xoşbəxtlik

oxaaay deyə bildiyiniz andır xoşbəxtlik. evdemonistlərin müzakirələrinə * yəni ki savad var məndə * swh girməyə ehtiyac yoxdur, dediyim kimi oxaaay deyə bilirsənsə xoşbəxtsəm canım. baa bügün çox gərgin bir gün idi mənim üçün. o elidorun, yoxsa clearin reklamı varee qız saçının yağlanmağını göstərmək üçün gününü video ilə təsvir edir. gün ərzində maşın yolundan keçmək, şəhərin maçınlarının siqnal səsi, iş ortamı, əlində veş-vüşlə harasa getmək, qısası qaça-qaçda olmaq bax o qız kimi günüm keçib bugün. ora qaçmışam, bura qaçmışam, isti bir yandan, tərləmişəm və nəhayət biraz var evə gəlmişəm. dünyanın yükünü gəzdirdiyim bayıra geyindiyim əyinbaşımı çıxartdım əynimdəm, çox rahat olan ev paltarlarımı geyindim, yeriməkdən şişən ayaqlarımı soyuq suda yudum. indi oturmuşam özümçün, ayaqlarımı da uzatmışam tək funksiyası bunun üçün olan stula. dizimdə notebookum, yanımda buz kimi lipton icetea, siqaret, pink floyd'un "shine on you crazy diamond" sədaları altında sözlükləri * ekşi ilə onun klonu olan sizin sözlüyü oxuyuram. və sonda bir daha bunu deyirəm `oxaaaay`....

umbaylama

umbayın etdiyi hər bir hərəkət. yəni mənim. zira hazırda umbayam. ilahi, bu adın ağırlığına baxginən sən ki, nəfəs almağım belə umbaylıq sayılır. çünki umbayam. yaxşı, şitdiyi bitirib bir dənə umbaylamanı qeyd edim burada. məsələn virtual məkanda, profil yiyəsinin qız olduğunu bilə-bilə ona `qaqaş` deyə müraciət etmək. bunu yazan umbay onu demək istəyir ki, `ətəğa, səniynən elədiyim söhbətdə padxod yoxdur. inan səmimiyyətimə zad`. həm də bununla belə deyək, yeni bir tema açmaq istəyir. gözləyir ki qız desin `aaa mən qız deyiləm` və beləcə tema açılsın.
karoçe bu umbaya deyin ki bu temalar köhnəlib. * swh

futbol sevən qızlar

futbol sevməyən, yox olmadı, belə deyim onda, futbola çox nadir baxıb, elə də başı çıxmayan qızla müqayisədə offsaydda qalan qızlardır. niyə? deyək ki dünya çempionatının finalıdır. sən baxırsan, o da sırf sən baxırsan deyə futbola baxır. səninlə bir yerdə olmaq üçün. sənin tutduğum komandadan çox sənə balet edir. bir gözü televizorda bir gözü də səndədir. hər moment olanda sənin reaksiyana baxır ki, məmnunsan durumdan ya yox. çünki onun dərdi səni şad, xürrəm görməkdir. səni gərgin, üzgün görmək istəmir. bu nigarançılıq sənə ləzzət edir. biraz da özünü artistliyə qoyub daha da gərgin göstərirsən özünü. əlini stola çırpmaq zad. çünki hər bir erkək kimi dişinin qayğısından, sənin qeydinə qalmağından xoşun gəlir. beləcə, bu gözəl varlıq sənin komandan qol vura bilmədiyində səninlə birgə heyfislənir. heyfislənməyini izhar edir . başa düşmədiyi anlar olanda saf-saf suallar verir və sən də ona başa salırsan. məsələn 90 dəqiqə bitdi, oyun sıfır sıfırdır, uzatma oynanılacaq. o həyacanla səndən soruşur ki `nə oldu?! uddular ya uduzdular?!`. ulan, bu sualı, sualı verərkən o üzdəki məsumluğu, uşaq marağını min dənə futbol sevən qızın çoxbilmiş simasına dəyişmərəm.
sözün kısası futbol bahane sevib sevilmək şahane * swh