operation epic fury

abş nin nəbilim neçə trilyon dollar xərcləyərək 28 fevral 2026 da başladıb 7 aprelində bitirdikləri iran müharibəsi. nəticəsində irana illərdir axtardıqları nüvə silahını bəxşetdilər. mühəribə bəlkə unudulub gedəcək, ancaq hörmüz krizisi illərcə yadımızda qalacaq. qlobal iqtisadiyatı darmadağın edəbiləcək bu boğazda müharibədən qabaq iranın heçbir rəsmi hüququ olmayıb. artıq buradan həm ciddi gəlir əldə edəcək, həm də bağlamaq təhdidini nüvə silahı kimi istifadə edəcək. trump ın irana bayram hədiyəsi olaraq tarixə keçəcək.

Yazarların paylaşmaq istədikləri şəkillər

(baxma: discovery museum), newcastle upon tyne

newcastle upon tyne

dünyada qısaca newcastle olaraq bilinən şəhərin tam adıdır. getməmişdən ingiltərədə newcastle adında birdən çox yaşayış məntəqəsi olduğunu bilmirdim.
ucsuz bucaqsız və ilin 12 ayı yamyaşıl təbiətlə çevrələnmiş tyne çayı üzərində yer alan tipik bir ingilis şəhəridir.
kiçik bir qəsəbə ikən 19cu əsrin başlarından sənaye inqilabının 
baş verməsi ilə əhalisi artmış və işçi sinifinin çiyinlərində böyüyərək bu günlərə gəlmişdir. bu işçi sinifinin nümayəndələri hələ də şəhərdə çoxluğu təşkil edir və newcastle united klubunun fanatik azarkeşləridirlər. ingilislər bunların dialekti ilə məzələnir (həqiqətən də xeyli fərqlənir) və Geordie deyirlər bunlara. xuliqanın önündə gedəndilər, polislər belə dəyib toxunmur. 

buraların pub kültürü isə mühtəşəmdir, demək olar ki orta yaş üstü heçkim evində oturmur. ər arvad doluşurlar publara, deyib gülürlər, yeyib içirlər. çox da istiqanlı insanlardır, səndən birşey gözləmədən dərhal ünsiyət qurmağa çalışırlar. 1-2 həftəyə ləhçələrinə qulaq alışandan sonra söhbətləri maraqlı da gəlir. pub onsuz da itətökdür, hamısının da qiymətləri sərfəli və birbirinə yaxındır. orta səviyə bir restoranda yemək qiymətləri təxmini 12-15 pound idirsə lüks restoranda da 20-25 pound səviyəsində olur. buraların proletaryasının belə əlçatmaz heçnəyi yoxdur. 
ən məhşur yeməkləri də fish and chips deyilən qızarmış cod balığı, kartof və yaşıl noxud əzməsindən ibarətdir, pivə ilə zor gedir. yeməklərinin ləzzəti və xidmət keyfiyətini ən çox bəyəndiyim Wetherspoons oldu, ölkənin hər tərəfində filialları var, tərəddüdsüz girib yemək yeyiləbilər. 
bu millətin çox sevdiyim bir xasiyəti də kərə yağına olan sevgisi və bağlılığıdır. hara gedsən, nə yemek sifariş etsən gətirib qoyurlar qabağına. 


bəyəndiyim bir digər xasiyətləri isə muzeyçilikləri oldu. ölkədə muzeylər pulsuzdur və elə gözəl qurulub ki uşaq peydahlayıb götürüb gəzdirməyi gəlir adamın. discovery museum u bütün hərkəs mütləq gedib görməlidir, şəhərin tarixi ilə bərabər bir çox yeniliyin ixtira tarixini də özünə məxsus təqdimatla ziyarətçilərə sərgiləyir. elə girişindəki challenger 2 tankını görmək bəs edər.

edinburgh

yəqin bütün britanyanın ən gözəl, ən ecazkar şəhəri olar.
liberalizmin pirlərindən olan adam smith'in qəbrinə fatihə oxumaq üçün gedmişdim, ancaq harry potter commerciallarından başımı qaldıramadan qayıtdım dala.
zənnedildiyinin əksinə havası elə də soyuq olmur, thanks to gulf stream. qışın tam ortasında bakıdan vəya istanbuldan daha isti olmağı adamı heyrətləndirir. yağışı da çox aldığı üçün hər yer yaşıllıqdı. insanları mədənidir, universiteti burada oxumaq istəyərdim.

