uzuncorab hippi

2,678 0 0 0

2. nəsil yazar

Entry: 2,678

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

ata

+74 əjdaha

Yalnız adam..
1 aydan bir az çoxdur, #9931 entryni oxuyub ağlamışdım, atamı çox ifadə edirdi, yalnız adam.

Bu gün tam 1 ay olacaq ki yoxsan. Tanımağa, sevməyə gecikdiyim, son dəfə üzünü görə bilmədiyim, səsini ancaq bir neçə saniyəlik öskürəkdən boğulmaqla eşitdiyim adam. Doğulandan yanımda olub, amma tanımamışam atamı. Etdiyi hər şeyin səbəbini təzəcə çözmüşdüm. Təzə öyrənmişdim sevməyi, heç sevə bilmədim. Qucaqlaya bilmədim atamı doyunca. Heç doymayınca da. Qucaqlaya bilmədim. Tək doğulan, tək yaşayan, tək ölən adam. Tək ölməsi çox ağrıdır məni. O qədər əziyyətlər içində, niyə başqa bir ölüm yazılmamışdı axı ona, bir son söz deməyə fürsəti niyə olmadı ki.. Tənha adam. Heç bir dəfə normal qucaqlaşdığımız yadıma gəlmir, saçıma heç sığal çəkmədin, həmişə küskün idim sanki, bütün əskikliklərimin səbəbini ona bağlayırdım. Naşükür olmuşam. Orada olmağın belə bəs imiş. Bir "necəsən" sualın belə sığal imiş elə.. bilməmişəm. Sənin başına sığal çəkən olmamışdı axı, necəsən deyənin belə olmamışdı, bütün sıxıntıların, tənhalığınla yenə də dünyanın ən güclü adamı sən idin. Niyə getdin axı. Qəbul edə bilmirəm. Elə bilirəm gələcək. Son dəfə iki kəlmə mesajın qalıb "yuxum gəlir, yatıram, sağ olun" oyanmadın axı?! Nə çox yorulmuşdun..

Özün də inanmırdın. Özünü heç düşünməyən adam. Şikayət etməyən adam. Səssiz adam. Hər gecə istəyirəm yuxuma gələsən, gəlmirsən. Hamı görür yuxuda mən görmürəm səni. Çox darıxıram axı..

Heç vaxt heç kimə əziyyət verməyən adam. Gedəndə də heç kimi incitmədən, özü də elə vaxtda getdin ki sanki ətrafda baş verənlərdən çox da üzülməyək deyə. Barı bunda bizi yox özünü düşünərdin. Heç cürə ağlım almır ki yoxsan.

Hər şeyi anlayıram, hər şeyi qəbul edirəm, təsəllisi olmayan mən hamıya təsəlli verirəm, sanki güclüyəm. içimdən yıxılıram axı. içimdəki balaca qızı təzəcə böyüdürdüm, o da atasız qaldı.

O qədər ağrıdır ki, hamı ordadı sən yoxsan, səninlə şəklimizi axtarırdım, yoxdu, bircə dənədi, sağalıb gələcəkdin, çəkdirəcəkdik. Evdə itirməyim sən gələndə tapasan deyə pəncərənin qabağında qoyduğun şuruplar elə ordadı, gələndə tapasan deyə götürmürəm.

Atasız qalmaq çox ağrıtmır da, bunu eqoistlik hesab edirəm, kaş ki çəkdiyin əziyyətlərin bir az da bəhrəsini görüb elə ölsəydin. Son ad günündə şeir paylaşmışdın:

Mənə yüz il ömür arzulamayın,
Payız yarpağıtək qovmasın külək,
Gözlərim görsə də, ayağım, əlim,
Əsalıq olanda dayansın ürək.

Mənə "Yüz il yaşa!" deməsin dostlar,
Gülüşüm, yerişim, səsim itməsin.
Məndən cavan olan, gümrah olanlar,
Çiynimdə dünyadan köçüb getməsin.

Mənə yüz il ömür arzulamayın,
Bu qədər yaşayan hansı çiçəkdir?
Sən yaşda qalmırsa tay-tuşun, tayın,
Qurdla qiyamətə qalmaq deməkdir.

