çox guman ki, hər kəs bu fiquru bir yerlərdə görüb. yolunu azmışlığı, pisliyi və ya şeytanı simvollaşdırır. bu fiqurun adı "baphomet" və ya azərbaycan dilində desək "bafomet"dir. bafomet adı ilk dəfə 1098-ci ildə, antakya qalasının səlibçilər tərəfindən mühasirəyə alınmasından bəhs edən bir məktubda keçir. daha sonra bu fiqura 14. əsrdə aforoz edilmiş məbəd cəngavərlərinin sitayiş etdiyi, 19. əsrdə isə mason rituallarında istifadə olunduğu idda edilir. hazırda isə tarot kartlarında "şeytanı" təmsil etmək üçün istifadə olunur. yuxarıdakı şəkli çəkən adam, eliphas levidir. bu adam 19. əsrdə yaşıyıb, sehr, tilsim kimi şeylərlə məşğul olur və o dönəmdə də öz kitablarının üzlüyünə bu fiquru qoyur. qısaca, rəssamımız budur.
bəs bu şəkli, simvolu şeytanla əlaqələndirən nədir?
ilk olaraq, léo taxil deyə bir adamımız var. léo, pornoqrafik hekayələr yazaraq cibinə 3-5 bir şey atıb, bir təhər dolanan adamdı. kilsə əleyhinə çıxışlarıyla bilinən biridir ki, hətta buna aid bir sıra yazıları da var. uzun sözün qısası.. bu adam mason lojasına qatılmaq istiyir, amma problem ondadır ki, anti-katolik olduğu üçün bu adamı lojaya almaq istəmirlər. bir ara alırlar ancaq qısa müddət sonra lojadan atılır. elə bundan sonra da başlıyır mason lojasına qarşı yazılar yazmağa, pisləməyə. hətta onların arasında gizli bir qolun baphometə sitayiş edən seks təriqətinin olduğunu idda edir.
taxilin kitabının şəklidir. göründüyü kimi, ortada bafomet var ətrafında isə masonlar rituallar icra edirlər. əslində bunların masonluqla heç bir əlaqəsi yoxdur, léo bunun yalan olduğunu sonradan etiraf edir, amma bu hadisədən sonra masonların şeytana sitayiş etməsi söhbəti, kitabın populyarlaşmağı ilə birlikdə camaat arasında da sürətlə yayılır.
tamam da bu bafometin əsli nədir? hardan gəlib bu söz?
baphomet sözü "məhəmməd" adının, köhnə fransız dilindəki qarşılığı olan "mahomet" sözündən gəlir. yuxarıda, bu söz ilk dəfə antakya qalasında mühasirə zamanı bir məktubda keçir demişdik. xristiyanlar o dönəm müsəlmanlara, məhəmməd peyğəmbərə sitayiş edən bütpərəstlər olaraq baxırdılar. məktubda da, qaladakı türklərin baphomet(bafomet) adında bir varlığa sitayiş etdikləri yazılır. xristiyanlıqda baphomet sözü, zaman içərisində şeytan və pislik sözü ilə mənimsənilir. hamımızın görüb, bildiyi bu keçi simvolu əslində məhəmməd peyğəmbərin xristiyanlığdakı bir alleqoriyasıdır.
