olmayaraq, 21. əsrin əvvəllərində biz neçə yaşamışıq, nələrin dərdini çəkmişik, nələr üçün hər şeydən keçmişik suallarının kədərli və qorxunc cavablarını verəcək.

PS. Skyler kimi qancıq yaratmasaydılar, əməlli-başlı yarımçıq qalmış bir serial olardı.

3 əjdaha! 08.08.2019 00:20, Jalapeno

#289227 şikayət

philip glass

+3 əjdaha

"Leviathan" filminin musiqisini yazmış bəstəkar. Bununla da Andrey Zvyagintsev, Aleksei Serebryakov və Philip Glass kimi çox sevdiyim üç sənətkarın bir araya gəlməsinə səbəb olmuşdur.

3 əjdaha! 08.08.2019 03:35, Jalapeno

#289238 şikayət

elektron siqaret

2 əjdaha! 09.08.2019 00:57, Jalapeno

"true detective"də Ray Velcoro mövzu ilə bağlı deyir ki, elə bil robotun sikini əmirsən.

#289282 şikayət

the walking dead

2 əjdaha! 08.08.2019 00:43, Jalapeno

4 mövsümünü izləmişəm. ilk 2 mövsümü çox yaxşı idi, 3. mövsüm də pis deyildi, amma 4. mövsümdə ürəyim sıxılmağa başladı. Hər il də növbəti mövsümə uzandığını eşidirəm. Payızda 10. mövsümü başlayacaq. Belə baxanda, bu serialı ömür boyu çəkmək olar. Zaman anlayışının öz mənasını itirdiyi bir dövrdə baş verir hadisələr. Belə çıxır ki, babat da izlənilir. Nə bilim vallah, mənim şəxsəm səbrim çatmadı.
Serialın çox ağır, dözülməz ağır dünyası var. Dünyanın içi sikilib, artıq heç nə əvvəlki kimi olmayacaq. Bütün insan varlığı sadəcə mövcud olmağa və zombilərlə, təbiətlə və həyatın özü ilə mübarizə aparmağa köklənib. Açığı, yazdığımı oxuyanda başa düşdüm ki, bəzi rahatlıqlarımızı və ümidlərimizi çıxsaq, elə biz də oxşar bir dünyada yaşayırıq. Harda qalmışdıq, serialda ümidin ən kiçik bir işartısı da yoxdur. Ola da bilməz, dünya elə bir yerə çevrilib ki, adam rahatlığı və xoşbəxtliyi təsəvvür də edə bilmir. Buna baxmayaraq bizim qəhrəmanlarımız yaşamağa və mübarizə aparmağa davam edir. Düzdür, arada hər şeydən - bu ümidsizlikdən, sonsuz ağrılardan və kədərdən yorulub təslim olanlar olur, amma belələri azlıqdadır və çoxu yola davam edir. Yol demişkən, baxdığım heç bir serialda adamlar bu qədər yol getmir. Yol gedirlər və zombiləri öldürürlər. Yol gedirlər və xırda dərdlərdən, keçmişdən danışırlar - o işıqlı, xoşbəxt keçmişdən. Yol gedirlər və gedəcəkləri növbəti yolların planını qururlar, onları düşünürlər. Yollar isə heç yerə aparmır. Əslində aparır - növbəti insan cəmiyyətinin formalaşdığı yerə ki, bizim qəhrəmanlarımız gedib onların pis-yaxşı rahatlıqlarının içinə pox qoysunlar. Birinin həyata baxışlarından xoşları gəlmir, başqa birinin gözlərinin rəngindən və ya boyundan. Oğraş-oğraş səbəblərlə onların rifahını məhv edirlər. Nə özləri bir gün görə bilirlər, nə başqalarına bir gün görməyə imkan verirlər.

#289228 şikayət

sözlük yazarlarının həyat prinsipləri

1 əjdaha! 08.08.2019 13:11, Jalapeno

Verirlər götür, vururlar qaç.

