atalıq məzuniyyəti

ingilis dilində paternity leave (maternity leave). azərbaycanda olmayan anlayış. müddəti 2 həftədir.
mənim bu anlayışa münasibətim müsbətdir. hamımız bilirik ki, ana minbir cür əziyyətlə 9 ay uşağını qarnında daşıyır və bu müddət ərzində ananın da körpənin də səhhətinə xətər dəyməsin deyə dəstək lazımdır hansı ki bunu ata təmin edir. burada əlbəttə ki, atanında maddi və mənəvi rolu var. uşağın anasının qarnında olmağına baxmayaraq o atasıyla da tanışır arasında bağ yaradır. bəli bir fərdin, bir canlının yaranma və inkişaf prosesi çox mürəkkəbdir!
atanın uşağa bütün gün baxması məsələsi isə məncə vacib deyil, atanın vəzifəsi fərqlidir və ananın görməli olduğu işləri görməməlidir mənim fikrimcə. ancaq kimsə də razıdırsa lap yaxşı.

dirilmə

Orijial adı ilə "Воскресение" (1899).
Lev Tolstoyun 3 əsas romanından (*Anna Karenina*, *Hərb və sülh*) biri eyni zamanda sonuncu romanı.
Dirilmə sözü əsərdə baş qəhrəmanların vasitəsilə insanda vicdanın, obrazların müsbət xarakterik xüsusiyyətlərinin yenidən oyanmasına dirilməsinə işarə edir. Əsas məsələ yazıçı burada dövrün çar rusiyasının problemləri, xristian adət-ənənələrinə, pravoslav kilsələrinin ikiüzlülüyünə, insanların hazırladığı qanunların ədalətsizliyinə və qüsurlu olmasına toxunur.
Sitat:
"Ən adi və çox yayılmış yanlış inamlardan biri budur ki, guya hər insan özünə xas olan müəyyən xüsusiyyətlərə malikdir, mehriban, kinli, ağıllı, axmaq, enerjili, bədxasiyyət və i. a. adamlar olur. insanlar belə olmurlar. Biz bir insan haqqında deyə bilərik ki, kinli olmaqdan çox, mehriban, küt olmaqdan çox, ağıllı, laqeyd olmaqdan çox, enerjilidir və ya əksinə olur. Ancaq bir insan haqqında desək ki, o ağıllı və mehriban, bir başqası isə kinli və axmaqdır, bu düz olmaz."

çiqorin müdafiəsi

rus şahmatçı mixail çiqorinin adı verilmiş debüt. əsasən vəzir qambitinə qarşılıq olaraq oynanılır. qaralar üçün daha əlverişlidir. müasir qrossmeysterlərdən demək olar ki, yalnız aleksandr morozeviç müntəzəm şəkildə sözü gedən debütdən istifadə edir. Morozeviçin həmçinin çiqorin müdafiəsi haqqında həm nəzəri məlumat həm də şəxsi görüşlərini verdiyi bir kitabı var.

gedişlər-1. d4 d5 2. c4 Nc6

buyurun möhtəşəm blitz. morozeviç və maqnus karlsen. burada ağlar (morozeviç) çiqorindən, qaralar (karlsen) ingilis müdafiəsindən istifadə edir. sonda karlsen təslim olur.

(youtube: )

aleksandr morozeviç

Rus şahmatçı, *qrossmeyster* (1994)
çox qəribə stili, gözlənilməz gedişatları var. başa düşmək çətindir, adamın başını qarışdırır. bununla belə çox yaxşı şahmatçıdır, fərqli stili var, oyunlarına baxmaq maraqlıdır. Dünyanın Ən yaxşı gözü bağlı şahmat oyunçularından biri sayılır. Bir mənfi xüsusiyyəti var ki, davamsızdır.
ən çox istifadə etdiyi açılışlar- fransız müdafiəsi, çiqorin müdafiəsi
go və ya qo da oynayır.

dario marianelli

Italiyan bəstəkar. Daha çox rejissor Joe Wright ilə olan işlərinə görə tanınır.
(bax: Pride and prejudice)
(bax: Jane Eyre)
(bax: Atonement)
(bax: Anna karenina)
(baxma: Third Person) və s.
"Atonement", "jane eyre", "third person" ən sevdiklərimdi.
Fərqli və yenilikçi ruhlu musiqilər, bir göz atın.

intiqam

ibtidai sinifdə oxuyan vaxtlar idi. Sinifdə bir oğlan var mənim düşmənim kimi bir şeydir. Elə ki, nə direktor nə də zavuç bununla bacara bilir. Ümumiyyətlə bu xarabada belə tərbiyədən payını almamış uşaqları məktəbdən qovmaq yerinə tərifləyib şişirdirdilər. Sinifdə dərs vaxtı özüyçün gəzirdi o partadan bu partaya ona bir qapaz buna bir qapaz . Onun sayəsində küncdə bucaqda nə söyüş qalıb bu nə deməkdir o nədir bütün sinif öyrənirdi. Özündən başqa heç kəsi də saymırdı kim onun haqqında nə deyir vecinə deyildi. Heç bir şey onu sındıra bilmirdi o yenə də üzsüz idi və istədiyi hər şeyi almaq üçün hər şeyə əl atırdı. Heç bir intiqam planı işə yaramırdı. Bir gün qız dostumla fikirləşirik ki buna necə zərbə vura bilərik.
Mən: biz Onun zəif nöqtəsini tapıb ona güclü bir zərbə endirəcəyik belə ki o bir daha ayağa qalxa bilməyəcək! Sən nə düşünürsən səncə onun zəif nöqtəsi nədir?
— orası??anam həmişə deyir ki, qardaşınızın orasına vurmayın.
— ayda yoooox onu demirəm yəni ki.. eee
Və intiqam söhbəti öldü.

ilik

Yumşaq, məsaməli, qan damarları ilə zəngin toxuma. Sümük iliyi 2 cür olur qırmızı və sarı sümük iliyi.
Qırmızı sümük iliyi özündə qan hüceyrələrinə (eritrosit, trombosit, leykosit) limfositlərə çevrilə bilən kötük (kök) hüceyrələri ehtiva edir. Yəni qanın yaranması burada gedir.
Qırmızı sümük iliyi yastı, qısa və uzun sümüklərin epifizində yəni sümüyün süngərimsi hissəsində olur.
Sarı sümük iliyindəki kök hüceyrələri isə qığırdaq, sümük və yağ hüceyrələrinə çevrilir. Həmçinin burada bəzi leykositlərdə əmələ gəlir. Əsasən yağ hüceyrələrindən ibarət olduğundan sarı rəngdə olur. Uzun sümüklərin diafizində yerləşir.
Böyüklərdə sümük iliyinin çəkisi təxminən 2.6 kq olur və hər iki növ sümük iliyi eyni miqdardadır. 50/50
Yeni doğulan körpələr qırmızı sümük iliyi ilə doğulur və tədricən sarı sümük iliyi ayrılmağa başlayır. insan çox qan itirdiyi zaman sarı sümük iliyi qırmızı qan iliyinə çevrilir və qanın yaranmasında iştirak edir.