theos

310 0 0 0

10. nəsil yazar

entry: 310

0 post son 1 ildə

Son 1 il 2026 2025 2024 2023 2022 2021

çox

0 gün

ardıcıl post

rekord: 27 gün

gecə quşu

Yeni

Səviyyə 1

0 / 100 XP

26.7K

təxmini söz yazıb

0.4 kitaba bərabər

Statistika

Nailiyyətlər 8 / 16

İlk Addımlar

Yazıçı

Əjdaha Balası

Əjdaha

Oxunan

Bestseller

Veteran

Əbədi

Qələm Ustası

Əjdaha Kralı

Karma Yığıcı

Tanınmış

Vikipedist

Milyonçu

Həftəlik Seri

Abidə

blok başlıqlarını gizlət postları gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

unudulmaz film səhnələri

+26 əjdaha

ögey ana filmində ismayılın rəhmətə getmiş anasının divardakı şəklinə baxıb ağlaması. ailəlikcə hər o filmi izləyəndə həmin səhnə gələnə yaxın anam "biraz qabağa at" deyirdi. səbəbini anlamırdım. bir dəfə elə oldu ki atamla mən baxası olduq filmə. həmin səhnə gəldi. gördüm ki kişinin gözləri dolub, yanağından yaş süzülür. gizləməyə çalışır. ilk dəfəydi ki onu belə görürdüm. heç ümumiyyətlə onun ağladığını görməmişdim. hər şeyi içinə atırdı. nənəmi qəfil itirmişdik. görməməzlikdən gəlib filmə baxmağa davam etdim. bəlkədə buna görə unudulmaz bir film səhnəsi olaraq qalacaq

23 əjdaha! 15.06.2022 00:44, theos

#351678 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yazarların linçə səbəb olacaq fikirləri

+26 əjdaha

müşahidələrimə əsasən deyə bilərəm ki, hal hazırda əksəriyyəti qızlı oğlanlı fərqi yoxdu, eyni zavodda istehsal olunmuşcasına insanlar, əsasən də gənclər hamısı bir-birinə oxşayır. cəmiyyət içərisində özlərini müəyyən bir qəlibə soxurlar: oxşar geyim tərzləri, oxşar zövqlər, oxşar fikirlər, hansısa bir məşhur şəxsə olan dəli fanatiklik və s kimi. orginallıq deyə bir şey qalmayıb. bunları açıq açıq özlərinə də deyirəm. cavab olaraq müasirlikdən, mənim həyatım mənim qərarım danışırlar. halbuki ortada azad seçim zad yoxdu. pultla idarə edilmişcəsinə sürü psixologiyasıyla hərəkət edir hamısı. qızı oğlanından, oğlanı qızından betərdi. ölkədən qaçıb getmə istəkləri, diqqətləri üstünə çəkib egolarını bəsləmə həvəsi, özləri kimi olmayanları/normal sayıla biləcək insanları aşağı görmələri. öz aləmlərində yaşayıb özlərini bir şey zənn etmələri. hansını dindirirsən valideynləriylə problemləri var, həyatları sıxıcıdı, intihar etmək istəyirlər və içkiylə, siqaretlə sakitləşirlər. fikir vermişəm dinlədikləri musiqi tərzləri, baxdıqları film/serial seçimləri belə eynidi. əslində bunların yayımlanan filmlərdəndə qaynaqlı olduğunu düşünürəm. bir "qüvvə" güclü manipulyasiyayla hamısını cəlb edib ordusuna qatır. çox vaxt türk tiktok/instagram videolarında qızların çəkib paylaşdığı qısavaxtlı videolarda bunları sezmək mümkündür. onlardan yavaş yavaş bizə keçdiyini deyə bilərəm. instagramda paylaşılan azərbaycan twitter postlarından dediklərimi anlamaq çətin deyil. damarlarından qan yerinə başqa şey axır məncə. hallogendilər eləbil. heç bir gələcəyi olmayan boş insanlardılar sadəcə. hər yerdədilər. artıq 2 metrdən belə bir insana baxdıqda hansı kateqoriyaya aid olduqlarını anlayıram. artıq fərqli, özünəxas tərzi olan birini gördükdə sevinəcək hala gəlmişəm. ola bilər, bir qrup insan eyni şeyləri sevib, eyni zövqlərə sahib ola bilər. amma mənim dediyimlə bunun arasında gözlə görünən bir xətt var. özlərini zorlamışcasına bir qəlibə soxmaq sadəcə özgüvənsizlikdən, içiboş olmaqdan, və orginallığın olmamağından irəli gəlir. əgər müasirlik belədirsə, mağaramda qalmağı seçirəm. reject modernity!!!