#289251 şikayət

yeniyetmə

2 əjdaha! 05.08.2019 18:32, Jalapeno

Həyatın ən çətin dövrü. Belə baxanda, hansı dövr çətin deyil ki? Amma bu həyatın bu hissəsi daha çətindir. Artıq uşaq deyilsən, bunu qəbul etmək istəmirsən. Eyni zamanda böyük də deyilsən - sən nə istəyirsən, səndən nə istəyirlər, fərqi yoxdur. Böyüklərin dünyasına hələ daxil deyilsən, amma o dünya yavaş-yavaş sənə girməyə başlayıb. Uşaqlığın gətirdiyi imtiyazlar get-gedə yoxa çıxmaqdadır. Onların yerini məsuliyyətlər, gözləntilər alır. Bir yandan da hormonlar insanla pis oyunlar oynamağa başlayır. intellektin, erudisiyan kifayət qədər ola bilər, amma həyat təcrübən sıfra yaxındır, müdrik deyilsən. Bu da səni sonsuz səhvlər etməyə, sonsuz kədərlənməyə və özünü dünyanın ən tənha, ən anlaşılmayan adamı hiss etməyə gətirib çıxarır. Bir sözlə, həyatın ən rəzil, ən iyrənc dönəmidir. Xüsusən, tabuların, qadağaların və yoxsulluğun hökm sürdüyü toplumlarda.

#289102 şikayət

squat

1 əjdaha! 06.08.2019 14:10, Jalapeno

Powerlifting idman növünün deadlift və bench press ilə birlikdə 3 hərəkətindən biri. Bu hərəkətdə 190 kq çatmışdım. Və düşünüldüyünün əksinə, doğru icra edildiyində dizləri, beli və bədənin digər yerlərini xarab etmir, əksinə gücləndirir. Deadlift ilə birlikdə bəlkə də dünyanın ən ağır, insanı darmadağın edən hərəkətlərindən biridir. Metaforik olsaq, dünyanın yükünü qaldırırsan. Asan iş deyil.

#289161 şikayət

yazarların getmək istədikləri ölkə

1 əjdaha! 09.08.2019 01:28, Jalapeno

Meksika. "Sicario"nun iki hissəsini də izlədikdən sonra özünü getmiş kimi hiss edirəm.

#289284 şikayət

tea party

1 əjdaha! 09.08.2019 00:55, Jalapeno

Azərbaycan yaransa, qoşulacağım partiya. Bir şərtlə ki, dərdləri içməli çay olsun. Bir növ, nə solçuyam, nə sağçı, qərib bir çayçıyam. Sonradan ortalığı coşdurmaq üçün çiyələk mürəbbəsini dəstəkləyənlərlə ittifaq da qurmaq olar.

#289280 şikayət

alfred schnittke

1 əjdaha! 09.08.2019 00:31, Jalapeno

Viktor Yerofeyevin eyniadlı hekayəsi əsasında yazdığı "idiotla keçən ömür" operası ilk dəfə Amsterdamda nümayiş olunub. Hekayədə əsas personaja baxım evindən idiot götürüb evində saxlamaq cəzası verilir. Vova adlı bu idiot isə əsərdə açıq-aşkar ağardılmasa da, xaraktercə bir az Lenin'i xatırladır. Amsterdam tamaşası zamanı da idiotu oynayan ifaçı üzündə Lenin maskası ilə çıxır edir.

#289276 şikayət

tanrı türkü qorusun

4 əjdaha! 08.08.2019 13:36, Jalapeno

Nə üçünsə bu ifadə Türkiyədə də, Azərbaycanda da bəzilərinə pis girir. insanın öz millətinə olan xoş duyğularından, əmin-amanlıq arzulamasından daha təbii heç nə ola bilməz. Tanrı türkü qorusun demək, kürdün, ləzginin, talışın başına daş salsın demək deyildir. Nəhayət ki, bunu anlayın. Onsuz da, bu torpaqlarda taleyimiz birdir. Çünki ibn Haldunun sözü olmasın, coğrafiya taledir.

