vagabondyouknow

41 0 0 0

6. nəsil yazar

Entry: 41

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı günlük

+35 əjdaha

bir ilə yaxındır ki, bütün sosial varlığımın dünyadan çəkilməsinə səbəb olan, müəyyən fasilələrlə davam edən iş axtarma prosesimdən danışmaq istəyirəm. çünki yaxınlarıma danışmaq mənə bəs etmir.

bu dəqiqə rahat-rahat yerində uzanıb dərslərin açılmasını gözləyən bütün tələbələrə demək istəyirəm ki, ürəyiniz istəyən kimi yaxşı iş tapacağınız xülyasına qapılmayın. mən də sizin kimi xam idim. özümə, bilik və bacarıqlarıma (istər ixtisas, istər qeyri-ixtisas) o qədər güvənirdim ki, birinci kursda yekə-yekə deyirdim, mən heç üçüncü kursda təcrübəçiliyə baxan deyiləm, iş tapacam. təbii ki, qurban olduğum kainat pandemiyanın qədəmləri ilə mənim ağzımdan elə vurub yerimə oturtdu ki, hələ də özümə gələ bilməmişəm. bütün arxasınca qaçdığım tədbirlər, iş və təcrübə imkanları, tələbəlik illərim, hamısı puç oldu, getdi.

yenə də pandemiya yoxmuş kimi fikrimizdə tutsaq, sizin güvəndiyiniz o kitabları da oxuduq, ortalamamızı yüksək də tutduq, həm yerli, həm beynəlxalq müsabiqələrə də getdik, yerimizdə durarıq? yoo, online kurslardan sertifikatlar da aldıq, təcrübəçi də olduq (yerli və xarici şirkətlərdə, ödənişsiz və ödənişli). bəs axırda nə oldu deyim? universitet bitib hələ də iş axtarırıq. sizcə, niyə?

cavabı bəsitdir. indi nəinki azərbaycanda, bütün dünyada day-day institutu networking deyə bir bəla ilə əvəz olunub. o bəla ki, sırtıq, öz xeyrini güdən, heç nədən başı çıxmayan extrovertlər həmişə sizdən bir addım qabaqda olacaq. çünki sizin etik hesab etmədiyiniz, özünüzə yaraşdırmadığınız hər cür girişmələri onlar edəcək. hətta deyək ki, heç sırtıq deyillər, normal amma extrovert insandırlar. heç nə etməsələr belə siz saytları ələk-vələk edəndə onlar heç ictimai şəkildə paylaşılmamış bir vakansiyanın qalibi olacaqlar.

networking sizə şirin və saf bir sistem kimi gəlməsin. məsələn, bu gün köhnə iş yerimdəki əməkdaşdan öyrənmişəm ki, mırta cv atıb adını belə unutduğum yer onunla əlaqə saxlayıb recommendation istəyib. biz bilmədən qapılar arxasında nələr dönür, nələr.

nəysə, dünən bir intervyudan çıxmışam, bu gün də yenə bir intervyum var, qabaqda yenə intervyularım olacaq. artıq intervyulara girməkdən bezara gəlmişəm. o həddə çatmışam ki, hazırlaşmağa da həvəsim yoxdur. niyə olsun ki? hər dəfə eyni stressi yaşamaqdan yorulmuşam. hər şirkətin də işə götürmə prosesi ən yaxşı halda üç intervyu ehtiva edir. bu da o deməkdir ki, üç dəfə eyni qurumun fərqli işçilərinə özünüzü satmağa çalışacaqsınız.

qısası, mənim kimi lox olmayın, ağlınız olsun, gedin sizdən böyük tələbələrlə, müəllimlərinizlə, universitetinizdəki təşkilatların üzvləri ilə aranızı yaxşı saxlayın. sizin gələcəyinizə gedən yolun ən azı üçdə biri onların əlinin altından keçəcək. heç vaxt qürurlu davranmayın və utanmayın. mən keçən yaz göydə tutacağım işi sırf magistr təhsilini təcrübə yığandan sonra xaricdə düşünürəm dediyimə görə itirdim. dilimi qarnıma soxsaydım, indi həyatımdakı problemlərdən ən azı üçü həll olacaqdı. başımın üstündə duran biri əvvəldən mənə "ay gic, o cür şeyləri müsahibədə deməzlər, ay qanmaz" desəydi, sözsüz, elə boşboğazlıq etməzdim.

ailəmdən başqa hamı elə bilir ki, hələ də işləyirəm. hamıya deyirəm ki, intern-əm deyə mənə evdən işləməyi tapşırıblar. artıq insanların boş-boş suallarına cavab vermək istəmirəm və müsahibələrdə kifayət qədər alçaldıldığım üçün tanışlarımın da mənə yuxarıdan aşağı baxmasına şahid olmaq istəmirəm.

edit: iş tapdım.