20 əjdaha! 14.08.2022 21:33, theos

#357245 şikayət

sözaltı günlük

+18 əjdaha

sevgili günlük. sabah hərbi xidmət üçün yola düşəcəm. sadəcə bir ildən çox müddət ərzində nələr edəcəyim mənə maraqlıdır. hər şeydən uzaq qalmaq, yeni insanlar tanımaq, psixoloji əzab və boş vaxt itkisi. bütün bunların olacağını bilirəm. yeni bir macəra və təcrübə olacaq mənim üçün. pis ya da yaxşı olacağını deyə bilmərəm. onsuzda gözləntim aşağıdır. amma məni sevindirən odur ki, getməzdən əvvəl bütün həzzləri daddım və əyləncəli vaxt keçirdim. görüşənədək sözlük

17 əjdaha! 04.01.2023 02:24, theos

#365099 şikayət

yazarların hazırda düşündükləri

+19 əjdaha

görəsən bu gənclər niyə ölmək istəyirlər? hərkəsin intihar etmək üçün əlində bir səbəbi var. kimə toxunuram başlayır ağlamağa. belə şey olmaz. soyuqqanlılıq deyə bir şey var. düzdü məndə bəzən içimi boşaldıram amma daha qarışqanı fil etmirəm. bu həyata bir dəfə gəldiyinizin fərqinə varın. fərqi yoxdu istəyir inanclı ol və ya ateist. həyat rəhm etmir. hər şeyə rəğmən dayanmaq lazımdır. lap gücünüz qalmasa belə, taqətdən düşmüş belə olsanız güclü görünün. heç kimin vecinə deyil mən nə yaşayıram niyə ağlayıram. gedib divarın küncündə ağlayıb sonra davam edirəm. boş şeyləri düşünməyə dəyməz

18 əjdaha! 23.09.2022 00:13, theos

#359781 şikayət

yazarların hazırda harada olub nə etdikləri

+18 əjdaha

istirahət məqsədiylə rayona gəlmişəm guya. indidə həyatı sorğulayıram. fərqli bir topluluğun içinə düşmüşəm. soyuducudakı yumurtaların arasında qalmış yarım limon kimiyəm. oturub toy kasedlərinə baxırıq. mənə deyirlər sən nə vaxt tərpənirsən? səbəb? bunlar oynamağa toy axtarırmış. zarafat etmirlər. ciddi-ciddi deyirlər. qızını mənə vermək istəyən bibi var idi. qızı məndən 10 yaş balacadı. deyir böyüyəcək alarsan. eləbil məhsul zad alıram. başqa taliplərdə var imiş. deyəsən şəhərdən gələnlərə böyük adam kimi baxırlar. arada çıxıram gəzirəm belə maraqlı yerdi. insanları çox istiqanlıdı. arada ayaq uydurmaq üçün onların ləhçəsindən istifadə edirəm. bu dəfə inək zad otarmağa getməsəmdə, ağac doğramağa göndərdilər. ağacla biryerdə əlimidə doğradım. balta eləbil m.ö qalıb. günəşin altında gəzməkdən irqim dəyişdi.