Mənə elə ömür arzulayın ki,
Ölüncə ümmantək çağlaya bilim.
Qapı-pəncərəni öz evimdəki
Özüm aça bilim, bağlaya bilim.

Sağlıqlar deyəndə hərdən şənimə,
Nə özüm kövrəlim, nə sizə gülüm.
Tanrıdan bir ömür diləyin mənə,
Hər vaxt sevə bilim, sevilə bilim.

Taleyim sevgiylə baxsın üzümə;
Görsün yad payına şərik deyiləm.
Gərək olmayanda özüm-özümə,
Deməli, heç kəsə gərək deyiləm,

Mənə yüz il ömür arzulamayın,
Ləyaqət, təmiz ad atıb getməsin.
Dünyaya qalacaq malı dünyanın,
Karvanım lənətə batıb getməsin!
Mənə yüz il ömür arzulamayın...

Yüz il olmasın, amma belə də çox tez oldu axı, ata. Gözlərin uzaqlara baxır bütün şəkillərdə, kaş ki bir az daha yaxın olsaydıq da paylaşsaydıq. O qədər yaxın idik ki əslində, nə gözəl anlayardıq bir birimizi..

Qardaşım balaca olanda ölümü qəbul edə bilmirdi, deyəndə ki kimsə ölüb daha olmayacaq ağlayırdı. Başqa yerdə yenidən doğulub yaşadıqlarına inanmaq rahatladırdı onu. indi mən də, inanmaq istəyirəm ki haradasa başqa yerdə doğulacaqsan, ümidvaram bu dəfə ruhun rahatlıq içində olacaq. Elə bilirəm çox təmiz, şərəfli və vicdanlı olduğun üçün bu dünya sənə ağır gəlirdi..

Düz bir aydır bütün kədərim içimdə yığılıb, nə kiməsə danışa bilirəm, yarısının vecinə deyil, yarısı danışsam pis olar, yarısı da gic gic məsləhətlər verər. Haradasa paylaşa bilmirəm, birdən sözlük çıxdı qarşıma, hələ də doğma imişik. Qaydaları unutmuşam, pozduğum olsa düzəldin, entrymə dəyməyin.

52 əjdaha! 07.11.2020 00:27, uzuncorab hippi

#309505 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

darıxmaq

+45 əjdaha

3 ildən sonra adama entry yazdıra bilir. buranın formatı nətəriydi?

37 əjdaha! 27.12.2017 00:20, uzuncorab hippi

#265012 şikayət

gecə yazıb gündüz yatan sözlük yazarları

+33 əjdaha

heç nə yazmasa da yenilə'nin suyunu çıxaran yazarlardır. iş falan bəhanə, beyni rahat olmayan yazarlardır. tək qalmağa nifrət edən, amma yenə təkliyə can atan yazarlardır. onlardan başqalarına dəyər bəlkə ama özlərinə heç bir xeyir gəlməz. saatın tıqqıltısı başına düşən yazarlardır. yayın istisində üşüyən yazarlardır(hamının adından oldu elə bil, kusura baxmasınlar artıx). qonşunun soyuducusunun yanıb-sönmə intervalını əzbərləmiş yazarlardır. niyə bütün tavanlar ağ, düz və düzbucaqlıdır deyə düşünən yazarlardır. psikolojisi yerində deyil o adamların yəni, ya da yerindədi elə belə də olmalıdı, gecənin kimsəsizliyindən nə gözləmək olar ki. nümunədi o yazarlar. hamısı bir qaba yığılıb doyunca sevilməlidi.

26 əjdaha! 15.07.2013 04:24, uzuncorab hippi

#53411 şikayət

sözaltı etiraf

+34 əjdaha

sözlüyü çox sevirəm, facebooku, twitteri və digərlərini sevmədiyim kimi. ortam gözəldi bi kere. seçib yığıblar elə bil yazarları bura, hepsi o kadar tatlı ki. təsəvvür edirsiz, heç kimi tanımırıq, yəni əksərən, amma çox adamın heç ən yaxınlarının bilmədiyi xüsusiyyətlərini, yaşadıqlarını, dərdlərini, fikirlərini və s bilirik, bu da uzaqdan uzaqdan kim olduğunu bilmədən yaxınlaşdırır insanları bir birinə, sevdirir. kimlik deyil, insanlıq ön plana keçir. nəysə oraları boş verin də, 1000ci entryni yazıram ekskluziv şeyeləmək istədim. başda ceo and founderahsgahdg timidus olmaqla bütün yazarlara heç nə demirəm, yazmağınızda olun, həmişə yazın, həmişə olun* dedim ki day . 1000ci entryni də ən sevdiyim başlıqlardan birinə yazdım hadi devam -*

