watermark

son dövrlərdə istehsalçıların telefona soxuşdurduqları yeni reklam növü. şəkli çəkirsən altda telefonun markası və "ai quad camera" kimi şeylər yazılır. belə telefonları istifadə edənlərin çoxu yığışdırmır bu watermark-ı. bəziləri necə yığışdıracağını bilmir, bəzilərinə də deyirsən, deyir ki, yox qalsın elə. yəqin telefonunun markasını göstərməyi xoşluyurlar. watermark şəkli korlamaqdan başqa bir işə yaramır. bəzən whatsapp-da sənəd şəkli atıllar. görürsən sənədin yarısı "redmi note 8 pro" yazısının altında qalıb. markanın sizdən icazəsiz, sizin çəkdiyiniz şəkillə özünü reklam eləmə cəhdidi sadəcə. camera tətbiqinin ayarlarından söndürə bilərsiz.

showreel

film, reklam, fotoqrafiya kimi sahələrdə çalışan müxtəlif peşə sahiblərinin (fotoqraf, aktyor, montajçı və s.) öz işlərindən hazırladıqları videorolik. bir növ portfolio. həmçinin kimlərlərlə işlədiklərini göstərmək üçün vasitədi. bir çoxunun saytında hazır olur bu video. məhşur aktyorlara da ehtiyac olmur. amma orta və kiçik aktyorlar istifadə edirlər.
nümunə:

(youtube: )

təkcə mənmi edirəm deyə düşünülən şeylər

serial bitmədən izləməyə başlamamaq. əvvəl eliyirdim gördüm hər sezon çıxanda əvvəlki sezon yadımdan çıxır. yeni sezonun çıxmasını gözlüyənə qədər də çürüyürəm. ətrafımdakı hamının tərfi yağdırdığı dark, game of thrones ya da özümün qabağına çıxan The Falcon and the Winter Soldier, the man in the high castle kimi seriallar bitmədən izləməmişəm. indi də the boys-u tərifliyirlər gözlüyürəm.
bu qaydanı sadəcə the mandalorian və the witcher üçün pozmuşam. ikisi də dəhşət həvəsində olduğum seriallar idi. mando da problem yoxdu. çox qarışıq deyil hekayə. amma witcher artıq yadımdan çıxıb. növbəti sezon gələndə ilk sezonun üstündən x1.5 olsa belə keçim gərək.

kintsugi

the man in the high castle serialının ikinci sezonunda bu adda bir bölüm var. (yazacaqlarım spoiler xarakteri daşımır). serialda görünməyən şəraitdə nobusuke oğlu ilə dalaşır və üzərində nəvəsinin adı, doğum tarixi yazılan fincanı qırır. bu bölümdə nobusuke ev şəraitində yapşdırıcı hazırlayaraq qırılmış fincanı düzəldir. sonra da oğluna verir. oğlu da öz növbəsində uşağın yanına qoyur fincanı. yəni kintsugi ilə "qırılmış" münasibətlər bərpa olunur.
kintsugi sadəcə qırıq şeyləri qızıl ilə yapışdırma sənəti deyil. həm də fəlsəfədi. bəzən üzr istəməkdi. bəzən də kiminsə könlünü xoş eləməkdi.

həqiqi zaytung xəbərləri

isveçli aktyor Joel Kinnaman-ın keçmiş sevgilisi onu təhdid edib ki, tələblərimi yerinə yetirməsən məhkəməyə gedib mənə təcavüz elədiyini deyəcəm. qızın tələbləri: pul, hollywood-da işləmək üçün tanışlar, viza almaq üçün dəstək və instagram-da mavi təsdiqlənmə işarəsi. hamısını başa düşdüm amma axırıncı nəydi day. -*
aktyor təhdidlərdən sonra özü birinci məhkəməyə gedib, xanım da qarşılıq olaraq təcavüz iddiası ilə məhkəməyə baş vurub. hadisə araşdırılır .
aktyorun günahsız olduğunu, ya da xanımın yalan danışdığını iddia etməyə çalışmıram bu arada. instagram məsələsi gülməli idi sadəcə. oğlan yalan deyirsə cinge, qız belə bir şey deyibsə komediya.

maraqlı infoqrafikalar

özüm düzəltdim reddit-ə atdım. çox güman ki, qozlamayacaqlar. bura da atım dedim. düzəltmək üçün mapchart saytından istifadə edə bilərsiz .
qarabağ müharibəsinə dünya ölklərəninin reaksiyası:
qırmızı: azrəbaycan və ermənistan
yaşıl-qara: minsk qrupu
sarı - ermənistanı dəstəkləyir
mavi - azərbaycanı dəstəkləyir
yaşıl - sülhə çağırır
açıq qırmızı - qoşulmama hərəkatı (Azərbaycanı dəstəkləyir)
bənövşəyi - azərbaycanın ərazi bütövlüyünü dəstəkləyən çıxışlar edib ancaq sülhə çağırır.
data mənbə

əsgərlik xatirələri

ad günüm bazar gününə düşdüyünə görə şəhərə buraxlış vermişdilər. normalda pulla filan çıxırdı hamı. mən normal yollarla çıxmışdım. sabahı gün əsgər yoldaşım sənanla tibb məntəqəsinin qabağında dolaşırdıq. aramızda belə dialoq keçdi:
sənan: necədi çöl, adam gedəndə qayıtmaq istəmir hə?
mən: nə bilim. hə.
- nə fikirləşirsən, çıxa biləcəyik burdan?
- (gülərək) o nə deməkdi? əlbəttə gedəciyik, həbsdə zadda deyilik ki? 4 ayımız gedib 8-i qalıb.
- nə bilime. mənə elə gəlir ki, çıxıb gedə bilməyəcəm burdan. burda qalacam əbədi.
- blə belə danışma. göz yumub açacaqsan ki, vaxt bitib. gedirik artıq.

bu söhbətin üstündən sadəcə bir neçə gün keçdi. 17 oktyabr axşamı sənanın halı pisləşdi. qızdırma, halsızlıq, baş ağrısı tutdu. göndərdilər tibb məntəqəsinə. 18-i qızdırması düşmür deyə hospitala yönləndirdilər. hospitala gedəndə tibb məntəqəsində olan bir əsgər yoldaşımızla zarafatlaşıblar. bir-birinin yatağını dağıdıblar. sənan deyib ki, bu dəfə sən yığışdır qayıdanda mən yığışdıraram. bu sənanın bizə dediyi son şey oldu. 19 oktyabr 2018-ci il, gecə saat 02:30-da "yayılmış vaskulit" diaqnozu ilə vəfat elədi.
gecə saat 05:00-da xidmətə getmək üçün bizi oyatdılar. kazarmaya baxanda nəyinsə yerində olmadığını anlamışdım. içəri zabit-gizir qaynıyırdı. taqım komandirimiz bizi düzdü və dedi ki, sənan ölüb. "rəhmətə gedib", "vəfat edib" yox birbaşa "ölüb". bunu deyəndə bir qulağımda taqım komandirimin "sənan ölüb" sözləri, o biri qulağımda da sənanın "mənə elə gəlir ki, çıxıb gedə bilməyəcəm burdan. burda qalacam əbədi." sözləri səsləndi. gecə 5-də ağlamağa başlyan mən bir də axşam xidmətdən sonra dayanmışdım. normalda siqaret həvəskarı olmadığım halda həmin gecə 4 ya 5 siqaret çəkmişdim. elə ömrümdə ilk siqaretdi də sənanla çəkmişdim.
demişdilər ki, anası hospitala gəlib bölük komandirinin üstünə qışqırıb ki, balama neynəmisiz? nə bilim əşi. çəkiləsi dərd deyil. theoden demiş heç bir valideyn övladını dəfn eləməməlidi.

rules of engagement

hərbçilərə döyüş şəraitində necə davranacaqlarını göstərən direktivlər. rules of engagement özlüyündə cenevrə konvensiyası kimi beynəlxalq sənədlərə, razılaşmalara əsaslanır. ancaq müvafiq sənəd və razılaşmaları pozmadan ölkələr öz roe-lərini təyin edə bilirlər. roe bəzən hərbi sirr də sayıla bilir.
rules of engagement-ə daxil olan bəzi qaydalar: təyyarədən katapult etmiş və havada paraşütlə süzülən pilota atəş açmaq olmaz. hərbçilər öldüyündən əmin olduqları cəsədə atəş aşa bilməzlər. döyüşdə iştirak edən tərəflər mütləq hərbi forma və müvafiq işarələr (şevron, bant və s.) daşımalıdılar, cas ( close air support) çağırmaq üçün hərbçilər hədəfdən müəyyən uzaqlıqda (yaxınlıqda) olmaldılar, düşmən atəş açmadan atəş açmaq olmaz və s.
yuxarıda yazdığım kimi bunlardan bəziləri sənədləri pozmadığı müddətcə dəyişdirilə bilir. ölüyə atəş açmaq müharibə cinayəti sayıldığından dəyişə bilməz. 2017-ci ildə trump əfqanıstandakı dəniz piyadalarına tətbiq olunan "düşmən atəş açmadan atəş açmaq olmaz" qaydasını ləğv etmişdi.