400 manata ortalama 9-12 saat işləyə bilsin, Stressli iş muhitinə davamlı olsun, qırmızı diplomu olsun, çin dilini bilsin, at dilini bilsin, hər cür dəli ilə davranış qaydalarını bilsin, yeri gələndə döşəmə silməyi də bilsin, 8 nəfərin yerinə işləmə bacarığına malik olsun.
Ps: Sarkazm olaraq yazılsa da acı reallıq belədir. Ən minimal maaş qarşılığında (əsasən xidmət sektorunda) vakasiyaya müraciət edən insanlardan çox fantastik tələblər gözlənilir. Səhəri gün hər hansısa haqsız durumda səsini çıxarmaq istəyəndə minnət də qoyulur ki " xoşun gəlmir çıxa bilərsən, işləməyə adamdan çox adam var."
Burada əsas mövzu ehtiyacdır. Ehtiyac üzündən insanlar o işlərə getmək məcburiyyətində qalmasalar rəhbərlərdə o arxayınlıq, o eqo olmaz. Ən azından yaxşı hesab olunan işçini itirmə qorxusu yaranar.
Çöldə bir az yağış, duman olan kimi qapalı yerə girəndə duman.
Çay içəndə duman.
Şərf bağlayanda (maska taxanda) duman.
Uzanıb rahat tv yə baxa bilməmək.
Həm də metro və avtobus basabaslarında yaşanan ekstrim.
Vəəəə ən əsas itirmə qorxusu.
Siqaret və çaxırla da bitirmək olmazsa olmazıdır günün. Hələ yanında gözəl bir film əlavəsi də ola bilər. Ya da içkili halda dinləniləsi həzin musiqi. Qalan əlavələr sizin istəyinizə bağlıdır.
Nadir rast gəlinən psixoloji pozuntu. Həmin şəhəri ilk dəfə ziyarət edən insanlarda müşahidə olunduğu üçün belə adlanmışdır.
Sindromun yaranma səbəbi Qüdsü ziyrət edən turistlərin şəhərin dini aura və mistikasından təsirlənməsidir. Qüds 3 əsas din üçün müqəddəs yer olduğundan, bu sindroma ən çox həmin dinlərin nümayəndələri arasında rast gəlinir. Yerusəlimdə yerləşən kfar- şaul psixiatrik xəstəxanası Yerusəlim sindromunu araşdıran əsas tədqiqat mərkəzlərindən biridir.
sindromun yaşanma forması 3 cürdür:
1. Özünü müqəddəs bir xilasedici, peyğəmbər kimi görmə. Məs: Hz.isa, Hz.Musa və b. Ən çox Hz.isa olduğunu, yenidən zühur etdiyini deyənlər qeydə alınıb. Bu şəxslər ilahi bir qüvvəyə Sahib olduğu iddia edirlər.
2. Ziyarət edərək özlərinin günahlardan arınaraq təmizləndiyini, aydınlandığını, kamil bir şəxs olduğunu düşünərək insanlara hidayət olunmaqda kömək etmək istəyi. Dini məzmunlu sayıqlamalar, ağ paltar geyinmək, özünü tez-tez səliqəyə salmaq sindromun bu növündə görülən əlamətlərdəndir.
3. Hər hansı bir cərəyanın, məzhəbin nümayəndəsi olub, onun inkişafına, yayılmasına, tanınmasına həyatını sərf edəcəyini düşünmə hissi.
Dini psixozla müşahidə olunan sindrom ilk dəfə 1930-cu illərdə yəhudi psixiatr Heinz Herman tərəfindən elmə gətirilib və kliniki olaraq araşdırılıb. Lakin ən ağır hal 1969-cu ildə avstriyalı denis Maykl rohan adlı xristian zəvvarın əl-əksa məscidi yandırmağa cəhd etməsi ilə yaşanıb. Zəvvar özünü "ilahi tapşırıq" almış "tanrının elçisi" kimi təqdim etməyə çalışıb. Bu "tapşırıq" isə əl-əksanı məhv edib, yerində zəkəriyyənin dediyi üçüncü məscidi yaradıb, isa məsihin ikinci zühurunu tezləşdirmək idi.
Sindrom həm psixoloji travması olan, həm də sağlam insanlarda rast gəlinə bilər. Hər il bu ziyarəti edən turistlər arasında minimum 50 nəfərdə bu hal yaşanır. Təsir müddəti şəhəri tərk etdikdən 7-10 gün ərzində davam edə bilir. Bu şəxslər təhlükə müddəti bitənə qədər xəstəxanaya yerləşdirilir. (Etdikləri hərəkətlər həm özlərinə, həm də başqalarına ziyan verəcək həddə çatarsa)
Təkcə 1980-1993-cü illər ərzində 1200-yə yaxın zəvvarda bu sindromun yaşandığı qeyd olunur.
Bu halın oxşarlarına müxtəlif formalarda Məkkə, Kərbəla, Nəcəf, Məşhəd, Roma və s. kimi dini mərkəzli şəhərlərdə də rast gəlmək olar.
Verter Effekti və ya Verter Sindromu - televiziya və ya digər KiV-də geniş şəkildə işıqlandırılmış intiharı yamsılayan kütləvi intiharlar dalğasıdır. 1974-1975-ci illərdə San-Dieqodakı Kaliforniya universitetində çalışan amerikan sosioloqu Devid Filipps tərəfindən aşkar edilmişdir. Devid XVIII əsrin sonlarında Avropada Hötenin «Gənc Verterin iztirabları» romanının yayılması ilə baş qaldırmış və romanın qəhrəmanı Verterin intiharını yamsılayan intiharlar dalğasını araşdırmışdır. Məsələnin maraqlı tərəfi də odur ki, bu romandan təsirlənərək intihar edənlərin hamısı kişi olub və eyni üsulla intihar edib.
Eyni həyatı yaşayan insanlardan birinin intihar etməsi və bunun yayılması digərlərinin də bu hadisəni törətməsinə səbəb olur.
Avstriyada 20-əsrin 80-ci illərində metroda intihar halları kütləvi şəkildə artmağa başlayır. Bunun qarşısını almaq üçün 1987-ci ildə keçirilmiş eksperiment əsasında metroda baş vermiş intihar hadisələri işıqlandırılmır. Artıq 1 ay sonra bu üsul effekt verir və metroda həyata keçirilən intiharların sayı 3 dəfə azalır. O vaxtdan avstriyada faciəvi hadisələrin işıqlandırılması qadağan edilir.
Gənclərin etdiyi intihar hadisələrinin işıqlandırılması nə zamanda bunu ağlından keçirmiş gənclərə stimul verir, nəinki gənclərə digər problemi olan insanlara da.
Diqqətinizi çəkibsə əvvəllər özünü asmaqla intihar edənlər çox idisə keçən ay özünü 18-ci mərtəbədən atan qadının videosu yayılandan sonra özünü hündürmərtəbəli binadan ataraq intihar edən insanların sayı artdı. Səhv etmirəmsə həmin həftə 5-6 belə intihar hadisəsi baş verdi və hər bir intihar xəbəri internetdə yayıldı. Videolar, meyidin kənardan çəkilmiş şəkilləri və s.
Sevilin intiharı da hazırkı dönəmdə böyük səs küyə səbəb oldu. Halbuki yenə də unudulacaq. Bu hadisə mənə eynən elinanın intihar hadisəsini xatırladır. insanlar nə qədər çalışır, mühakimə edir, tərəflərdə qəbahət axtarır, amma bu heç bir şeyə dərman deyil. Gedən canı heç nə qaytarmır.
Ona görə də depressiya yaşayan insanları ən azından dinləməyə çalışın. Əlinizdən nəsə gəlməsə də dinləyin. Onları boğan çox şeylər ola bilər. Heç olmasa danışmaq onları rahatlada bilər.
Son olaraq çalışın ki, sevdiklərinizə sağ ikən verməli olduğunuz çiçəkləri qəbrinə aparmalı olmayasınız.
Sevgi ilə qalın. Sağ qalın. Hər şeyə inad özünüzdə güc tapın.
Azərbaycan mentalitetini 18 dəqiqə 52 saniyə ərzində izah edən qısametrajlı film.
Film namus yükünün birbaşa qadın üzərinə yüklənməsini açıq-aydın nümayiş etdirir.
ilin bu vaxtı supermarketlərdə 0.49-0.79 azn qiymət aralığında satıldığı üçün şəhərin təxminən 90 faizi hal hazırda pomidoru yaydan qalmış pomidor turşusu ilə birgə yeyir.