32 əjdaha! 23.08.2013 18:08, uzuncorab hippi

#63188 şikayət

oğlanı xarizmatik göstərən şeylər

+31 əjdaha

uca boy* ən əsas , no bığ no saqqal* saqqal bir az qəbul olunandır ama no keçi saqqalı , saçı uzun da ola bilər qısa da, kostyum geyinib özünü boğubsa karizmanın kasını belə şey eləmiyib heç kusura baxmasın. bırakın lan bunları, yerim karizmanızı içi boşdusa, adam olun önce adam* depem attı * ulduzları qoyanda mutlu oluram bir az gözləyin * u hərfi də çox tatlıdı, ağzı açıq halda anasına verdiyi sualın cavabını gözləyən uşağa oxşayır * tamam la ne kızıyonuz karizmanız çizilecek * ulduzların hamısını oxuyanlara salamlar * yaxşı eliyirəm * bu da glş olsun hə nə deyirdim, oğlanı karizmatik göstərən şey onun duruşudu, yerişidi* yapmayaydım iyiydi , səsidi, ne bileyim işte, bu şeylər elədiki, sevimli olmayan adam özünü dağıtsa da karizmatik görsənmir, ama sevimli adamdırsa karizmatik olmayan yanları da karizmatikləşdirəbildiklərimizdənsinizmi olur.

31 əjdaha! 12.09.2013 23:19, uzuncorab hippi

#67809 şikayət

yazarların ən pis pərt olduğu an

+27 əjdaha

qapaqlar(qapaq nə əttökən çıxır dimi ama kapak desenize olum buna, ya da təzə bir şey düşünərik buna indi mövzumuz bu deyil mötərizəni bağlayım) ancaq müəllimlərə olub deyəsən, mənim də bir müəlliməm vardı, olur e bir şagirdə ya tələbəyə takmış müəllimlər, o tipdən. azərbaycan dili dərsi deyirdi, guya bizim dilimizi rus və s sözlərindən arındırmaq istəyirdi, hər dəfə də mənə priçina tuturdu. həri priçina. bir dəfə mən qələm oynadırdım dərsdə, danışmırdım, bilmədi nətər nəsə desin, qayıtdı ki, uzuncorab* ehe , ruçkanı qoy yerə. mən də dedim "qələmi deyirsiniz?". kapak yaz göndər. indi belə uşağskoy çıxdı çox kip bağlanan qapaq kimi görünmədi bəlkə ama müəllimin üz ifadəsindəki o kapak yemiş ifadəni görməliydiniz.

tanım: umbaycasına tanımsız entry yazdığım başlıq.

27 əjdaha! 14.07.2013 13:44, uzuncorab hippi

#53198 şikayət

ən xoş qoxular

+25 əjdaha

Həmişə deyindiyin atanın siqaretinin qoxusu. imiş. Olmayanda bilirsən.

23 əjdaha! 15.11.2020 23:38, uzuncorab hippi

#310649 şikayət

uzuncorab hippi

+21 əjdaha

tanımadığı adamlar tərəfindən anonimliyinin içinə edilmiş yazar. üstünə də birinin gəlib niyə çox adam sənə nifrət edir? deməsiylə deyil sözlükdən, həyatdan da soyumuş yazar. pis nə etmişəm yox, ümumiyyətlə nə etmişəm deyə fikirləşən yazar. mənfi səs verən petuxu vecinə almayan yazar. reytinginin düşməsini, disslənməsini deyil də insanların nəyin dərdində olduğunu, niyə belə olduğunu düşünməkdən beyni şişmiş yazar. sözlükdən soyumaq dediysəm sevinilməsin hemen, özünüzü öldürsəniz də yazacam.

