a clockwork orange

film üçün ssenariləşdirilən romanın müəllifi anthony burgess-ə 1950-ci illərin sonlarında, hələ yazıçı deyilkən, beynində əməliyyat edilməsi qeyri-mümkün bir şiş ilə diaqnoz qoyulur və həkimlər ona yaşamaq üçün bir ildən az vaxtı qaldığını söyləyir. bundan sonra o 'full-time' yazıçı olaraq fəaliyyət göstərməyə başlayır və həkimləri də səhv çıxardaraq, ölənə qədər hər il ən az bir kitab və yüzlərlə də kitab tənqidləri yazaraq həyatına davam edir.
a clockwork orange, müəllifin özünün dediyinə görə pul qazanmaq üçün bir-iki həftə ərzində yazılmış bir romandır. 1962-ci ildə nəşr edilən və tezliklə ingiltərədə müharibə sonrası yazılmışlar arasında ən məşhurlarından birinə çevrilən roman, deyilənə görə müharibə zamanı müəllifin həyat yoldaşının təcavüzə uğradığı bir hadisədən yola çıxır. roman, time jurnalı tərəfindən son 80 ildə ingilis dilində yazılmış ən yaxşı romanlardan biri adlandırılır.
filmdə və romanda, yazıçıdan savayı həm də dilçi olan burgess-in yaratdığı "nadsat" jarqonundan istifadə olunur (məsələn slovo, tolchock, droog, viddy və s. ). romanda müəllifin yaratdığı yeniyetmə obrazların danışdıqları bu jarqon dili, shakespeare (şekspir) ingiliscəsi və rus dili kimi dillərin birləşməsindən əmələ gəlmişdir. nadsat sözü, yani надцать, rus dilində yeniyetmə yaşlarının sonuna əlavə edilən şəkilçidən gəlir (məsələn pyatnadsat və ya пятнадцать).
film 1971-də çıxır. maraqlı bir fakt olaraq onu da qeyd etmək lazımdır ki, rejissor stanley kubrick, birçox şiddətli səhnələri olan filminin bəzi tamaşaçılara bağışladığı mənfi təsirindən o qədər narahat olur ki, filmi sonradan kinoteatrlardan çıxartdırır

2pac

tam adı tupac amaru shakur. mənə görə gəlmiş keçmiş ən böyük repper. 1996-da öldürüləndə 25 yaşı var idi. necə və kim tərəfindən öldürüldüyü hələ də müəmmalıdır. qısa karyerası ərzində böyük single-lar, albomlara imza atdı. mənə görə 2pac-ı digər repperlərdən ayıran xüsusiyyətlərdən biri də onun mahnılarını dinləyərkən, bize oxuduqlarını həqiqətən də yaşamış hissini verən, səsindəki o xüsusi tını və səmimiyyətdir. tövsiyyə etdiyim mahnılarından biri: "i ain't mad at cha". ingilis dilində bilirsinizsə, dediklərimi bu mahnını dinlərkən hiss edəcəksiniz. bu sadəcə olaraq o hissi verən mahnılarından biridir

facebookdan iyrənmə səbəbləri

özlərini "ictimai sektor"adlandıraraq, bir-birlərini tənqid edən, bir-birlərinin dalınca danışan, çox vaxt mənasız şeyləri müzakirə edib, vacib məsələləri unudan, bir çoxunun yalançı və saxtakar olduğu, siyasət və demokratik mübarizə masqası altında birləşən, əsl məqsədi isə "qız tutmaq" olan topluluq. əlbəttə burda ümumiləşdirib, onların hamısının belə olduğunu demək düzgün və etik olmaz. necə deyərlər, səmimi olanlarına can qurban. bir də ki, o nə addı? ictimai sektor. özlərinə yeni bir ad tapsınlar. məsələn, bu yaxınlarda hardasa "demokratik düşərgə" adını görmüşdüm. bu da deyəsən o adı əvəz edir. bu və ya buna oxşar daha gözəl adlar tapa bilərlər. yoxsa, ictimai sektor nədi?

daşşaq

orta məktəbdə oxuyanda sinifdə bir nəfər anekdot danışmışdı. belə bir şey idi; bir gün kasıb bir ailə yemək tapa bilmir, axırda qoca dədələrini (babalarını), onsuzda bugün sabah öləcək deyə, kəsib yeyirlər. nəvəyə dədəsinin daşşağı düşür. uşaq yeyəndə, daşşaq qalır boğazında. ha elyirlər, sala bilmirlər daşşağı mədəsinə. neynəyəciyini bilməyən uşaq, axırda başlayır qışqırmağa: 'dədəmin daşşağı, düş aşağı!'
daha sonralar istanbulda türk bir qaqaş mənə bu anekdotu danışandan sonra, bir millət iki dövlət olduğumuza daha da qüvvətlə inanmışdım (dedemin taşağı, in aşağı). hətta anekdotun böyük ehtimalla türk anekdotu olduğunu və ona görə də 'baba' yerinə 'dədə' sözünün istifadə olunduğunu düşünmüşdüm. baxmayaraq ki, azərbaycanda da bəzi rayonlarda baba əvəzinə dədə deyirlər.