çoxalmaq

canlının təməl iki funksiyasından biri. növləri: qeyri cinsi çoxalma, vegetativ çoxalma, cinsi çoxalma, partenogenez, somatik, androgenez, ginogenez, apomiksis .

dial up

il:2005. yer: sıradan bir kənd. 39 kb/s dial-up ilə ilk internet təcrübəmi yaşayıram. google deyə bir saytda nə yazsam çıxacağını öyrənmişəm. alma yazıram və şəkillər çıxır, özümü nyuton kimi hiss edirəm. internetin insanları pornoqrafiyaya yönəltməsini də ikinci axtarışda öyrəndim. bir çox nəfərə səbr etməyi öyrətmiş, doğma olan şəbəkə texnologiyasıdır.

duz yürüşü

ingilislərin mütəmləkəsi altında olan hindistanda azadlıq qığılcımlarını yaradan etiraz yürüyüşü.
cəmiyyətin ən alt siniflərinə böyük təsir edən,duz vergisinə qarşı yüzlərlə insan mahatma gandhinin başçılığı altında yürüşə başladı. üç həftə çəkən aksiyada qandi ilə bərabər minlərlə nəfər yeridi. 60 min nəfər həps olundu amma buna baxmayaraq, hindistanda azadlıq mübarizəsi başladılmış oldu.
(bax: qeyri-zorakı vətəndaş itaətsizliyi)

penoplast

98%-i hava 2%-i polostiroldan ibarət, xırda qabarcıqlı məhsul. əsasən elektronik əşyaların qutularına qoruyucu kimi qoyulur. yanğında ölən insanların həyatlarında ən az bir dəfə parçalayıb bir-birinə sürtməklə çıxan səsdən həzz aldığı məhsuldur. uşaq vaxtı lezva ilə müxtəlif fiqurlar hazırlayardım, fal yumurta yoxluğundan penoplastdan yumurta hazırlayıb, toyuğun yuvasına qoymuşdum. toyuq da quşbeyin deyilmiş, üstünə sıçıb, dimdiyi ilə yuvadan atmışdı, halbuki yumurtadan fərqi yox idi, görünüş baxımından.

xaos

çoxlu sayda parametrin nəticəni yaratması, həmin parametrlərin hər dəfə öz funksiyasını dəyişdirib, bu dəyişimi belə həmin funksiyaya parametr olaraq əlavə etməsi ilə nəticənin hesablanmasını müşkül qılmasıdır. nəzəri fiziklər mütləq determinizmi əsas alaraq bu anlayışa şübhə ilə baxırlar. eləcə də proqramçı və kompyuter elmləri ilə məşğul olanların güldükləri bir anlayışdır. ancaq kvant mexanikası və müəyyənsizlik prinsibi kimi anlayışların bir tərəfdən dəstəklədiyi fikirdir. qısacası, xaos anlayışının özü belə xaos yaradıb.
(bax: kəpənək effekti)

naturalizm

bu sifarişi verən: mağdurbaykuş
ədəbiyyatda, fəlsəfədə və incəsənətdə 19-cu əsrdə yaranmış olan cərəyan. ədəbiyyatda naturalizm təbiətə qayıdış fikrini müdafiə edir, təbiət təsvirlərini ön plana çıxarır. realizmdən nə fərqi var deyə soruşulası olsa, realizm əsasən insan-insan, insan-cəmiyyət münasibətlərini işləyir, naturalizm isə insan-təbiət, cəmiyyət-təbiyyət mövzularını. cərəyanın konseptini emil zolya ortaya qoymuşdur. digər məşhur təmsilçiləri: knut hamsun, henrix ibsen, gi de mopassan.
(bax: germinal)
(baxma: torpağın bərəkəti)
(baxma: pierre et jean)

marquis de sade

justine və juliette adlarında kitablarında iki bacının fərqli fəlsəfi düşüncə əsasında monastırdan ayrılmalarını və başlarından keçən əhvalatları qələmə almış yazar. justine əsərində yaxşılığın, saflığın, iradə və ərdəmin gətirdiyi fəlakətlərdən bəhs edir, buna görə də həmçinin ərdəmin(mərifət, hövsələ) fəlakətləri adlanır. juliette isə böyük bacıdır, əxlaqsızlığı, iradəsizliyi - sağ qalmaq üçün bir növ opportunizmi seçmiş olandır.

--spoiler--

işgəncə, təcavüz, fəlsəfə, psixoloji işkəncə, yenə işgəncə, yenə fəlsəfə, yenə təcavüz, və yenə təcavüz. bildiyiniz sade. axırda justine ildırım vurması nəticəsində ölür.

--spoiler--

həmçinin, sadomun 120 günü və yataq otağında fəlsəfə kimi məşhur əsərləri, bir çox məqalələri, siyasi məqalələri, hekayələri, tarixi hekayələri, pyesləri var. məhsuldar yazardır.

"yazdıqlarımın çoxunu yaşamamışam, bəlkə də fürsət düşsəydi belə etməzdim. məni şəhvət və günahla bağlı dayanılmaz pəhrizə məcbur etməklə doğru bir şey etdiyinizi sandınız amma yanıldınız. beynimi işə saldınız və məni kabuslar yaratmağa məcbur etdiniz." sözlərinin sahibi.