21 əjdaha! 21.09.2013 18:37, uzuncorab hippi

#69029 şikayət

qız olmağın mənfi tərəfləri

+22 əjdaha

heç vaxt oğlanlar kimi dostluq yaşaya bilməmək.

20 əjdaha! 29.07.2013 23:43, uzuncorab hippi

#57667 şikayət

vilayət hacıyev

+21 əjdaha

azərbaycanda yaşayan alman dili üzrə tərcüməçi. həm də necə tərcüməçi. adam işində peşəkardır. yalquzaq əsərini, zəfər tağını, böllün, kafkanın əsərlərini tərcümə edəcək, əsərin ruhunu çatdıra biləcək qədər həm də. originaldan tərcümə etmək, üstəlik alman dili kimi dildən və yalquzaq hiss etdirəcək qədər gözəl. başına dönüləsi adamdır. azərbaycan dillər universitetinin tərcümə fakültəsinin dekanıdır. həm dekan, həm də müəllim olaraq möhtəşəm bir insandır. haqqında danışanlar belə deyir. qocalıb əldən düşüb bir az canım gözəl insan. tərcümələri illərdir dəfələrlə nəşr edilib. bədii tərcümə sahəsində çox geridə olsaq da adam içinə çıxarmağa yalquzaqımız, zəfər tağımız, atama məktublarımız, məhkəməmiz var. buna görə tanımaq lazımdı o adamı. bundan başqa azərbaycan dilində və azərbaycan ədəbiyyatından olan əsərləri də alman dilinə tərcümə etmişdir. peşəsində bu qədər master olan adamları tanımaq adamın ürəyini açır, ümidləndirir. sevirik.

21 əjdaha! 05.03.2014 11:29, uzuncorab hippi

#104313 şikayət

telefonlarda radionun qulaqlıqsız işləməməsi

+22 əjdaha

uzun müddətdir beynimi məşğul edən məsələ idi. bu gün axtardım, sən demə qulaqlıq antenna əvəzi imiş, antenna funksiyasını yerinə yetirirmiş yəni. ola bilər bunu hamı və ya bir çoxları bilirdi və kafamın basmaması gülməlidir, amma maraqlı şeydir -*

22 əjdaha! 03.11.2013 18:41, uzuncorab hippi

#75036 şikayət

sözaltı etiraf

+19 əjdaha

ushaqliqdan ozumu dahi kimi hiss etmishem hemishe. dahi dediyim de hami kimi olmamaq falandir, kafa olaraq. hemishe gorurdum ki men sinif yoldaslarim, oynadigim ushaqlar, qohumlarin ushaqlari kimi deyilem, bilirdim ki, bu yaxshi ferqlilikdir. sonra boyudum sozluye girdim gordum tek deyilem -*

