nərgiz

eyni adlı bir əfsanə də var. nərgiz adlı qız suda gördüyü öz əksinə aşiq olur. amma məsələnin hardan gəldiyini çox adam bilmir. gənc və gözəl echo (exo) nərgizə vurulur. lakin onun biganəliklə verdiyi rədd cavabından sonra pis hala düşür. dostlarını və həyat eşqini tərk edərək dağlara çəkilir və solmağa başlayır. bir müddət sonra tam əriyir, lakin ondan qalan tək səsi olur. echo başına gələnlərə görə tanrıları suçlayır. tanrılar da bundan qəzəblənib onu öz sözündən məhrum edib, başqalarının sözünü təkrar etməyə məhkum edirlər. bu cəzadan əvvəl echo venera-dan nərgizi cəzalandırmasını xahiş edir. venera da bu xahişi yerinə yetirir. nərgiz suda gördüyü əksini gözəl nimfaya bənzədir və ona vurulur. lakin onunla qovuşa bilmədiyi üçün aclıq və taqətsizlikdən ölür. tanrılar da ona mərhəmət göstərərək ölümündən sonra onun adını daşıdığı çiçəyə çevirirlər

stem education

yəni science, technology, engineering, mathematics yönümlü təhsil. bizdə ayrılıqda riyaziyyat, fizika, kimya təmayüllü məktəblər var. amma inkifaf etmiş ölkələr bu təmayül yanaşmasının təkcə riyaziyyat və ya fizika üzərindən baxılmasının düzgün olmadığını aşkar edib. bu dördlüyün birlikdə olması isə bu istiqamətdə təhsilin daha mükəmməl və şəraitə adekvat nəticələnməsinə gətirir. obama administrasiyasının 2014 büdcəsində stem təhsili üzrə federal proqramlara 3100 milyard dollar ayrılıb. britaniyanın mühəndislik üzrə kral akademiyasının (royal academy of engineering) hesabatına görə britaniyada daxili əmək bazarı üçün 2020-ə qədər hər il 100 min stem peşəkarlarının yetişməsinə ehtiyac var. almaniyanın bu ehtiyacı 200 min civarındadır. bizim, yəni azərbaycanın işi də onların istehsal elədiklərini istifadə emək və sonra da demək ki; ''dövlət qurumlarına smartphone-la girmək olmaz'' bəs, niyə? çünki bizi dinləyirlər

han van meegeren

hollandiyalı rəssam, tarixin ən böyük fırıldaqçılarından biri. kişi öz rəsm əsərlərinin uğur gətirmədiyini görüb 17-ci əsr rəssamı vermer-in əsərlərini kopyalamağa başlayır. bibliyadan zaddan bəzi səhnələrin eynisini çəkib vermeer-in adı altında təklif etməyə başlayır. bəs bu yetimin saxtakarlığı necə üzə çıxır? saxta rəsmlərdən birini nasist birinə satıb çox pul qazanır. amma ikinci dünya müharibəsindən sonra belə önəmli və milli xəzinəyə aid olunmalı olan əsəri satdığına görə vətən xaini olmaqda ittiham olunur. məhkəmə zamanı özünü uzunmüddətli həbsdən qurtarmaq üçün rəsmin saxta olduğunu etiraf edir və inandırıcı olması üçün məhkəmə iştirakı ilə əsərin bir surətini də çəkir. məhkəmə də bu istedada cəmi bir il həbs cəzası kəsir, amma adam iki ay sonra ürəktutmasından ölür

azərbaycan üçün darıxma səbəbləri

köhnə şəkilləri görərkən yaranan bir hissdir, duğudur
(baxma: badımcan tuşusu)
(bax: dovğa)

təbriz

rəssamları, incəsənəti ilə məşhur olan şəhər. bir-iki il əvvəl təbriz rəssamlıq məktəbi ilə bağlı sənədli film izləmişdim ordan yaddaşımda qalanlardan yazım istədim. deməli təbriz miniatürləri işləyən rəssamlar iki aylıq pişik balalarının başının ortasındakı zərif tüklərdən hazırlanmış fırçalardan istifadə edirmişlər. hər tükün ucu müəyyən bucaq altında kəsilir və xüsusi, yalnız onlara məlum qaydada bir yerə yığılıb bağlanır. yalnız bir neçə tükdən ibarət fırçalarla işləyirlər. miniatür çəkən rəssamlar hazırladıqları rənglərə tərkibində ətir olan maddələr də qatırlarmış ki, kitabdan müşk qoxusu gəlsin