borjomi

Gürcüstanın Borjomi dərəsindən çıxan qazlı mineral su brendi.
Bu il 130 illiyini qeyd edən brend indiyə qədər 12 milyard şüşə istehsal edərək satıb.
Artıq aliexpress-də də brendin rəsmi mağazası mövcuddur.

təkcə mənmi edirəm deyə düşünülən şeylər

Simmetrik və düz olmayan əşyaları düzəldə bilməyəndə aşırı narahatlıq keçirmək.

neuralink

Dünən Elon Musk tərəfindən canlı yayımda təqdim edilən çip.
Daha əvvəl siçanlar üzərində test edilən bu cihaz dünən donuzlar üzərində də yoxlanılıb. Bu çip, insan dərisinin altına yerləşdiriləcək və çöldən bilinməyəcək. Çip simsiz şəkildə enerji yığa biləcək.
Təqdim edilən çip yaddaş itkisi, eşitmə problemi, korluq, depressiya, yuxusuzluq və hər hansı bir asılılıq kimi problemlərin aradan qaldırılmasında istifadə olunacaq.
Eyni zamanda gələcəkdə insanların dil öyrənmə problemini də aradan qaldıracaq və insanlar rahat şəkildə istədiyi dildə danışa biləcək.

2020-2021-ci tədris ili

(baxma: yenə distant, yenə qazamat, ay brat, ay brat )

özünəməxsus saytlar

Http://dim.gov.az
Hər bir gəncə həyatında 1 dəfə də olsa maksimal həyəcan yaşadan sayt.

aztv kino dublyajları

(baxma: Hey, Maykl, sənin üstünü islatmaq mənə borc olsun )

rebekka şarp sindromu

"Mən kimdən əksiyəm?!" Düşüncəsi ilə yaşayan olur. Onun fikrincə, onda bütün qadına lazım olan xüsusiyyətlər vardır. Lakin bəxti gətirməyib ki, kasıb ailədə dünyaya gəlib. Ən böyük arzusu - yüksək vəzifəli insanlar sırasında olmaqdır. Bunun üçün bütün gücünü səfərbər edən Miss Şarpın qarşısında dayanmaq olmaz. Ambisioz olan bu qız, hamını yox etməyə hazırdır.

elizabeth bennet sindromu

Bu sindromdan əziyyət çəkən qadınlar öz intellektini nümayiş eləməyə can atırlar. Hamını ağlına görə qiymətləndirən, dəyər verən bir qadın obrazıdır. Kim ki, Elizabet sevmir, vay onun halına! intellektual söhbətlər və atmacalardan yaxa qurtarması çətin olacaq.

gecələr gələn ölmək istəyi

Depressiv dönəmlərində məndən əl çəkməyən istək. Sadəcə sıxıntıdan ibarətdir. Doğulduğun gündən bəri bütün günahlarını, savablarını göz önünə gətirir. Bilirsən ki hələ öləcək deyilsən. Bu zibilə çox dözməli olacaqsan, amma o sıxıntı dolu istəkdən yan keçə bilmirsən. Çox hallarda bunu göz yaşı ilə yaşayırsan. Gün ərzində emosiyalarından bəlli etməsən də yalandan gülsən belə yenə də axşam yerinə qayıdanda həmin hisslər çökür canına.

gec kəşf edildiyi üçün heyifsiləndirən şeylər

Badımcan mürəbbəsi. Adını eşidəndə bəziləri kimi "yemərəm" desəm də hal hazırda əncir mürəbbəsindən sonra olmazsa olmazımdır.

şəbnəm tovuzlu

Qonşumuzun öz ərinə qısqandığı müğənni olaraq yadımda qalan adam. Gözəl-göyçək qadın ərinin şəbnəm tovuzlunu bəyəndiyini biləndən sonra başlamışdı kökəlməyə. Heç də ürəkaçan nəticə almamışdı. Hər Şəbnəmin adı çəkiləndə o qadın yadıma düşür.

damla

Oxuyanda ahuzar salan müğənni. Adam oxuyanda sanki ağlayacaq. Ona ürəkdən qulaq asanlar necə qulaq asır bilmirəm. Heç vaxt səbrim çatmayıb bir mahnısını sona qədər dinləməyə.

narkozdan ayıldıqdan sonra deyilən ilk cümlə

Açkim hanı??

ilk mesaj yazanın həmişə sən olması

Soyuqqanlı biri olduğum üçün heç zaman etmədiyim bir şey.

yazarların fetişi

Oğlanların boğaz hissəsi. Hələ hündürboylu sarışın oğlanlarda daha çəkici olur.

təbib

Yaşından asılı olmayaraq hər kəs üçün stress mənbəyi. Əvvəlki təbiblər insanlara şəfa verərdi. indiki əsəbdən başqa nəsə vermir.

alpen gold

Tərcüməsi alp qızılı mənasını verən, dadının mükəmməlliyi ilə hər birimizin sevimlisi olan şokolad markası. Əsası 1992-ci ildə qoyulan bu qənnadı markası hal hazırda uşaqdan böyüyə hər kəsin tanıdığı bir markadır. Məhsulları Rusiya, Qazaxıstan, Qırğızıstan, Belarus, Polşa, Gürcüstan, Azərbaycan, Ermənistan, Monqolustan, Özbəkistan, Tacikistan və Türkmənistanda təmsil olunan bir markanın 25 şokolad və 4 dondurma çeşidi vardır.

atanın maşın sürməyi öyrətməsi

Ən yaxşı yolu əgər diqqətli birisinzisə sürərkən atanızın sürməyinə sakitcə baxaraq öyrənməkdir. Kiminsə insanın başının üstündə dayanıb göstəriş verməsi əlavə həyəcandan başqa nəsə yaratmır. Üstəlik indiki dövrdə yol hərəkəti qaydalarını filan kitablardan və internetdən də öyrənmək mümkündür.