wenn die soldaten

Əsgərlərə həsr edilən alman xalq mahnısı. Tarixi 19-cu əsrin ortalarına qədər gedib çıxır. Marlen ditrixin ifasından sonra dünyaca məşhurluq qazanır. Mahnı nasist almaniyasında da dəfələrlə oxunub.

(youtube: )

(youtube: )

azərbaycanda dindarlar

Əksəriyyəti bax bu düşüncədəki insanlardı. Məscid sökülür xala deyir ki, içki içənlər, orasını burasını açıb gəzənlər çoxalır. Bura Avropa deyil müsəlman ölkəsidi!!! Bunlar həmişə bax belə dəxlisiz söhbətlər eləyirlər. Güya hakimiyyət Avropa yönlü olduğu üçün mü məscidi sökür? Ve ya Avropanın "hərəmiz bir məscid sökək" adlı devizi mi var? Azərbaycan bu gündədir çünki qadınlar baş örtüsüz, "alt paltarnan" gəzir. Ölkə idarəsinə dair düşüncələri o qədər primitivdir ki, nəyə görə bu vəziyyətdə olduğunun fərqinə belə varmır. Hə xala hə. Ölkə çökür çünki şərab evləri çoxalır.
Mən hökümətin qadağalarına haqq qazandırmıram. Amma, əminəm sabah əliyev hər məhlədə bir məscid tiksə, mehriban da başını bağlasa, bir-iki dənə də şortik geyinən qadını həbs eləsələr, despotizm, qanunsuzluqlar, ağır iqtisadi vəziyyəti heç sayıb əliyevləri müqəddəs elan edəcəklər. Müsəlmanları tətmin etmək bu qədər bəsitdir. Çünki, turan dursun düz deyirdi: islamçı üçün bir şeyin insanlıq dışı olması vecinə deyil, əsas odu islam dışı olmasın.

romanovlar sülaləsi

1-ci dünya müharibəsi nəticəsində süquta uğrayan Avropa sülalələri arasında ən acımasız taleyi yaşayan sülalədir. Fevral inqilabından sonra nikolay taxtan imtina edir və müvəqqəti Hökümət tərəfindən ailəsi ilə bərabər ev dusdağı edilir. Həmin vaxtlar hələki heç kimin Çarı və ailəsini öldürmək kimi bir niyyəti yox idi. Hətta müvəqqəti hökümətin sədr naziri Aleksandr kerenski nikolaya ölkədən çıxmaq üçün yardım göstərəcəyini demişdi. Digər tərəfdən nikolayın xalası oğlu olan Britaniya kralı 5-ci georg çara dəvət göndərmişdi. Onlara sığınacaq verəcəyinə söz vermişdi. Lakin, həyatın ironiyasına bax ki, həmin ərəfədə nikolayın uşaqları infeksion xəstəliyə tutulur və beşi də yataq xəstəsi olur. Ona görə də ölkədən çıxmaq məsələsi qeyri-müəyyən müddətə təxirə salınır. Sonradan artıq ölkədə vəziyyət qarışır. Başda Kommunistlər olmaqla parlament nikolayın ölkədən getməsinə qarşı çıxır. Kral 5-ci Georg da yeni hökumətlə üz-göz olmamaq üçün Çarı qəbul etməkdən imtina edir. Beləcə ölkədən getmək planı alt-üst olur.
1917-ci ilin avqust ayında ailə tobolska sürgün edilir. sonra məlum oktyabr "inqilabı" baş verir. kommunistlərin hakimiyyətə gəlməsindən sonra ailənin vəziyyəti daha da ağırlaşır. ailə nəzarətçi əsgərlər tərəfindən fiziki və mənəvi təhqirlərə məruz qalır. əsasən də çarın qızlarına qarşı seksual xarakterli davranışlar olur. 1918-ci ilin may ayında çar və ailəsi yekaterinburqa köçürülür. ipatiev adlı evdə yerləşdirilir. güllələnmə həmin ilin iyul ayında baş verir. iyulun 16-dan 17-nə keçən gecə ailəni və onların xidmətində olan digər 4 nəfəri gecə durquzub ipatiev evinin zirzəmisinə aparıllar. burdaca qətl haqqında qərarı oxuyullar. deyilənə görə çar sadəcə "nə?!" deyə bilib. güllələnmə bir neçə dəqiqə davam edir. bu əsnada çöldəki yük maşını motoru yandırır ki, güllə səsləri ətrafda eşidilməsin. nikolay, arvadı aleksandra və oğlu aleksey yerindəcə ölürlər. lakin qızlar paltarlarının altında qızıllar saxladıqları üçün* bu qızılları da immiqrasiya həyatı üçün saxlayırdılar yəni hələ ümidləri var idi güllələr onları tam olaraq öldürməmişdi. qızları da məcbur olub bıçaqnan öldürüllər. meyidləri maşına daşıyarkən çarın ən kiçik qızı anastasiya qışqırmağa başlayır. ayağa durmağa çalışır. bu da sonradan bir sürü mifik hekayələrin dolaşmasına səbəb olur. güya anastasiya qaçıb qurtulur, özünə başqa ölkədə həyat qurur falan filan. yüz il ərzində onlarla çarın qızı olduğunu iddia edən şarlatanlar üzə çıxır. hətta disneyin anastasia adlı məşhur bir cizgi filmi də var.
meyidlərə əvvəlcə kislota töküllər sonra da meşəlikdə bir yerdə basdırıllar. çar ailəsinin beş üzvünün qalıqları 1991-ci ildə tapılır. 2007-ci ildə isə digər iki nəfər - mariya və alekseyin qalıqları tapılır.
ailənin güllələndiyi ipatiev evi 1977-ci ildə dağıdılır. geriye güllə izlərindən divarı darmadağın olmuş zirzəminin bu fotosu qalıb.

3 aprel 2017 sankt peterburq metro partlayışı

Təxminən 1 saat əvvəl baş vermiş hadisə. 50 nəfər yaralanıb, ən az 10 nəfər ölüb. Hökümət terror hadisəsindən şübhələnir.

(youtube: )

(youtube: )

hərb və sülh

rusiya-fransa müharibəsi haqqında bu günə qədər "hərb və sülh"-dən daha yaxşı bir əsər yazılmayıb. bir növ tarix kitablarında sadəcə xronologiya kimi oxuduğumuz hadisələrin pərdə arxasına baxmaq kimidi. kitabı açar açmaz əsərin həcmindən hürküb qaçaraq uzaqlaşanlar üçün bbc-nin 2016-cı ildə çəkdiyi 10 bölümlük serial məsləhətlidir. fikrimcə indiyənə qədər əsər əsasında çəkilən filmlər və seriallar arasında bu ən yaxşısıdı. serialda itici bir şey var, o da pyer bezuxovun arvadı elenin öz qardaşı ilə insest münasibətdə olmasıdı. ümumiyyətlə elen nimfomanyak bir qadın kimi göstərilib. rejissorun dediyinə görə əslində tolstoy əsərdə buna işarə edir. sadəcə o vaxtın senzurasından çəkindiyi üçün açıq-aşikar yaza bilməyib.

birinci pavel

4 il, 4 ay və 4 gün hakimiyyətdə olmuş rusiya imperatoru. üçüncü pyotr və ikinci yekaterinanın oğlu.
yekaterina oğlunu gerici və utopik fikirlərindən dolayı sevmirdi. hətta paveli lode qəsrində dustaq edib, taxtın varisini sevimli nəvəsi aleksandrı elan edəcəkdi. amma, çariçanın gözlənilməz ölümü bu ideyanı yarımçıq qoyur. pavel 1796-cı ildə taxta çıxır.
imperator olduqdan sonra atasının taleyini təkrarlamaqdan qorxduğu üçün çıxartdığı ilk qərarlardan biri varislik sistemindəki dəyişikliklər idi. belə ki, qadınların saray çevrilişinin qarşısını almaq üçün qanunda taxtın artıq sadəcə kişi xətti ilə atadan oğula keçməsi nəzərdə tutulurdu.
lakin, bu qanun belə paveli sui qəsdən xilas etmədi. pavel 1801-ci ildə yüksək rütbəli zabitlər tərəfindən yatdığı yerdə öldürüldü. oğlu aleksandr özü iştirak etməsə də sui qəsdən xəbəri var idi. gecə arvadı ilə bərabər geyinib hazırlıqlı formada atasının ölüm xəbərini gözləyirdi.