marşrutda yer verməyən gənclik

əcəb elyirlər, yer vermirlər. qocalara yer verməyərək, əslində onlara yaxşılıq etmiş olursunuz; beləliklə onlar özlərini yenidən gənc kimi hiss edirlər.
zarafat bir yana, əslində məsələ olduqca bəsitdir. nə edəcəyimizi bilmədikdə, mindiyimiz birçox marşrut və avtobusların divarlarında olan lövhələrə baxmaq yetərlidir. orada hamilə qadın, qoca və əlil adamın təsvir olunduğu şəkillər var. yəni, yer verməyimiz gərəkən sərnişin tipləri onlardır. təbii ki, heç kim bizi buna məcbur etmir, çünki bu bir seçim məsələsidir. istəyən yer versin, istəməyən də verməsin. ancaq gülməli olan, azərbaycanda kişilərin yaşından və hamilə olub-olmamağından asılı olmayaraq avtobusa minən hərhansı bir qadına öz yerini verməsidir. bunun isə artıq seçim məsələsinə dəxli yoxdur. bunun üç səbəbi ola bilər; 1. cəmiyyət təzyiqi 2. sürü psixologiyası 3. yer verilən qadına "podxod".
yuxarıda sadaladığım hamilə qadın, qoca və əlil üçlüsündən başqa marşrut və avtobuslarda şəxsi müşahidələrimiz nəticəsində yer vermək qərarına gələ biləcəyimiz digər istisnai insan tipləri də qarşımıza çıxa bilər

boşanmaq

məncə bu, ailə anlayışı haqqında ziddiyətli fikirləri olan iki insanın, bu toqquşan düşüncələri necəsə ortaq məxrəcə gətirib, yaşatmağı və ya davam etdirməyi bacarmaması nəticəsində başvurduğu bir aktdır. onsuzda ailə ola bilməyin tam olaraq nə olduğunu başdan bilə bilməzsən, bunu ancaq zamanla öyrənə bilərsən və bunu öyrənmək bəzən çox uzun zaman tələb edə bilər, hətta bu proses, ömrün sonuna qədər belə davam edə bilər. insanlar var ki, bunu bacara bilmirlər və qısa müddət sonra bu çətinliyə təslim olurlar, çünki zəifdirlər. bəli, ailə qurmaq çətindir. asan olsa idi, boşanmaq deyilən bir şey olmazdı

kino

birçox dildə işlədilən, bizim isə daha çox ingilis dilindən bildiyimiz "cinema" sözünün rus və azərbaycan dillərində işlədilən qarşılığıdır. maraqlıdır ki, alman dilində də "kino" sözündən istifadə olunur.
kino sözü azərbaycanlılar arasında çox vaxt səhv işlədilir. məsələn "dünən çox gözəl bir kinoya baxdım." demək səhvdir. əslində isə bu, "dünən çox gözəl bir filmə baxdım." olmalıdır. çünki kino sözü, ingilis dilindəki "cinema" və ya türk dilindəki "sinema" kimi ümumi olaraq film sənəti və ya film "industriyası" mənasına gəlir. onu da qeyd etmək lazımdır ki, digər dillərdəki "cinema" sözü, yuxarıda saydığım mənalarından əlavə, kino sözündən fərqli olaraq eyni zamanda da kinoteatr mənasına gəlir.
necə ki "dünən çox gözəl bir ədəbiyyat oxudum" yox, "dünən çox gözəl bir roman oxudum" və ya "dünən çox gözəl bir kitab oxudum" deyirik, film və kino sözlərindən də düzgün istifadə etməyi bacarmaqda yarar vardır. düzdür, bəlkə də bəzilərimiz ikisi arasındakı fərqi bilməyimizə baxmayaraq, bu sözləri səhv işlətməyə davam edirik, ancaq güman edirəm ki, bunun da səbəbi sovet vaxtından qalma alışqanlıqdır.

həbib müntəzir

məlumatın nə qədər doğru olduğunu bilmək olmaz, ancaq bloqqer emin millinin iddiasına görə mtn işcisi olduğundan şübhələnilən tural qurbanov adlı şəxs, bir neçə ay bundan qabaq siyasi mühacir həbib müntəzirin ölümünü təşkil etmək üçün almaniyaya göndərilib, lakin tapşırığı yerinə yetirə bilməyib. deyilənə görə, almaniyada bu cür xəbərlər kriminal aləmdə tez yayılırmış. işin maraqlı tərəfi isə odur ki, həmin bu şəxs bugün maldiv adalarında qaldığı oteldə ölü olaraq tapılmışdır. bunun, ona işini görə bilmədiyi və məlumat sızdırdığı üçün əliyev höküməti tərəfindən verilən cəza olduğu düşünülür