Son yazılanlar
|
9. nəsil
yazar entry: 70 reytinq: 445 karma: 0 izləyən: 19 oxunma: 103,779 sifariş sayı: 7 wiki entry: 7 |
Çingiz aytmatovun ana tarla (erkən gələn durnalar) əsərində belə bir tərifi olan məfhum:
Yeri gəlmişkən, mənim anladığım həqiqi xoşbəxtliyin bir təsadüf nəticəsində olmadığını, yaz yağışı kimi birdən-birə başımıza göydən düşmədiyini deməliyəm. Həqiqi xoşbəxtlik yavaş-yavaş, hissə-hissə yığılır və həyata baxış açımızla, ətrafımızdakılarla, ərtafımızdakılara olan davranışımızla bilavasitə əlaqəlidir. Xoşbəxtlik bir-birini tamamlayan kiçik şeylərin toplanmasından yaranır. *
Seriallarda əsas obrazlar ətrafında çəkilən, mümkün olduğunca az hazırlıq tələb edən bölümlərdir. Tək məkanda, mümkün qədər az aktyor, pul, effekt istifadə edilərək çəkildiyindən, əsasən, obrazlara çoxlu dialoq və monoloqlar yazılır. Səbəb isə çox vaxt maliyyə defisiti ilə əlaqəlidir. Bəzən isə sonrakı bölüm senarisinin təsdiqlənməməsi ilə.
Bəzi seriallardan nümunələr:
(bax: Doctor who) - "Heaven sent"
(bax: Seinfeld) - "The Chinese Restaurant"
(bax: Breaking bad) - "Fly"
(bax: Friends) - "The one where no one's ready"
(bax: Brooklyn nine nine) - "The box"
Oxşar qaydada çəkilən filmlər üçün:
(bax: Chamber play)
1934 doğumlu, əsasən şimpanzelər üzərində apardığı təqdiqatları ilə tanınan ingilis antropoloq, primatoloq.
Jane-in şimpanzelərə olan marağı atasının uşaqkən aldığı bir oyuncaq sayəsində yaranır.
Özünün dediyinə görə, afrikaya gedib orada yaşamaq, heyvanların həyatını gözləmləmək uşaqlıq vaxtlarından xəyalı olub. 18 yaşından sonra maddi səbəblərə görə təhsil həyatını bitirmək məcburiyyətində qalır. Daha sonra afrikada yaşayan bir dostu onu keniyaya dəvət edir, amma yenə maddiyyata görə istəyi gecikir. Bir müddət * ofisiant işləyib pul yığdıqdan sonra gedə bilir. Keniyada arxeoloq louis leakey ilə tanış olur və onun şəxsi köməkçisi kimi işləməyə başlayır. Daha sonra leakeyin təklifi ilə tanganika gölü * ətrafındakı şimpanzeləri gözləmləməyə başlayır. Buradan daha əvvəllər alınmayan bəzi nəticələr ortaya çıxır. Məsələn şimpanzelərin də insanlar kimi duyğuları, şəxsiyyətləri olduğu, qısqanclıq hissinə malik olduqları və hətta alət hazırlaya bilmə bacarığına sahib olmaqları. *
Gombe-dəki araşdırmalarından sonra daha da tanınır hala gələn jane heç bir təhsili olmamasına baxmayaraq kembric universiteti tərəfindən doktorant olaraq qəbul edilir. Bu hadisədən sonra national geographic gombe-dəki həyatını sənədli film halına salmaq istəyir. Və sonralar filmin rejissoru və fotoqrafı olan Hugo van Lawick ilə evlənirlər.
1977-də vəhşi həyatı və ətraf mühiti qorumaq üçün jane goodall institute-u, 1991-də isə roots&shoots-u qurur. Həmçinin 2002-dən bəridir BMT-in sülhməramlı səfiridir.
sifarişi verən: haumea
1966-dan bəridir acm * tərəfindən alan turingin adına verilən və kompüter elmlərinin nobeli olaraq da bilinən mükafat.
Web saytı amturing.acm.org 
illər üzrə qaliblərin siyahısı
Robert louis stevenson tərəfindən yazılan, 1886-da nəşr olunmuş novella. Yayımlandığı dövrdə çox məhşur olan əsərin əsli 141 səhifədən ibarətdir. Janrını psixoloji-gərilim, qorxu və sci-fi kimi dəyərləndirmək olar.
Bundan sonrasında spoiler var.
--spoiler--
Əsər əslində çox sadə dillə yazılıb. Hətta bu bəsitliyin məni bir az xəyal qırıqlığına uğratdığını da deyə bilərəm.
Hekayə henry jekyll-ın vəkili olan mr. Utterson üzərindən nəql edilir. Əsas məğzi insanın içərisindəki pis və yaxşı tərəflərin qarşıdurmasını anlatmaqdan ibarətdir. Və necə olub da yaxşı bir insanın içindəki qaranlıq və pis arzulara qarşı uduzduğunu. Henry jekyll cəmiyyətin fikrini o dərəcədə önəmsəyən biri idi ki, öz zövqlərini həmişə basdırmağa və ətrafından gizləməyə çalışırdı. Və buna görə də istənilən an başqa birinə dönüşüb həmin zövqlərini yaşaya bilməsi üçün özünə bir qarışıq (dərman) hazırlayır. Lakin sonralar hadisələr gözlənildiyi kimi getmir və dr. Jekyll digər şəxsiyyəti olan mr. Hyde üzərində olan idarəsini itirir. Elə əsərin ən çarpıcı və fikrimcə, ən gözəl hissəsi də henry jekyll-ın buna açıqlıq gətirdiyi hissəsi idi. Necə günbəgün öz kimliyini itirərək edward hyde-a çevrildiyi, əvvəllər sadəcə edward hyde olmaq üçün içdiyi qarışığı, indi henry jekyll olmaq üçün içməsi.
Ama en kötü insanın bile kışkırtmaların arasında belli bir sarsılmazlıkla yürümeye devam ettiği sırada başvurduğu dengeleyici içgüdüleri ben gönüllü olarak üzerimden sıyırıp atmıştım ve benim durumumda kışkırtılmak, ne kadar hafif olursa olsun devrilmek demekti. *
Əsər ilə əlaqəli maraqlı faktlardan biri də Stevensonun onu yazarkən haradan ilhamlandığı ilə əlaqədardır. iddialardan biri gördüyü yuxunun səbəb olduğudur. Digəri isə özündən 1 əsr əvvəl yaşamış olan deacon william brodie-nin həyat hekəyəsidir. Deməli, deacon brodie həmin dövr ingiltərəninin güvənilən, məşhur ustalarından biri olur. Bir müddətdən sonra o gecə təmir üçün girdiyi evlərdən oğurluq eləməyə başlayır və 18 ay müddətində davam elətdirir. Yaxşı bir insan olaraq tanınan brodie-nin gecələr oğurluqla məşğul olması stevenson-ın yaratdığı obrazların hərəkətləri ilə oxşarlığı bu iddianı dəstəkləyir.
--spoiler--
Əsərin səhnədə, televiziya və sinematoqrafiyada bir çox uyarlaması olub. Sadəcə film olaraq dəfələrlə çəkilib. 1931-ci ildə Rouben Mamoulian rejissorluğunda çəkilən filmi 1 oscar qazanıb.
Sabahkı ilk tur oyunları ilə başlayıb, ayın 30-u yekunlaşacaq turnir. Kişilərdən roger federer və skandal hadisələr silsiləsindən sonra ölkədən deportasiya olunan novak djokovic qatılmayacaq. Könlüm nadalın qazanmasından yana olsa da, yarı finaldan o tərəfini görə biləcəyini sanmıram. Qalibin daniil medvedev və alexander zverev ikilisindən biri olacağını düşünürəm.
3-cü günün ardından rapid qolunun çempiyonu 17 yaşlı özbək nodirbek abdusattorov oldu. Turnirin sonu həmişəkindən bir az fərqli oynandı. Bütün turlar bitəndən sonra 4 oyunçunun, yəni nodirbek abdusattorov, ian nepomniachtchi, magnus carlsen və fabiano caruananın 9,5 xalı var idi. Averajlar hesablanandan sonra * nodirbeklə ianın averajı daha yüksək olduğundan ikisi tək bir blitz oyunu oynadı. Oyun sonu bir neçə dəfə matı qaçırmış olsa da qazanan nodirbek oldu. Düzü, nodirbekin qazanmasına sevindim, yeni bir wonderkidin yükləşini görmüş olacağıq. Zatən özündən sonrakı 3 yerin sahibinə qarşı olan oyunları qazanmışdı.
ianın qazana bilməməsinə isə ayrı sevindim. Axırıncı turda fabianoyla olan qarşılaşmalarında 6 gedişdə bərabərlik elan edib, yarım xal qazandılar. Hazıra yatmaq istədi və alınmadı.
Edit: blitz qolunun qalibi isə fransız gm Maxime Vachier-Lagrave oldu.