29 əjdaha! 31.08.2022 04:10, vagabondyouknow

#358427 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

insanı əsəbləşdirən şeylər

+14 əjdaha

kimləsə eyni otağı bölüşmək. fərqi yoxdu, dost, sevgili, doğma bacı-qardaş. adam heç evləndiyi şəxslə də bir otağı bölüşməməlidir. virginia woolfdan yola çıxaraq deyilməlidir ki, insanın yaşayıb yaratması üçün şəxsi otağı olmalıdır, vəssalam.

11 əjdaha! 03.01.2022 15:05, vagabondyouknow

#342738 şikayət

nana

+11 əjdaha

ai yazawa tərəfindən yazılmış manga. animesi də var. tiktok hər ay bir dənə animeni şaha qaldırıb trend edir. nana da bu tendensiyadan nəsibini alıb çox şükür. indi hansı yeniyetməni dindirsən, nana izləyib, nana üzükləri, stili var və s.

senari sadə başlayıb qəlizləşir. əsas obrazlar iki 20 yaşlı qadındı və ikisinin də adı nanadır. nana komatsu sevgilisi universitetə daxil olandan sonra arxasınca tokyoya getmək üçün qatara minir. nana osakinin isə punk rock qrupu var. bass gitarist sevgilisi daha prestijli və məşhur qrupa transfer olaraq tokyoya gedib köhnə qrupunu atır. nana da öz eks sevgilisini tapmaq üçün qatara minir və allahın işinə bax ki, oturacaqları yan-yana olur. beləcə bu iki qızımız yaxın dost, ev yoldaşı olurlar.

nana yaponca 7 deməkdi. bir-birlərini fərqləndirmək üçün nana osaki bu birini hachi(ko), yəni 8 adlandırır. o qədər şirin, yumşaq və bir o qədər də kədərli animedir ki.

bu arada maraqlı referenslər də var. məsələn, nana osakinin sevgilisi sid viciousdan ilhamlanaraq yaradılıb. sid and nancy filan söhbətləri də var. sonra obrazlardan birinin adı reiradı, yəni layla. guya qızın atası eric claptonun laylasını dinləyib onu belə adlandırıb. nə bilim, obrazlardan birinin evində kasetləri arasında radiohead albomu var və s.

(youtube:

)

(youtube:

)

7 əjdaha! 03.01.2022 02:51, vagabondyouknow

#342720 şikayət

depressiyada dinlənəcək musiqilər

+10 əjdaha

həyatımda katastrofik bir hadisə baş verəndə bu mahnını beynim avtomatik olaraq backgroundda oxumağa başlayır. yaranan dağıntını ani gələn şok içində bu mahnıyla izləyirəm.

(youtube:

)

7 əjdaha! 26.07.2021 22:16, vagabondyouknow

#332971 şikayət

ukiyo-e

+10 əjdaha

hətta, van goghun belə ilham mənbəyi olmuş sənət növü. deməli, 1854-cü ildə yaponiya öz sahillərini qərbə açır və qərblə yenidən ticarətə başlayır. bununla da niderland, fransa və başqa avropa ölkələrinə taxtaya çəkilmiş ukiyo-e şəkilləri də ayaq açır. 1860-larda isə impressionist rəssamlar arasında ukiyo-e sənəti yayılır və geniş rəğbət qazanır. məsələn, cladue monet, edgar degas, paul gagauin və başqalarının əsərlərində bu təsiri sezmək olar.
(baxma: japonisme)

9 əjdaha! 02.11.2020 02:46, vagabondyouknow

#308899 şikayət

kintsugi

+9 əjdaha

həmçinin kintsukuroi. qırılan əşyanı əvvəlki halından daha gözəl və dəyərli etmək üçün qızıldan istifadə edərək qırıq yerlərin təmir olunması/düzəldilməsidir. kintsugi fəlsəfəsində qırılan əşya yox olmur, yenidən var olması üçün başqa bir yol yaradılır.