#289253 şikayət

la casa de papel

2 əjdaha! 08.08.2019 13:17, Jalapeno

Çox da şey eləmədən baxa biləcəksinizsə, babat gedir. Yaxşı dinamikası, intriqaları var. Daim yadda saxlamaq lazımdır ki, avtobusda eşitdiyiniz, çox bayağı olmayan, eyni zamanda ciddiyə də alınmaması gərəkən mahnı kimidir. Berlin və Nairobi kimi əfsanəvi personajlara sahibdir.

#289252 şikayət

bodyguard

1 əjdaha! 08.08.2019 00:04, Jalapeno

Yaxşı başlayan və tədricən poxu çıxan serial. Əvvəllərdə hər şey dövlətin müxtəlif güc strukturları arasında qarşıdurma, vəzifə və qüdrət sahibi olmaq üçün aparılan kirli oyunlar, pərdəarxası gedişlər kimi görünür. Ortada ciddi intriqalar, dilemmalar var. Kimin əli kimin cibindədir, məlum deyil. ikili, üçlü oyunlar, üzdən gülüb arxadan bir-birinin quyusunu qazan məmurlar, polisin və kəşfiyyatın qaranlıq zabitləri var. Sonra bir yerdə bir şeylər qırılır. Hər şey konveyer üsülu istehsal edilən serial və filmlərdəki cığıra düşür və bir də özünü toparlaya bilmir.
Serialı dəyərləndirməli olsam, bəyənmədiyimi deyə bilərəm. Yaxşı düşünülmüş amma yaxşı reallaşdırılmamış layihədir. Gina McKee elə bil yüksək rütbəli zabit qadın obrazı yaradıb ki, baxdıqca heyran ola bilmirsən. Baş naziri oynayan qadın ekrana elə yaraşır ki, gecə-gündüz göstərsələr, onu izləmək istəyirsiz. Əsas oğlanın oyunu xoşuma gəlmədi, ok ptsd varıdır, hərdən özünü itirir, anlayırıq, amma xeyli pafoslu və teatral görünür.
Və sonda, oxumayacaqlarını bilsəm də bunu yazmadan dura bilmədim: Lütfən, artıq izləyicini axmaq yerinə qoymağı, nə sıçsaq da yeyəcəklər təfəkkürünü heç olmasa bu cür böyük layihələrdə bir qırağa qoysunlar. Süjeti inkişaf etdirmək üçün, düşünülmüş sonu gətirmək və ya xarakterlərin motivasiyaları açmaq üçün sarsaq və inanılmaz şeylər yazmasınlar və çəkməsinlər.

#289226 şikayət

judas priest

1 əjdaha! 07.08.2019 16:33, Jalapeno

"In Metal Gods We Trust" deyirəm və başqa da heç nə demirəm. Metalın tanrılarıdırlar.

#289216 şikayət

aaron ramsey

1 əjdaha! 09.08.2019 01:37, Jalapeno

"Arsenal" azarkeşlərinin keçmiş qızıl oğlanı. Açığı "Juventus"a keçidi məni də kədərləndirdi. Yaxşı oyunçu olduğu üçün yox, "Arsenal"ın demək olar ki, son böyük yetirməsinə sahib çıxmaması üzündən. Emosiyalardan qırağa çıxıb soyuq başla düşündüksə, əsla qızıl oğlan olmadığını, olsa-olsa bürüncə layiq olduğunu anlayırsan.
Təxminən eyni vaxtlarda ulduzu parlaşmış Wilshere də var, illərlə "Arsenal" azarkeşləri onun özünü göstərəciyinə, yetkin bir ulduza çevriləcəyinə inandılar. Amma sonda bir pox göstərə bilmədi. Onunla müqayisədə Ramsey əlbəttə dəyərli oyunçudur.

#289286 şikayət

Notice: Trying to access array offset on value of type null in /var/www/soz6/sonhefte.php on line 66

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

crossfit