15 əjdaha! 12.08.2022 15:57, theos

#357027 şikayət

dovşan

+15 əjdaha

tanış qədeşə ad günündə dişi dovşan hədiyyə vermişdilər. bir adama niyə ad günü hədiyyəsi olaraq dovşan alsınlar bu da ayrı sualdı. o da verdi mənə ki, bəs sizdə həyət evidi saxlayarsız. bu gah evə girib çıxırdı, gah da həyətdəki yarpaqları şumlayırdı. dedim sap qalmasın bir erkək dovşan alaq başı qarışsın. etməz olaydım. bir neçə ay ərzində artıq dovşan ferması açmışdım deyə bilərəm. həyətdə torpağa ayaq basırsan çökür yıxılırsan. uzun tunellər, yolunmuş tüklər və tonla bala dovşan. anası torpağı qazıb içəridə doğurdu, məndə ordan toplayıb yeşiyə yığıb evə gətirirdim. evdə özüm baxıb yetişdirirdim. anasını vaxtaşırı içəri salıb əmizdirməsi üçün şərait yaradıb yenidən geri qaytarırdım. ta ki balalar böyüyənə qədər. əslində anası özü balalarını təkbaşına böyüdə bilərdi. ancaq səbəb bu idi ki, həyətimizdə dəhşət siçovul basqınları olurdu. torpağın altından balaları tutub parçalayırdılar. hətta bir dəfə dovşan tapdığımı zənn edib siçovul balası tapmışdım. istədim öldürüm, amma hər nə qədər düşmən tayfasından olsa da rəhmim gəldi dəymədim. yatdığım yerdə bala dovşanlar gəlib saçımı yeyirdilər. hətta yadıma düşür bir dəfə anası gizli yerdə doğmuşdu deyə balalarının birindən başqa hamısı öldürülmüşdü. o həmin bir dənəsi sağ qalmışdı necəsə. bu tək başına çölə çıxan kimi tutdum gətirdim evə qorumaq üçün. bu tək mənimlə ünsiyyətdə olurdu deyə heç qorxu yox idi bunda. ayrı qala bilmirdi məndən. əhliləşdirilmiş it kimi idi. amma yetimi axırda küçə pişiyi yemək istədiyi anda çatdırdım özümü. lakin gec idi. pəncəsiylə vurub yaralamışdı. gördüm yerdə çabalayır can verir. birazda çırpınıb öldü. pis mənzərə idi. oğlum kimiydi. onu xüsusi olaraq dəfn etmişdim. sonralar sayları artdıqca iç savaşlar çıxmağa başladı. bir birini öldürürdülər. azmış kimi toyuq hinimizi gəmirib dağıdırdılar. sayları əlliyə altmışa çıxmışdı qısa müddət ərzində. artıq baxmağa gücüm çatmırdı deyə əlac olaraq sata bildiyimi lalafoda satdım, yerdə qalanıda kəsib yedim.

13 əjdaha! 11.08.2022 11:13, theos

#356916 şikayət

artıq inanmaqdan imtina edilən şeylər

+13 əjdaha

artıq reallıq deyilən şeyi rədd edirəm. adım kimi əminəmki bir növ simulyasiyanın içərisindəyəm. tanrının fikirlərində və yaxud zehnində bir yerlərdə mövcudam. eləcədə digər hərkəs. sanki missiyaları tamamlamaq üçün yaşayıram. eləbilki hər şey sadəcə mən fərqində olduqca dəyərini itirir və qaydaları pozuram. nə sevinə bilirsən, qorxa bilirsən ya da kədərlənə. bir oyunun içərisində sıxışıb qalmış kimi hiss edirsən sadəcə