9 əjdaha! 17.02.2019 13:31, vagabondyouknow

#283508 şikayət

elçin sadıqov

+7 əjdaha

illər öncə eynulla fətullayevi müdafiə edib işini udan, amma indi həmin eynulla fətullayev tərəfindən şərlənmə paradoksuna düşən insan hüquqları vəkili.

4 əjdaha! 12.09.2022 16:16, vagabondyouknow

#359090 şikayət

kannazuki

+7 əjdaha

yapon (lunar) təqviminə əsasən "tanrılarsız ay". əfsanəyə görə hər ilin onuncu ayı 8 milyon tanrı öz məbədlərini tərk edərək izumo şəhərinə toplaşır. buna görə də yaponlar bu ayı "tanrıların olmadığı ay" kimi qeyd edirlər. bizim təqvimdə isə oktyabrla üst-üstə düşür.

5 əjdaha! 27.12.2020 16:09, vagabondyouknow

#314726 şikayət

unagi

+8 əjdaha

deyirdilər ki, dişi ilan balıqları yoxdur, ancaq erkəklər var. dişilər yumurtalarını 2000 km-dən çox cənuba daşıyırmışlar. ancaq duzluluq səviyyəsi münasib olan yerlərdə yumurtalarını qoyurlarmış. 2000 km! ekvatordan da uzaq. erkəklər də arxalarınca izləyirmiş. elə çoxu da oradaca ölürmüş. bala ilan balıqları isə yaponiyaya qayıtmaq üçün altı ay boyunca üzməlidirlər. onların da çoxu evə qayıdanda ölür. okean ölü balalarla doludur.
(bax: az bilinən mükəmməl filmlər)

7 əjdaha! 02.11.2020 01:06, vagabondyouknow

#308885 şikayət

jack foley

+7 əjdaha

səssiz film erası ərzində kinematoqrafiyada istifadə olunan bir çox keyfiyyətli səs effektlərinin əksəriyyətinin hazırlanmasında ilkin təşəbbüsü göstərmiş insanlardan biri. wharner studios ilk səsli filmini təqdim etdikdən sonra rəqabəti nəzərə alaraq universal studios xüsusi səs komandası yaratmışdı. çünki mikrofonlar, demək olar ki, ancaq dialoqları əks etdirdiyindən arxa fondakı səslər eşidilmirdi və jack foley bu komandanın üzvləri arasında idi.

"Jack's technique was to record all the effects for a reel at one time," explained George Pal, who used Jack's talent on some of his pictures. "Jack added the footsteps, the movement, the sound of various props-all in one track. He used a cane as an adjunct to his own footsteps. With that cane, he could make the footsteps of two to three people. He kept a large cloth in his pocket which could be used to simulate movement."

ondan sonra bu işi davam etdirənlərə foley artist, bu sahəyə isə art of foley deyilir.

4 əjdaha! 28.04.2019 15:54, vagabondyouknow

#286192 şikayət

judgment at nuremberg

+5 əjdaha

1961-ci ildə stanley kramer tərəfindən çəkilmiş 1945-49-cu illərdə nasist rejiminin dövlət nümayəndələrini mühakimə etmək üçün nüremberqdə qurulan hərbi tribunallara həsr edilmiş şah əsər.

filmdə 4 hakim/hüquq adamının insanlıq əleyhinə cinayətlər törətməklə ittihamı əsasında mühakimə prosesi işıqlandırlır. filmin mərkəzində isə amerikan hakim dan haywood və ittiham olunan ernst janning durur. insanın diqqətini cəlb edən əsas məqam isə bütün proses boyu ernst janningin digər ittiham olunanların əksinə özünü müdafiə etmək istəməməsi və üzündən oxunulan dərin peşmanlıqdı.

filmi üçün çox uzun bir icmal həsr etmək olar, çünki 3 saatlıq ibrətamiz marafondu. amma ən yaddaqalan və maximilian schellə "ən yaxşı aktyor" nominasiyasını qazandıran bu çıxışı yad eləmədən keçmək olmaz link link

filmdən ayrı maraqlı bir tarixi fakt isə alman xalqı heç vaxt nüremberq tribunalının qərarlarını ədalətli hesab etməyib. yəqin ki, indi də çıxıb küçədə sorğu aparılsa, o qərarları müttəfiq dövlətlər tərəfindən verilib və post-almaniya mühakimə prosesində iştirak etməyib deyərlər. görəsən, haçansa qarabağ müharibəsinə də həsr olunmuş hərbi tribunal qurular?

