blok başlıqlarını gizlət
sözaltı meme
sözaltı meme
sözaltı meme
sözaltı meme
sözaltı meme
sözaltı meme
qatardan entry yazmaq
Notice: Undefined variable: thisuser in /var/www/soz6/profilson.php on line 166
ilaxır çərşənbəmiz mübarək-*
Hər il olduğu kimi də keçən il, 2024 Gülməli Vəhşi Təbiət Foto Mükafatlarının finalçıları açıqlandı
Ümumi qalib
Milko Marchetti (italiyan)
“Stuck squirrel”
Kateqoriyalar üzrə mükafatlar:
Böcəklər
Jose Miguel Gallego Molina (ispaniyalı)
“Mantis Flamenca”
Sürünənlər və Amfibiyalar
Eberhard Ehmke (Alman)
“Frog in a balloon”
Quşlar
Damyan Petkov (Bolqar)
“Whiskered Tern crash on landing”
Przemyslaw Jakubczyk (Polyak)
“Unexpected role swap”
Junior fotoqrafçılar kateqoriyası (16 yaşdan aşağı)
Sarthak Ranganadhan (hindus)
“Smooching owlets”
cavan fotoqrafçılar kateqoriyası (25 yaşdan aşağı)
Kingston Tam (Honq Konq)
“Awkward smiley frog”
Affinity Photo 2 People's Choice Award
Tapani Linnanmäki (fransız)
“Shake ruffle rattle and roll”
Portfolio
Flynn Thaitanunde-Lobb (britaniyalı (aged 10))
“Dancing To The Music, Rock guitar, Roly Poly, Weight Lifting”
Video Kateqoriyası qalibi
Kevin Lohman (ABŞ)
“Fox with the zoomies!”
(youtube: 
)
)Çox tərif alan qaliblər
Leslie McLeod (Kanadalı)
“Hide and seek”
Andy Rouse (Britaniyalı)
“Alright Mate Back off- this is my bird”
Randy Herman (ABŞ)
“You're not my mother”
Sanjay Patil (hindus)
“The Rock Star”
Takashi Kubo (yapon)
“Mafia Boss”
Artur Stankiewicz (Polyak)
“I'm too sexy for my love”
Ralph Robinson (Britaniyalı)
“Gang of four”
2023-cü ilin qalibləri üçün (baxma: comedy wildlife photography awards/-381349).
hər mənada xatırlama sənəti
(bax: mnemonic)
qədim yunanca mnēmē (yaddaş) sözündən gəlir
səsli mnemonika
pringles qapağını açanda eşitdiyiniz o məmnun edici pop səsi təsadüfi deyil. elə bir şey ki, şirkət bu səsi də satırıq deməkdən çəkinmirlər:
(youtube: )
)las vegas 90-larda xırda pullarla idarə olunan slot maşınları kağız pullarla əvəz olunmağa başlamışdı.Kazinolar fikirləşirdilər ki, bəlkə insanlar belə daha çox pul xərcləyəcəklər. Amma o ikonik səs də bu təcrübənin bir parçası idi. Və buna görə də qazanclar böyük ölçüdə aşağı düşməyə başladı. Kazinolar yenidən qazanclarını artırmaq üçün Las Vegas-ın o atmosferini və arxa fon səsini yenidən gətirdilər.
Səsli mnemonikaya çoxlu misal vermək olar: McDonald's kağız fincanına çöp daxil edilərkən yaranan incə ton; Coca-Cola açılışında istər şüşəni, istər də dəmir qutunu açanda eşidilən, qazın əvəzolunmaz tını; həmçinin, nostalji baxımından unudulmaz Windows başlatması və Super Mario oyununda coin yığanda səsləndirilən melodiya.
vizual mnemonika
afrikalı və hindistan fillərinin nəhəng qulaqları öz qitələrinin xəritələrinə bənzəməsi. * Ortamda Satmalık Bilgiler
ikihürgüclü dəvələr orta asiyaya* çin, monqolustan məxsus bir növ olarkən, sadəcə bir hürgücü olan dəvələrin vətəni yaxın şərq/şimali afrikadır.* ərəb ölkələri
musiqili mnemonika
haralı olsan da yaddan çıxmaz “abc” alfabet mahnısı. ən istəksiz uşağı da musiqinin ritmi ilə bir şeylər öyrədə bilirsən.
