serdar orçin

tək-tük səviyyəli türk aktyorlarından biri. ssenaristdir həmçinin. behzat ç serialının (75-96)-cı bölümlərində (doktor barbaros) personajını, zeki demirkubuzun albert camusnün "yad" əsərindən ilhamlanaraq çəkdiyi yazgı (2001) filmində əsərin baş qəhrəmanı olan meursault personajını canlandırmışdır.

hemşinlilər

əsasən Türkiyənin şimal-şərqindəki Qara dəniz sahillərində, eləcə də Qafqazda və Rusiyanın müxtəlif bölgələrində yaşayan, özünəməxsus mədəniyyəti və mənşəyi olan unikal bir icmadır. Onların tarixi təxminən VIII əsrin sonlarına gedib çıxır. belə ki, ərəb yürüşlərindən qaçan knyaz Hamam Amatuninin başçılığı ilə erməni əhalisi Pont dağları ərazisinə köç edərək burada Hamamşen, yəni zamanla tanınan adı ilə Hemşin yaşayış məskənini salıblar.

XVI-XVIII əsrlərdə Osmanlı imperiyasının təsiri ilə bölgədəki hemşinlilərin böyük bir hissəsi islamın Sünni məzhəbini qəbul edib, dinini dəyişməyən xristian qrup isə Gürcüstan və Abxaziya tərəfə miqrasiya edib. Bu gün hemşinlilər coğrafiya və dil baxımından üç əsas qrupa bölünür: Rizenin Çamlıhemşin tərəfində yaşayan müsəlman Qərb hemşinliləri gündəlikdə türk dilinin yerli şivəsində danışırlar, Artvinin Hopa və Borçka rayonlarındakı Şərq hemşinliləri müsəlmandır və erməni dilinin qədim dialekti sayılan Homşetsi dilini qoruyub saxlayırlar, Krasnodar və Abxaziyada yaşayan Şimal hemşinliləri isə xristiandır. Homşetsi dialekti əsrlər boyu qapalı mühitdə inkişaf etdiyi üçün içində bolca türk, laz, gürcü və yunan sözləri saxlayır.

Tarixən dağlıq kəndlərdə yaylaqçılıq, heyvandarlıq və arıçılıqla dolanan bu camaat XIX əsrin sonlarından etibarən Rusiya və Osmanlı şəhərlərinə yollanaraq xüsusilə çörəkçilik və şirniyyatçılıq ustalıqları ilə ad çıxarıblar.

Kimlik məsələsinə gəldikdə isə, müsəlman hemşinlilərin böyük çoğunluğu özünü Türk mədəniyyətinin ayrılmaz parçası sayır, xristian hemşinlilər isə özlərini erməni kökənli hesab edirlər.

körpünün o tayı

2023-cü ildə itvdə yayımlanan komediya, dram janrında olan emil quliyevin bədii serialı. ümumilikdə 8 seriyadan ibarətdir. 2022-ci ildə çəkilən körpü serialının davamıdır. serialda the half qrupunun tracklərindən də istifadə olunub* ən çox xoşuma gələn nüanslardan biri də bu oldu . ancaq təəssüflər olsun ki, serialın bu mövsümü birinci mövsüm qədər reytinq qazanmadı. şəxsən deyə bilərəm ki, bu mövsüm əvvəlkindən daha maraqlı idi. kiçik büdcəli seriallar kateqoriyasına daxil olsa da çəkilişlərə və s. söz ola bilməz. yəni sözüm budur ki, yaxşı bir ekran işi ərsəyə gətirmək üçün milyonlarla manat yox, güclü ssenari, vizyon sahibi bir rejissor və işini sevən komanda kifayətdir. baş rollarda: nofəl şahlaroğlu (mamed), amid qasımov (mahir), səmimi fərhad (səməd), elnur hüseynov (süleyman).

qafur rəşad mirzəzadə

Azərbaycanda ilk coğrafiya dərsliklərinin yazılmasında, təhsilin inkişafında, uşaqların təhsilə cəlb olunmasında xüsusi əməyi olmuş coğrafiyaşünas-maarifçi. "qafqaz coğrafiyası", "ümumi coğrafiya", "ibtidai coğrafiya", "coğrafiya terminləri lüğəti", "ssri-nin iqtisadi coğrafiyası" və digər əsərləri də var. tolstoyun “insana çoxmu torpaq lazımdır?”, “Baha oturur”, “Barmaq boyda uşaq”, “Dövlətli sərçə və dişli siçan”, “Bir-birinə məhəbbət ediniz” və P.N.Polevoyun “iki yol, iki yoldaş” əsərlərini Azərbaycan dilinə tərcümə etmişdir. onun uşaq ədəbiyyatının inkişafında da xidmətləri olub. o, əbdürrəhman tofiq əfəndizadə ilə birlikdə azərbaycanda "məktəb" adlı ikinci uşaq jurnalının və eyniadlı mətbəənin təsisçisi olub. bu jurnal xalq cümhuriyyəti dövründə uşaqlaırn milli müstəqillik və dövlətçilik ruhunda tərbiyəsində müsbət rol oynayıb. hətta inqilabdan əvvəl azəri dilinin qrammatikasını dərslik kimi işləyənlərdən biri də qafur rəşad olmuşdur. Sovet hakimiyyəti illərində Azərbaycan Dövlət Universitetində, Zaqafqaziya Pambıqçılıq institutunda, Sənaye Akademiyasında, Sənaye institutunda, Azərbaycan Dövlət Elmi Tədqiqat institutunda işləmişdir.

mənbə:
https://www.preslib.az/az/book/8pMkSo1YqBOVs9C

axınla aşağı

2014-cü ildə çəkilmiş azərbaycan filmi. ata-oğul münasibətlərini ələ alır. oğul avarçəkmə ilə məşğul olur, atası isə onun müəllimidir. daha sonra filmdə bir çox hadisə cərəyan edir, spoiler vermək istəmirəm. baş rolda tanınmış aktrisamız mehriban zəki də var. mən bunu niyəsə manchester by the sea filminə bənzədirəm. sanki oxşarlıq var bu iki film arasında. manchester by the sea 2016-cı ildə çəkilib, axınla aşağı isə 2014-cü ildə. uzun sözün qısası manchester by the seadən əvvəl bizim axınla aşağımız var idi.