25 dekabrdakı açılışdan sonra bu gün saat 18:00 etibari ilə başlamış turnir. Çempionat 31 dekabra qədər davam edəcək. 26-28 dekabr tarixlərində rapid, 29-30 dekabrda isə blitz üzrə oyunlar gedəcək. hər iki qol üzrə kişilərdə son çempiyon magnus carlsendir.
Gülmənin orqanizm üzərindəki fizioloji və psixoloji təsirlərini öyrənən elm.
Adının mənşəyi yunan dilində "gülüş, qəhqəhə" mənasına gələn "gelo, gelos, gelao, geloto" sözlərindəndir.
Daha ətraflı məlumat üçün:
(bax: gülməkdən ölmək)
Kimyəvi adı difenhidramin olan antihistamin maddə.
Dimedrol 1-ci nəsil antihistaminlərə aiddir. Yəni mərkəzi sinir sisteminə təsir edir, əlavə təsirləri daha çoxdur.
Güclü antihistamin, hipotenziv, sedativ, qusma və parkinsonizməleyhinə təsirləri var.
Anafilaktik şok, övrə, kvinke ödemi, dermatozlar, meyner xəstəliyi istifadə təyinatına aiddir. Lakin ölkəmizdə ən çox dərman preparatlarının təsiri ilə əlaqədar allergik reaksiyaların qarşısının alınması məqsədilə istifadə olunur. Və təbii ki də, smesin tərkibində.
10mg/ml dozada 1 ml ampulalar və 50 mg tabletlər şəklində buraxılır. Ampulalar əzələdaxili və venadaxili, maksimal gündəlik dozası 15 ml (birdəfəlik maksimal doza 5 ml) olmaqla istifadə oluna bilir. Qıcıqlandırıcı xüsusiyyətinə görə dərialtı yeridilməsi tövsiyə olunmur.
Mərkəzi sinir sisteminə təsir etdiyi üçün yuxu gətirmə, baş gicəllənməsi, ümumi zəiflik, baş ağrısı kimi nevroloji təsirləri var. Bundan əlavə, qəbul edən şəxsdən asılı olaraq ağız boşluğunda keyimə, dispeptik pozğunluqlar, arterial təzyiqin enməsi, yuxarı tənəffüs yollarında quruluq kimi əlavə təsirləri ola bilər.
Oxford English Dictionary tərəfindən 2021-ci il üçün "word of the year" seçilən söz.
"Word of the year" həmin il üçün ən çox istifadə olunan sözlərdən olur. Vax da bu sözlərdəndir. Oed-nin verdiyi məlumata görə, vax-ın istifadəsi keçən ilə nisbətən 72 dəfə artmışdır. 2021-də ən çox double-vaxxed, unvaxxed, anti-vaxxer kimi istifadə olunub.
OED-nin keçmiş illər üçün seçdiyi sözlər isə bunlardır: *
Eradan əvvəl 5-ci əsrdə Afinada yaranmış, günümüzdəki cancel culture-ın əsasını təşkil edən sistem.
Ostracismin tətbiqi nəticəsində yunanıstanda dövlət üçün təhlükəli sayıla biləcək şəxslər sürgün edilirdi.
Prosedur ildə bir dəfə səsvermə üsulu ilə həyata keçirilirdi. Səsvermədə iştirak edən şəxslərin sayı minimum 6000 nəfər * olmalı idi. Səs verilən şəxsin adı ostrakon adlanan keramik parçasının üstünə cızılır, ən çox adı yazılan şəxsin 10 il müddətində attika bölgəsinə girişi qadağan olunurdu. Həmin şəxsə hazırlaşmaq üçün 10 gün müddətində vaxt verilir, evi, mülkiyyəti isə olduğu kimi qalırdı. Əgər sürgün edilən şəxs vaxtından əvvəl qayıtmağa çalışsa, cəzası ölümlə əvəzlənirdi.
Ostracism ilk tətbiq olunduğu vaxtlar ədalətli olsa da, sonradan siyasətin bir parçasına çevrildi. Və eradan əvvəl 5-ci əsrin əvvəllərində ləğv olundu. Onu əvəz edən sistem isə Graphe paranomon oldu.
Bu gün ad günü olan yazar. namı-diğer shazam * bu qədər gec yazmağıma səbəb təbriklərini iki gün qəbul etməyini istəməyimdi *
Tanıdığım üçün şanslı və xoşbəxt hiss etdiyim insanlardan birincisidi. Ümid edirəm gələn il yeni yaşını buradan uzaqlarda qeyd edər *
Qeyd: möhtəşəm musiqi və film zövqünü daha çox göstərsə, minnətdar olaram -*
1962-ci il doğumlu, grammy mükafatlı ingilis bəstəkar. Ən çox james bond filmləri və sherlock üçün bəstələdiyi musiqilərlə tanınır.