4 əjdaha! 01.11.2020 01:41, vagabondyouknow

#308757 şikayət

k-pop

+5 əjdaha

yaponiya özünü j-pop deyə ayırdıqdan sonra ortaya çıxıb. bildiyimiz popdan tək fərqi müğənnilərin hamısının musiqi və rəqs üzrə təlimli olmasıdı. çünki əvvəlcə stajyer adı alaraq hansısa musiqi şirkətində imtahanlardan keçirlər. çox keyfiyyətli klipləri olur. deyərdim ki, bizim ən az 10 il sonra film çəkməyə başlayacağımız avandanlıqlarla klip çəkirlər. amerika popu ilə yarışıb, hətta onları da keçən qrupları var. daha çox visuala işləyirlər və bütün qrup bir-birini tamamlayır. baxsanız, 8 nəfərlik qrupda güclü səsi olan ən çox 3 nəfər var. yerdə qalanlar ya çox yaxşı oynayır, ya da çox yaraşıqlı/gözəldi. şirkətlər tərəfindən də meymuna çevrilə bilərlər. məsələn, qrup üzvlərinin ayrı-ayrı profilləri yoxdu, qadağandı. qrup fərdi şirkətin icazəsi olmadan solo konsert verə bilməz, qadağandı. şirkət gecə 5-də qaldırıb konsert verəcəksiniz desə, qarşı çıxa bilməzlər, qadağandı. belə də ki əylənmək istəyirsinizsə, dinləyəcəyiniz bir janrdı.

(youtube:

)

(youtube:

)

5 əjdaha! 31.01.2018 11:52, vagabondyouknow

#267744 şikayət

entryniz bir oxucu tərəfindən bəyənilib

+6 əjdaha

bilmirsən yazarlar vecinə almır deyə üzüləsən, ya kənar bir şəxs bəyəndi deyə sevinəsən.

6 əjdaha! 10.02.2018 07:16, vagabondyouknow

#268238 şikayət

1984

+5 əjdaha

george orwellin əsərinin kelly jensen tərəfindən müxtəlif illərdə müxtəlif xüsusiyyətlərinə görə müxtəlif ölkələrdə tərtib olunmuş üz qabıqlarının toplusu haqda məqalə link link

4 əjdaha! 09.02.2019 01:57, vagabondyouknow

#283207 şikayət

walpurgis gecəsi

+5 əjdaha

bu sifarişi verən: nihalny
(baxma: valpurgiya gecəsi)
ümumiyyətlə, yaz şənlikləri mart ayında novruz-pasxa ilə başlayıb, walpurgisnacht-beltane ilə davam edib hidrellezlə başa çatır.
xristiyan rəvayətinə görə walburga əvvəllər almaniyada heidenheim manastrlarından birində rahibə olmuşdur. ölümündən sonra “möcüzələr” baş verdiyindən saint elan edilmiş və bu gün onun şərəfinə adlandırılmışdır.

heidenheim paqan yurdu mənasına gəlir. heidenheim - heathen. paqanizmə görə almanların 1 maydan bir gün əvvəl - 30 apreldən 1 maya keçən gecə qeyd etdikləri bahar bayramı sayılır. əsasən, ifritələrin - cadugər qadınların toplaşma mərasimi kimi bilinir. bu gecədə blocksberg dağına yığışıb tonqal yandırıb əxlaq qaydalarına zidd şəkildə ayinlər həyata keçirtdikləri iddia olunur.

hötenin faust əsərində harz schierke səhnəsində dağda baş verənlər bu gecə ilə əlaqəlidir.
hətta bu gecəyə “satan's christmas” belə deyirlər.

silinmiş entry.

4 əjdaha! 28.04.2019 16:30, vagabondyouknow

#286193 şikayət

hakan günday

+4 əjdaha

daha kitabı haqqında yazılıb onsuz, amma, məncə, hakan gündayın ən yaxşı əsəri elə odu. süjetin ən təsirli səhnələri rastinlə bağlı olan hissələrdi. rastini niyəsə qiyas ibrahimova bənzədirəm.

“Evet, ben hep halk için mücadele. Ama ne zaman ben hapis, halk yok! Çok arkadaş öldü. Hapis. Sordun, neden istanbul Üniversite olmadı. Çünkü ben hapis! Anladı? Hep halk için! Bunlar için! Ama ne zaman ihtiyaç var, halk yok! Üzülme, bu küçük ceza onlar için. Ben arkadaşlar öldü. Anladı?”

ay yapım tərəfindən filmi də çəkilib və türkiyədə kinoteatrlarda verilir. film saytlara düşsə, izləyəcəyik inşalla.

(youtube:

)

“Onun için yaşlıların gözleri bozulur, anlıyor musun? Aynı yerden tekrar geçtiklerini anlamasınlar diye. Kısırdöngüye karşı doğal bir savunmadır aslında, körleşme. Mekanik bir tepkidir yani! Hayatın kendisi gibi... Hatta bu yüzden hayat da bu kadar sıkıcı! Çünkü hayat da sadece bir tepki. Şimdi, bak şu çevrene! Her şey hayatın düşmanı! Yediğin, içtiğin, ne bileyim, aldığın her nefes, her şey! Hayat da işte, buna karşı bir tepkiden ibaret! Tabii en başta da ölüme karşı! Okulda öğretmişlerdir. Nedir bilimin temeli? Etki ve tepki, değil mi? Ne demek, biliyor musun? Doğadaki inatlaşma demek! Her şey bir inat meselesi. Özellikle de yaşamak. işte bu yüzden de hayat, maçın kendisini şeref golü sayan, inatçı bir asalaklar takımını izlemek kadar sıkıcı. Dolayısıyla bir umut ya da bir amaca gerek yok, hayatta kalmak için. Öleceğini bilmek yeter. Hayattasın çünkü tehlikedesin. Hayattasın çünkü her saniye ölüyorsun. O kadar. Hayatının anlamı işte bu: Ölüm korkusu! Anlıyor musun beni?”

sonrasında obraz belə deyir:

“Hayat ölüme dahil, Gazâ. Bir işe başlamak, bitirmenin yarısı, derler ya. Doğmak da öyle işte. Ölmenin yarısı. Bunu kabul et, yeter. inan, demiyorum. Çünkü inanacak bir şey yok bunda. Bildiğin, doğa! Gör, yeter... Zaten bir ölü olduğunu gör ve kabul et. Gerisi gelir.”

4 əjdaha! 02.02.2018 15:59, vagabondyouknow

#267868 şikayət

latınca ifadələr

+4 əjdaha

divide at impera illər öncədən başlayaraq bu günə kimi siyasətdə gördüyümüz parçala və hökm et.

4 əjdaha! 16.02.2018 16:42, vagabondyouknow

#268662 şikayət

tokio

+4 əjdaha

əvvəlki adı yedo olan, yaponiyadakı 1868-1873 burjua inqilabından sonra adı dəyişdirilən, visual cəhətdən gecələr ən yaxşı görünən şəhər.

4 əjdaha! 01.02.2018 00:56, vagabondyouknow

#267790 şikayət

möhtəşəm türk mahnıları

+2 əjdaha

(baxma: bandista - gavur imam isyanı)
(baxma: grup yorum - uğurlama)
(baxma: kökler filizleniyor - neydik biz)

2 əjdaha! 31.01.2018 10:56, vagabondyouknow

#267737 şikayət

mujeres libres

+2 əjdaha

ispan vətəndaş müharibəsi zamanı anarxist, anarxo-sindikalist və liberterian qadınlar tərəfindən yaradılmış təşkilat (ing. free women). əsası yazar Lucía Sánchez Saornil, hüquqşünas Mercedes Comaposada və həkim Amparo Poch y Gascón tərəfindən qoyulub. təşkilat müxtəlif sosial siniflərə mənsub qadınlarda inqilabi şüuru artırmağa, onları inqilaba cəlb etməyə çalışıb. cəmi üç il fəaliyyət göstərsə də, 20 mindən çox qadın mobilizasiya edilib.

həmin dövrdə qadınlar cnt, fai, fijl kimi anarxist təşkilatlarda yer alsalar da, vaxt keçdikdə bu qrupların özlərinə seçdikləri istiqamətdə qadınların sosial və iqtisadi problemlərinin diqqət mərkəzinə qoymamalarına şahid olublar. yəni sanki kişilər inqilab edir və qadınlar sadəcə "kömək" edir təəssürtı yaranırdı. buna görə də qadınlar ayrıca təşkilatlanmağa qərar veriblər.

əslində isə mujeres libres özünü heç vaxt feminist təşkilat adlandırmayıb. təşkilatın əsas prinsipi humanizm olub. qadınlar iddia edirdilər ki, onlar kişilərə qarşı yox, kapitalizmə qarşı vuruşurlar. bu inqilabda qalib olmaq üçün isə ayrı-seçkilikdən daha çox birliyə ehtiyac var.

Lucía Sánchez Saornil tərəfindən yazılmış mujeres libres himnindən bir hissə:
Affirming the promise of life
we defy tradition
we mold the warm clay
of a new world born of pain.

2 əjdaha! 30.09.2021 14:39, vagabondyouknow

#337484 şikayət

john locke

+2 əjdaha

ümumiyyətlə, liberalizmin atası olan filosof. o, təbii hüquqları üç kateqoriyaya bölür:
1. insanın şəxsi azadlığı hüququ - fərdin öz bədəni üzərində mülkiyyət hüququ;
2. insanın şəxsi mülkiyyət hüququ - onun əməyi ilə mülkiyyətin kombinasiyası;
3. yuxarıdakı iki hüququ pozan şəxsləri cəzalandırma hüququ.
bu hüquqlar içində əsas məsələ locke-un mülkiyyət hüququ nəzəriyyəsidir. locke deyir ki, mülkiyyət insanın təbii hüququdur və şəxs istəmədiyi müddətcə dövlət ona qətiyyən müdaxilə edə bilməz. həmçinin, dövlətin varolma səbəbi fərdlərin/cəmiyyətin təbii hüquqlarının icrasının maneəsiz təmin edilməsi olmalıdır. qısası, dövlət fərdi onun iradəsinə zidd olaraq üstələyə bilməz və əgər fərdin fundamental təbii hüquqlarından biri dövlət tərəfindən pozularsa, həmin fərdin, hətta, dövləti belə cəzalandırmağa hüququ vardır.
(baxma: Second Treatise on Civil Government)

2 əjdaha! 28.10.2020 18:29, vagabondyouknow

#308193 şikayət

yazarların 2021-ci ildə oxuduğu kitablar

+1 əjdaha

universitetə daxil olandan bəri bu il, nəhayət ki, ingilislərin dediyi reading slump-dan çıxa bildim. ümumi 18 kitab tamamlamışam, ikisini isə yarıda atmışam. əsasən asiya ədəbiyyatına yönəlmişdim.

1. osamu dazai - no longer human 8/10. əntiqə kitabdı. social alienation, anxiety, depressiya yaşayanlar oxuya bilər. dazai bunu yazandan qısa müddət sonra intihar edib.
2. haruki murakami - norveç meşəsi 7/10. mən yumşaq tipli film, musiqi və kitablara milkshake deyirəm. bu da milkshake kitabdır, amma bir az acıdır.
3. haruki murakami - 1q84 7/10. 3 kitabı da 1 ay içində oxuyub bitirmişdim. axıcıdı və bir nəticəyə gəldim ki, murakami əsərlərində sonluq yaza bilmir.
4. fernando pessoa - The story of The Anarchist Banker və the hour of the devil 7/10. qısadı, maraqlı söhbətlər var.
5. audre lorde - the masterəs tools will never dismatle the master's house 10/10. bu interseksional feminizmlə bağlı esselər toplusudu. imkan olsa, evimin qapısına bu başlığı asardım.
6. virginia woolf - a room of one's own 10/10. bunu oxumaq üçün bu qədər gecikdiyimə görə utanıram. qadınların ədəbiyyatda niyə bu qədər az təmsil olunmalarının səbəbini qadınların istedadsız olmasına yox, sadəcə şəxsi otaqlarının olmamasına bağlayan esse.
7. Louis-Ferdinand Céline - Journey to the End of the Night 7/10. bu əsər barədə fikir bildirmək istəmirəm. sadəcə çox kədərli və ağırdı.
8. yu hua - to live 6/10. ailəsinin pulunu yeyib bitirəndən sonra səfalət içində yaşayan bədbəxtin qısa hekayəsi.
9. José Saramago - blindness 8/10. bu da kitab rəfimdə 10 ildi tozlanıb qalmışdı. korluğun yoluxucu olduğu bir dünyada nələrin baş verə biləcəyinin izahı.
10. haruki murakami - kafka on the shore 0/10. 300-cü səhifələrdəki kitabxanaçı ilə qadınların söhbətinə dözə bilməyib atdım.
11. j. d. salinger - The Catcher in the Rye 7/10. mən bunu niyə 16 yaşımda oxumamışam axı?
12. gustave flaubert - madam bovary 6/10. həyat yoldaşına bir mənlə xəyanət etməyən qadın haqqında əsər.
13. oscar wilde - the picture of dorian gray 8/10. bu il oxuduğum ən gözəl bədii üsluba sahib əsər idi. onsuz, klassikadı, mən gecikmişəm oxumağa.
14. frank herbert - dune 5/10. bunu da hardasa 200 səhifədən sonra atdım. təsəvvür edin qalatikalar arası müharibədən yazırsınız və əsas qəhrəmanın adı pauldur.
15. sayaka murata - convenience store woman 8/10. 30 yaşına gəlsə də, 17 yaşından bəri eyni mağazada işləyən, evlənməyən, ali təhsilsiz, cəmiyyətdəki bütün normaları, tabuları yıxan qadının noveli.
16. osamu dazai - the setting sun 7/10. burda da ana ilə övladları arasındakı münasibəti və onun qoyduğu ayrı-seçkiliyin qızında yaratdığı depressiya əks olunub.
17. kenzaburo oe - a personal matter 6.5/10. afrikaya getmək ən böyük arzunuzdur, amma kasıbsınız və evlənirsiniz və ata olursunuz. üstəgəl, övladınız fiziki qüsurlu (məhdudiyyətli yox, məhz qüsur) doğulur və onun ölməsini, yoxsa yaşamasını istədiyiniz 1 aylıq bir dilemmada qalırsınız.
18. mieko kawakami - breasts and eggs 7.5/10. adındakı kimi kitab iki hissəlidi. birincidə, baş qəhrəmanın böyük bacısının tokyoya sinəsinə silikon qoydurtmaq üçün gəlməsi və onun 12 yaşlı qızının anası ilə uzun müddət bir kəlimə belə kəsməməsi, ancaq yazaraq münasibət qurması təsvir olunur. ikincidə isə fokus əsas obrazımıza yönəlir. evlənməyən, partnyoru olmayan, seksual interkursa girə bilməyən qadın övladı olmasını istəyir.
19. jane austen - pride and prejudice 7/10. düzü, bunu a room of one's own kitabını oxuyanda heç bir qadın yazarı oxumadığımın fərqinə varıb utanıb almışdım. sonra tiktokda filmdən səhnə görüb həvəslənib oxumuşdum.
20. sayaka murata - earthlings 4/10. o qədər yaxşı ideası olub çöp edilmiş əsərdi ki. iki uşaqdı. biri anası tərəfindən o qədər zorakılığa məruz qalıb ki, özünü sehirbaz hesab edir, digəri isə yenə anası zibillikdən tapmışıq səni, yadplanetlilər gətirib kimi şeylər dediyinə görə özünü, həqiqətən, başqa planetdən hesab edir. cəmiyyət tərəfindən məcbur olunduqları üçün yadlaşma yaşayan iki uşağın yaxınlaşması ilə başlarına gələn absurd və dəhşətli şeylərdən danışır yazar.

indi isə nə qədər nifrət etsəm də, murakaminin Colorless Tsukuru Tazaki and His Years of Pilgrimage əsərini oxuyuram ən yaxın dostumun məsləhəti ilə. bu ilin yarısından çoxunu eyni tsukuru tazakinin 20 ilə yaxın yaşadığı əziyyəti yaşamışam. təsəvvür edin, bir gün dost qrupunuzdan birindən zəng gəlir ki, bir də bizi narahat etmə. bütün qrup olaraq qərara almışıq ki, səninlə danışmayaq. çox çətin situasiyadır.

silinmiş entry.

1 əjdaha! 25.12.2021 02:51, vagabondyouknow

#342127 şikayət

Notice: Trying to access array offset on value of type null in /var/www/soz6/sonhefte.php on line 66

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

media haqqında qanun layihəsi

+2 əjdaha

hüquqşünas ələsgər məmmədli media haqqında qanunda hansı "red flag"-lər olduğunu detallı şəkildə izah edib

(youtube:

)

2 əjdaha! 30.12.2021 20:34, vagabondyouknow

#342473 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1337

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1344

vagabondyouknow

son bəyənilənlər:

oxuyucuların bəyəndikləri: