Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
×
Yazı Saatları
Tip: axşam yazarı
Pik saat: 18:00
Gecə (00-06):33 post
Səhər (06-12):27 post
Gündüz (12-18):42 post
Axşam (18-00):109 post
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
×
Səviyyə Sistemi
Səviyyə 1: Yeni
XP: 14 (karma əsasında)
Növbəti səviyyəyə: 86 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
×
Yazı Statistikası
Təxmini söz sayı: 15,099
Toplam simvol: 90,594
Orta entry uzunluğu: 429 simvol
Kitab ekvivalenti: ~0.2 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
Adətdəndir, gəldim bu başlığa yazım nəticələr çıxandan sonra.
Overall: 8.0 (L: 9.0, R: 7.5, w: 6.5, s: 8.0)
Öncədən deyim ki, Hazırlığa upper-intermediate olaraq başlamışam. Və Vaxtında Ən çox nədən narahat olub üzərinə düşdümsə onlardan yüksək score almışam (listening və speaking).
Listening üçün cambridge testlərini işləsəniz bəsdir, məncə. Hər Testi bitirdikdən sonra analiz edin, əsasən hansı sectionda, nə tip suallarda səhviniz çıxırsa onların üstünə düşün. Misal üçün, hazırlığa təzə başlayanda spelling suallarında səhvlər edirdim, onların üzərinə düşdüm. Həmçinin, section 2 və 3-də mcq tipli testlərdə çox zaman itirdiyimə fikir verdim. Bunun üçün belə bir taktika "icad" elədim. sectionın sonunda sectionı yoxlamaq üçün verilən 30 saniyəni növbəti sectionun mcq suallarını oxumağa sərf edirdim, bu mcq sualları sectionun sonunda və ya əvvəlində gələ bilər, harda olmasından asılı olmayaraq həmin 30 saniyəni orda istifadə etmək məntiqlidi. Təbii ki, bu hamıya uyğun olmaya bilər, Əsas məsələ testi işləyərkən sizə rahat olan patternləri kəşf eləyə bilməkdi.
Təcili şəkildə imtahana hazırlaşmırsızsa, vaxtınız olduqca maraqlandığınız mövzularda youtube vs.-də ingilis dilindəki podcast, videoessaylərə baxmağı tövsiyə edirəm, native speaker-lərin danışığını anlamaqda çox kömək olacaq. Bu, həmçinin, speaking-də də köməyinizə çata bilər.
Reading-də, məncə, hər hansısa bir taktika yoxdu, oxuduğunuz mətni başa düşməlisiz, vəssalam. Və, təbii ki, vaxt limitini də nəzərə almaq lazımdır. 1 saatlıq taymer qoyub hər sectiona ortalama nə qədər vaxt sərf etdiyinizi analiz edin. Fikrimcə, ideal 15/20/25 dəqiqədir. Hə bir də burda əlavə vaxt verilmir cavabları kağıza köçürmək üçün, ona görə internetdən cavab kağızlarını tapıb çap edin, və hər section-un sonunda cavabları kağıza köçürməyə çalışın.
Writing haqqında özümün etmədiyi məsləhəti verə bilərəm, çoxlu inşa nümunələri oxuyun və yazın. Çox vaxt apardığı üçün edə bilmədiyim bir şeydi, amma boş vaxtınız varsa etməyiniz yaxşı olardı. Və bir də Band descriptorları oxuyun və araşdırın.
Speaking mənim üçün ən çətin görünən hissə idi, ən çox da part 2. Çünki 2 dəqiqə kiminsə qarşısında monoloq danışmaq qədər qorxuducu bir şey yoxdu lol.
Sualları "ielts speaking assistant" applikasiyasında tapa bilərsiz. Mən hər hansısa mətni əzbərləmək yerinə hər mövzunun sualına özümə uyğun cavab hazırlamaq yolunu seçdim. Yetərincə yorucu prossesdi nə qədər tez başlasanız o qədər yaxşıdı. Danışığınızın təbii alınması üçün phrase, idiom filan öyrənməyiniz məsləhətdi, amma çalışın kənarda küncdə qalmış, sonuncu dəfə 1950-də işlənənlər yerinə native speakerlərin də gündəlik istifadə etdiyi idiomları və s. istifadə edin. bu kanal speaking üçün çox yardımçı ola bilər.