16 əjdaha! 14.10.2013 22:45, uzuncorab hippi

#72218 şikayət

dövlət proqramı ilə xaricdə təhsil

+18 əjdaha

az öncə "adamı" olanların müsahibədə daha diqqətlə dinlənilib, daha çox getmə şansına malik olduqlarını öyrənməyimlə məni bir daha iyrəndirən dövlətin proqramı. təəccübləndimmi? yox. iyrəndimmi? sonuna qədər. pis oldummu? bundan sonra yox. ok, indi məsələn tahirson qərdeşimiz və digərləri ordan çıxıb deyə bilər ki, noldu biz adamsız getdik, bizim tanışlarımız özləri gedə bildilər, sizə və tanıdıqlarınıza çatanda tanış oldu? mən keçən ili o biri illəri və bu il müraciət edən bi sürü insanı bilmirəm, amma tanıdıqlarım arasında, ki bu o qədər də az deyil, tanış tunuşu, adam madamı olanların müsahibəsində çeşid çeşid suallar oldu, müsahibə gülərüz əla keçdi, yerdə qalanlar "yola verdiləre heç qoymadılar sözümü deyim, özümü ifadə edim" oldu? niyə tərcümə fakültəsini bitirib educationa müraciət edən adamın birinə(1cilərdən) "sənin təcrübən yoxdu, gəl nazirlikdə 2 həftə təcrübə keç, göndərək" deyildi və müsbət cavab gəldi, amma onun qrup yoldaşına dirənildi ki sənin ixtisasın uyğun deyil? yəni tamam, mən qəbul edərəm ki mənim ixtisasım uyğun deyil(bu da nə səbəbdirsə artıq, ixtisasım uyğun deyil universitet qəbul eləməsin də ala, sizə nə düşüb), mən pis namizədəm, nəticələrim zəifdi(gözlərinə girsin), müsahibədə siz soruşduz mən deyə bilmədim və s., bütün bunlar okeydir, amma sırf "bütün namizədlərə eyni yanaşırıq" adı altında uşaqların yarısını yola verib, yarısı ilə adam balası kimi intervyu keçirmək nədi. bilmirəm nədi səbəb, bütün keçənlərin də "dayday"ı olduğuna inanmıram, öz əməyi ilə keçənlər mütləq var, amma başqasının haqqı olan yeri bəlkə başqasına yedirirlər elə? allah öldürsün sizi. mən indi sakitəm, o perioddan keçmişəm, amma camaatın uşağı da stres içində cavab gözləyir baxıram yadıma düşür yenə. bir dəfə də 100% şəffaf iş görün də, azərbaycan olanda nolar.

18 əjdaha! 10.08.2014 01:53, uzuncorab hippi

#129689 şikayət

vergidə işləyən anarxist

+17 əjdaha

#111382 nömrəli entrysindəki nə entrylər yazıram, özüm sonra gecələr yorğanı başıma çəkib hıcqıraraq göz yaşı içində entrylərimi oxuyuram. hissə ürəyimi ağrıtdı allaaqqı. özgüvənli olanların, yaraşıqlı olmayıb yaraşıqlı hiss edənlərin, və bu kimi hallara səbəb olanların hamısı ölsün sənə bişey olmasın. əsəbləşdim gecə gecə-*-*

16 əjdaha! 10.08.2014 00:32, uzuncorab hippi

#129679 şikayət

bir qızdan sevgi təklifi almaq

+16 əjdaha

bir oğlandan sevgi təklifi almaq qədər normal bir şeydir. ya da olmalıdır. kim çıxarıb hardan çıxarıb bilmirəm o ilk məsələsini. sevirsənsə söyləyəcən ki sevildiyini bilsin adam. pis şeylər nə yaxşı tez biruzə verilir. amma platonla yaşamağa gücün çatacaqsa söyləməyə də bilərsən.

15 əjdaha! 02.08.2013 21:52, uzuncorab hippi

#58844 şikayət

güldürən hadisələr

+16 əjdaha

deməli marşrutda gedirik, pencereden baxıram ki, hamı baxır yəni, meraklıyıx ya, çevik polis alayından bir polisle bir vətəndaş mübahisə edir,vətəndaş polisə yumruq vurdu, polisin papağı düşdü yerə diyirləndi getdi. indi polis düşüb papağının arxasınca, çata bilmir. avtobusda bir kişi qayıtdı ki, "yaman çevikdir" -*

16 əjdaha! 26.08.2013 10:22, uzuncorab hippi

#63637 şikayət

sözlükdə timidus dövrünün sonu

+13 əjdaha

heç vaxt olmayacaq. adam canını, gecəsini-gündüzünü qoysun sözlüyə, yaxşı olanda hamı tərfiləsin, ay filan şey yaratmısan, ay bəhmən yenilik eləmisən, burda belə yaxşıdı, elə əladı, belə zordu, indi adam universitetini bitirmək üçün tez yazır* bəli heç kimə dəxlisi yoxdu bunun, amma , bununla bərabər sözlüyün düzəlməsi üçün nəsə etməyə və edilməsinə çalışır və bunu sözlükdə yaza bilmir və heç kimin xəbəri yoxdur deyə bilinmir bu, sonra da adamın dövrünün sonu olur, eləmi? adam sözlüyü övlad kimi sevir, sözlüyə bir şey olanda dilxorçuluqdan birtəhər olur, və bacardığı hər şeyi edir sözlükçün. yaxşı olanda bizimdi, pis olanda sizindi, hə? düzəlməsi üçün nəsə yaxşı bir təklifi olan varsa buyursun, ediləndən artığını edə bilən, gözləməyi bacarmayan, dərhal düzəlmirsə deməli düzəlməyəcək fikrində olanlar, sözlüyü timidusdan daha çox düşünənlər. buyursunlar. onsuz da bu hack işi dilxor edir hamımızı, əsəblər gərilib. inqilabla "göndərsəz"* ki onu görməyəcəksiniz * kobud olduğumun fərqindəyəm, im not sorry daha yaxşı variant olaraq nəyi düşündüyünüzü də merak edirəm açıqcası. çağırışdan bəllidi elə "birliy"in vəziyyəti.

not: günlərdir sözlükdəki vəziyyətdən dolayı yığılmış şeylərin patlaması olaraq da qəbul edə bilərsiniz.

12 əjdaha! 26.12.2013 11:57, uzuncorab hippi

#85948 şikayət

qasim

+13 əjdaha

sözlükdə ürəyi istədiyi kimi* formata onsuz da uyğun yazır və ürəyi istədiyi mövqedən yaza bilən və buna davam etməkdə heç bir maneə görməməli olan yazar. indiyədək bir hörmətsizliyini və pisliyini görmədiyim yazar* ateist söyə bilər dindar yox? * hani beraberdik? * mən də dindar deyiləm atlamadan deyim . sözlükdə həmişə olmalı olan yazar, nə qədər mənfilənsə də, reytinqi qalxmasa da. hamının dediyini deyənlərlə hamının demədiyini deyənlər arasında elə də böyük fərq yoxdur. hamı eyni şeyi deyə bilməz. hələ ki bu sözlükdürsə. qasim haqqında açılan antiqasım hərəkatı, qasimdən xilas olmağın yeganə yolu, qasimdan nifrət etmə səbəbləri kimi başlıqlara da birmənalı şəkildə qarşıyam. kimsə qulağındakı sırğaya hörmət gözləyirsə qarşısındakı saqqala da hörmət etməlidir.

13 əjdaha! 18.10.2013 16:17, uzuncorab hippi

#72712 şikayət

katarsis

+13 əjdaha

anlayışın tarixi antik estetik fikrin ilkin dövrlərinə bağlıdır. yunanca katharsis-təmizlənmə deməkdir. pifaqor təlimində musiqi əsərinin katarsis törətməsi haqqında ilkin məlumatlar var. platonda katarsis anlayışı gözəlliyin təsviri ilə verilir. idrak cismani gözəllikdən ruhi gözəlliyə yüksəlir. katarsis anlayışı özünün ən böyük təcəssümünü aristotelesin təlimində tapır. aristotelin faciəviliklə bağlı təliminin əsasını bilavasitə katarsis təşkil edir. aristotel göstərir ki, faciə şəfqət və qorxu hissləri vasitəsilə oxşar hissləri təmizləməyə nail olur. katarsis bu hisslərin başa çatmasıdır. başqa halda, məsələn, bəzi şəxslər dini mahnılardan təsirlənirlər və bu onları qıcıqlandırır, şövqə gətirir və bir növ onları sağaldır, ruhən təmizləyir. rəhmdilliyə, qorxuya məruz qalan insanlar bunu hiss edirlər və həzz ilə bağlı rahatlıq duyurlar. bu onların "təmizlənmə"sini göstərir. aristotel katarsisi həzzin əsası kimi göstərir. təmizlənmə ruhun durumudur, onun əxlaqa ehtiyacı yoxdur. faciədə insan hadisələrin öz başına gəldiyini düşünərək o hisslərdən təmizlənir. teatr insana özünü kənardan göstərdiyi üçün bunu əldə etmək mümkün olur.

10 əjdaha! 24.07.2013 00:51, uzuncorab hippi

#55803 şikayət

xaricdə yaşayan sözlük yazarları

+15 əjdaha

bir gün hamının özü haqqında entry yazmaq istədiyi başlıq.

15 əjdaha! 16.09.2013 18:37, uzuncorab hippi

#68409 şikayət

öldürən tükəzban sözləri

+12 əjdaha

"ay qız bir qısqancdıı, bir qısqancdiki dəyşət. mənə deyir televizorun səsini aç bilim ki evdəsən." ardıyca da ihihih gülüş.

12 əjdaha! 01.09.2013 22:00, uzuncorab hippi

#65183 şikayət

çirkin oğlanların özgüvəni qaynağı

+13 əjdaha

çox şey ola bilər. çirkindi deyə özgüvəni əskik olmalı deyil. çox yaraşıqlıdan ağıllı, düzgün, insani keyfiyyətləri yüksək, qəlbi gözəl ola bilər və dəyərləndirə bilər bunları. get ən gözəl qızı sev sal yanına yürü, özgüvənin tavan yapsın emi çirkin oğlan.

13 əjdaha! 10.09.2013 00:33, uzuncorab hippi

#67298 şikayət

kamran həsənli

+13 əjdaha

çoxunun elə mənim də sizin saat verilişi ilə tanıdığı aparıcı. qəribə ayaq hərəkəti var idi, bir də reklamlara ayrılanda ekrana əli ilə pəncərə silmə hərəkəti edib rek-lam-lar deməsi. bir ara bir lətifəfason söhbət fırlanırdı onun haqqında guya bir gün bir kişi bunun verilişinə zəng edib deyib kamran bəy sizin çox gözəl ayaq hərəkətiniz var onu bir edə bilərsinizmi, bu da edib, sonra qayıdıb ki bəs özünüzü təqdim etmədiniz, kişi də deyib mənə el arasında itoynadan əhməd deyirlər. ehehehe. ehehehe yəni çünki gülməli deyil, dodaqqaçıran da deyil. nəysə sağolun.

13 əjdaha! 29.07.2014 02:23, uzuncorab hippi

#128311 şikayət

telefonla sözlüyə yazmaq

+13 əjdaha

nisbətən çətin olsa da kompüterdən yazmaqdan daha çox zövq verir sanki. ümumiyyətlə telefondan girməyin ayrı havası var. hələ aşağıdakı bax'dan, gbax'dan, ulduz'dan istifadə etmədən el üsuluyla özün yazırsan, sonra entry'ni göndərəndə yaxşı alındığını görüb sevinirsən o ayrı aləmdi * bax belə . rahatlığı telefonun markasından asılı olaraq dəyişir və buna görə illər sonra telefonumu dəyişmək eşqinə düşməyimə səbəbdir. əlin bircə düyməyə dəyməsilə 3 metrlik yazınızın(hələ bu sözaltı etiraf'a yazılan entry'dirsə lap çox) silinməsi nəticəsində bədəndən keçən o istiliyin səbəbi. bu dəqiqələrdə bu entry'ni 2ci dəfə yazmağıma da səbəb budur * yılmadım ayaktayım . gecələr yazmaq üçün isə əvəzolunmazdır.

13 əjdaha! 17.07.2013 01:11, uzuncorab hippi

#53990 şikayət

1 avqust 2014 cəbhə xəttində atışma

+12 əjdaha

hər dəfə bənzər hadisələrdə olduğu kimi yenə "vətən sağ olsun"ların pırtdıyıb üzə çıxdığı hadisədir. insan nə qədər beyniqırıq olmalıdır ki torpaqdan, hər nə zir zibildən ötrü bir və ya bir neçə insanın, zorla əlinə silah verilmiş, öz istəyi ilə almış olsa belə nə vaxtsa zorla "şəhid olmaq şərəfdir zırt pırt" beyninə yeridilmiş insanın, 18-19 yaşlı uşaqların, anaları olan uşaqların, uşaqları olan ataların ölməsinə "vətən sağ olsun"la qarşılıq versin. nə gicbəsər düşüncədir bu ki insanlar kiminsə mənfəətindən, kimlərinsə heç başının belə çıxmadığı davasından, alışverişindən, bazarından, oyunundan ötrü ölür. zibilə qalsın torpaqlarınız, sərhədləriniz. ölkələriniz, dövlətləriniz batsın.

12 əjdaha! 01.08.2014 17:26, uzuncorab hippi

#128714 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1365

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1372

uzuncorab hippi

son bəyənilənlər:

oxuyucuların bəyəndikləri: