laetrile

amygdalinin yarımsintetik törəməsi. Adı "laevorotatory" və "mandelonitrile" sözlərinin birləşməsindən * mandelonitrilin funksional qrupunun solda yerləşməsini göstərir əmələ gəlmişdir.
B17 vitamini adlandırılmasına baxmayaraq bir vitamin deyil. Xərçəng xəstəliyinin müalicəsi olduğu iddia edilir, lakin bu günə kimi heyvanlar üzərində aparılmış heç bir klinik eksperimentdə iddialar öz əksini tapmayıb. 1950-ci illərdə intravenoz məhlul şəklində buraxılsa da, sonradan intramuskulyar və oral yolla istifadəsi mümkün olmuşdur.
istifadəsi meksikada daha geniş yayılmışdır, lakin FDA tərəfindən təsdiq olunmamışdır. Buna səbəb toksik bir maddə olması və əlavə təsirlərinin çox olmasıdır.

amygdalin

Yanlış olaraq xərçəng müalicəsində istifadəsiylə tanınan kimyəvi maddə. Ərik, badam, alma, şaftalı, gavalı kimi meyvələrinin çəyirdəklərində olur. B17 vitamini adlandırılsa da, vitamin olmaqla uzaqdan-yaxından əlaqəsi yoxdur. Əksinə toksik bir maddədir. Orqanizmdə parçalandıqda sianid turşusu əmələ gətirir. Bu da toksik maddə olduğu üçün orqanizmdə sianid zəhərlənməsi vaş verir.
1950-ci illərdə laetrile adlanan yarımsintetik analoqu intravenoz məhlul şəkildə xərçəngin müalicəsində istifadəyə başlanır. Lakin indinin özündə də heyvanlar üzərində aparılan təcrübələr göstərir ki, laetrile-in heç bir klinik effekti yoxdur.

chivas regal effect

Alınan məhsul nə qədər bahalı olarsa, keyfiyyətinin bir o qədər yüksək olduğunun düşünülməsi.
Bu adı alması chivas regal viskisinin tarixi ilə əlaqədardır. Satışların az olması səbəbi ilə markanın sahibləri viskinin tərkibini və keyfiyyətini dəyişmədən qiymətini 2 dəfə qaldırırlar. Və nəticə olaraq viskinin satışı artmağa başlayır.
Bir başqa misal olaraq 1950-ci illərdəki coca cola və pepsi rəqabətini göstərmək olar. Həmin illərdə pepsinin qiyməti coca colanın qiymətinin yarısı olduğu halda satışı daha az idi, lakin qiymət artımından sonra pepsinin satışlarında artım müşahidə edildi.
Günümüzdə marketinqlə yanaşı təhsil sahəsində də istifadəsi xeyli yüksəkdir. Belə ki, tələbələr və valideynlər tərəfindən təhsil müəssisəsinin illik təhsil haqqı nə qədər yüksəkdirsə, o qədər keyfiyyətli tədris verdiyi ehtimal olunur.

katsushika hokusai

Yapon ukiyo-e ustası rəssam. 30000-ə yaxın rəsm əsəri olan hokusai 30 dəfə adını, 93 dəfə yaşadığı yeri dəyişdirmişdir. Adını hər dəfə dəyişdirməsi üslubunda olan dəyişikliyi bildirir. Evini isə natəmizlikdən yaşanılmayacaq vəziyyətə düşdükcə dəyişirdi.
Hokusainin doğum tarixi tam dəqiq bilinməməklə birlikdə 1760-cı ildə olduğu güman edilir. 6 yaşında atasının yanında işləməyə başlayır. 14 yaşından Katsukawa Shunshōnun məktəbinə daxil olana kimi 4 il taxta oymacısı işləyir.
Əsas məşhurlaşmağa başladığı vaxtlar isə 19-cu əsrin əvvəlləridir. Hokusai manganın və erotik rəsmlərdən ibarət olan shunga albomunun yaranması da bu illərə təsadüf edir. Ən tanınmış əsərlərindən biri olan The Dream of the Fisherman's Wife rəsmi bu alboma aiddir.
1832-ci ildə ən məşhur əsəri sayılan the great wave off kanawaganın da daxil olduğu Thirty-six Views of Mount Fuji albomunu hazırlamağa başlayır.
Android və appleda olan dalğa emojisinin mənbəyi elə məhz bu rəsmdir.