8 əjdaha! 01.07.2022 00:15, theos

#353003 şikayət

quran-i kərim

+12 əjdaha

islam dininin müqəddəs kitabı, müsəlmanlar üçün xatırladıcı, məhəmməd peyğəmbərə gələn vəhylər toplusu və tanrının son mesajı. sonradan yazıldığı yaxud dəyişdirildiyi iddia olunur. lakin əlimizdə olan sübutlara əsasən peyğəmbərin dövründə olan səhabələrdə quranı yazır və yayırdı. qədim qayaların, sümüklərin üzərində yazılmış ayələr var. eləcədə başdan ayağa möcüzədir. necə olurdu ki 1400 il əvvəl yaşamış çöl ərəbi keçmiş qədim hadisələr haqqında yazır, sonradan təsdiqlənmiş elmi faktlardan məlumat verir və gələcək müharibələrdən, zəfər yaxud məğlubiyyətlərdən xəbər verirdi? onun nə savadı, nə də dünya görüşü var idi. yazma oxuma belə bilmirdi. heç şübhəsiz bu kənardan ona təsir edən qüvvənin təsiriylə, vəhylə olurdu. birdə belə şey var ki bəziləri düşünür ki, quranda hər şeyin təlimatı detallarına qədər verilməli imiş. gülməlidir. anlamırlar ki quran kainatın kullanım kılavuzu deyil. tanrı göydən quranı hazır paketdə hər şey içində yazılmış qanun kitabı kimi göndərməyib. müxtəlif zaman aralığıyla, yavaş-yavaş vəhy olaraq endirilib. bir şeyi də nəzərə almaq lazımdır ki tanrının dili insan tərəfindən tam aydın anlaşıla bilməz. insan beyni tanrının sözləri qarşısında acizdir. müəyyən limitdə tanrının mesajı keçmiş kitablardakı kimi quranda da ifadə olunmağa çalışılıb. quran düşünməyə sövq edir. tanrı haqqında, onun möhtəşəmliyi, insanın onun qarşısındakı zəifliyi və insanın iç dünyası. insanlar tənbəldir. bizi heyvandan fərqləndirən, verilmiş ən böyük nemət olan düşüncədən istifadə etmirlər. təkcə quranı oxumaqla nəsə anlamaq qeyri mümkündür. tanrı, yaradılış və kainat haqqında fikir yürütmək məntiqsizdir. digər müqəddəs kitablar (incil, tövrat və s.), qədim dinlər, mifoloji hekayələr və fəlsəfəyə nəzər salmaq lazımdır. çünki hamısı bir biriylə bağlantılıdır. biri olmadan digərinə kortəbii inanmaq özünü aldatmaq deməkdir. qədim dinlərdə olan tanrı təsəvvürləri, ilahi mesajlar haqqında oxuduqda quranın nə demək istədiyi anlaşılır. bir növ quran keçmişdə baş verənləri araşdırmağa, axtarmağa sövq edir. özü belə bunu deyir. "özünüzdən əvvəlkilərə baxın, sizdən əvvəlkilər, yer üzünü gəzin dolaşın və s." kimi ayələr. çoxları başa düşmür. ya da anlamaq istəmirlər. qurani kərimə sehrli bir cisim kimi baxırlar. evdəki ən hündür yerə qoyulur, əl vurmağa qorxulur və ölülərə oxudulur. kaş ölülərə oxutduqları qədər özləri də oxusaydılar. çünki ölüdən çox diriyə lazımdır tanrının son mesajı.

9 əjdaha! 17.07.2022 00:25, theos

#354326 şikayət

amerika deyiləndə ağıla gələn şeylər

+12 əjdaha

belə bir mənzərə canlanır gözlərimin önündə: qar yağır, bir-birinə oxşayan böyük bacalı evlərin ətrafına işıqlar düzülüb. ailədəki uşaqlar sevinclə yataqlarından qalxıb qaçaraq yolkanın altındakı hədiyyələri açırlar. uşaqların valideynləri onlara baxaraq gülümsəyib qucaqlaşırlar

11 əjdaha! 29.06.2022 09:34, theos

#352812 şikayət

uşaq vaxtı edilən umbaylıqlar

+9 əjdaha

o vaxt kasedlər var idi qara rəngdə dörbucaq qalın formada bilən olar. onun içindəki qara lentləri söküb bütün bədənimə dolayıb özümü venom zənn edirdim. qohum əqrəbanın içində tullanıb düşürdüm lent zad atırdım sağa sola. güclü fantaziyam olubmuş. sadəcə oğlanlar var şərait yoxdu

7 əjdaha! 27.07.2022 02:18, theos

#355159 şikayət

yazarların linçə səbəb olacaq fikirləri

+16 əjdaha

kişiləri qadınlardan yaradılış da daxil olmaqla bir çox sahədə üstün hesab edirəm

15 əjdaha! 21.08.2022 20:16, theos

#357825 şikayət

uzaq yol getmək

+11 əjdaha

şəhərdə deyə bilmərəm amma həyatımın ən uzun piyada yol səyahətini kənddə etmişdim. çox insanın bildiyi kimi kənd yerində həyat fərqlidir. səhər saat beş altı olan kimi qalxıb işlərini görməlisən. kəndə istirahət məqsədiylə getmişdim guya. hardaydı ala məndə o bəxt? dayıoğlu oyatdı ki davay oyan malları bağlamağa getməliyik. gözlərimi ovuşdura-ovuşdura bir inəklərə baxıram, birdə göy üzünə. eləbil gecədi səhər açılmayıb heç. missiyamız bu idi ki, inəkləri tövlədən çıxarıb dünyanın o başındakı otlağa aparıb yemləməli idik. daha doğrusu onlar yeyəcəkdi. yuxulu halda maşın yolunda sağa sola şıllaq atan inəkləri nizama salıb ucsuz bucaqsız yolda ilərləyirdik. yol o qədər uzun idi ki, günorta olurdu artıq. babatda susamışam. tərdə su kimi axır bədəndən. artıq o həddə gəlib çatmışdı ki, tərimdən duz dadı gəlmirdi. bir yandanda düşünürəm bu yetim uşaq neynəsin ala. inək dartıb aparıb gətirməkdən bildiyin bodybuilder bədəni çıxarıb. biz gəldik çıxdıq sahəyə tərəf. bəs inəkləri birinci sulamalı imişik. torpaqda şumlanıb, zibil.. indi o kələ kötür yeri keçib o biri taya çıxmalıydıq. buynuzlarına kəndir bağlayıq dartmağa başladıq. kol kosa, pambığa, tikana bata-bata axır ki çatmışdıq. hələ inəklər bu basa basda kəndirdən qaçıb pambığa girişməkləri zor idi. camaatın nə qədər məhsulu zay olmuşdu ala. şəppilərimdə cırılmışdı o ayrı məsələ. o səhrada su tapan adam kimi bizdə inəklərlə birgə əyilib su içirdik. bir neçə saat bunları otladıb eyni yolu geri qayıtmalı idik. onu bilmirəm evə gəlib çatanda bir damacana suyu boşaltmışdım mədəyə

10 əjdaha! 01.08.2022 04:02, theos

#355738 şikayət

ilahi hisslər keçirmək

+8 əjdaha

bu başlığı açılmağa layiq gördüm. bəlkədə gələcəkdə oxuyub özümü yenidən analiz etmək üçün bir vasitə olar. bilmirəm bəzən ilahi hiss dediyim ümid dolu bu hisslər bütün ruhumu sarıyır. bunu dindar bir ailədə böyüməyim yaxud hal hazırda dindar olmağımla əlaqələndirmirəm. inancsız olduğum vaxtlarda belə bu hiss məndən əl çəkmirdi. daim kənardan bir qüvvənin durmadan mənə özünü sübut etməyə çalışdığını hiss edir, öncədən haqqında etdiyim təxminləri reallaşdıraraq özünü isbat etməyi bacarırdı. həyatda çalışdığım qədər qərarlarımı məntiqlə verməyə çalışmışam. duyğular həmişə işlərimi korlayıb. amma bu fərqli bir şey idi. nə zəkaya sığırdı, nə də duyğulara. eynilə bəzi qədim filosofların bu anlayışın insan şüurundan qat-qat üstün olduğunu, anlaşıla bilməyəcək səviyyədə olduğunu dedikləri kimi. bunun zamanla birbaşa tanrı olduğunu qəbul etdim bu sözsüz. amma bu mövzu olduqca qarışıqdı və hərkəsin öz baxış bucağı var. bəlkədə ifadə edilməsi ən çətin hiss olardı deyərdim. tanrının dilinin, kəlməsinin insana başa salınması yaxud onda əks olunması dəhşətli prosesdir. insanın varlığı bir andaca məhv ola bilər. fikrimcə bu hissin özü belə insandan insana dəyişir. amma tək bir məqsədə doğru yönləndirdiyi şübhəsizdir. tanrıyla birləşmək, həzz almaq, üstün hiss etmək və durmadan daha artığını diləmək. tanrılaşmaq deyərdim buna. kim bilir bəlkədə xristianların "ata" deyə nəzərdə tutduğu sanki ona qovuşmağın və birləşməyin müraciət formasıydı. tanrınında məqsədi bu idi onsuzda. özünü insanın simasında əks etdirmək yaxud başqa bir forma keçirmək. anlaşılması çətindir. əvvəl axır uca bir məqamdan göndərilmiş üstün "mesajlar" bəsitləşdirilərək, gah hisslərlə gah da peyğəmbərlərin yardımıyla insanoğluna çatdırılmağa çalışılıb. insan bəlkədə məsuliyyətli olub sözündən çıxmasaydı, əminəmki nə peyğəmbərə, nədəki vəhyə ehtiyac qalmazdı. sadəcə içindəki o müqəddəs hissi yaşadaraq tanrıya qovuşa bilərdi. heç bir vasitə - ibadət, kitab, peyğəmbər, vəhy olmadan. sadəcə ilk başladığımız yerə qayıtma istəyi. sırf bunu hiss etmək belə bəs edərdi insanoğluna. daha artıqdı amma hiss etdiklərim. heçnə yetmir artıq ifadə etməyə. sussam da, danışsam da xeyri yoxdu onsuzda. sadəcə varlığım bəs edir dərk etməyə.