Arnoldun ilk bəstəsi 1993-cü ildə çəkilmiş The Young Americans filmi üçün olur. Ona bu işi rejissor dostu Danny Cannon təklif edir.
Bundan sonrakı illərdə Stargate, Last of the Dogmen kimi filmlərin musiqisini də bəstələyir. Və elə stargate filminin rejissoru olan Roland Emmerich-in digər iki filmi: independence day və godzilla üçün də bəstələr edir. Ona grammy mükafatını gətirən elə independence day filminin musiqisi olur:
)))
8 ildən sonra dexter-in davamı olaraq çəkilən showtime serialı. ilk bölümü 7 noyabrda yayımlanacaq. Treylərdən gördüyüm qədəri ilə köhnə kastdan yalnız Jennifer Carpenter iştirak edir. Kaş Yvonne Strahovski də qayıtsa. Çox dexter həvəskarı olmasam da, hətta 3-cü sezondan sonra izləməyi buraxmış olsam da, həvəslə gözləyirəm. Sanki əvvəlki dexterin gərilimli havası olmayacaqmış kimi gəlir. Zatən mənim sevmədiyim cəhəti də bu idi.
ilk bölümün treyleri:
)
Google-un incəsənət əsərlərinin göstərimini etdiyi, tarixi ilə bağlı məlumatları paylaşdığı saytı və tətbiqi.
ilk olaraq, digər incəsənət saytlarından ən üstün cəhəti odur ki, keyfiyyəti düşürmədən şəkilləri böyüdərək hər bir detalını diqqətlicə incələmək olur. Rəsmlərə baxdıqca detallara heyran olmamaq əldə deyil .
Bundan başqa google-un əməkdaşlıq elədiyi muzeyləri street view ilə gəzə bilərsiniz. Hal-hazırda bu muzeylərin sayı azdır, 17 ədəddir. Məsələn, burada starry night-ın da sərgiləndiyi moma-nı * gəzə bilərsiniz *. Burada isə əməkdaşlıq olunan muzeylərin digərlərini tapmaq olar.
Bundan başqa tətbiqdə olan bir sıra funksiyalar:
Saytda yerləşdirilən hazır videoları 360° izləmək üçün yaradılan 360 videos bölümü.
e.ə. 8000-ci ildən indiki günümüzə qədər olan rəsm əsərlərini hər dövrə uyğun ən məşhurdan başlayaraq sıralayan bölüm .
Həmçinin tərkibində olan bütün əsərləri hansı rəngin ağırlıq təşkil görə sıralayan * bölüm
Tarixi hadisələrin, əsərlərin hansının daha əvvəl olduğunu təxmin edə biləcəyiniz what came first bölümü.
Məşhur əsərlərdən yaranan pazlları qura biləcəyiniz puzzle party bölümü.
Rəsm əsərlərini istədiyiniz kimi rəngləyə biləcəyiniz art coloring book bölümü.
Ümumi dünyagörüşünüzü ölçə biləcəyiniz cultural crosswords bölümü.
Hansı əsərin kimə məxsus olduğunu tapa biləcəyiniz visual crosswords bölümü.
Bunlardan başqa tətbiqdən rəssamlar, möcvud olmuş incəsənət cərəyanları, tarixi hadisələr, fiqurlar, coğrafi yerlər haqqında geniş ensiklopedik məlumatlar almaq olar.
Bir zamanların məşhur electro-house dj-i. Get shaky, amnesia, keep on rising kimi hit mahnıları var. Mənim tanışlığım keep in rising ilə olub. Tv-də qulaq asıb, 4-5 il "people vising" * deyə axtarmışdım. uzun bir müddət aldı adını tapmağım.
Bu gün 20 avqustda, 45 yaşında vəfat elədiyini öyrəndim. * ölümünün səbəbi hələ də bilinmir.
Keep on rising üçün:
(bax: nostalgiya hissi verən 2000-li mahnılar)
)
Sözlükdə hazırda yazar olanlardan başqa umbay olubmuş, uçurulmuş və hesabını deaktiv etmiş yazarların entrylərini oxumağı mümkün edən funksiya.