Və son olaraq, hazırlığa getmək yaxşı olar deyə düşünürəm əgər imtahanı ilk dəfə verəcəksizsə və disiplinli hazırlaşmaqda çətinlik çəkirsizsə. imtahanla bağlı peşman olduğum iki şey var. Birincisi, mock imtahana getməməyimdi. çalışın ən azından bir dəfə gedib özünüzü imtahanın şəraitinə alışdırın və vaxtı necə idarə etdiyinizi test edin. Digəri isə writing üçün yetərincə yaxşı hazırlaşmamaqdı, mən olmayan writing skillərimlə 6.5 almışamsa, çox adam bir az daha ciddi hazırlaşmaqla 7.0 və s. Ala bilər, yəqin ki.
əsasən, narsistlər tərəfindən partnyorlarına və ya ətraflarındakı digər insanlara edilən manipulyasiya və cəzalandırma növlərindən biridir.
Silent treatment qarşı tərəfi səssizliklə cəzalandırmaq, şəxsi görməzdən gəlmək, onunla danışmaqdan boyun qaçırmaq, varlığının fərqində deyilmişcəsinə davranmaq kimi hərəkətlərlə xarakterizə oluna bilər. Narsist insanlar bunu qarşı tərəfi idarə edə bilmək, yaşanan problemlərdə günahın tək tərəfdə olduğunu düşündürmək üçün istifadə edirlər.
"silent treatment" "time-out" anlayışı ilə qarışdırılmamalıdır. Time-out anlaşmalı fasilədir, tərəflər bir birlərini incitməmək üçün fasilə verib, daha düzgün zamanda danışmağa qərara gəlirlərsə, silent treatment tək tərəfli, qarşı tərəfi cəzalandırmağa yönələn davranış biçimidir.
ben shneiderman tərəfindən təklif olunan, interfeys dizaynı üçün istifadə olunan qaydalardır.
1. tutarlılıq (ing. consistency)
uzun müddətli, universal olaraq qəbul edilmiş "qaydalar"a riayət etmək kimi də başa düşülə bilər. veb saytlarda sayt loqosunun yuxarı sol tərəfdə, axtarış hissəsinin yuxarı sağ tərəfdə olması, axtarış düyməsinin həmişə lupa ilə simvolizasiya edilməsi tutarlılıq misalı ola bilər.
2. qısayollar və ya "universal usability".
burda əsas tələb müxtəlif yaş, təcrübə, məhdudiyyət qrupunda olan istifadəçilərinin problemləri/ehtiyaclarının fərqində olmaqdır. misal üçün, az təcrübəli istifadəçilər üçün istifadə qaydalarını izah etmək, təcrübəlilər üçün isə qısayollar yaratmaq.
3. informativ rəy (ing. informative feedback).
istifadəçiyə interfeys üzərində etdiyi hərəkətlər barədə davamlı məlumat ötürmək.
burada sistem hansı səhifədə olduğunuzu bildirmək üçün olduğunuz səhifəni rənglə işarələyir. bir növ informativ rəy verir.
4. prosesin bitdiyi barədə məlumat (ing. designing dialog yield to closure).
adından da göründüyü kimi, icra etdiyiniz əməliyyat bitdikdən sonra sistemdən sizə bununla bağlı məlumat ötürülməsidir.
5. xətaları önləmək (ing. preveting errors).
istifadəçinin sistemdə edə biləcəyi xətalar minimallaşdırılmalıdır.
misal olaraq, sayta daxil olarkən "captcha" kodunu yazmanız tələb olunur, sağ tərəfdə isə "case sensitive" olduğu bildirilir. yəni kodu böyük hərflərlə yazsanız, yazdığınız səhv qəbul edilir.
6. əməliyyatı geri çevirməyə icazə vermə (ing. permitting easy reversal of actions).
istifadəçinin edə biləcəyi xətalara, mümkün olduqca, geridönüş imkanı verilməlidir. ən bilinən misal olaraq, "undo" düyməsini göstərmək olar.
7. istifadəçi kontrolu (ing. keeping users in control).
sistem istifadəçinin kontrolu özündə hiss edəcəyi şəkildə qurulmalıdır. istifadəçi etdiyi hərəkət qarşılığında sistemdə nəticə görməlidir. həmçinin, əməliyyatı başlatmaq və dayandırmaq öncəliyi istifadəçidə olmalıdır.
8.qısamüddətli yaddaşın yükünü azaltmaq (ing. reducing short-term memory load).
həmçinin, "recognition over recall" da adlana bilər. istifadəçinin müəyyən funksiyanı yada salmasından çox, onu tanımasına üstünlük verilməlidir. istifadəçi lazımlı məlumatlardan çoxunu yadda saxlamağa məcbur edilməməlidir.
misal olaraq, alış-veriş saytlarında öncədən nəzərdən keçirdiyiniz məhsullar "son axtarılanlar" bölməsində göstərilir. siz axtardığınız məhsulun adını yenidən yada salmaq (recall) yerinə, adını və ya şəklini görüb asanlıqla tanıya (recognition) bilirsiz.
"Kiçik sahibkarlığa dəstək" kimi fikirlərə qıcıq oluram. Baxırsan ki, kimsə sosial media hesabında paylaşıb nəyisə reklam edir, yazır ki, "kiçik sahibkarlara dəstək olmaq lazımdır ", görən də elə zənn edir ki, bu "kiçik sahibkar" yoldaşımız "underprivileged" bir insandı, özünə biznes qurub, indi də reklamı gedir kiçik sahibkarlıq adı ilə. Girirsən reklam olunan sayta ya da satış səhifəsinə ki, overpriced məhsullardır satdıqları. Əsasən, sahibləri də Bakının qlamur, varlı və bikar kəsimi olur, nə təsadüfdürsə. Çox zaman, bu "sahibkarlıq" müəssisələrinin adı arxaik sözlər olur, misal üçün, "başmaqçı", "çəkələkçi", "palançı" və s.
ingiliscə adını (silica gel) müxtəlif məhsulların qablaşdırmasında görə biləcəyiniz nəmuducu kimyəvi maddə.
tərkibi silisium dioksiddir (si02). nəmuducu xassəsinə görə nəmişliyin keyfiyyətcə dəyişdirə biləcəyi bir çox məhsulun qablaşdırılmasında istifadə edilir, qidalardan tutmuş elektronika məhsullarına kimi.
silikogellər 2 cür ola bilir: göstəricili (indicating) və göstəricisiz (non-indicating). göstəricilik deyərkən nəm udduğu zaman rəng dəyişib dəyişməməsi nəzərdə tutulur.
çox vaxt gördüyümüz ağ (şəffaf) rəngli silikogellər göstəricisiz tipə aiddir.
göstəricili tipdə isə iki rəng vardır: mavi silikogel və narıncı silikogel.
mavi silikogel quru halda mavi, nəmlə dolduqda isə çəhrayı rəngə çevrilir.
mavi rəngini verən isə kobalt xlorid (toksik maddə) maddəsidir ki, hal-hazırda avropa birliyi istifadəsini qadağa edib.
narıncı silikogel isə toksik deyil, nisbətən bahadır. quruluq halında narıncı, nəmlə doyduqda isə yaşıl rəngə çevrilir.
not: zəhərli maddə deyil, ümumən, tərkibcə qumla yaxındı demək olar ki. toksiklik xüsusiyyəti kobalt xloridə görə mavi silikogeldə var sadəcə.
Not 2: Mariya kürüsündən: qumlar tərkibcə fərqli ola bilər, silica gel də Adi qumdan fərqlənir, daxilə qəbulu yenə də təhlükəlidi. Təşəkkürlər.
dəniz səviyyəsindəki atmosfer təzyiqində suyun qaynama temperaturu 100°C-dir. hündürlük artdıqca təzyiq azalır (P=P0*exp(−Mgh/RT)), və qaynama temperaturu da azalır. misal üçün, everestdə suyun qaynama temperaturu, təqribi, 70-71°C-dir. bundan sonra da hündürlük artdıqca qaynama temperaturu aşağı düşür, və müəyyən hündürlükdə su bədən temperaturunda qaynamağa başlayır, həmin hündürlük dəniz səviyyəsindən 18-19 km yuxarıdadır. "armstronq limiti" harry george armstrong-un adı ilə bağlıdır.
armstronq limitində və ya yuxarıda insan bədənindəki digər mayelər də(qan, tüpürcək və s.) də qaynamağa başlayır (baxma: ebullism).
Şəxsin partnyoru tərəfindən həddindən artıq sevgiyə boğulması halıdır. daha çox narsist insanlar tərəfindən edilir, və edilməsinin səbəbi şəxs üzərində kontrolun ələ keçirilməsi, manipulyasiya ediləbilinməsidir. "Love bombing"ə məruz qalan tərəf bir müddət sonra artıq bu "sevgi" müqabilində qarşı tərəfə borclu olduğunu düşünməyə başlayır və beləliklə, həmin şəxsə asılılıq yaranır.
Digər hallarda da "love bombing" edən şəxs bir müddət sonra həmin sevgini sizin üzərinizdən çəkir və yenidən həmin sevgini qazanmaq üçün, asılı vəziyyətə gəlirsiz.
son zamanlar daha da populyarlaşan ifadə.
red flag bəsit anlamda təhlükə işarəsidir. hal-hazırda, populyarlaşan anlamı (keçmiş) romantik münasibətlərdə partnyorların müəyyən*
şübhəli
davranışlarını xarakterizə etmək üçün istifadə olunur. misal üçün, "sevgilim köhnə sevgililəri haqqında həmişə pis danışırdı, dediyinə görə, bütün köhnə sevgililəri bərbad insanlar idi", bu, partnyor haqqında "red flag" ola bilər. bütün sevgililərinin bərbad insanlar olması, özünün isə münasibətlərdə həmişə "zərərçəkən" tərəf olması inandırıcı səslənmir. red flag-ə digər misal lovebombing ola bilər.
şəxsi fikrimcə, partnyordakı hər xoşagəlməz özəlliyin red flag olaraq adlandırılması düzgün deyil. "red flag"-i həmin münasibətin nə vaxtsa necə sonlanacağını, necə xatırlanacağını öncədən təxmin etməklə bağlı köməkçi vasitə kimi düşünmək olar. sifarişi verən: Derek
sürreal olan hissəsini izah edim
səhv etmirəmsə bu gün ömrümdə ilk dəfə izlədim bu verilişi. texnologiya xəbərləri zad göstərirlər guya. nəsə bir video gəldi robotlarla bağlı idi. video gedir, oğlan danışır, danışandan sonra robotun etdiklərini göstərirlər videonun davamında. mahnı səslənir arxa fonda. əsas məsələ burdadır, mahnıda.
(youtube: )
.
mahnıdan alıntı (lykke li - get some)
...I'm your prostitute, you gon' get some...
düzgün eşitmədyimi düşünüb diqqətlə qulaq asmağa başladım. yox ala əməlli başlı mahnıda "i am your prostitute" zad deyir.
səs rejissoru (musiqiləri seçən kimdisə) ya çox troll imiş ya da çox nə bilim.
Başlıq nə qədər uyğundur bilmirəm amma yenə də məncə bura yazsam yaxşıdır.
instagramda keçən dəfə balaca bir yazı gördüm, yazı ingilis dilində idi, təxmini olaraq "kiçik qızlarınıza oğlanların onlardan xoşları gəldikləri üçün onları incitdiklərini deməyin (saç çəkmək, dəftər yazmaq və s). Abusing(?) normallaşdırılmamalıdır. Uşaq yaşlardan eşidilən bu sözlər qızlarda, onlara qarşı fiziki şiddətin,tacizin sevgi ilə əlaqəli ola biləcəyi fikrini aşılayır". Kiməsə görə çox "woke", mənasız səslənə bilər. Amma mən oxuyan kimi ibtidai sinif, uşaqlığım yadıma düşdü. belə hallar yaşanmışdı və uşaq vaxtı aşağı yuxarı eyni sözləri eşitmişəm və bilirəm ki, çox adam eşidib . Uşaq vaxtı eşitdiyimiz sözlərin , gördüyümüz hadisələrin şəxsiyyətimizdə, xarakterimizdə təsirini danmaq gülünc olar. Təsadüfi deyil ki Azərbaycanda, bir çox qadınlar üçün kişilərdən gördükləri fiziki şiddət qəbul edilə bilən olur, hətta sevgi kimi də qəbul edilir şiddət, yersiz qısqanclıq və s. Kimi əslində qəbuledilməz olan hadisələr. Uşaqlara bunların normal olmadığı aşılanmalıdır, əgər belə olsa bəlkə gələcəkdə neçə insanı səhv insanlarla bir yerdə olmaqdan, həmin şəxslər tərəfindən yetirilə biləcək fiziki və cinsi istismardan qoruya bilər.
grooming və ya child grooming, yetkinlik yaşına çatmış bir şəxsin uşaqlarla emosional münasibət quraraq onların inamını qazanması və bundan müəyyən məqsədlər (cinsi zorakılıq, adam qaçaqmalçılığı və s.) üçün istifadə etməsi halıdır.
Grooming uşağın və bəzən də ailəsinin də inamını qazanmaqla başlayır, və manipulyasiya ilə uşağı ailəsindən və dostlarından uzaqlaşdıraraq, grooming edən şəxsə yaxınlaşdırır. inam və minnət hissi yaradıldıqdan sonra, grooming edən tərəf öz real məqsədini həyata keçirir.
not: bir müddət əvvəl, maraqlı bir tvit oxumuşdum, heyf ki, tapıb birbaşa paylaşa bilmirəm. Qısaca məzmunu belə idi: "neçə yaşınız və mövzunun nə olmasından asılı olmayaraq, nə vaxtsa, hər hansısa bir mövzuda böyük bir adam "valideynlərinə demə" deyirsə, mütləq valideynlərinizə deyin."
agatha christienin 1972-ci ildə çap edilmiş əsəri. mövzusu: bir qadın qonaqlıqda olarkən ariadne oliverə yaxınlaşıb oğlunun evlənmək istədiyi qızın valideynlərinin necə öldüyünü öyrənməsini istəyir. oliver qadına kömək etməkdən imtina edir, amma, puarodan da kömək alaraq hadisəni özü araşdırmağa başlayır.
fikrimcə, yazıçının ən zəif əsərlərindən biri idi. hətta, kitabın ortasına gəldikdə hadisənin necə baş verdiyini təxmin edə bilirsiz az-çox. təbii ki, bu çox da ciddi problem deyil, amma, təxmin edilən hadisənin "cliche" olması əsəri zəiflədir.
Sözlükdə bəzən məsləhətxanadakı başlıqlara kliklədikdə aşağıdakı kimi halla qarşılaşmaq olur. Hərçənd başlıq açarkən sadəcə böyük i hərfindən istifadə etməsəz, problem olmayacaq, amma bu tipdəki məsləhətləri görüntüləmək üçün "workaround" da var.
1. Məsləhətin linkinə kliklədikdə onu editləyə bilərsiz.
2. linki .../meslehetxana/nomre/-ə qədər təmizləyin.
3. Yeni linklə axtarış vurun.
emile durkheima görə 4 intihar növündən biri.
şəxs cəmiyyətdə baş verən dəyişikliklərlə (iqtisadi, sosial və ya siyasi) başa çıxa bilmədiyi üçün intihar edirsə "anomic suicide" adlanır
digər 3 tip isə bunlardır:
(bax: altruistic suicide)
(bax: fatalistic suicide)
(bax: egoistic suicide)
Jackie coogan uşaq ikən Charlie chaplinin filmlərində oynayır və milyonlarla dollar qazanır. 18 yaşında ailəsindən hesabındakı pulları tələb etdikdə pullarının xərclədiyini öyrənir. Buna görə də coogan ailəsinə qarşı məhkəmə işi açır və məhkəmə coogan-ın xeyrinə qərar verir.
qanun incəsənət və ya idman sahələrində çalışan uşaqların gəlirlərinin 15%-nin coogan hesabına yatırılmasını və bu hesabdan yalnız uşağın yetkinlik yaşına çatdığı vaxtda istifadə etməsini təmin edir.
1 saat içində artıq bilmirəm neçənci dəfədir ki, son görülmənə baxıram, təxmin edirəm ki, yatmısan, sən yatanda nədənsə narahat oluram, sanki online olsan, danışmasaq belə daha rahat olacam, bilirəm bu yazdığım çox axmaqcadı amma nə etmək olar, darıxmışam.
23 ay sonra gələn edit: o vaxtlar yaman duyğusal olmuşam -*, hamını unutmaq olurmuş -*
Bayaq bilmirəm tam olaraq necə ora düşdüm, amma camaatın bu adama fəxri ad verilməsi ilə bağlı hashtag açdığını gördüm, bu adamın "mənalı" hekayə danışıb, şeir oxumasından başqa nə kimi fəaliyyəti var ki, həqiqətən maraqlıdır, fəxri ad almağı istənilir.
ölkə şizofrenik ruh halı içindədir rəsmən. planlı, birbaşa hər hansı bir qurum vasitəsi ilə edilən bu hərəkətlə nəyi isbat etməyə çalışırdılar ki? sevilmirsiz də, niyə elə davranmağa çalışırsız axı, nə dəyişdi ki bunu edəndə. aaa polisə gül atıblar uje biz də sevirik polisi filan deyəcəyəyik?
not: ölkənin konservatoriya işçilərinin vizyonlarının dönər qədər olması biraz qəlbimi qırdı
speaking üçün çox yardımçı ola bilər.
)