6 əjdaha! 30.07.2022 01:12, theos

#355499 şikayət

sizi niyə işə götürməliyik sualına veriləcək alternativ cavablar

+8 əjdaha

"çünki həvəsim var" deyirəm hər zaman. və işə götürürlər

7 əjdaha! 30.11.2022 01:56, theos

#363342 şikayət

insanı sevindirən şeylər

+8 əjdaha

əl üzümü yuyanda uvalnikin içindən çıxmağa çalışan böcəkləri xilas edib ağac budağının üstünə qoymaq

6 əjdaha! 01.08.2022 03:01, theos

#355733 şikayət

acı həqiqətlər

+10 əjdaha

insanlar çoxu əslində bir-birini sevməz. aralarında yaşanan sevgi deyildir. sadəcə onlarda axtardığını, onun xeyrinə/leyhinə olanı sevərlər. özlərini sevərlər belə də deyə bilərik. öz zövqlərini təmin etmək, məqsədlərinə çatmaq üçün qarşısındakını vasitə olaraq işlədərlər. insan ruhu eqoistdi. avtomatik olaraq sadəcə özünün yaşamasını, həzz almasını və keyfiyyətli həyat sürməsini təmin etmək üçün hər cür yola əl ata bilər və bunu gözəl bir şey olaraq göstərmək üçün "xoş" isimlər qoya bilər. təmənnasız olaraq sizi sevənlərdə var əlbət. ancaq istisnalar, kaideyi bozmaz.

9 əjdaha! 29.07.2022 12:25, theos

#355412 şikayət

yeni doğulmuş uşağın hər ay tamamında o mövsümə aid meyvəylə şəklini çəkən ana

+9 əjdaha

bizimkilərdə mənim şəkillərimi karaşokda çəksinlər. onsuzda deepweb kimi uşaqlıq keçirmişəm bu heçnədi

7 əjdaha! 07.08.2022 23:30, theos

#356388 şikayət

az bilinən mükəmməl qruplar və mahnılar

+6 əjdaha

mordecai and rigbys - party tonight

4 əjdaha! 10.08.2022 14:39, theos

#356794 şikayət

zövq verən kiçik çılğınlıqlar

+6 əjdaha

ailəlikcə baxdığımız xarici filmin altyazılarını oxuyub tərcüməçilik edərkən özümdən sözlər atıb basıb bağlayaraq dialoqları mənasından uzaqlaşdırmaq

6 əjdaha! 22.08.2022 22:44, theos

#357890 şikayət

logan paul

+7 əjdaha

böyük izləyici kütləsinə sahib, bir vaxtlar viner olan amerikalı çılğın youtuber. dwarf mambayla olan döyüş səhnələri daha çox gülməli gəlir. ölüm və ya digər səbəblərdən dəfələrlə ev heyvanı dəyişmişdir. qardaşı jake paul'la arasında daha yaxşı övlad olma kimi bir rəqabət hiss edilir bəzi videolarında. səhv etmirəmsə, ksi'la arasında olan qızışmadan sonra ilk boks maçında məğlub olmuşdur. daha sonra barışaraq qardaşlaşıb "prime" adlı sport içkisi yaradıb satışa buraxdılar

5 əjdaha! 01.08.2022 03:11, theos

#355734 şikayət

zamanla geridə qaldığı üçün darıxılan şeylər

+7 əjdaha

maraqlıdır ki, payız fəsliylə əlaqəli bir şeydir darıxdığım o "şey". beynimi gücə salsamda, nə qədər çalışsamda alınmır. yadıma düşmür. sanki o çox sevdiyim şeyi payızın yağışlı, islaq küçələrində atıb getdim. hər yağış yağanda gələn o doğmalıq hissi, qeyri iradi gülümsəmələr. darıxdığım payız fəsli ya da xatirələr deyil. bilmirəm bəlkə də mənim halımda olan başqalarıda var. belə baxanda gülməli çıxır, darıxdığım şeyi xatırlamıram amma darıxıram. kaş xatırlayardım o darıxdığım şeyin nə olduğunu. hətta deyərdim həyatımın ən xoşbəxt günü idi o şeyi itirdiyim gün..