suriya

htş idarəsində 1 ilini tamamlamış failed orta şərq ölkəsi.
israil cənubda dürziləri, şimalda kürdləri muxtariyət üçün tırkalayır. htş bunlara toxunmağa çalışanda da başlarına bomba yağdırır. hətta nusayri bölgəsində də artıq muxtariyət səsləri gəlir. Kürdlərin müstəqilliyi önündə ən böyük əngəl olan blokadanı qaldırmaq və dənizlərə çıxışını təmin etmək üçün cənubdə yaratmağa çalışdığı dürzi muxtar bölgəsini özünə qatmaq və şimaldakı kürd hakimiyətində olan bölgəyə quru körpüsü qurmağı planlayır. ancaq bu şəkildə özünə bölgədə qalıcı bir kukla dövlət qurabiləcəyini bilir. bu torpaq dərinliyi olmayan, ətrafı düşmən gördüyü xalqlarla çevrili olan israil üçün ölüm qalım məsələsinə çevrilib öz nəzərlərində. amerikalı evanjelistlərin də dəstəyi ilə bu körpü onlara vəd edilmiş torpaqlara haim olma mifologiyasını həyata keçirmək bir yana neft və su qaynaqlarına çatmaq imkanı təsis edir. baxmayaraq ki sdg/pkk nəzarətində olan torpaqların heç 20 faizində belə kürdlər yaşamır, onlar da torpaqlarındaki abş bazalarının verdiyi cəsarətlə açıq açıq israil jandarmalığını öhdəsinə götürüb.
türkiyə isə abş ilə qarşıdurmanı gözə alabilmədiyi üçün bir tərəfdən onların yığışıb bölgədən çıxmağını, digər tərəfdən də htş nin hakimiyətini gücləndirməyi və beynəlxalq arenada legitimliyini qəbult etdirməyini gözləyir. suriyanı israilin təhqiramiz hücumlarından qorunmaq üçün də onları (şeybani) həftə bir moskvaya göndərir ki heç olmasa bir müddət də balanslaşdırma getsin və israilə qarşı şəmsiyə olsun. 
şəmsiyə demişkən, belə bir həqiqət var ki, ta keçən il helə htş əsədi qovan gün suriyanın bütün hava hücumundan müdafiə sistemini məhf edib, suriya hava sahəsi onlar üçün açıq qapıya çevrilib (iran hücumlarını da böyük ölçüdə bu açılan bu koridordan istifadə edərək həyata keçirmişdi). türkiyənin palmiradakı t4 bazasına hhm qurğuları yerləşdirməyinə elə cəhd etməyinə belə icazə vermədən bombalayaraq əngəl olmuşdu. nəzərə almaq lazımdır ki əsad devrildikdən sonra htş rusiyanın suriyadaki bazalarını boşaldmağa məcbur etmədi, hətta kontraktın davamını müzakirə edəcəyini göstədi. zənnimcə türkiyə bu aralar əlindən çıxarmağa çalışdığı s400 hhm sistemlərini rusiyaya suriyadaki bazalarına yerləşdirilmək üzrə geri qaytarmaq istəyir. hətta ərdoğanın seçim qazanmağına xeyli kömək sağlamış olan, təxirə salınmış təbii qaz borcunu bu s400 lə əvəzləşdirmək planlanır.

yırtık pantolon

oğuzhan adında türk bir qaqaşın kanalıdı.
 deməli, bu qaqaş yəqin hansısa söhbəttə ətağa vurub ya neyləyibse mərcə girib ki, monqolustan qədər peşkom gedərəm. Sonra başlayıb gürcüstandan üzü bu tərəf gəlməyə. azərbaycan sərhəddində bunu buraxmırlar, bu da geri tiflisə, oradan bakıya, oradan da təzədən sərhəddin bizim tərəfinə qədər maşınla gedib oradan yoluna davam edir. Qazaxı, gəncəni və aran bölgəsini piyada keçib, üzü astaraya gedir. yolda da uşaq böyük kimi görsə çəkib söhbət edir və bunları sosial mediada yayımlayır. ele çox şeydən başı çıxmır amma ki sağlam göt lazımdı elədiyi şeyi eləməyə.

emil quliyev

Tilov serialı vasitəsi ilə tanış olduğum rejissor prodüser. qabiliyətli insan olduğu anlaşılır, bir müddət din müstəntiq olaraq işləyib, yəqin ki əsərlərlərinin cinayət temalarında uğurlu alınmağının bir səbəbi də budur. Tilov'u izləyərkən serialda, behzad ç, dexter və breaking bad havası aldım. belə baxanda biraz dəstəklə dünya çapında işlər çıxarabiləcəyinə dərindən inanıram.

2025 etibariylə uzun metrajlı işləri aşağıdakılardır;
2022 - Körpü, serial
2022 - Əqrəb mövsümü, serial
2022 - Həmrəylik günü, film
2023 - Körpünün o tayı, serial
2025 - Tilov