(youtube: )
)coğrafi mnemonika
coğrafiya imtahanına hazırlaşan uşaqlar üçün xəritəni yadda saxlamaq bir iş(gəncə) kimi səslənə bilər, amma onu mnemonik tapmacaya çevirdikdə iş əyləncəli bir hal alır.
azərbaycanın siyasi xəritəsində naxçıvan rayonlarını araz çayının axını ilə sədərəkdən ordubada çox rahat əzbərləmək olur. hətta balakəndən bakı'ya doğru olan istiqamətdə mənim kimi yaddaşı zəif biri belə rayonları çox asanlıqla xatırlıya bilir.
fiziki/kinestetik mnemonika
ayın günlərini yadda saxlamaq üçün əlinizdəki hər oynaq 31 günlük ayı, aradakı çöküntülər isə qısa ayları xatırlamağınıza kömək edir.
bonus mnemonika:
mühasibatlıqda istifadə olunan “ dealer” mnemonikası
mühasibatlıq aləmində debits və credits-i daha yaxşı başa düşmək, maliyyə terminlərini yadda saxlamaq və accounting equation-u öyrənməyə kömək edir:
Mnemonika həyatımıza interaktiv, əyləncəli və yadda qalan təcrübələr qatır. Öz sahənizdə və ya gündəlik həyatda tətbiq edildikdə, işinizi asanlaşdırır və ona fərqli bir baxış bucağı qazandırır.
bu entrynin necə olacağı ilə bağlı demək olar ki, bir ildən çoxdur düşünürəm. Mənim üçün elə bir nöqtəyə gəldi ki, nə etsəm də, necə etsəm də məmnun olmuram. Paylaşdığım entryləri də bir müddət sonra yenidən oxuyanda, öz-özümə "Kaş bunu da yazsaydım" deyə düşünürəm. Ona görə daim qayıdıb yenidən bir də oxuyuram. əslində bu yaxşı bir şeydir, əgər bir il əvvəl paylaşdığım entry ilə hələ də eyni yerdəyəmsə, bu, mənim yerimdə saydığımı göstərir. Ona görə də anlıq bir qazla indi yazıram. *
təbii ki, mənim indimlə sizinki bir deyil
.
Başlamazdan qabaq bunu interaktiv bir təcrübəyə çevirək. Odur ki, dəvam etmədən öncə videonu başladın, 1997-ci il seriyasından "4 Gatsu" sountrack’ini birlikdə dinləyək.
(youtube: )
)hər şeyini, yazarını belə itirmiş, hekayəsi yarım qalan bir obraz. guts(qats).
“Lap əvvəldə Guts'ı tez əsəbiləşə bilən bir qəhrəman olaraq təsəvvür etdim. Mad Max'dəki Max, ya da Fist of the North Star'daki Kenshiro kimi. Mən onu necə qəzəbləndirəcəyimə, necə qisas alacağına, xarici görünüşünü və bacarıqlarını necə effektiv nümayiş etdirəcəyimə fokuslandım və bu mübarizədən ortaya çıxan şey orijinal Black Swordsman oldu.” - Kentaro Miura, manganın əsas personajı olan, Guts'ın motivasiyasını və zehniyyətini necə ortaya çıxardığı barədə suala belə cavab vermişdi. qeyd etdiyim kimi, miura Guts'ın əsəbi olmasından əmin olmaq istədi, nəticədə onu əsəbləşdirməyin həll yolu kimi ona bərabər bir dost yaratmağa qərar verdi; griffith.
"Berserk" tam olaraq " Devil Man" və " Fist of the North Star" kimi mangaların uğurlu adaptasiyası kimi görmək olar. Yəni Kenshiro və Shin, Akira və Raoh tamamilə Griffith və Guts ətrafında formalaşmış obrazlardır. sözsüz, Miura bu paralelləri götürüb tamamilə fərqli bir şeyə çevirmişdir. "Devil Man"ın ezoterizmi ilə "Fist of the North Star"ın vəhşi dünyasını alıb "Berserk" kimi dark fantasy janrını bir daha bənzəri olmayan şəkildə dünyanın ən populyar mangalarından birinə çevirdi.
Bizim burda 3-cü əsas obrazımız da var ki, mangada bütün personajlar tərəfindən güclü və gözəlliyi ilə tanınan qadın döyüşçü casca özündə bir qadın olaraq ancaq qüsurlar görməsi, nə etmək istədiyini bilməməsi, bir insan olaraq arzusunun olmamısı kompası olmayan bir gəmi kimi özünü dalğanın və küləyin istiqamətinə verir.
Kentaro Miura xüsusi bir sənətçidir, amma Berserkin rəsmlərinin keyfiyyəti, hekayəsinin bənzərsizliyi bir yana, hekayənin keçdiyi dünyaya baxdığımızda bu dünyanın xalqları, sosio-politik quruluşu, şəhərləri və insanları üzərində dövr edən bir cəmiyyət tənqidi var ki, bu məncə özü kifayət qədər müşahidə və bacarıq tələb edən bir şeydir.
Manganın iki əsas obrazı Guts və Griffith arasındakı münasibət, bir-birlərini fərqli mənalarda istəyən, amma heç vaxt bir-birinə sahib ola bilməyən iki kişinin duyğularının dağıdıcı bir qəzəbə çevrilməsi, manganı tamamilə başqa bir yerə çəkir. Bu münasibəti Griffith tərəfində homoerotik sevgi münasibəti olaraq, Guts tərəfində isə yalnız özündən daha yaxşı gördüyü bir insan tərəfindən qəbul edilmək və insanlığının təsdiqlənməsi olaraq qəbul etmək olar. Casca tərəfindən baxıldığında isə, xilasçısına aşiq olan bir qadının onun həyatının bir parçası ola bilmək üçün qadınlığından imtina etməsi, lakin günün sonunda ona yaxın olmaq üçün imtina etdiyi halının ona istədiyi şəkildə yaxınlaşmasına mane olduğunu da görə bilərsiniz, bu baxımdan obrazlara qarşı fikrimiz həmişə bir tərəfli olmur. Bütün obrazların verdiyi qərarların psixoanalizini etmək, adamı alır, aparır.
əksər populyar anime, fanservice adı altında qadın obrazları çox axmaq göstərir, amma berserk mangasında ucuz fanservice'ə yer verilməyib. mangada çılpaq və absürd panellər olduğu doğrudur, amma buna səbəb hekayənin qaranlığını yansıda bilməkdir, kiminsə eraksiya olmasına kömək etmək deyil
Golden Age ilə uşaqlığından etibarən tanımağa başladığımız Guts obrazı bir şeylərə sahib olması, sonra onları yenidən itirməsi, insanlığını yenidən tapması və buna rəğmən yaşamağa davam etməsi hekayəyə yeni bir nəfəs verir. Black Swordsman, Golden Age, Conviction, Lost Children və Guts'ın fərqli hekayələrində yaşadıqlarından dolayı keçirdiyi dəyişikliklər o qədər orjinal işlənir ki, bir müddət sonra keçmişdə necə bir obraz olduğunu belə unutmağa başlayırsınız. Bu, demək olar ki, bütün əsas obrazlarda görürsünüz, yəni möhtəşəm rəsmlərin yanında çox möhkəm bir yazıçılığı da var müəllimin və bütün bunları o qədər ahənglə bir araya gətirir ki, niyə "Berserk"in bu qədər sevildiyini daha yaxşı anlayırsınız.
Günün sonunda Guts'ın bədənindəki bütün yaraların, ağaran saçlarının və yorulan baxışlarının hər birinin səbəbini çox yaxşı başa düşürük, eyni öz daşıdığımız yaralar, ağaran və ya ağaracaq saçlarımız və yorulan baxışlarımızın arxasındakı səbəbləri bildiyimiz kimi. Əslində hər kəsin arxasında Guts'ın daşıdığı kimi bir qılınc var və bu, çox vaxt bir qılınc deyil. Şübhəsiz ki, "Berserk" bu şəkildə yanaşmaq insanın təbiətində var. Bütün mübarizələrə rəğmən həyatda qalmaq, mümkünsüzlük qarşısında dayanmaq və bəzən sadəcə yaşamaq;
Berserk light reading`lə oxuya biləcəyimiz bir şey deyil, təsvirlər kobud və pozğun və həm bəşəriyyətin dəhşətlərini, həm də Miuranın öz səhifələrində yaratdığı qaranlıq dünyanı göstərməkdən çəkinmir.
Və o rəsmlər... o sənət əsəri panellər. Xüsusilə "Millennium Falcon" hekayəsindən sonra Miura elə vizuallar yaradır ki, hər baxışda yeni detallar kəşf edirsiniz. O, əsərlərində Escher, Bosch, Gustave Doré və Albrecht Dürer kimi sənətkarların təsirini açıq şəkildə hiss etdirir. Miura üçün manqa yalnız hekayə deyil, həm də sənət əsəri yaratmaqdır.
Təbii ki, məsələ yalnız rəsmlər deyil. "müharibə yorğunluğu" adlandırdığım şeyi də çox yaxşı əks etdirir. Daim düzgün şəkildə yata bilməyən, özündən dəfələrlə güclü paranormal varlıqlara qarşı mübarizə aparan Guts-un yorğunluğunu hiss edirsiniz. Bədənindəki yaralar, qılıncını daşıyarkən və vurarkən əzələlərinin gərilməsi, üz ifadəsindəki tükənmişlik və obrazlarla qarşılıqlı təsirlərindəki bezginlik yalnız Miura səviyyəsindəki bir ustanın rəsmlərindəki kiçik detallarla verə biləcəyi şeylərdir. Maraqlı bir şəkildə, bütün bu yoğun qaranlığa rəğmən, bu hekayənin içində bir ümid var. Zatən "Berserk" in hekayəsini bu qədər axıcı və oxumağa dəyər edən də budur.
Guts-un hekayəsi iniş-çıxışlarla doludur. Yaşadığı bütün travmatik təcrübələrə rəğmən, "Black Swordsman" personasından sonra yenidən özünü bir ümid olduğuna inandıran insanlarla tanış olur. Bu da onu ilk tanıdığımız qaranlıq, inadcıl, heç nəyi umursamayan personasından yavaş-yavaş çıxarır. Lakin bu hekayə sadəcə dostluq və sevginin qalib gəldiyi bir hekayə deyil. Bütün ümidlərinə rəğmən, təkrar-təkrar mübarizəçimiz pis şeylər yaşamağa davam edir. Buna rəğmən mübarizə aparır, artıq mübarizə edə bilməz dediyiniz yerdə yenidən ayağa qalxdığını görürsünüz, sonra yenidən ayağa qalxır, sonra yenidən ayağa qalxır.
Bütün bu mübarizənin kənarında ümuda çatma cəhdi, "Berserk" in ürəyini təşkil edərkən müəllim bunu çox zövqlü və dərin bir meta-narrativlə birləşdirir. Bu, yalnız cool döyüş səhnələrindən başqa uğurlu personajlaşdırmalar üçün də ayrı bir cazibə nöqtəsidir. Amma əsasda yatan mesaj aydındır: Ümidin varsa, hər şeyin var.. Amma ümid yalnız heç nə etmədən gözləyənlərə çarə olmaz. Ayağa qalxıb bir şeylər etmək lazımdır. Bütün mənfiliklərə rəğmən o qılıncı alıb çalmalısan. Qarşındakı qaranlıq nə qədər müstəsna olursa olsun, mübarizə aparmalısan. Təbii ki, bunun yanında şəxsi qaranlığına və ümidsizliyə doğan qəzəbə təslim olmamağı da öyrənməlisən. Kiminə güvənəcəyini yaxşı seçməlisən. insanlara bütün paranoyalarına rəğmən şans verməlisən. Xalqına zülm edənləri məhv etməli, troll ordularını doğramalı, satanistləri məğlub etməli, uşaqları istismar edən iblisləri məhv etməlisən.
Mövzu uşaqlardan açılmışkən, "Guts"ın az yaşlı uşaqlara qarşı reallığı göstərməsi və onları bu reallıqla üzləşdirməsi, lakin konkret bir həll yolu təqdim etməməsi, oxucuların ona qarşı fikrini tərəfsiz saxlayır. Lakin burada yalnız biz, oxucular, dilemma ilə üzləşmirik. Xilas olan uşaqlar da nəticənin istəmədikləri bir son olduğunu dərk edir və həm Guts-a, həm də özlərinə nifrət bəsləməyə başlayırlar. Çünki onlar, uşaq yaşlarından valideynləri tərəfindən istənməyən, problem olaraq böyüdülmüş və tökülən qanların səbəbkarı kimi özlərini görürlər. Bu psixoloji yük onları Guts-a minnətdarlıq və nifrət arasında buraxaraq daxili münaqişə yaşamağa məcbur edir.
Hələ də bu hekayənin içində bir hekayəni yaxşı edə biləcək hər şey və daha artığı var, tək bir şey xaricində: yaxşı bir final. Bəli, "Berserk"-in hələ bir finalı yoxdur. Yəni əslində var, amma yoxdur. Kentaro Miura 54 yaşında qəfil və vaxtsız bir şəkildə vəfat etdi. Elə qəflətən baş verən ölümlər olur ki, tam lotoreyadan çıxan kimi, bax, elə bir vəziyyət. Aorta anevrizması. Hər kəsin başına gələ biləcək bir şey.
Miura, vaxtında Koji Mori-yə hekayənin finalının necə olacağını danışmış və tələbələrinə müxtəlif qeydlər buraxmışdı. Mori bu mövzu ilə bağlı bir xatirəsini belə bölüşür: "On beş il əvvəl bir gün, Kentaro-nu ziyarət etdim. O zaman "Eclipse" hekayəsini çəkirdi. Başında "Berserk" hekayəsini "Eclipse" i çəkərkən tamamlamışdı və həyəcanla mənə anlatmağa başladı. illər ərzində mənə danışdığı şeylərin manqada bir-bir baş verməsinə şahid oldum. Finalını bilən tək şəxs olaraq, Miura-nın vizyonuna sadiq qalaraq hekayəni bitirməyə qərar verdim. Sadəcə Miura-nın mənə danışdığı şeyləri yazacağam və heç bir əlavə etməyəcəyəm. Düzgün xatırlamadığım şeyləri yazmayacağam."
Bu, təbii ki, oxuyucuları iki yerə böldü. Kimiləri "Berserk" in Miura-nın çəkdiyi son bölüm ilə bitdiyini və davam etməməli olduğunu deyir, kimiləri isə Studio Gaga və Mori'nin Miura-nın mirasını davam etdirə biləcəyini düşünür.
Şəxsən mən, ikinci qrupdanam. rəsmlər Miura qədər olmasa da, illərlə onun altında çalışdıqları üçün Miura-nın dəsti xəttini bilirlər. Hekayə baxımından da hələ uzun dialoqlar və böyük ekspozisiya olmadı. Miura-nın vəfatından sonra yayımlanan bölümlər az dialoqa malikdir, amma hekayəni qrafik olaraq anlatmaqda problem yaşamamaları, məncə, güvən vericidir.
Yenə də sevimli mübarizəçimiz qılıncını vurmağa davam edir. Bu da mənim kimi bəzi insanlar üçün kifayətdir. Hətta bir nöqtədə Miura-nın mirasının bu şəkildə davam etməsi xoşuma belə gəlir.
"Berserk"ə necə başlanmalı sualına gəldikdə, mənim tövsiyəm 1997-ci ildə çıxan anime seriyası kenpuu denki berserk ilə başlamaqdır. Bir çox insan filmləri ilk izləməyi məsləhət görsə də, məncə anime seriyası "Golden Age" dövrünü kifayət qədər yaxşı əhatə edir və studiya burada gözəl bir iş ortaya qoyub. Kikuchi Susumu Hirasawa'nın yaratdığı musiqilər isə bu animeyə xüsusi bir atmosfer verir və manqanı oxuyarkən belə dinləməyə davam edəcəksiniz.
2016-cı ildə çıxan animeyə isə heç yaxınlaşmayın. Bu seriya aşağı büdcəli prodüksiya, pis CGI və ümumi keyfiyyətsizliklə çox uğursuz bir işdir. Manqanın daha əvvəl görülməmiş hissələrini uyğunlaşdırsa da, izləmək olduqca çətindir, adamın səbri çatmır.
Filmlərə gəlincə, onlar "Berserk" təcrübəsinə fərqli bir perspektiv qatır. 2012 və 2013-cü illərdə çıxan üç film var: " Egg of the King", " Battle for Doldrey" və " Advent". Bu filmlər manqanın "Golden Age" hekayəsini əhatə edir. ilk iki film bəzi yerlərdə CGI istifadəsi baxımından ideal olmasa da, üçüncü film, "Advent", vizual olaraq çox uğurludur. Bu filmləri izlədikdə, "Golden Age" dövrünün ən vacib hadisələrini axıcı bir şəkildə öyrənib, "Advent" filminin sonunda hekayənin ən mühüm qırılma nöqtəsini möhtəşəm bir vizuallıqla təcrübə edə bilərsiniz.
Filmləri izləmək "Berserk" təcrübənizi zənginləşdirəcək. Xüsusilə "Golden Age" sonunda musiqi ilə müşayiət olunan təsir edici bir səhnə var ki, bu səhnəni ilk dəfə filmdə izləmək daha təsirli ola bilər. Həyatınızda bir dəfə yaşanacaq bir təcrübədir. Daha sonra manqanı oxuyanda, Miura'nın bu səhnələri necə ustalıqla çəkdiyini görüb yenidən təsirlənəcəksiniz.
Berserk-i oxumamış olsanız belə, video oyunlara bələdsinizsə, təsirini görmüşsünüzdür. Dark Souls , Final Fantasy, Bloodborne, Sekiro: Shadows Die Twice, demon's souls, Elden Ring və daha neçəsi
mangadan təsirlənib.
"Berserk" azad iradə, tale, mübarizə, ümidsizlik, cinsəllik, ədalət, intiqam kimi mövzuları genişləndirən bir külliyyatdır. Xarakterlərin yazılmış taleyə qarşı gələrkən insan təbiəti, əxlaq, dualite kimi bir çox nöqtədən çətin problemlərlə üzləşdiyi, dostluğun və sevginin bir-birinə qarışdığı, onların strukturlarının incələndiyi, həzm etməsi zaman alan, yola verilməmiş, möhtəşəm rəsmlərə sahib bir manqadır.
Entrinin başında da dediyim kimi, bu qədər geniş bir əsəri hər nöqtədən incələmək hər kəsin işi deyil, mənim isə heç deyil. O səbəblə, bu mətnin yazılması uzun zaman aldı. ümid edirəm, bir neçə ildən sonra yenidən oxuyanda "yaxşı yazmışam" deyə biləcəm.
Özünüzə diqqət edin və mübarizənizdən əl çəkməyin. Unutmayın, qılınc başınızda deyil, ürəyinizdədir və yalnız onu istifadə etməyi öyrənməyinizi gözləyir. O səbəblə, qalxın, zirehinizi geyinin, onu belinizə bağlayın və həyat adlı iblislərlə dolu bu qaranlıq diyarı gəzməyə başlayın. Əmin olun, sizə ümid verəcək insanlarla tanış olacaq, bütün çətinliklərə baxmayaraq yaşamağı öyrənəcək, dərslər çıxaracaqsınız və ən önəmlisi, qaranlıqla savaşdığınızda başqalarının da sizinlə birlikdə savaşdığını görəcəksiniz.
2050 timidus
tanım: orta əsrlər dövründən reinkarnasiya olmuş və yenə də əjdahalar yetişdirən merlin!
dall-e 3 ilə loqosunu yenidən canlandırdığım hamını dinləyib özü danışmayan fikir ensiklopediyası.
Neural Nebula
2001: a space odyssey
Cerebral Galaxy
noir
lsd
star wars
spectrum
favorim
rickest rick
bonus sifariş(@98348) meme:
01.01.2022
01.01.2024
bonus
https://i.imgur.com/cvIvWkq.jpg
https://i.imgur.com/3m92vc2.jpg
ilin Vəhşi Təbiət Fotoqrafının seçildiyi, ingiltərənin London şəhərindəki Natural History Museum tərəfindən hər il keçirilən beynəlxalq vəhşi təbiət fotoşəkilləri müsabiqəsidir.
qalib şəkillər nüfuzlu münsiflər tərəfindən üç mərhələdə dünyanın 4 tərəfindən daxil olan təxminən 50.000 şəkil arasından seçilir. Mükafatlandırma mərasimindən sonra bu şəkillər il ərzində 5 milyondan çox ziyarətçini cəlb edən londondakı bu muzeydə sərgilənir. bu mükafatlar eyni zamanda vəhşi təbiətin qorunmasına diqqət çəkir və təşviq edir.
hər il olduğu kimi, təşkilatçılar oktyabrda builki 41 finalisti , qalibləri də 28 noyabrda elan etdilər. Jason Moore’un havalı gitarasında ifa edən kenqurunu mükəmməl şəkildə tutması ilə builki baş mükafatı qazandı.
Jason Moore əl işi mükafatı ilə
foto kateqoriya qalibləri:
yerdəki canlılar və əsas qalib
Jason Moore (Avstraliyalı)
"Air Guitar Roo"
havadakı canlılar
Vittorio Ricci (italyan)
"Unexpected plunge"
su altındakı canlılar
Otter Kwek (Sinqapurlu)
"Otter Balerina"
Gənc fotoqraf
Jacek Stankiewicz (Polyak)
"Dispute"
portfolio
Tímea Ambrus
"I finally learned to fly or - or maybe not"*
bu çöl sincabı sizə də bir yerdən tanış gəlir?
video kateqoriyası qalibi
Lily Bernau
"Too cold"
video üçün bu linkə keçid edin.
yüksək rəğbət görənlər
Tzahi Finkelstein (israilli)
"The happy turtle"
John Blumenkamp (amerikan)
"Monday Blahs"
Zoe Ashdown (britanyalı)
"One for the family album"
Brian Matthews (britanyalı)
"Don't look down"
Lara Mathews (Avstraliyalı)
"Boing"
Delphine Casimir (belçikalı)
"The rainforest dandy"
Pratick Mondal (hindli)
"Look at right Bro"
Wendy Kaveney (hindli)
"That wasn't here yesterday"
Jacques Poulard (Fransız)
"Snowball"
Dakota Vaccaro (amerikan)
"Excuse me sir but I think you're a little too young to be smoking."
fotoqrafların şəkilləri haqqındakı öz şərhlərini burdan oxuya bilərsiniz.
(baxma: qəribə yuxular/-379871)
bonus gif meme: link 
(bax: cognitive bias)
IKEA effekti, öz əlinizlə bir şey qurmağın, o əşya ilə, onu satın aldıqdan sonra ona sahib olmaqdan daha dərin bir əlaqə yaratdığnı deyən koqnitiv qərəzliyi izah edir.
"düzəltmək", "qurmaq" hərəkəti bizdə, nəticəsini gördüyümüz bir şeyi maddi hala gətirməyi bacarmış olmanın məmnunluq hissini yaradır və beləliklə, əşyanın özü ilə olan əlaqəsini dərinləşdirir. Görülən iş çox vaxt insanların, öz yaradıcılıqlarını həddən artıq şişirtməylərinə də səbəb olur, pis düzəldilmiş və ya hazırlanması asan olsa belə.
Əgər bacarmışıqsa, onu sevirik.
- LEGO-nun və ya yarı bitmiş məhsullar(hazır suplar kimi, ancaq sizin son toxunuşunuzu tələb edən) təklif edən bir çox qida brendlərinin uğurunun arxasında da eyni prinsip dayanır. bu proses düşündüyünüzdən daha sərfəlidir, çünki xərcləri azaltmaq mümkün olur və işi asanlaşdırır.
müştəridən tələb olunan efort, qatqı, töhfə nə qədər yüksəkdirsə, ona verəcəkləri qiymət də bir o qədər yüksək olacaq. bununla belə, tələb olunan səy çox böyükdürsə və ya töhfə çox kiçikdirsə, insanlar çox güman ki, tapşırığı yerinə yetirməyəcəklər. IKEA effekti yalnız istifadəçi tapşırığı həqiqətən yerinə yetirdikdə mümkündür.
- Neçə dəfə YouTube-da kiminsə Apple məhsulunun qutusunu açıb plastik filmi diqqətlə çıxardığı videosunu görmüsünüz?
yeni bir iphone alarkən həmin anda Apple sizə sadəcə smartfon satmaqla qalmır, eyni zamanda Apple satıcısı ilə danışdığınız andan evə gəlib qoruyucu filmi çıxardığınızda titrədiyiniz o vaxta qədərki təcrübəni də satmış olur.
eyni hadisə bədii əsər, oyun və ya kinolarda da qarşımıza çıxır. əsərin qane edici olması üçün obrazımız əlbət müəyyən bir nöqtəyə qədər çətinliklərlə üzləşməlidir.
---
tanışım web saytın dizaynı üçün müştəridən xüsusi materiyallar, mətn və ya şəkil kimi atmasını istəyir, həmçinin referans ala biləcəyi saytları da axtarmasını. və bu vaxt ərzində tövsiyə və düzəltmələrlə müdaxilə etməsinə imkan verib axırda demonu göstərir. müştərinin əlbət xoşuna gəlir, bütün bunlar onu yaradıcılıq prosesinin fəal iştirakçısına çevirir, şorbada onun da duzu olur.
ingiltərənin oxford şəhərindəki ikonik və məftunedici heykəl
(baxma: ən yaxşı ev aksesuarı)
ingilis heykəltəraş John Buckley tərəfindən, Bill Heine`in sifariş ilə bu ekstravaqant əsər 9 avqust 1986-cı ildə Headington, Oxford ünvanındakı evinin üzərinə yerləşdirildi. verdiyi müsahibədə Heine dedi ki, "heykəl Amerikanın Liviyanı bombalamasına və nüvə silahlarına etiraz olaraq nəzərdə tutulub". heykəli ABŞ-ın Yaponiyaya atom bombasını atdığı gün*
6 avqust
ün 41-ci ilində quraşdırmışdılar.
oxford şəhər icra hakimiyyəti heykəli çıxarmaq üçün illər sərf etsə də, mübahisə məhkəmə qarşısında sona çatdı və heykəlin qala biləcəyi qərarı verildi. bir baxıma, əslində, akula bürokratiyanı xəyal gücü və əsnəklik göstərməyə ilhamlandırmışdı.
Bill Heine lisenziyası olan oğlan kimi akulası ilə fotoşəkili
2016-cı ildə oğlu Magnus atasının tapşırığı ilə köpək balığını saxlamaq üçün bloku bütünlüklə aldı. mülk 2018-ci ildən airbnb qonaq evi kimi fəaliyyət göstərir.
- incəsənətin ən gözəl tərəfi onu dinləyən, oxuyan və ya baxan hər kəsin fərqli görüşlərə sahib olmasıdır. mənə bunu maraqlı edən, komediyanın arxasında yatan tragediyadır. təsəvvürünüzə gətirin, bu adam binanın üzərinə bir başa atom bombasını anımsadan heykəl düzəltsə idi, çox az adam bunu ağlabatan qarşılıyacaqdı, amma damı parçalayan akula?! bizi bir damın üzərinə bomba düşməsi, akula düşməsi qədər maraqlandırmır.
super saturn və ya steroid basan saturn kimi bilinən bu planet, eyni zamanda əsl the lord of the rings olaraq da tanınır.
real adı J1407b, sentavr bürcündə bizdən təxminən 434 işıq ili uzaqlıqda olan nəhəng bir ekzoplanetdir. bu planet indiyə qədər kainatda bilinən ən böyük halqa sisteminə sahib olduğundan saturn yanında mamauşağı qalır. hərhalda saturn özmüzküdü, ezdirmeyiz.
2012-də SuperWASP layihəsinin ilk müşahidələrinə görə ekzoplanetin saturnun halqalarından təxminən 200 dəfə böyükdür. bu nəhəng halqa sistemini top kimi yumrulasan, yerin kütləsinin 90%-ə bərabər olacaq.
- nə deməyə çalışdığımı qavraya bilirsiniz? yupiter özü yer kürəsindən 11 dəfə böyükdü, bu pəzəvəng yupiterdən 20 dəfə böyük olması ilə yanaşı, üzərində yaşadığımız planetin çəkisi qədər halqası var aq.
- halqalar da əslində bu formada yaranır, ya hər hansı səma cismin əsas planetə toqquşması ilə, ya da planetin peykinin yenə başqa bir cismlə toqquşaraq parçalanması ilə. və bunun nəticəsində həmin o parçalar biri birlərini əzərək toz halına çevirir.
- bununla yekunlaşar? yox mq. 2015-də Matthew Kenworthy-nin tədqiqat qrupu halqa sisteminin hər birinin diametri on milyonlarla kilometr olan 30-dan çox halqasının olduğunu göstərdilər. bu boşluqlarının olması da bu sistem daxilində orbitdə fırlanan exomoon-ların*
peyklərin
mövcudluğunu göstərir. ümumi sistemin diametri 120 milyon kilometrdir. yerlə günəş arasındakı orta məsafə isə 149,6 milyon kilometr, təsəvvür eləyin, aramızı dolduracaq qədər böyükdü bu zorba.
saturnu J1407b ilə yer dəyişsəydik, təxmini belə bir görüntü alardıq
(youtube: )
)Notice: Undefined variable: user_id in /var/www/soz6/sds-themes/vengeful-light/profile.php on line 1365
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1372