4 əjdaha! 01.08.2022 03:25, theos

#355735 şikayət

mazqini xarab eləyən şeylər

+7 əjdaha

təzə idmana başlamış balaca qardaşın gedib-gəlib kibrit qollarını üzümə sürtərək "əzələlərimi öp bitch" deməsi. sonrada olmayan krılalarını sıxıb güzgüdə arnold show edir. amma qürur duyuram əsas odur avara avara gəzməkdənsə, özünə xeyirli işlə məşğuldu

5 əjdaha! 07.08.2022 23:33, theos

#356389 şikayət

zülqərneyn

+7 əjdaha

quranda adı keçən tarixi şəxs. peyğəmbər olub olmadığı mübahisəyə açıq mövzudur. adının mənası "iki buynuz sahibi" deməkdir. bunu dəbilqəsində olan iki buynuzla əlaqələndirirlər. bəziləri onun makedoniyalı isgəndər, birinci dara, ikinci kir, və ya Oğuz xan olduğunu düşünür. yazılana görə o tanrıya iman etmiş etmiş və qiyamət gününə inanırdı. tanrı tərəfindən ona güc verilmişdi, istədiyi yerə xüsusi vasitələrlə səyahət edə bilirdi və qüdrət sahibi idi. şərqə və qərbə səyahət edərkən fərqli millətlərlə rastlaşmış və onların problemlərini ədalətlə həll etmişdir. qarşılaşdığı bir cəmiyyət ondan yəcüc və məcüc tayfasından şiyakət edir və müəyyən məbləğ qarşılığında onlar üçün sədd çəkməyini istəyirlər. çünki onlar fitnə-fəsad törədib soyğunçuluq edirdilər. zülqərneyn sadəcə insan qüvvəsi tələb edib dəmir və mislə sədd çəkir beləcə yəcüc və məcüc tayfasını əngəlləmiş olur. lakin qiyamət günündə yəcüc və məcücün səddi aşacağını xəbərdarlıq edir. zülqərneyn'in hansı dövrdə yaşadığı dəqiq deyil. amma dəmirlə işləyə bildiyinə görə, dəmir dövründən sonra yaşadığı düşünülür. quranda onun haqqında yetərli məlumat verilmədiyindən sirrli bir şəxs olaraq qalmaqdadır

5 əjdaha! 29.08.2022 17:41, theos

#358320 şikayət

sözaltı günlük

+8 əjdaha

əziz soz6 günlük. bu gün doğum günümdür. dünyaya gəlməyimin üstündən 18 il keçir. doğum günlərini qeyd etməyi heç sevməmişəm. bir insanın öz doğulduğu günü qeyd etməsi məntiqsiz gəlib həmişə. nəticədə hərkəs doğulur və ölür. ailəm mənim üçün necə də xoşbəxtdir. ümidləri böyükdür və qürur duyurlar. ancaq mənim üçün vəziyyət fərqlidir. həyatımda son vaxtlar çox dəyişikliklər oldu. ilk doğum günümdür ki qeyri adi hiss edirəm. və eyni anda heçnə hiss etmirəm. əmin deyiləm. özümə sual verirəm: bu 18 ildə nələr etdim? nələr bacardım? arxaya baxanda boşluq görürəm. öz içində boğuşan, düşüncələr içində üzən qəribə bir gənc görürəm. nəysə. dedim bura qeyd edim hiss etdiklərimi. bəlkə nə vaxtsa oxuyaram. indi gedib yağışda islanaraq gətirdiyim tortumu kəsdikdən sonra günü sonlandıracam. əlvida əvvəlki mən.

5 əjdaha! 11.03.2022 17:57, theos

#347054 şikayət

sözaltı günlük

+7 əjdaha

bu gün ana vətənimə qayıtdım. doğurdan da ev kimisi yoxdu. evdəki rahatlığı heç yerdə tapa bilmirəm. pişiklərlə güləşmək üçün, divanda uzanaraq yumurta pomidor yeyib kinoya baxmaq üçün darıxmışdım

7 əjdaha! 18.08.2022 21:15, theos

#357599 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 3409

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 3416

theos

son bəyənilənlər:

oxuyucuların bəyəndikləri:

theos

Post Ardıcıllığı

Yazı Saatları

Səviyyə Sistemi

Yazı Statistikası

son bəyənilənlər:

oxuyucuların bəyəndikləri: