blok başlıqlarını gizlət
sözaltı meme
sözaltı meme
sözaltı meme
sözaltı meme
sözaltı meme
sözaltı meme
qatardan entry yazmaq
keçən ay yazdığı ən əjdaha entrylər:
Notice: Undefined variable: userQuery in /var/www/soz6/sonhefte.php on line 84
Notice: Trying to access array offset on value of type null in /var/www/soz6/sonhefte.php on line 84
Notice: Undefined variable: anonim in /var/www/soz6/sonhefte.php on line 85
Notice: Undefined variable: idvv in /var/www/soz6/sonhefte.php on line 92
Notice: Undefined variable: idvv in /var/www/soz6/sonhefte.php on line 101
Notice: Trying to access array offset on value of type null in /var/www/soz6/sonhefte.php on line 102
Notice: Undefined variable: userQuery in /var/www/soz6/sonhefte.php on line 84
Notice: Trying to access array offset on value of type null in /var/www/soz6/sonhefte.php on line 84
Notice: Undefined variable: anonim in /var/www/soz6/sonhefte.php on line 85
Notice: Undefined variable: idvv in /var/www/soz6/sonhefte.php on line 92
Notice: Undefined variable: idvv in /var/www/soz6/sonhefte.php on line 101
Notice: Trying to access array offset on value of type null in /var/www/soz6/sonhefte.php on line 102
hər mənada xatırlama sənəti
(bax: mnemonic)
qədim yunanca mnēmē (yaddaş) sözündən gəlir
səsli mnemonika
pringles qapağını açanda eşitdiyiniz o məmnun edici pop səsi təsadüfi deyil. elə bir şey ki, şirkət bu səsi də satırıq deməkdən çəkinmirlər:
(youtube: 
)
)las vegas 90-larda xırda pullarla idarə olunan slot maşınları kağız pullarla əvəz olunmağa başlamışdı.Kazinolar fikirləşirdilər ki, bəlkə insanlar belə daha çox pul xərcləyəcəklər. Amma o ikonik səs də bu təcrübənin bir parçası idi. Və buna görə də qazanclar böyük ölçüdə aşağı düşməyə başladı. Kazinolar yenidən qazanclarını artırmaq üçün Las Vegas-ın o atmosferini və arxa fon səsini yenidən gətirdilər.
Səsli mnemonikaya çoxlu misal vermək olar: McDonald's kağız fincanına çöp daxil edilərkən yaranan incə ton; Coca-Cola açılışında istər şüşəni, istər də dəmir qutunu açanda eşidilən, qazın əvəzolunmaz tını; həmçinin, nostalji baxımından unudulmaz Windows başlatması və Super Mario oyununda coin yığanda səsləndirilən melodiya.
vizual mnemonika
afrikalı və hindistan fillərinin nəhəng qulaqları öz qitələrinin xəritələrinə bənzəməsi. * Ortamda Satmalık Bilgiler
ikihürgüclü dəvələr orta asiyaya* çin, monqolustan məxsus bir növ olarkən, sadəcə bir hürgücü olan dəvələrin vətəni yaxın şərq/şimali afrikadır.* ərəb ölkələri
musiqili mnemonika
haralı olsan da yaddan çıxmaz “abc” alfabet mahnısı. ən istəksiz uşağı da musiqinin ritmi ilə bir şeylər öyrədə bilirsən.
(youtube: )
)coğrafi mnemonika
coğrafiya imtahanına hazırlaşan uşaqlar üçün xəritəni yadda saxlamaq bir iş(gəncə) kimi səslənə bilər, amma onu mnemonik tapmacaya çevirdikdə iş əyləncəli bir hal alır.
azərbaycanın siyasi xəritəsində naxçıvan rayonlarını araz çayının axını ilə sədərəkdən ordubada çox rahat əzbərləmək olur. hətta balakəndən bakı'ya doğru olan istiqamətdə mənim kimi yaddaşı zəif biri belə rayonları çox asanlıqla xatırlıya bilir.
fiziki/kinestetik mnemonika
ayın günlərini yadda saxlamaq üçün əlinizdəki hər oynaq 31 günlük ayı, aradakı çöküntülər isə qısa ayları xatırlamağınıza kömək edir.
bonus mnemonika:
mühasibatlıqda istifadə olunan “ dealer” mnemonikası
mühasibatlıq aləmində debits və credits-i daha yaxşı başa düşmək, maliyyə terminlərini yadda saxlamaq və accounting equation-u öyrənməyə kömək edir:
Mnemonika həyatımıza interaktiv, əyləncəli və yadda qalan təcrübələr qatır. Öz sahənizdə və ya gündəlik həyatda tətbiq edildikdə, işinizi asanlaşdırır və ona fərqli bir baxış bucağı qazandırır.