--sitat--

When I was 50 I had published a universe of designs, but all I have done before the age of 70 is not worth bothering with. At 75, I’ll have learned something of the pattern of nature, of animals, of plants, of trees, birds, fish and insects. When I am 80, you will see real progress. At 90, I shall have cut my way deeply into the mystery of life itself. At 100 I shall be a marvellous artist. At 110, everything I create - a dot, a line - will jump to life as never before.

--sitat--

Bu sözlərin sahibi rəssam heç vaxt 90 yaşını görə bilmir, 1849-cu ildə, 88 yaşında vəfat edir.
Yaşadığı dövrdə rəsmləri satılmadığı üçün həyatını kasıblıq içərisində yaşayır. Ölümündən sonra yaponiyanın ən məşhur sənətkarına çevrilir, vincent van gogh, claude monet kimi rəssamlara ilham mənbəyi olur.


Rəsmlərinin qalanları üçün link

solomon asch conformity experiments

Solomon Aschın uyğunluq eksperimenti insanın qərar verməsinə ətrafın təsirinin nə dərəcədə önəmli olduğunu sübüt edən sosial psixoloji eksperimentdir. 1951 və 1952-ci illərdə aparılan təcrübənin əsas məğzi belədir: Təcrübəyə qatılan bütün şəxslərə bir cüt kart göstərilir. Bu kartlardan birinin üzərində 3 uzunluqda (qısa, orta, uzun) xətt vardır. Digər kartın üzərində isə yalnızca bir xətt mövcuddur. Təcrübədə iştirak edən şəxslərdən tək xətt olan kartın üstündəki xəttin digər kartdakı hansı ölçü ilə eyni olduğu soruşulur. Hər bir şəxsə ayrı-ayrılıqda eyni kartlar göstərilir və cavab verməkləri istənilir. Qatılan şəxslərdən 1-i xaric hamısı aktyor olur. Onlar əvvəlcədən müəyyən olunmuş cavabı verirlər. Təcrübədə ümumilikdə 18 göstərim olur. ilk 2 göstərimdə aktyorlar doğru cavab verərək, əsas şəxsin güvənini qazanır. 3-cü göstərimdə isə hamısı bilərəkdən səhv cavabı verir və əsas qatılımcı ən son cavab verdiyi üçün bütün cavabları eşitmiş olur. Digər 15 göstərimin təsadüfən seçilmiş 11-də aktyorlar səhv cavab verirlər. 12 göstərimin nəticələrinə görə qatılan şəxslərin 75%-i ən azı bir dəfə də olsa qrupdan ayrı düşməmək üçün yanlış cavabı verirlər.
Aktyorlarla eyni qrupda olmayıb, kontrol qrupunda olan şəxslər isə 1% (xəta payı) hallarda səhv cavab vermişdir.
Sözsüz ki, bu eksperiment sosyal psixologiyanın tarixində mühüm yer tutur. Bu təcrübədən ilham alan stanley milgram məşhur milgram experimentini aparmışdır.
Eksperimentdə istifadə olunan kartlar:

öyrənildiyində təəccübləndirən məlumatlar

Dünyada heç bir yaşam izinin rast gəlinmədiyi yerlərin olması.
ABŞ-ın kolorado universitetinin əməkdaşları 2018-ci ildə antraktidanın transantraktik dağlarına ekspedisiya aparır. Bu zaman onlar 11 fərqli sahədən 204 nümunə götürür. Bu nümünələrlə aparılan PCR testi zamanı onların  20%-də heç bir canlılıq əlamətinə rast gəlinmir. Yəni heç bir virus, bakteriya və ya başqa bir canlı mikroorqanizm təyin edilmir. Araşdırmanı aparan Noah Fierer və Nicholas Dragone özü də təəccüblənir və sınaqların aparılışında hansısa səhvin olduğunu düşünür.
Onlar həmçinin nümunələrin alındığı ərazilərin marsın səthinə bənzədiyini qeyd edir. Bu tədqiqat gələcəkdə marsda həyatın tapılmasına rəhbərlik edə bilər.
Ətraflı oxumaq istəyənlər üçün
link

qüsursuz cinayət üçün diqqət ediləsi məqamlar

Bir möhtəşəm plan da Dwight Schrute tərəfindən hazırlanmışdır.
--spoiler--

What is my perfect crime? I break into Tiffany's at midnight. Do I go for the vault? No, I go for the chandelier. It's priceless. As I'm taking it down, a woman catches me. She tells me to stop. It's her father's business. She's Tiffany. I say no. We make love all night. In the morning, the cops come and I escape in one of their uniforms. I tell her to meet me in Mexico, but I go to Canada. I don't trust her. Besides, I like the cold. Thirty years later, I get a postcard. I have a son and he's the chief of police. This is where the story gets interesting. I tell Tiffany to meet me in Paris by the Trocadero. She's been waiting for me all these years. She's never taken another lover. I don't care. I don't show up. I go to Berlin. That's where I stashed the chandelier.

(youtube: )

almond blossom

Vincent Van Goghun yeni doğulmuş qardaşı oğluna hədiyə üçün çəkdiyi rəsm.
Rəsm 1890-cı ildə çəkilir. Çəkilişində yaponların ukiyo-e üslubunun da təsiri olmuşdur. Vincentin digər badam çiçəkləri rəsmlərindən daha fərqli bir üslübda çəkildiyi çox barizdir. * Digərləri dedikdə 2 il əvvəl çəkilən bir qrup badam çiçəyi rəsmlərini nəzərdə tuturam
Vincent onları ümidin, xoşbəxtliyin gətiricisi kimi görürdü və yaz başlamadan onları rəsm etməyə çalışırdı. Buna görə də balaca vincent üçün * uşağın adı da vincent olub ideal bir hədiyə idi.
Onun bu rəsmi də digər rəsmləri kimi ətrafındakı insanlar tərəfindən bəyənilmir. Lakin qardaşı theo və onun yoldaşı johanna rəsmi bəyəndiklərini bildirirlər və oğullarının yataq otağındakı divardan asırlar. Vincent və theonun ölümündən sonra johanna bəzi rəsmləri satsa da, bu rəsmə heç vaxt toxunmur. 1973-cü ildə van gogh muzeyinə təhvil verilir.

Bir də arts&culture linki qoyuram, orada daha möhtəşəm görünür -*
link

maneki-neko

Yapon mədəniyyətində bolluq, bərəkət, şans gətirdiyinə inanılan pişik fiquru. Bu fiqurlar yaponiyada * həmçinin çində dükanların, restoranların girişinə yaxın yerləşdirilir.
Fərqli rənglərdə, ölçülərdə ola bilir. Əsasən, 3 ana rəngdən ibarətdir. Fiqurlardakı pişiklərin sağ və ya sol əli yuxarı qalxmış olur.

Maneki-neko sözünün tərcüməsi "çağıran pişik" mənasını verir. Bunun yaranması ilə bağlı bir neçə rəvayət var. Bunlardan biri, bir samurayla bağlıdır. Rəvayətdə sığınacaqda sahibi ilə bir yerdə yaşayan pişikdən danışılır. Bu pişik fırtınalı bir gündə ova çıxan samurayı əlini qaldıraraq sanki öz yanına çağırır. Samuray da onun çağırışına cavab olaraq yanına gedir. O, dayandığı yerdən ayrıldığı anda oraya ildırım düşür. Bu hadisədən sonra samuray minnətdarlığını bildirmək üçün ölənə kimi sığınacağın qoruyucusu olur. Ölümündən sonra isə məzarı üzərində pişiyin heykəli qoyulur.

novak djokovic

Bu gün fransa açığı * roland garros 5 il aradan sonra qazanan tennisçi. Bu qalibiyyətilə açıq erada * 1968-dən bu yana olan dövr bütün slamları iki dəfə qazanan tək tennisçi oldu. roger federer və rafael nadal ilə arasındakı grand slam çempiyonluq fərqini də 1-ə endirdi. ilin geri qalanında 2 grand slam olduğunu və novakın favorit turnirləri olduğunu nəzərə alsaq, il ərzində onları keçmə ehtimalı heç də az deyil.
Edit: wimbledonu qazandı, qaldı us open.
2 gün gecikmiş edit: us opendə finalda uduzdu.

caspar david friedrich

1774-1840-cı illərdə yaşamış alman rəssam. Romantizm cərəyanının nümayəndələrindən biri sayılır, mənzərə (peyzaj) şəkilləri ilə tanınır.
melanxolik bir xarakterə sahib olmuşdur. bunun səbəbi də uşaq vaxtlarından üzləşdiyi ölümlərdir. 7 yaşındaykən anasını, bir neçə il arayla 2 bacısı və 1 qardaşını itirmişdir. Bunlardan ən dramatik olanı və əsərlərinə ən çox təsiri olduğu düşünüləni qardaşının ölümüdür. Qardaşı onu suda boğulmaqdan xilas edərkən özü qurtula bilməmişdir.
Rəsm çəkməyə erkən yaşlardan həvəsi olan David 1790-cı ildə özəl dərslər almağa başlayır. Elə bu dərslər onda mənzərə şəkillərinə qarşı maraq yaradır. Daha sonra kopenhag akademiyasına qəbul olur və 1798-ci ildə drezdenə köçənə kimi burada təhsil alır.
ilk vacib rəsm əsəri cross in the mountains əsəridir:

Bundan sonra o, drezden sənət akademiyasına üzv seçilir və yardımçı professor vəzifəsinə qədər çıxır.
Ən məşhur əsəri sayılan wanderer above the sea of fog rəsmini də bu dövrdə tamamlayır:

Lakin 1820-ci illərdə romantizmin məşhurluğunun azalmağıyla əlaqədar əsərlərinə qarşı maraq da azalır.
1835-ci ildə isə artıq psixoloji problemləri yaranmağa başlayır, yoldaşının ona xəyanət etdiyini düşünür və həmin il beyin qanaxması keçirir. Həmin vaxtdan ölümünə kimi rəsm çəkə bilmir. The stage of life əsəri də son rəsmlərindən biridir:

Digər tanınmış rəsmləri:

joan miro

1893-cü ildə barselonada anadan olmuş sürrealist rəssam, heykəltəraş.
Mironun kiçik yaşlarından rəsmə həvəsi olsa da, ailəsinin təzyiqi ilə işləməyə başlamış, lakin daha sonralar psixi problemləri yarandığından işləməyi dayandırıb barselonada sənət məktəbində oxumağa başlamışdır. ilk sərgisini 1918-ci ildə açmış, lakin bu sərgi çox da uğurlu olmamış, ətrafındakılar tərəfindən rəsmləri lağa qoyulmuşdur.
1920-ci ildə Parisə köçmüş, Picasso ilə tanış olmuşdur. Həyatının sonrakı dövründə də ispanya və fransada yaşamışdır.
Əsərlərinə həsr olunmuş muzeyin biri barselonada, digəri isə palma de mallorca şəhərində yerləşir.
Bəzi rəsmləri