Əvvəlcə sözlükdə olmayan bir başlığı axtarışa veririk və qarşımıza bu görüntü çıxır:
Burada "sözlükdə ətraflı axtarış et" hissəsinə basdıqda, istədiyimiz yazarın adını axtarışa verərək entrynilərini sırayla görə bilirik. Entrynin üzərinə birbaşa basmağınız yox, yeni səhifədə açmağınız məsləhətdir. Birinci halda entry açılmır.
bu sifarişi verən: albert einstein
20-ci əsrdə yaşamış polşa-amerikalı sosial psixoloq. Daha çox qrup üzvlərinin tək bir üzvə olan təsirini ələ alan uyğunluq ekspertmentləri ilə tanınır.
Asch polşa, varşavada yəhudi ailəsində anadan olur. 13 yaşında olarkən ailəsi ilə birlikdə amerikaya köçürlər. Amerikadakı təhsilinə evlərinə yaxın olan orta məktəbdə başlayır. Lakin burada ingilis dilini bilmədiyi üçün çətinlik çəkir və charles dickensin əsərlərini oxumağa başlayır. Daha sonra City College of New York-a bağlı olan townsend harris adına məktəbə daxil olur. Bakalavr təhsilinə City College of New York-da ədəbiyyat və elm fakültələrinin hər ikisində davam edir. 1930-cu ildə kolumbiya universitetində magistr, 1932-ci ildə isə doktorantura dərəcəsini alır.
Əvvəllər antropologiyaya marağı olsa, daha sonra sosial psixologiyaya keçid edir.
Asch müəllimliyə brooklyn kollecində başlayır, daha sonra swarthmore kollecində 19 il işləyir. 1972-1979-cu illərdə pensilvaniya universitetində işləyir. Ölümü 1996-cı ildə pensilvaniyada olur.
işləri
(bax: impression formation)
Asch, insanların digər insanlar haqqında təəssüratlarını necə formalaşdırdığı ilə maraqlanırdı. insanların mürəkkəb quruluşlarına baxmayaraq başqaları haqqında necə asanlıqla təəssürat yarada bildiyini və bu təəssüratları tənzimləyən prinsiplərin olub-olmamasını araşdırırdı. Bu təcrübələrdə təəssürat yaratmağın mürəkkəb təşkil olunmuş bir proses olması, bir xarakteristikaya fərqli şəxslərdə fərqli təəssüratların yaranması, harmoniyanın və ziddiyyətin rolu kimi prinsiplər ortaya çıxdı.
(bax: Prestige suggestion)
1940-cı illərdə ikinci Dünya Müharibəsi nəticəsində Asch və digər sosial psixoloqlar təbliğatla maraqlanırdılar. Onları əsas maraqlandıran bu idi:
insanları inanmaq istədiklərinə necə inandırırsınız?
insanları müharibə üçün özlərini qurban verməli olduqlarına necə inandırırsınız?
Psixoloqlar müəllifin nüfuzu nə qədər çox olarsa, insanların onlara inanma ehtimalının da o qədər yüksək olduğunu düşünürdülər. Aschdan əvvəl bir çox sosial psixoloq bu fenomeni araşdırmışdı. Ancaq Asch bir çoxu ilə razılaşmadı və şərhlərini tənqid etdi. Asch-ın irəli sürdüyü fikir isə bu idi:
Mesajın mənası müəllifin kim olduğu ilə əlaqəli olaraq dəyişir, lakin burda əsas yeri müəllifin nüfüsu yox, verilən mesajın onun şəxsiyyəti ilə əlaqəsi tutur.
Əsas tanınırlığı uyğunluq təcrübəsi ilədir, hansı ki bu eksperiment milgram experimentin aparılması üçün əsas olmuşdur.
(bax: Solomon asch conformity experiments)
amygdalinin yarımsintetik törəməsi. Adı "laevorotatory" və "mandelonitrile" sözlərinin birləşməsindən * əmələ gəlmişdir.
B17 vitamini adlandırılmasına baxmayaraq bir vitamin deyil. Xərçəng xəstəliyinin müalicəsi olduğu iddia edilir, lakin bu günə kimi heyvanlar üzərində aparılmış heç bir klinik eksperimentdə iddialar öz əksini tapmayıb. 1950-ci illərdə intravenoz məhlul şəklində buraxılsa da, sonradan intramuskulyar və oral yolla istifadəsi mümkün olmuşdur.
istifadəsi meksikada daha geniş yayılmışdır, lakin FDA tərəfindən təsdiq olunmamışdır. Buna səbəb toksik bir maddə olması və əlavə təsirlərinin çox olmasıdır.
Son bəyənilənlər