Notice: Undefined variable: userQuery in /var/www/soz6/sonhefte.php on line 84
Notice: Trying to access array offset on value of type null in /var/www/soz6/sonhefte.php on line 84
Notice: Undefined variable: anonim in /var/www/soz6/sonhefte.php on line 85
Notice: Undefined variable: idvv in /var/www/soz6/sonhefte.php on line 92
Notice: Undefined variable: idvv in /var/www/soz6/sonhefte.php on line 101
Notice: Trying to access array offset on value of type null in /var/www/soz6/sonhefte.php on line 102
qış axşamı, güclü yağış, külək uyultularla nəsə deməyə çalışır, ağacların qüdrətini yoxlayır bəlkə də. şam yeyilib, rəis elə hey kanal çevirir, mən sabahkı tapşırıqlar falan yazıram. rəis hərdən bir qalxır, düşür həyətə ki peç sönər birdən. ani bir qaranlıq, gözümü bağlayıb, bütöv açıram ki, bəlkə də gözlərim mürgüləyir.
rəis: aha! götür işığı, şamı gətir.
evimizin cəsuru, anam şamları gətirməyə gedir.
r: gör məhlədə hamıda sönüb? mən düşürəm peçə baxmağa. * peçin özü evin içində olsa da ağzı çöldədi, qazla işləyir deyə külək güclü olsa söndürə bilər, ağzında bağlamaq olmaz deyə, hərdən bir yoxlamaq lazımdı, uzun oldu mq bu oturduq şamın ətrafında, kitab oxumalıyam, oxuya bilmirəm, belə baxanda səhərə bəhanəmiz hazırdı da. kitabı atıram bir qırağa söhbət başlayır, bir tərəfdəndə shadow show. tualetə getməkdən sarı, su matoru da işləmədiyindən həyətdən su gətirirəm, külək məni görür biraz da hiddətlənir* kimə gəlirsən ala?:d . nəsə qalxdım yuxarı, tualetin yanındakı otaqda gizlənmişəm qardaşımgili qorxuzum, aha kimsə işıqla gəlir.
BÖÖh
-ə köpəyolu, məni qorxuzacaqdun?
elə bildim, əlidiye ata
-rədd ol içəri, soyuqda qalma-*
işıq yandı, məhəllə parlamağa başladı, qardaşım sevindi, mən əksinə. o qədər söhbət, televizorsuz otağın sakitliyi, əsən küləyin səsi, şam işığının illluziyası birdən itdi.
Notice: Undefined variable: userQuery in /var/www/soz6/sonhefte.php on line 84
Notice: Trying to access array offset on value of type null in /var/www/soz6/sonhefte.php on line 84
Notice: Undefined variable: anonim in /var/www/soz6/sonhefte.php on line 85
Notice: Undefined variable: idvv in /var/www/soz6/sonhefte.php on line 92
Notice: Undefined variable: idvv in /var/www/soz6/sonhefte.php on line 101
Notice: Trying to access array offset on value of type null in /var/www/soz6/sonhefte.php on line 102
bu entrynin necə olacağı ilə bağlı demək olar ki, bir ildən çoxdur düşünürəm. Mənim üçün elə bir nöqtəyə gəldi ki, nə etsəm də, necə etsəm də məmnun olmuram. Paylaşdığım entryləri də bir müddət sonra yenidən oxuyanda, öz-özümə "Kaş bunu da yazsaydım" deyə düşünürəm. Ona görə daim qayıdıb yenidən bir də oxuyuram. əslində bu yaxşı bir şeydir, əgər bir il əvvəl paylaşdığım entry ilə hələ də eyni yerdəyəmsə, bu, mənim yerimdə saydığımı göstərir. Ona görə də anlıq bir qazla indi yazıram. * təbii ki, mənim indimlə sizinki bir deyil .
Başlamazdan qabaq bunu interaktiv bir təcrübəyə çevirək. Odur ki, dəvam etmədən öncə videonu başladın, 1997-ci il seriyasından "4 Gatsu" sountrack’ini birlikdə dinləyək.
(youtube: )
)hər şeyini, yazarını belə itirmiş, hekayəsi yarım qalan bir obraz. guts(qats).
“Lap əvvəldə Guts'ı tez əsəbiləşə bilən bir qəhrəman olaraq təsəvvür etdim. Mad Max'dəki Max, ya da Fist of the North Star'daki Kenshiro kimi. Mən onu necə qəzəbləndirəcəyimə, necə qisas alacağına, xarici görünüşünü və bacarıqlarını necə effektiv nümayiş etdirəcəyimə fokuslandım və bu mübarizədən ortaya çıxan şey orijinal Black Swordsman oldu.” - Kentaro Miura, manganın əsas personajı olan, Guts'ın motivasiyasını və zehniyyətini necə ortaya çıxardığı barədə suala belə cavab vermişdi. qeyd etdiyim kimi, miura Guts'ın əsəbi olmasından əmin olmaq istədi, nəticədə onu əsəbləşdirməyin həll yolu kimi ona bərabər bir dost yaratmağa qərar verdi; griffith.
"Berserk" tam olaraq " Devil Man" və " Fist of the North Star" kimi mangaların uğurlu adaptasiyası kimi görmək olar. Yəni Kenshiro və Shin, Akira və Raoh tamamilə Griffith və Guts ətrafında formalaşmış obrazlardır. sözsüz, Miura bu paralelləri götürüb tamamilə fərqli bir şeyə çevirmişdir. "Devil Man"ın ezoterizmi ilə "Fist of the North Star"ın vəhşi dünyasını alıb "Berserk" kimi dark fantasy janrını bir daha bənzəri olmayan şəkildə dünyanın ən populyar mangalarından birinə çevirdi.
Bizim burda 3-cü əsas obrazımız da var ki, mangada bütün personajlar tərəfindən güclü və gözəlliyi ilə tanınan qadın döyüşçü casca özündə bir qadın olaraq ancaq qüsurlar görməsi, nə etmək istədiyini bilməməsi, bir insan olaraq arzusunun olmamısı kompası olmayan bir gəmi kimi özünü dalğanın və küləyin istiqamətinə verir.
Kentaro Miura xüsusi bir sənətçidir, amma Berserkin rəsmlərinin keyfiyyəti, hekayəsinin bənzərsizliyi bir yana, hekayənin keçdiyi dünyaya baxdığımızda bu dünyanın xalqları, sosio-politik quruluşu, şəhərləri və insanları üzərində dövr edən bir cəmiyyət tənqidi var ki, bu məncə özü kifayət qədər müşahidə və bacarıq tələb edən bir şeydir.
Manganın iki əsas obrazı Guts və Griffith arasındakı münasibət, bir-birlərini fərqli mənalarda istəyən, amma heç vaxt bir-birinə sahib ola bilməyən iki kişinin duyğularının dağıdıcı bir qəzəbə çevrilməsi, manganı tamamilə başqa bir yerə çəkir. Bu münasibəti Griffith tərəfində homoerotik sevgi münasibəti olaraq, Guts tərəfində isə yalnız özündən daha yaxşı gördüyü bir insan tərəfindən qəbul edilmək və insanlığının təsdiqlənməsi olaraq qəbul etmək olar. Casca tərəfindən baxıldığında isə, xilasçısına aşiq olan bir qadının onun həyatının bir parçası ola bilmək üçün qadınlığından imtina etməsi, lakin günün sonunda ona yaxın olmaq üçün imtina etdiyi halının ona istədiyi şəkildə yaxınlaşmasına mane olduğunu da görə bilərsiniz, bu baxımdan obrazlara qarşı fikrimiz həmişə bir tərəfli olmur. Bütün obrazların verdiyi qərarların psixoanalizini etmək, adamı alır, aparır.
əksər populyar anime, fanservice adı altında qadın obrazları çox axmaq göstərir, amma berserk mangasında ucuz fanservice'ə yer verilməyib. mangada çılpaq və absürd panellər olduğu doğrudur, amma buna səbəb hekayənin qaranlığını yansıda bilməkdir, kiminsə eraksiya olmasına kömək etmək deyil
Golden Age ilə uşaqlığından etibarən tanımağa başladığımız Guts obrazı bir şeylərə sahib olması, sonra onları yenidən itirməsi, insanlığını yenidən tapması və buna rəğmən yaşamağa davam etməsi hekayəyə yeni bir nəfəs verir. Black Swordsman, Golden Age, Conviction, Lost Children və Guts'ın fərqli hekayələrində yaşadıqlarından dolayı keçirdiyi dəyişikliklər o qədər orjinal işlənir ki, bir müddət sonra keçmişdə necə bir obraz olduğunu belə unutmağa başlayırsınız. Bu, demək olar ki, bütün əsas obrazlarda görürsünüz, yəni möhtəşəm rəsmlərin yanında çox möhkəm bir yazıçılığı da var müəllimin və bütün bunları o qədər ahənglə bir araya gətirir ki, niyə "Berserk"in bu qədər sevildiyini daha yaxşı anlayırsınız.
Günün sonunda Guts'ın bədənindəki bütün yaraların, ağaran saçlarının və yorulan baxışlarının hər birinin səbəbini çox yaxşı başa düşürük, eyni öz daşıdığımız yaralar, ağaran və ya ağaracaq saçlarımız və yorulan baxışlarımızın arxasındakı səbəbləri bildiyimiz kimi. Əslində hər kəsin arxasında Guts'ın daşıdığı kimi bir qılınc var və bu, çox vaxt bir qılınc deyil. Şübhəsiz ki, "Berserk" bu şəkildə yanaşmaq insanın təbiətində var. Bütün mübarizələrə rəğmən həyatda qalmaq, mümkünsüzlük qarşısında dayanmaq və bəzən sadəcə yaşamaq;
Berserk light reading`lə oxuya biləcəyimiz bir şey deyil, təsvirlər kobud və pozğun və həm bəşəriyyətin dəhşətlərini, həm də Miuranın öz səhifələrində yaratdığı qaranlıq dünyanı göstərməkdən çəkinmir.
Və o rəsmlər... o sənət əsəri panellər. Xüsusilə "Millennium Falcon" hekayəsindən sonra Miura elə vizuallar yaradır ki, hər baxışda yeni detallar kəşf edirsiniz. O, əsərlərində Escher, Bosch, Gustave Doré və Albrecht Dürer kimi sənətkarların təsirini açıq şəkildə hiss etdirir. Miura üçün manqa yalnız hekayə deyil, həm də sənət əsəri yaratmaqdır.
Təbii ki, məsələ yalnız rəsmlər deyil. "müharibə yorğunluğu" adlandırdığım şeyi də çox yaxşı əks etdirir. Daim düzgün şəkildə yata bilməyən, özündən dəfələrlə güclü paranormal varlıqlara qarşı mübarizə aparan Guts-un yorğunluğunu hiss edirsiniz. Bədənindəki yaralar, qılıncını daşıyarkən və vurarkən əzələlərinin gərilməsi, üz ifadəsindəki tükənmişlik və obrazlarla qarşılıqlı təsirlərindəki bezginlik yalnız Miura səviyyəsindəki bir ustanın rəsmlərindəki kiçik detallarla verə biləcəyi şeylərdir. Maraqlı bir şəkildə, bütün bu yoğun qaranlığa rəğmən, bu hekayənin içində bir ümid var. Zatən "Berserk" in hekayəsini bu qədər axıcı və oxumağa dəyər edən də budur.
Guts-un hekayəsi iniş-çıxışlarla doludur. Yaşadığı bütün travmatik təcrübələrə rəğmən, "Black Swordsman" personasından sonra yenidən özünü bir ümid olduğuna inandıran insanlarla tanış olur. Bu da onu ilk tanıdığımız qaranlıq, inadcıl, heç nəyi umursamayan personasından yavaş-yavaş çıxarır. Lakin bu hekayə sadəcə dostluq və sevginin qalib gəldiyi bir hekayə deyil. Bütün ümidlərinə rəğmən, təkrar-təkrar mübarizəçimiz pis şeylər yaşamağa davam edir. Buna rəğmən mübarizə aparır, artıq mübarizə edə bilməz dediyiniz yerdə yenidən ayağa qalxdığını görürsünüz, sonra yenidən ayağa qalxır, sonra yenidən ayağa qalxır.
Bütün bu mübarizənin kənarında ümuda çatma cəhdi, "Berserk" in ürəyini təşkil edərkən müəllim bunu çox zövqlü və dərin bir meta-narrativlə birləşdirir. Bu, yalnız cool döyüş səhnələrindən başqa uğurlu personajlaşdırmalar üçün də ayrı bir cazibə nöqtəsidir. Amma əsasda yatan mesaj aydındır: Ümidin varsa, hər şeyin var.. Amma ümid yalnız heç nə etmədən gözləyənlərə çarə olmaz. Ayağa qalxıb bir şeylər etmək lazımdır. Bütün mənfiliklərə rəğmən o qılıncı alıb çalmalısan. Qarşındakı qaranlıq nə qədər müstəsna olursa olsun, mübarizə aparmalısan. Təbii ki, bunun yanında şəxsi qaranlığına və ümidsizliyə doğan qəzəbə təslim olmamağı da öyrənməlisən. Kiminə güvənəcəyini yaxşı seçməlisən. insanlara bütün paranoyalarına rəğmən şans verməlisən. Xalqına zülm edənləri məhv etməli, troll ordularını doğramalı, satanistləri məğlub etməli, uşaqları istismar edən iblisləri məhv etməlisən.
Mövzu uşaqlardan açılmışkən, "Guts"ın az yaşlı uşaqlara qarşı reallığı göstərməsi və onları bu reallıqla üzləşdirməsi, lakin konkret bir həll yolu təqdim etməməsi, oxucuların ona qarşı fikrini tərəfsiz saxlayır. Lakin burada yalnız biz, oxucular, dilemma ilə üzləşmirik. Xilas olan uşaqlar da nəticənin istəmədikləri bir son olduğunu dərk edir və həm Guts-a, həm də özlərinə nifrət bəsləməyə başlayırlar. Çünki onlar, uşaq yaşlarından valideynləri tərəfindən istənməyən, problem olaraq böyüdülmüş və tökülən qanların səbəbkarı kimi özlərini görürlər. Bu psixoloji yük onları Guts-a minnətdarlıq və nifrət arasında buraxaraq daxili münaqişə yaşamağa məcbur edir.
Hələ də bu hekayənin içində bir hekayəni yaxşı edə biləcək hər şey və daha artığı var, tək bir şey xaricində: yaxşı bir final. Bəli, "Berserk"-in hələ bir finalı yoxdur. Yəni əslində var, amma yoxdur. Kentaro Miura 54 yaşında qəfil və vaxtsız bir şəkildə vəfat etdi. Elə qəflətən baş verən ölümlər olur ki, tam lotoreyadan çıxan kimi, bax, elə bir vəziyyət. Aorta anevrizması. Hər kəsin başına gələ biləcək bir şey.
Miura, vaxtında Koji Mori-yə hekayənin finalının necə olacağını danışmış və tələbələrinə müxtəlif qeydlər buraxmışdı. Mori bu mövzu ilə bağlı bir xatirəsini belə bölüşür: "On beş il əvvəl bir gün, Kentaro-nu ziyarət etdim. O zaman "Eclipse" hekayəsini çəkirdi. Başında "Berserk" hekayəsini "Eclipse" i çəkərkən tamamlamışdı və həyəcanla mənə anlatmağa başladı. illər ərzində mənə danışdığı şeylərin manqada bir-bir baş verməsinə şahid oldum. Finalını bilən tək şəxs olaraq, Miura-nın vizyonuna sadiq qalaraq hekayəni bitirməyə qərar verdim. Sadəcə Miura-nın mənə danışdığı şeyləri yazacağam və heç bir əlavə etməyəcəyəm. Düzgün xatırlamadığım şeyləri yazmayacağam."
Bu, təbii ki, oxuyucuları iki yerə böldü. Kimiləri "Berserk" in Miura-nın çəkdiyi son bölüm ilə bitdiyini və davam etməməli olduğunu deyir, kimiləri isə Studio Gaga və Mori'nin Miura-nın mirasını davam etdirə biləcəyini düşünür.
Şəxsən mən, ikinci qrupdanam. rəsmlər Miura qədər olmasa da, illərlə onun altında çalışdıqları üçün Miura-nın dəsti xəttini bilirlər. Hekayə baxımından da hələ uzun dialoqlar və böyük ekspozisiya olmadı. Miura-nın vəfatından sonra yayımlanan bölümlər az dialoqa malikdir, amma hekayəni qrafik olaraq anlatmaqda problem yaşamamaları, məncə, güvən vericidir.
Yenə də sevimli mübarizəçimiz qılıncını vurmağa davam edir. Bu da mənim kimi bəzi insanlar üçün kifayətdir. Hətta bir nöqtədə Miura-nın mirasının bu şəkildə davam etməsi xoşuma belə gəlir.
"Berserk"ə necə başlanmalı sualına gəldikdə, mənim tövsiyəm 1997-ci ildə çıxan anime seriyası kenpuu denki berserk ilə başlamaqdır. Bir çox insan filmləri ilk izləməyi məsləhət görsə də, məncə anime seriyası "Golden Age" dövrünü kifayət qədər yaxşı əhatə edir və studiya burada gözəl bir iş ortaya qoyub. Kikuchi Susumu Hirasawa'nın yaratdığı musiqilər isə bu animeyə xüsusi bir atmosfer verir və manqanı oxuyarkən belə dinləməyə davam edəcəksiniz.
2016-cı ildə çıxan animeyə isə heç yaxınlaşmayın. Bu seriya aşağı büdcəli prodüksiya, pis CGI və ümumi keyfiyyətsizliklə çox uğursuz bir işdir. Manqanın daha əvvəl görülməmiş hissələrini uyğunlaşdırsa da, izləmək olduqca çətindir, adamın səbri çatmır.
Filmlərə gəlincə, onlar "Berserk" təcrübəsinə fərqli bir perspektiv qatır. 2012 və 2013-cü illərdə çıxan üç film var: " Egg of the King", " Battle for Doldrey" və " Advent". Bu filmlər manqanın "Golden Age" hekayəsini əhatə edir. ilk iki film bəzi yerlərdə CGI istifadəsi baxımından ideal olmasa da, üçüncü film, "Advent", vizual olaraq çox uğurludur. Bu filmləri izlədikdə, "Golden Age" dövrünün ən vacib hadisələrini axıcı bir şəkildə öyrənib, "Advent" filminin sonunda hekayənin ən mühüm qırılma nöqtəsini möhtəşəm bir vizuallıqla təcrübə edə bilərsiniz.
Filmləri izləmək "Berserk" təcrübənizi zənginləşdirəcək. Xüsusilə "Golden Age" sonunda musiqi ilə müşayiət olunan təsir edici bir səhnə var ki, bu səhnəni ilk dəfə filmdə izləmək daha təsirli ola bilər. Həyatınızda bir dəfə yaşanacaq bir təcrübədir. Daha sonra manqanı oxuyanda, Miura'nın bu səhnələri necə ustalıqla çəkdiyini görüb yenidən təsirlənəcəksiniz.
Berserk-i oxumamış olsanız belə, video oyunlara bələdsinizsə, təsirini görmüşsünüzdür. Dark Souls , Final Fantasy, Bloodborne, Sekiro: Shadows Die Twice, demon's souls, Elden Ring və daha neçəsi
mangadan təsirlənib.
"Berserk" azad iradə, tale, mübarizə, ümidsizlik, cinsəllik, ədalət, intiqam kimi mövzuları genişləndirən bir külliyyatdır. Xarakterlərin yazılmış taleyə qarşı gələrkən insan təbiəti, əxlaq, dualite kimi bir çox nöqtədən çətin problemlərlə üzləşdiyi, dostluğun və sevginin bir-birinə qarışdığı, onların strukturlarının incələndiyi, həzm etməsi zaman alan, yola verilməmiş, möhtəşəm rəsmlərə sahib bir manqadır.
Entrinin başında da dediyim kimi, bu qədər geniş bir əsəri hər nöqtədən incələmək hər kəsin işi deyil, mənim isə heç deyil. O səbəblə, bu mətnin yazılması uzun zaman aldı. ümid edirəm, bir neçə ildən sonra yenidən oxuyanda "yaxşı yazmışam" deyə biləcəm.
Özünüzə diqqət edin və mübarizənizdən əl çəkməyin. Unutmayın, qılınc başınızda deyil, ürəyinizdədir və yalnız onu istifadə etməyi öyrənməyinizi gözləyir. O səbəblə, qalxın, zirehinizi geyinin, onu belinizə bağlayın və həyat adlı iblislərlə dolu bu qaranlıq diyarı gəzməyə başlayın. Əmin olun, sizə ümid verəcək insanlarla tanış olacaq, bütün çətinliklərə baxmayaraq yaşamağı öyrənəcək, dərslər çıxaracaqsınız və ən önəmlisi, qaranlıqla savaşdığınızda başqalarının da sizinlə birlikdə savaşdığını görəcəksiniz.
Notice: Undefined variable: userQuery in /var/www/soz6/sonhefte.php on line 84
Notice: Trying to access array offset on value of type null in /var/www/soz6/sonhefte.php on line 84
Notice: Undefined variable: anonim in /var/www/soz6/sonhefte.php on line 85
Notice: Undefined variable: idvv in /var/www/soz6/sonhefte.php on line 92
Notice: Undefined variable: idvv in /var/www/soz6/sonhefte.php on line 101
Notice: Trying to access array offset on value of type null in /var/www/soz6/sonhefte.php on line 102
(bax: apophenia)
qeyri-müəyyən bir stimulun aydın və dəqiq qavranılması illüziyası, sanki beynimizin xaosun içində düzəni tapmağa proqramlaşdırılması kimi ya da ən sadə dildə desək, hər yerdə üzlər görmə illüziyasıdır, pareidolia.
bu fenomen gündəlik həyatda çox rastımıza çıxır, buludlarda, divar kağızında, daşlarda, köhnə televizor ləkələrində, hətta ağac qabığında insan və heyvan üzlərini və ya onları xatırladan işarələri görürük və ya gördüyümüzü düşünürük. həmçinin heyvan səslərində bildiyimiz bir sözün eynisi olduğunu güman edirik. * allah deyən şir yadında?? dkfdkf bunun səbəbi, beynimizin mənası olmayan hər şeyə məna vermək üçün formalaşmış olmasıdır. beynimiz həmin nümunələri axtarmaq, hətta illüziya olsa belə, korrelyasiya yaratmaq üçün proqramlanmış kimdir. hamımız bu qabiliyyətə, daha doğrusu tutuma sahibik, yəni təbiətimizdə var və biz bunu hər gün, fərqinə varmadan edirik.
fərqində olmasaq da, hər yerdə üz görmək meylimiz marketinqdə də istifadə olunur. google-a sadəcə "watches" yazaraq kiçik bir təcrübə apara bilərik.
gördüyünüz kimi əksər saatlar 10:10-u göstərir. çünki diqqətlə baxanda, yuxarıya doğru nizamlanmış iki əqrəb təbəssümü ifadə edir. hər yerdə üzləri tanıyan pareidolia lənətimiz sayəsində biz o "gülümsəyən" görüntüdən dolayı o saata doğru yönəlirik.
incəsənətdə belə bir çox rəssam, üzləri və personajları sıx bitki örtüyü və ya buludların arasında gizlətməkdən kayf alıblar, həqiqətən çox ustalıqla gizlətmişlərdir. ən məşhur nümunələrdən biri mantegna-nın “ Trionfo della virtù” tablosunda buludlar arasında görünən üzlərdi.
Giotto-nun San Francesco-ya həsr olunmuş freskasındakı cin profili
pareidolia ustası Salvador Dali-nin optik illüziyalarını da qeyd etmək fərzdir bizə * görməsən balacalşdır ya da uzaqlaşdır^^
Arcimboldo, sənətinin zirvəsində bizə göstərdiyi bir şeyi də əlavə etmək istəyirəm, sifəti xarakterizə edən elementlər tərs şəkildə mövcuddursa, pareidolia özünü büruzə vermir.
Arcimboldo özünün “ Ortolano ” (1590 adlı “reversible still life”)
bu teoremi biz bu əsərdə daha aydın görürük. gördüyünüz bu şəkil tərs çevrilirsə, insani xüsusiyyətlərini itirəcək. biz yalnız bir qabda bir neçə tərəvəz görmüş olacağıq.
isveçrə psixiatrı, hermann rorschach, pareidolia əsasında daha çox ləkə testi kimi tanınan bir testi sınamağa başladı. testə qatılanlar on simmetrik mürəkkəb ləkəsində hansı təsvirləri tanıdıqlarını deməlidirlər. rorschach testi bugün psixoloqlar tərəfindən şəxsiyyət xüsusiyyətlərini araşdırmaq üçün istifadə olunur. bu testlə hətta fərdin cəmiyyətə ümumi uyğunlaşma səviyyəsini qiymətləndirmək mümkündür.
Notice: Undefined variable: user_id in /var/www/soz6/sds-themes/vengeful-light/profile.php on line 1365
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1372