işləməyəcəyi halda universitet oxuyan qız

hörmət edilməsi gərəkən vəziyyətdir. hər halda heç oxumamaqdan yaxşıdır. deyək ki ailəsi icazə vermir deyə, qızın gələcəkdə işləmək imkanı yoxdur, amma qız universitetdə oxuyur. lap tutaq ki, bunu valideynləri qızı evləndirəndə savadlıdır deyə bilmək üçün edirlər. bu ki heç nədən yaxşıdır. burda pis nə var ki? bu, o qız üçün cəmiyyət içinə çıxmaq, insanları görə bilmək, tanıya bilmək üçün bir şansdır. bu şans bəlkə də ona gələcəkdə bir daha verilməyəcək. təbii ki, ağlı başında olan bir qız bunun üçün mübarizə aparmalıdır amma bu artıq başqa söhbətdir

ell nikkinin türk bayrağı ilə səhnəyə çıxması

bir azərbaycanlı kimi şəxsən mənə çox mənasız gələn bir hərəkət. yenə də, burda mühim olan məqsəddir. əgər o hərəkəti həqiqətən də səmimi hislərlə ediblərsə, o zaman başa düşmək olar biraz. türk xalqı ilə azərbaycan xalqının dostluğu, qardaşlığı deyib keçə bilərik. amma sırf siyasi məqsədlə edilibsə, bu ölkəmizi alçaltmaqdan başqa bir şey deyil. azərbaycanlıları deyə bilmərəm, amma əminəm ki türkiyənin aydın, "intellektual" dediyimiz kəsimi, bunu heç veyclerinə belə almayıblar, alsalar belə sadəcə olaraq ölkəmizin necə də əzik, millətimizin nə qədər də acınacaqlı vəziyyətdə olduğunu ağıllarından keçirdiblər. ancaq təbii ki, onlar bunu dilə gətirəcək, ifadə edəcək qədər səviyyəsiz də deyillər. bu hal, türkiyədə ancaq türk milliyətçilərinin və bəzi atatürkçülərin sevincinə səbəb olmuş ola bilər

sözaltı roman

birdən bir qız ona yaxınlaşıb, yandıranı olub olmadığını soruşdu. bir anlığına, "bu qızın atası, qardaşı yoxdu? qız uşağı da siqaret çəkər?" düşüncəsi ilə nə baş verdiyinə təəccüblənən məzahir, bir qədər sonra özünə gəldi. siqareti çoxdan atmış olmağına baxmayaraq, məzahir cibində işığından istifadə etmək üçün bəzən işlətdiyi fanarlı yandıranlardan gəzdirirdi. qız ağzında siqareti ilə bir anlıq ondan jest gözlədikdən sonra, centilmen sözünü bilmək bir tərəfə, bunu həyatı boyunca eşitməmiş olan məzahirin əlindən yandıranı alıb, siqaretini özü yandırdı. məzahirin gözləri, siqaretdən bir nəfəs alıb, tüstüsünü ağzı ilə yuxarıya ötürən qızın dumanı üfürdüyü tərəfə baxdıqdan və tüstünün atmosferdə necə get-gedə yox olduğunu bir müddət müşahidə etdikdən sonra, qızın mükəmmələ yaxın ölçülərdəki cazibədar bədəninə sataşdı. məzahir, tam da fantaziyalara dalırdı ki, qızın danışmağı ilə reallığa qayıtdı. "adın nədi?" bu, məzahirin qarşısında aciz qaldığı suallardan biri idi. o öz adına nifrət edirdi. bir qədər düşündükdən sonra, qızın da təəccüblü baxışlarına daha uzun müddət məruz qalmamaq üçün ona adının ....

sözaltı roman

məzahir, bu siyasi söhbətlərlə tam da qızışıb coşmuşdu ki, çilənay bir daha palataya girdi. bu anda məzahirin müxalifət də, rejimə olan nifrət də, hətta avropaya qaçmaq xəyalları belə birdən-birə yadından çıxdı. çilənay, qızdırmasını yoxlamaq üçün əyiləndə, onun iri döşlərinin arasından yavaşca axan tər damlası, məzahirin mənzərə qarşısında açıq qalmış ağzından içəri daxil oldu. keçirtdiyi travma sonrasında qırılmış sümüklərinin verdiyi şiddətli ağrıdan başqa bədənində heçnə hiss etməyən məzahir, qış yuxusuna getdiyini fikirləşdiyi mıxının, bu ehtiras dolu saniyələrin təsiri ilə dimdik qalxdığını hiss etdi. ətrafına baxanda, dostları bir qədər əvvəl sağollaşaraq palatadan çıxan dinozaurun jurassic park filmində velociraptorun çıxartdığı səsləri xatırladan xorultu ilə yatdığını gördü. çilənay, məzahirin qızdırmasını yoxladıqdan sonra onun sol qoltuğunun altına termometr yerləşdirdi və yenidən yerində doğruldu. qoltuğunun altındakı soyuq cismin törətdiyi qəfil temperatur dəyişikliyindən zövq alan məzahir, ağzındakı isti mayenin verdiyi həzzin üstün gələn gücündən özünü məhrum edə bilmədi. onu narahat edən bir şey var idi, o da çilənayın, onun mıxının yorğanın altında yaratdığı çadıra oxşar mənzərəni görməsi idi. o utanırdı, çox utanırdı. buna baxmayaraq, mıxı ölmək bilmirdi ki, bilmirdi. belə bir vəziyyətlə ilk dəfə idi ki qarşılaşırdı. əvvəllər bu cür hallarda, nə vaxt utansa, mıxı dərhal yuxusuna geri qayıdardı, ancaq bu dəfə fərqli idi. məzahir eyni zamanda da vicdan əzabı çəkirdi, çünkü o çilənayı sevirdi

amerikan filmlərindən şablon hadisələr

qadın və kişinin tam da öpüşəcəyi an və ya seksin ən qızğın, ən ehtiraslı vaxtı çatana yaxın telefonun zəng etməsi. bu poxu işə başlamamışdan qabaq söndürmək o qədər mi çətindir? düzdür, belə anlarda uzaqgörənlik etmək biraz qeyri-mümkündür, insan o vəziyyətdə bu cür şeyləri düşünə bilmir amma çox vaxt evə girəndə onsuzda nələr yaşanacağını təxmini bilirsən.
türk kinorejissor nuri bilge ceylan, amerikan filmlərinin bu çeynənmiş "saçmalığı" ilə yaxşı məzələnib. onun "iklimler" adlı filmində erotik bir səhnə var, orada elə ceylan özü (filmdə baş rolda özü oynayır) bir qadınla vəhşicəsinə sevişərkən (bir tərəfdən də qadına yerə düşən fındığı yedizdirməyə çalışır), evdən çala-çala özünü öldürən telefon səsi gəlməyinə baxmayaraq, buna heç bir reaksiya vermir. ev qadınındır, lakin qadın da nurinin güclü qollarının altında olduğuna görə qalxıb telefonu götürə bilmir

eşidilməkdən bezilən şeylər

günel mövlud, ələkbər və onun tayfasının "seks inqilabı", "bakirəlik", "yaxşı oğlanlar və qızlar" kimi yazıları. bunlar mənim və əminəm ki bir çoxunuzun oxumaqdan və eşitməkdən bezdiyi şeylərdir. adamlardakı məntiqə bax ki, girib kulis.az-a, kultura.az-a bu cür yazılar yazırlar və bundan kimlərinsə təsirlənəcəyini, "seks inqilabı" kimi azərbaycan üçün utopik olan hadisələrin baş verəcəyini düşünürlər. təbii ki, təsirlənənlər var amma bunlar bu "yazarları" göylərə çıxartmış oxuculardır. ağlı başında olan adam bu tip yazılara biraz skeptik yanaşar, hər şeylə razılaşmaz. əminəm ki, bunları girib oxuyanlar da onsuzda elə özləri kimi düşünənlər və ya bu mövzuların poxunun çıxardılıb, çeynənmiş hala gəlməsi ilə bunlar haqqında müəyyən fikrə sahib olan insanlardır.